名館 (希慎廣場) (已結業)

今日一拖二同兩隻小魔怪去希慎行街,見有啲肚餓就帶咗佢哋上去名館食晚飯!我哋揀咗幾款美食,兩隻小魔怪見到都好鍾意同埋食得好開心!我哋叫咗名館厚切叉燒王肥瘦適中啖啖肉好好味!精緻點心拼盤裏面有好多唔同嘅點心有咸又甜,而且點心嘅款式好得意!冰鎮鮮菠蘿咕嚕肉放咗乾冰係側邊加水有煙霧出嚟嘅效果感覺真係好凍呀,我第一次食凍嘅咕嚕肉覺得比熱食更加好食!石鍋鮑魚雞粒炒飯有好多細細粒嘅鮑魚,即使小朋友食都冇問題!同埋甜品「詐糊」個名叫做詐糊其實就係椰汁糕加桂花糕!兩個小朋友都食得好開心呀!