午間衝動非髀不愛 ﹗

奧志雷等級4 2016-04-19

232 瀏覽

今日好熱好猛太陽呢，一到 lunch 就煩惱食咩好，行過見有位坐，是但啦。好采君旺冷氣夠強勁，舒舒服服嘆個燒味飯先。依家已經食到唔洗出聲師傅都知我非髀不愛喇 ﹗後生仔，今日食咩髀呀？依家連師父都認得我喇，次次唔係食雞髀就鵝髀呀。唔知點解今日燒肉雞飯係大熱呀，短短坐左三分鐘已聽到差不多廿個 order 喇，利害 ﹗非常專一地永遠切雞髀做膽，君旺油雞髀及燒雞髀供應架，但我始終覺得鹽焗切雞髀最好味 ﹗油雞太咸、燒雞太乾又太甜呢。我覺得君旺除切雞、叉燒外，燒肉、燻蹄、燒鵝都同樣好味 ﹗幫襯左幾年，仲未有機會試佢地既蒸餸飯，見到有蒸魚、肉餅、排骨、等等，早餐仲有粥同炒粉麵添。感冒照食雞，我都唔信街坊師拉話傷風唔食得雞，食係最緊要 ﹗而且我係鬼佬黎麻。何解君旺突然轉晒做發泡膠碟？感覺好差，硬係怪怪的，不太喜歡，cheap 鬼晒，好大陸 feel ﹗例湯，真係古惑的湯呢 ﹗加 HKD5 蚊都幾好飲，不過君旺任何一款例湯味道都無分別架，西洋菜、木瓜、青紅蘿蔔、黃瓜，都係差不多，好搞笑 ﹗粟米粉葛湯、佛掌瓜瘦肉湯、冬瓜眉豆湯、眉豆雞腳湯、西洋菜豬骨湯、節瓜瘦肉湯、眉豆瘦肉湯、排骨紅蘿蔔湯、西洋菜豬肺湯，君旺出什麼例湯都好，味道及顏色都係一樣架，so funny ﹗絕無味精例湯，清淡得黎夠健康，味道清爽而帶淡淡香甜，又無頸渴既副作用，無添加非常天然。食完濃味燒臘飯清清味蕾、清清油膩，舒服晒。熱騰騰中湯跟燒味非常夾，依個季節居然仲有西洋菜，而且有豬肺咁補添，真係好驚喜喎，依個湯好好飲，完全無腥味，正呀 ﹗貫徹始終煲咩湯既顏色都係一樣淡啡色，而且味道全部一樣，唔睇湯渣都唔知自己飲緊咩湯，不過無緊要，最緊要絕無味精，都好飲既 ﹗侍應阿姐明明同後面位大陸食客話係冬瓜湯，點知我飲到底見到湯料先知原來係眉豆雞腳湯，唔係我味覺有問題，只因佢地所有湯真係同一味道麻 ﹗清清湯水絕對係送燒味飯既首選，無味精無添架，簡單又美味。雖然淡口，不過勝在無味精又原汁原味，滿意。切雞髀燒肉飯，聞得到的雞鮮味、看得見的雞甜味 ﹗切雞髀帶咸香，肉質嫩滑又有肉汁，好鍾意食 ﹗肉質嫩滑無比，肥瘦適中，一咬爆汁，嫩滑無窮雞髀肉，滑到連舌頭都綁不住，係嘴內跣來跣去呢。滑得黎非常彈牙有趙口，每一口都散發著香濃鹽焗雞味道，讓蔥油雞肉撈上乾爽飽滿白飯，美味得無語輪比 ﹗皮光肉滑雞髀搭上咸香脆皮燒肉，加埋清香燒味汁，撈上蔥汁白飯，無得彈、無得輸、無得頂 ﹗仲有招牌香噴噴燒肉，脆皮燒肉，外脆內嫩肉味濃，咸香非常，好好味 ﹗皮脆肉嫩，咸香濃厚而不嗆，豬肉滲出亮麗肉汁，咬落水潤棉棉，啖啖肉，好好食，大滿足 ﹗切雞髀叉燒飯，厚切蜜汁叉燒特別有咬口，肉汁豐富，蜜汁味清甜又不會掩蓋豬肉鮮味，肉質鬆軟軟棉，不乾不硬，十分高質 ﹗蜜汁叉燒肉質軟棉，肉汁豐富非凡，香濃中帶點蜜味，再配埋燒味豉油，好食 ﹗天下無敵切雞髀，鹽焗雞 keep 住水準，皮香肉滑，滑不留口，淡淡咸香，肉味濃又不太肥，好味道 ﹗咸香包住整個身體，雞肉嫩彈滑滑，薄薄雞皮不油不膩更添香氣 ﹗雞肉叉燒搭上蔥油白飯快車直送入口，被牙齒混為一體再墜進肚裡去，只能讚的味道 ﹗中國五千年美食博大精深，甜豉油、蔥油、雞肉、叉燒混然天成，撈埋一齊既味道出類拔綷，古人真的聰明絕頂，歷史中不能沒有的燒味飯呢 ﹗第三次用蔥油撈飯，我真係迷上左喇 ﹗自從上次食灣仔再興第一次用蔥油撈飯覺得好好食之後，今次再試試先 ﹗因為我一向都唔食蔥架 ﹗第二次蔥油撈飯在君旺，撈飯食又真係好香喎，雖然知道好肥膩又重鹽份，間中食食無問題啦。我幾十年黎都唔食蔥架，就算蔥油都唔會 ﹗不過近日戀上了蔥油撈燒味飯，最衰都係銅鑼灣再興啦 ﹗那次 order 燒味飯盒要求走蔥油，不過再興照樣跟飯撈埋一齊侷住我食，食完鍾意左添 ﹗香甜豉油加埋蔥油黎撈飯真係勁香呀，但會肥死人囉。切雞髀燻蹄飯，切雞配蔥油、燻蹄配醋。燻蹄好香肉味，咸香剛好又不太嗆，豬皮嚥韌彈牙、豬肉夠軟棉，沾上酸醋開胃醒腦，飯都食多幾啖呢，如果落幾滴麻油就更香啦。雞味濃而肉嫩，皮香肉滑又不太肥，切雞髀無得輸，鹽香味濃厚但都會掩蓋雞鮮味，肉質滑溜宜人，雞汁鎖於每條肉絲之間，水潤連連 ﹗雞皮爽脆不肥不油，連皮帶肉加蔥油撈白飯，正到停唔到手 ﹗依然每次主打切雞髀，雞髀必定做膽 ﹗師傅們已經認得我依個雞髀大皇喇。切雞髀乳豬飯，雞髀帶咸香，肉質嫩滑又有肉汁，好鍾意食 ﹗聞得到的雞鮮味、看得見的雞甜味 ﹗雞髀依舊嫩滑多汁好 juicy，一咬爆汁，雞味濃又帶咸香，屬中上級水平。嫩滑無窮雞髀肉，滑到連舌頭都綁不住，係嘴內跣來跣去呢。滑得黎非常彈牙有趙口，每一口都散發著香濃鹽焗雞味道，讓蔥油雞肉撈上乾爽飽滿白飯，美味得無語輪比 ﹗乳豬皮脆肉嫩，不肥不油，薄薄脆皮蓋著層脂肪膜，下面就係咸香嫩肉，沾上乳豬醬加埋白飯，味道剛剛好呢 ﹗食左幾次最靚今次。近排乳豬既畫面經常出現在腦海之中，今日終於有機會食，睇個價錢似乎食雙髀飯更抵食喎。鵝髀燒肉飯，鵝髀又唔肥，皮又香脆，肉又勁滑，香料味又濃，太過好食喇 ﹗有機會要試下免切，成隻咬更加豪氣，更加好味。燒肉化皮脆卜卜，肉味濃郁，咸香撲鼻，不乏肉汁，好好食 ﹗鵝跟燒肉沾上清香燒味豉油，撈埋蔥油白飯，好味到暈 ﹗近日經常諗起燒肉，點都要食返次，今朝食左雞，依家轉轉口味。切雞髀燒鵝髀飯，燒鵝真係比燒鴨好食好多倍，食過返唔到轉頭 ﹗地上最強武器雞鵝雙髀，雙髀打人腳仔軟，打完左邊打右邊。第一次酸梅醬都慳返，完全唔洗用呢，燒得十分香口又不肥不油。醃得內外入味，一邊嘴嚼一邊溢著鵝汁，肉汁豐富濕潤，皮香肉嫩又乾爽，肉質細緻嫩滑，唔會似得鴨質鞋烚烚乾爭爭，而且鵝髀比鴨髀巨形成倍，肉多骨幼無得彈。切雞髀一如以往霸氣十足，一食難忘。雞皮泛著深黃色彩光，閃令令。索一索，雞味超班醇厚，精神為之一振。狠狠地成舊雞掉入口跟舌頭打滾，一啜骨肉分離滑溜溜，彈彈水嫩，咸味濃郁而清香，美味極致。飯香特濃既米飯盛著雞肉鵝肉，混埋雞汁鵝汁連蔥油，無械可擊的絕配啊 ﹗鵝髀燒得皮脆肉嫩又勁 juicy，好好味 ﹗切雞髀燒鵝髀飯，迅間已燒滅晒鵝髀雞髀喇，人間極品 ﹗燒味豉油香甜，白飯無左佢唔得呀，撈飯一流，不過記得唔可以撈太多，會好頸渴架 ﹗合理價錢算抵食，肉多飯少啖啖肉 ﹗今日好火火火，滾到爆 ﹗憤怒了要食雙髀飯，一定要食好野減減壓先得呀，黎個雙髀飯氹下自己開心先 ﹗食能減壓，食辣能使您有開心感覺，每次當我情緒跌到谷底時，都會食個靚飯，希望能穩住情緒，代價係 HKD60 大元呀 ﹗ 繼續閱讀