名館 (希慎廣場) (已結業)

話說喺銅鑼灣希慎新開分店既「名館」 最近推出點心放題！網上訂位就可以以$138既優惠價食到各類點心、涼菜、粉麵同甜品 認真抵食😍食物質素方面 某些點心菜餚有驚喜 某些則較為遜色 但整體水準都不俗 加上咁既環境地段同份量 收貨啦！🥳_推薦既菜式有【泡椒魚皮絲】灼魚皮口感爽脆 醬汁麻香十足 食落開胃又惹味 有驚喜呢‼️【大良鮮奶一口酥】鬆化既脆皮入面係軟滑既牛奶餡 牛乳味濃郁 非常不錯！【鮮肉一口小籠包】外皮夠薄又唔易穿 內裡肉汁飽滿 呢個小編們encore左兩輪呢😝【京川滑餃子】餃子皮非常滑溜 肉餡鮮甜 加上微酸既醬汁食落很是滋味～【銀湖天鵝酥】酥皮鬆化香脆 層層分明 有水準呢！加上天鵝造型 賣相冇得輸！唯獨如果紫薯餡料比例可以更高就好啦！

最近同朋友去銅鑼灣行街 去開hysan place 諗住食food court 點知我朋友話想食中菜 最後我地就決定去上一層嘅名館到食 佢環境寬敞舒適 好啱一大班friend一齊黎傾計談心 當然佢啲食物都相當有水準我地叫左以下食物:1. 京川汁秋葵 - $48鍾意食秋葵嘅你哋千祈唔好錯過 秋葵正常發揮 爽口得黎裏面黏黏的 此菜的精粹在我於佢嘅京川汁 酸酸地涼涼地十分醒胃 🌟Rate: 8.0/102. 四季椰子肉雞湯 -$68此湯雖然份量不多 而且每次喝也只能喝得一點(以杯上) 但味道會愈來愈香濃 椰子味會在雞味在口腔散去才滲出來 十分令人回味 🌟Rate: 8.2/103. 冰鎮鮮菠蘿咕嚕肉 -$138這個賣相十分吸引 打卡一流 雖然依個係我地食最貴嘅野 但我地都覺得抵食 菠蘿內裏有冰 維持著肉嘅温度 比起一般熱上嘅咕嚕肉 佢口感較脆同個汁做到‘杰’身 掛係啲肉上面 幾出色 🌟Rate: 9.0/104. 金銀蒜銀魚蒸勝瓜 -$68唔係好食到銀魚味 此菜有大量蒜茸 勝瓜爽口 不錯 🌟Rate: 8.0/105. 黃金蝦球 -$118依個菜一定要食 蝦夠大隻爽口 外皮加埋咸蛋黃一齊炸

一家人去銅鑼灣行街，媽媽主動提出想食中菜其實喺銅鑼灣我比較少食中菜即刻上網搵吓，發現呢間店嘅甜品好啱佢係銅鑼灣希慎12樓呢間fusion中菜🍲以廣東菜及上海菜為主，加入西式食材而保留傳統做法。店內裝潢寬敞舒適，燈光明亮，空間感十足餐牌食物種類好多，除咗一般餸菜，仲有海鮮，功夫靚湯，各式包點點心，仲有珍貴嘅食材，例如：宮廷雞煲翅，炆海參等等好好味嘅酸菜魚💗魚片非常嫩滑，一點腥味都無而且配料豐富，有芽菜、酸菜、娃娃菜、寬粉等等大娘鮮奶一口酥外皮酥脆，內裹軟滑既牛奶灌湯鮮肉小籠包呢個有驚喜，真正皮薄餡靚又Juicy蝦球蟹子銀絲煲蝦球新鮮爽脆，粉絲炒得很乾身很惹味脆皮豬手配炸薯角芝麻醬雞絲粉皮石鍋鮑魚雞粒炒飯甜品都有好多選擇，今次我就係為咗呢個甜品帶媽媽黎十三么🀄️桂花椰汁糕真係好似啊，媽媽食得好開心，打卡一流

90分鐘點心放題，下午1:00入座，見到隔離枱食剩很多點心，心想真浪費。一嚐點心後，完全明白點解食剩咁多😳炸物多油不脆😑未食過擔擔麵是清湯底，麵上面灑上碎花生，淡而無味😩紅菜頭餃皮厚實，嘗一啖，即吐🤮甚麼黑豚肉糭，嘩！嚇你一驚，糭葉剝開是脆嘅，糯米可能沾染葉的顏色，部分是淺綠色，糯米食落有種怪味，不得不吐🤮小籠包乾嘅。一個鐘後（大概2:07），有個服務員攞住個結賬牌行埋嚟問食物是否嚟齊，我話第二輪order嘅點心完全冇嚟過，唔係要我哋走呀🤔後來嚟咗一碗紅豆沙，稀且不熱，玫瑰奶皇糕，粉紅色上層是藥水味。完全中伏👎👎未試過食放題是食唔飽嘅。

名館 (希慎廣場) 網址: 地址: 銅鑼灣軒尼詩道500號希慎廣場12樓1201號舖電話: 21806578==================精緻點心可愛造型，名館一定稱得上好睇又好食！茶好香蕎麥味晚市有水煮牛，一大鍋來挑戰一下$298 ,個容器夠曬份量好搶眼，圖案甚有中國風，牛肉片披著辣油辣湯，配料如芽菜，彈牙蕃薯粉。$138 冰鎮咕嚕肉，原個菠蘿盛住，端上來仲有乾冰，飄出白煙吸睛一流。有冰個汁幾爽口，入口涼涼地。招牌叉燒，肥瘦分明厚切，肉質好腍蜜汁味不會過甜。餃子皮薄，豬肉餡淋上豉油幾好味。$88 竹笙蕃茄勝瓜，湯比竹笙吸曬，咬下全口都是湯汁，勝瓜爽口。$58 好過癮架，雪茄鮮蝦炸春卷，每條都好長架，外層脆卜卜。入面包了蔬菜絲,稍為油膩小小，如果換左吸油紙會比較好。

之前喺網上見到「名館」的美食照，賣相相當吸引😍今晚終於嚟到試試，果然係色香味美俱全！餐廳喺銅鑼灣地鐵站上蓋，方便就腳。餐廳唔單止乾淨舒適，仲好有格調👍而且價錢亦都唔算貴，真係貨真價實！今餐我最鍾意嘅係「蝦球蟹籽銀絲煲」，雖然望落去好乾身，但佢嘅粉絲整得好香口、好入味，蝦球又好爽口，真係值得一讚👍估唔到中菜廳的「脆皮鹹豬手」伴有薯條，仲有埋茄汁😄豬手好大隻，不會太鹹，肉質仲好Juicy，連埋塊豬皮一齊食，外脆內軟，非常好食😋而今晚最期待嘅就係…「十三么」喇🤗平時麻雀枱上未食過，今晚飯枱上食翻鋪！這個桂花椰汁糕，真係為咗佢嘅賣相而叫📸估唔到都咁有質素

之前上網見到有discount 咁啱諗唔到食乜好，就上網係Togetda訂咗。訂咗1點但係因為媽咪未放工，所以係到好好俾我地坐低先計時間。坐低咗之後就開始叫嘢食，一直都好暢順，叫完之後大概10分鐘左右就有得食，每次叫完之後都要等大概10分鐘先至可以叫下一次。整體來講啲熱嘅點心都不過不失，反而係冷盤小食我啲屋企人全部都覺得好好食😋!!!!!!!!不過我發現咗枱面會是不是出現啲小烏蠅仲要係已經變咗神仙嘅😵‍💫😵‍💫!!!!!!!!!我同staff講完之後，佢一下推咗佢落地下，之後就行開咗☠️☠️☠️☠️仲有流沙包都好好食！ 但係衛生程度真係需要改善☠️☠️☠️☠️

今日一拖二同兩隻小魔怪去希慎行街,見有啲肚餓就帶咗佢哋上去名館食晚飯!我哋揀咗幾款美食,兩隻小魔怪見到都好鍾意同埋食得好開心!我哋叫咗名館厚切叉燒王肥瘦適中啖啖肉好好味!精緻點心拼盤裏面有好多唔同嘅點心有咸又甜,而且點心嘅款式好得意!冰鎮鮮菠蘿咕嚕肉放咗乾冰係側邊加水有煙霧出嚟嘅效果感覺真係好凍呀,我第一次食凍嘅咕嚕肉覺得比熱食更加好食!石鍋鮑魚雞粒炒飯有好多細細粒嘅鮑魚,即使小朋友食都冇問題!同埋甜品「詐糊」個名叫做詐糊其實就係椰汁糕加桂花糕!兩個小朋友都食得好開心呀!

之前都食過名館，覺得食物水準都唔錯，今次約埋朋友一齊黎食晚飯。原來名館由14樓搬左去12樓，座位比之前坐得更舒服！茶唔係一般飲茶飲到既茶，係蕎麥茶，飲落好香麥味，夜晚飲茶都唔驚瞓唔着。陳醋珊瑚海蜇頭 $88一上枱一定要相機食先，乾冰效果好有睇頭。海蜇頭爽口，陳醋酸酸地好開胃！名館厚切叉燒皇 $88叉燒厚身，但食落一啲都唔靭，肉質幼嫩，好淋，燒到有少少濃邊，好正！冰鎮鮮菠蘿咕嚕肉 $138原個菠蘿，賣相好靚，食落亦好有驚喜！菠蘿入面嘅冰塊可以令咕嚕肉外皮保持岩岩炸起脆度，肉質幼嫰，再配埋新鮮菠蘿，酸酸甜甜，真係食唔停口！金銀蒜銀魚蒸娃娃菜 $68蒸菜都係第一次食，娃娃菜收收左銀魚仔鮮味，好味！招牌酸菜滑魚片 $298上菜用左一個好有宮廷風既鍋，而且鍋下面仲有火熱住酸菜魚，好貼心。因為唔太食得辣，叫左小辣，食落唔會太辣又有少少刺激，魚片切到好薄，嫩滑無骨，配料有酸菜、芽菜、寬粉，好豐富！精緻點心拼盤 $128點心拼盤可以滿足每樣都想試少少既人，點心有天鵝酥、炸鮮奶，妃子笑、蝦餃、粉果。炸物唔油膩，好鬆脆，個人比較鍾意流沙奶黃煎堆仔。蝦餃大大隻，粉果餡料亦好豐富！十三么 $128好岩打卡一個

約左外母食飯，早吃晚飯唔洗同人迫，呢間係外母話要黎嘅，奄尖嘅佢無甩拖，果然好野黎。先黎一壺糖心黑蒜海底椰豬展湯，慢慢飲，濃郁香味撲鼻，唔使一次過飲哂，可以成餐飯拖長慢慢飲，因為個湯壺裝非常保溫。京川汁秋葵，旋轉擺盤靚，秋葵爽口無青味，京川汁有少少醋味幾醒胃。點心拼盤有炸鮮奶卷、蝦餃、天鵝紫薯蘇、粉果，上檯有酒店質素，蝦餃飽滿新鮮爽口，炸物又唔會反油，非常鬆脆，點心好得！欖角骨用嘅係靚豬肋骨，走過油哂夠香脆惹味！壓軸係招牌酸菜滑魚片，酸菜魚用熱爐保溫，熱辣辣嘅酸菜魚，魚片的確非常鮮美滑溜，仲有寬粉、酸菜，酸菜香同麻辣，非常刺激味蕾又飽肚。埋單以為好貴，點知價錢非常親民，值得推介！

一行四人嚟希慎名館食晚餐，環境坐得好舒服，一坐低就上嚟嘅蕎麥茶都非常特別。食物種類好多元化同埋創新，有點心同埋小菜等等。首先我叫咗招牌酸菜魚小辣$298，上嚟超大陣仗，係類似北京嗰啲火鍋咁，非常有特色，魚片夠滑冇腥味！好睇又好食～再叫咗兩款點心試吓，黑松露野菌冬菇包$42，一籠有三個，整到成隻冬菇咁嘅樣，玩味十足，除咗外型味道都非常之好，雖然係素食，但係入面嘅餡料散發住黑松露嘅味道。筍尖蝦餃王$48，中規中矩。厚切叉燒王$88，肉質軟硬適中，真係夠厚切，啖啖肉配上蜜汁。金銀蒜銀魚蒸勝瓜$68，睇落好似平平無奇咁嘅樣，食落覺得個金銀蒜同勝瓜真係絕配。冰鎮鮮菠蘿咕嚕肉$138，充滿仙氣嘅畫面，拎出嚟又係好大陣仗，噴曬煙咁樣，原個菠蘿咁樣上，肉條係冇骨嘅，味道正正常常不過份量就唔多。豉油王頭抽飯焦蝦$118，豉油王蝦非常入味。最後仲叫咗個甜品十三么$128，用嚟打卡一流呀！其實佢係桂花椰汁糕，但係我啲朋友個個以為我去咗茶樓雀局😂做完真係非常有特色！

我與明友在25/6去名館食午餐，之前己訂坐5位，當我們進食其間，在門口做接代的職員特然走過來問我們点解坐這張檯，我說：我地齊人及是你哋安排的！跟住佢發覺自己攪錯。轉身離開！😡😡😡😡講真食物一般及 漏了3次單！到結賬離開！我哋等了約5分鐘才有人過來收錢！我哋離開不夠一分鐘，個接代特然匆匆走出門囗找我地話要check 單！當時我哋非常激氣 ！你哋不是以經收了錢及比了收據我們，為什麼還要check 單？當時佢好無禮貌！佢當時睇左張单話可以了！對唔住都無講即走😡😡😡😡我未試過有咁嘅情況。以後都唔會再幫襯😡😡😡😡

位於銅鑼灣希慎廣場嘅一間高級中菜館，今次同幾個朋友一齊嚟到呢度試下佢嘅招牌酸菜魚， 成個賣相都好架勢，非常大笨象， 但佢嘅內容都唔輸蝕 ，酸菜魚好好味 ，魚肉非常滑， 仲有好多配菜，不過就唔係話太辣呀，因為我哋唔係食得太辣，所以都特別叫佢唔需要太辣，如果鍾意食辣嘅朋友亦都可以同佢講。 仲有佢個招牌叉燒都幾厚切，試咗兩款點心，一個蘑菇包同埋蝦餃，都幾足料，仲有一個黃金蝦炒飯都幾不錯，最後特別 一提就係佢個甜品叫做十三么 ，個賣相非常美觀，真係勁似一副麻雀，其實係椰汁糕加桂花糕，好有趣。

好似好耐冇同男朋友撐枱腳，今日收工約咗去睇戲，所以喺附近食啲嘢，希慎最高嗰幾層好多餐廳，最後我哋揀咗呢間精緻中菜。前菜冷盤我哋揀咗佢個麻辣鳳爪，呢個鳳爪同平時食到嘅好唔同，因為佢用咗嘅係烏雞腳，烏雞腳本身已經有一種特別嘅味道，而佢個麻辣唔會覆蓋左本身嘅味道之餘又好開胃，最重要嘅係佢好貼心地係已經起咗骨，令你食緊嘅時候可以保持儀態。然後我哋揀咗佢個人蔘雞湯，呢個雞湯好特別，一開始我以為點解佢又比多一壺茶我哋。一打開原來內有乾坤，入面真係好足料，淨係聞都已經好香人參味，已到出嚟嘅湯都真係好清，一滴油都冇，好好飲。另外我哋仲試埋佢個冰鎮南非鮑，佢呢隻鮑魚嘅賣相真係好靚，仙氣十足，最重要嘅係鮑魚本身真係好彈牙，亦都入晒味，係唔錯嘅。然後我哋仲試埋佢個銀魚蒸勝瓜，你一味菜最主要係靠佢嘅調味，而佢嘅蒜香銀魚都真係做得好香，勝瓜都夠晒林。之後就嚟到佢個重頭戲，其實揀呢間餐廳最主要都係見到佢個酸菜魚好靚，不過份量真係好多，基本上兩個人係食唔晒。佢啲魚片真係好滑而且好大片，但係就嫌佢個湯比較油，不過佢呢度嘅酸味同埋辣度都係比較輕微，啱晒一家大細一齊食，而且佢用嘅主要係醃咗嘅酸娃娃菜，啲酸菜冇其他酸菜魚咁

上網見到依間啲點心同小菜都好靚，於是今晚就同朋友黎試！餐廳環境幾靚幾闊落，坐低食飯傾計幾適合。首先叫左陳醋珊瑚海蜇頭（$88），要讚下依到嘅擺盤真係好有心思。海蜇都好爽口，酸酸地好開胃。見有酸菜魚就忍唔住試下！招牌酸菜滑魚片（$298），個煲靚到一上菜就嚇親，而且係有火嘅，所以酸菜魚可以保持住熱辣辣！好貼心。個魚係好滑，個湯一開始就麻味偏重，但慢慢食落啲酸味都開始出，都幾好食！名館厚切叉燒皇（$88），真係好厚，而且係半肥瘦，食落肉質好嫩，特別鍾意佢嘅汁，甜又鮮，真係忍唔住想食多啲。見好多人都叫冰鎮鮮菠蘿咕嚕肉（$138），試完都明點解！除咗賣相吸引之外，個咕嚕肉外皮係好脆！而且用左新鮮菠蘿，味道係鮮啲嘅。最後叫咗十三么（$128），期待左好耐係咩黎！原來係桂花椰汁糕，但就用米紙整埋圖案痴左上去，好有心思！幾香椰汁味，桂花中和左甜味，幾好。依間真係幾好食，平時同屋企人或者做節黎食都係個唔錯嘅選擇。