名門私房菜

營業中

休息中

早前終於第一次食正式既順德菜! 就係位於灣仔既名門私房菜🥢 坐低睇menu真係見到好多傳統而且無咩食過既順竹德菜，當然要叫特別又少有既菜式! 我地叫左:..🐟 順德煎瓖鯪魚成條魚原上，煎得好香口，裡面係啖啖肉，無哂骨，睇得出係心機之作，醬汁都好夾! 加埋香蔥更提升!..🦐 鑲鑽黃金蝦無諗到咁大件! 蝦身脹卜卜，以為係粉多，但原來真係咁大件咁多肉! 先食蝦頭，勁多膏，超香! 而蝦身，淋上鹹蛋黃液再沾上類似麥片，再落鑊炸，食落唔油，好乾爽! 而且蝦肉好爽! 好特別!..🍐 蝦子生扣柚皮呢個夠特別啦! 唔係度度食到! 其實佢係用上柚子皮裡面果層白色內皮而製成，需要多個程序，係心機之作啊! 呢道傳統柚皮係鹹食既，好厚，食落去好綿好軟，加埋佢地既醬汁，唔錯! 不過都幾飽下..🍲 杏汁炖白肺湯好濃郁既杏仁味! 裡面都幾多豬肺，好入味好爽! 湯汁香甜又滋潤，正!..🥬 上湯菜心食咁多野當然要叫返碟菜食下，上湯煮過既菜心好軟腍，唔錯!..🥛 生磨蛋白杏仁茶食埋甜品先滿足😍 又來多個杏仁，不過係杏仁茶! 好香濃既杏仁味，而且好幼滑，加左好多蛋白，口感好豐富!

聽朋友講好多明星都會幫襯呢間私房菜因為呢間係正宗順德私房菜，所以今次我會帶爹哋媽咪嚟一齊食😊首先飲個靚湯杏汁白肺湯呢個老人家一定鍾意好足料👍之後叫咗個避風塘龍躉球，脆卜卜熱辣辣龍躉肉好滑好大塊肉好惹味😋呢度好出名，鮑魚一人一隻手掌咁大再配上特別醬汁，有Wasabi同甜椒呢個配搭一試回味😋我下次一定會返嚟再食🙌櫻花蟹鯪魚球，食落去好大浸櫻花味好香口，我爹哋媽咪仲好鍾意食佢啲鯪魚味道仲好彈牙👍仲叫咗個菜心煲熱辣辣食落啲菜心仲好似好有鑊氣嘅感覺👍最後食埋個糖水：薑汁番薯糖水好重薑汁味我哋最鍾意❤️

裝修與一般中菜廳相近，帶有點點懷舊感覺，令人覺得溫暖。 牆上壁畫增添高雅的感覺，令我不禁欣賞一番冰鎮鮑魚配上芥末燒汁醬油，亦吃到一股淡淡酒香味，作為頭盆頗為合適招牌哈哈哈芥蘭煲用煲送上，熱氣騰騰的端出來，而且什有鑊氣，醬汁惹味，裡面有蝦乾，蝦仁，鮮味十足！漿爆黃金蝦多士面層一堆黃金（鹹蛋黃）香得肚子都餓了，多士亦炸得脆卜卜，油溫足夠不會太索油，多士夾著鮮蝦及蝦滑，一口咬下去滋美無比皇牌酥炸牛坑腩，油香味美，酥脆而不膩，配上喼汁一流！鯪魚球生菜豆腐煲，滑嘟嘟的豆腐配上鮮味鯪魚球，很有住家菜的感覺。名門炒飯—這道菜看似平平無奇，原來內有乾坤，炒飯很考功夫，不能太濕，太能太乾，一道菜便能看出廚師的功架，果然沒有令我失望，粒粒分明、香氣十足，材料亦非常豐富，沒有丁點吝嗇，瑤柱、冬菇、臘腸、蛋花、臘肉、蝦仁，還配上辣椒調味，十分美味甜品—蛋白杏仁茶 ＋ 腐竹薏米白果糖水食材味道濃郁，吃得出的用料十足，甜度剛好，沒有半點過火，出色！順帶一提，侍應服務殷勤，而且一眼關七，看到茶喝光了，立刻幫忙加水及斟茶。而且非常有誠意，每道菜都會給我們多加介紹，絕對會約其他朋友再次光臨。

今次來了灣仔的一間私房菜，主打順德菜。位於商夏樓上。餐廳佈置簡潔，雖然地方不是太大，但坐位寬敞。我們點了一些傳統的順德名菜懷舊一下。-順德煎釀鯪魚 鯪魚煎得很香脆，魚肉鮮甜，啖啖肉，不用怕有魚骨。再加上豆豉芡汁，味道一流。-蝦子生扣柚皮柚皮用蝦子鮑汁炆煮得很淋，入曬味。-鑲鑽黃金蝦一上台很吸精，用了大虎蝦，有手掌的大隻，外層用蛋黃醬和麥片炸得香脆，蝦頭的膏很多，蝦肉十分爽口，非常惹野。-上湯菜心-杏汁炖白肺湯 肺肉爽口，杏汁香濃，湯味香甜，十分滋潤-生磨蛋白杏仁茶 杏仁味香濃，加埋蛋香，更加香滑。

出外用膳慣性會去集團式經營的食肆，但每間分店的菜式和味道都差不多，欠缺新意。要吃些特別菜餚，私房菜是不錯的選擇，今午來到灣仔一間主打順德菜的食肆用膳，店舖相當濶落，環境舒適，員工態度友善。揀選了四人超值鮑魚午市套餐。前菜有酸薑皮蛋，相當懷舊的小吃，椒鹽茄子外脆內軟，非常美味。冰鎮鮑魚 - 混合醉雞汁、紹興酒、洋葱碎及乾葱碎，將鮑魚浸於汁料中，放入冰箱數小時，鮑魚相當入味軟滑。瓦罉鼓油鷄 - 瓦罉存熱久，煮出來的鼓油雞非常惹味，雞肉嫩滑。煎釀鯪魚 - 順德出名的菜餚，鯪魚味道鮮美、肉質嫩滑，可惜多骨，煎釀鯪魚是把魚肉和魚骨起出，留下魚頭、魚尾和皮囊，將魚肉剁爛釀入魚身，回復魚的形狀，絕對是一道手工菜。蝦籽柚皮 - 柚皮又是順德菜粗料精做的精神，柚皮重複浸水多小時，待柚皮軟身及消去苦澀味後，再以鯪魚肉、豬腩肉、蝦米、瑤柱等煮成的上湯燜上多個小時。最後將燜好的柚皮淋上蝦子和蠔油煮成的汁液，味道之美，令人回味無窮。最後還有木瓜雪耳糖水，盡享美味的一餐。

最近成日食西餐食日本嘢，今日同老公心有靈犀都想食中菜，我哋打算出灣仔藍屋建築群同富德樓行吓，於是上網睇吓附近有無好嘅中餐廳，就俾我哋搵到哩間順德私房菜。餐廳鄰近地鐵站，好容易搵。裡面裝潢簡潔舒適，寬敞闊落，富空間感，最重要係乾淨企理同比酒樓寧靜得多。我哋叫咗二人精選經濟實惠套餐：1️⃣ 冬瓜豬骨薏米湯湯好夠火候，夏天飲啱晒，可以消暑、去濕同消腫，正！2️⃣ 椒鹽茄子粒🍆皮炸得好酥脆，椒鹽惹味，估唔到茄子同椒鹽咁夾。3️⃣ 順德煎釀鯪魚🐟哩道菜第一次食，賣相好特別，好過癮。食落去啖啖肉，鯪魚肉加入芫茜味更香，煎得好脆，點上豆豉香菇醬汁，味道可口！4️⃣ 金針雲耳蒸雞🐓好掛住哩道菜，以前我婆婆成日整，好有家鄉感覺。雞肉好新鮮嫩滑，雲耳金針好入味，不過略嫌油咗少少🤏🏽。5️⃣ 炒菜心🥬菜心新鮮香甜，加少少鹽吊吓味已經好正！6️⃣ 蛋白杏仁茶杏仁味超香濃，口感好厚滑，甜度剛剛好，加入蛋白真係養生又養顏，女士恩物。🏆✨哩度最值得讚嘅係侍應服務好親切周到，我同老公都異口同聲話有賓至如歸，老街坊嘅感覺❤️。下次一定要帶埋阿爸阿媽嚟，唔使成日去茶樓咁悶。

之前家姐食過話覺得好食所以今次特登帶埋老公一齊嚟食私房菜，呢間係正宗正宗順德私房菜😁首先飲個靚湯先杏汁白肺湯，好足料，杏汁十足🤩之後黎個避風塘龍躉球，熱辣辣整起，龍躉肉大大塊又厚身！口感好正！惹味十足，又唔會太辣👍👍必試嗌咗鮑魚一人一隻大大隻，手掌心咁大，配上特別醬汁，有甜椒，有啲Wasabi，味非常惹味！回味無窮！叫咗個櫻花蝦鯪魚球，櫻花蝦好香口，鯪魚球亦都比較有咬口，比較彈牙😁最後食埋個糖水，完美的結局🤣薑汁番薯糖水薑味十足！番薯亦好甜！

順德菜看似家常菜，但工序繁多，甚少會在家烹製，所以今天來到位於灣仔的名門私房菜品嚐。用餐環境舒適，枱與枱之間並不會太貼，職員殷勤有禮。我們點了酸薑皮蛋和椒鹽茄子粒作為前菜小吃。前者開胃，後者惹味。夏日炎炎，喝碗冬瓜薏米湯消消暑，不錯。冰鎮鮑魚賣相吸引，鮑魚稔滑，帶有淡淡花雕酒香，連墊底的生菜都新鮮爽脆。蝦籽柚皮屬工夫菜，賣相看似簡單，但要做到柚皮軟稔入味並不容易。這裡處理得宜，一點苦澀味道都沒有，讚。順德菜少不了著名的煎釀鯪魚。外皮煎至香脆，內裡釀了滿滿的鯪魚肉餡料，十分滋味。古法瓦罉豉油雞也是入味非常，雞肉仍能保持滑嫩，送白飯一流。最後有木瓜雪耳糖水作結，滋陰潤肺，十分滿足。

平時好少係香港區食飯, 多數係九龍區活動, 今日同朋友去完staycation係呢邊所以就食埋飯先回家由於朋友鐘意食中菜, 早兩日就book左呢間好多好評嘅私房菜一入到餐廳侍就好熱情咁招待我哋, 裝修比較懷舊而高雅, 座位之間都好闊落舒適, 一坐底侍應叔叔就幫我哋開茶, 普洱/鐵觀音/菊花茶/香片之中揀左菊花, 壺茶送緊過黎已經聞到陣陣花香, 我自己好鐘意飲花茶, 香氣撲鼻真係無得頂!✨冰鎮鮑魚鮑魚係已介開帶子位, 食落非常方便食落有淡淡酒香, 單食左一啖, 唔使沾醬汁已經好夠味, 再沾下個wasabi燒汁, 味道更豐富✨漿爆黃金蝦多士😱呢道菜真係驚豔到我, 上層係用牛油炒過嘅蛋黃醬,之後下面係有層炸多士, 中間夾住大大隻鮮蝦同埋(估計係)手打蝦滑, 味道非常有層次而竟然不會太油膩, 雖然邪惡不過好出色✨鯪魚球生菜豆腐煲岩岩食完濃味野, 食個清淡d嘅鯪魚豆腐煲隔一隔岩岩好, 廚師同侍應都好細心, 呢個煲睇落簡單, 但非常清甜, 而且魚肉一d都唔會腥, 豆腐嫩滑, 生菜爽脆✨皇牌酥炸牛坑腩炸得好靚, 一d都唔會索油, 牛坑腩帶筋同油花, 沾埋喼汁平衡返解滯, 牛味好重, 極之惹味!✨招牌

朋友向我介紹呢間位於灣仔嘅「名門私房菜」，佢話呢度嘅菜式頗特別，食材新鮮、兼食到食物嘅原味，美味之餘又冇味精，於是與 honey 一齊嚟品嚐下！😉一入內就👀地方寬敞整潔，服務員殷勤招呼並向我哋介紹一些推介菜式添！# 明火無味精靚湯 ～ 湯料有粟米、青紅蘿蔔、豬肚、豬骨，味道清甜，飲完喉嚨好舒服！# 皮蛋酸薑 ～ 皮蛋頂級流心、晶瑩剔透，配合酸甜爽脆子薑好開胃！# 特色冰鎮鮑魚 ～ 超大隻、又爽甜，真係可以用刀叉嚟享受！# 大良炸鮮奶 + 金錢蓮藕餅 ～ 炸鮮奶外皮脆卜卜、裏面軟綿綿，真係好香好滑，兼有陣陣椰青奶味好清新；蓮藕好爽脆，估唔到中間仲有豬肉餡添！# 蝦子生扣柚皮 ～ 柚皮用鮑汁燜煮得好入味冧甜，加埋蝦子香味，送飯一流！# 順德煎釀鯪魚 ～ 鯪魚層皮炸得好鬆脆，中間啲鯪魚肉好鮮甜，原粒豆豉令調味鹹淡適中，加埋蔥花好惹味！# 白粥煲得非常綿，配襯煎炸嘅食物，簡值一絕。另外蕃薯甜湯，蕃薯夠香軟，甜湯夠薑味…超總括而言，呢頓飯食得好開心、好滿意！😁

男朋友無啦啦話帶我去食間私房菜，而我自己就係第一次食私房菜，所以都幾期待。------------------------------入到去空間都幾闊落，而且乾淨企理，坐得幾舒服。------------------------------首先我哋嗌左個杏汁豬肺花膠湯，個杏汁嗰陣味同平時喺出面嗰啲餐廳飲嘅唔同，唔會有浸藥水味。如果平時唔鍾意飲杏汁嘅人，我覺得都可以一試。呢個鑲鑽黃金蝦好好食，店員一擺低果下，就聞到濃濃嘅鹹蛋黃味。蝦嘅表面完全比鹹蛋黃同麥皮包住，亦都因為有麥皮，所以口感豐富咗。哈哈哈芥蘭煲有唔同嘅蝦喺入面，啲菜唔會軟腍腍，仲好爽口。😋食完咁多嘢，就梗係要食返啲甜品㗎啦。我個人就幾鍾意個杞子桂花糕，杞子嘅甜味同桂花嗰陣味幾襯。依個番薯糖水，啲番薯煲到好林，同埋好甜。如果薑味再重多少少，就應該會仲好食。------------------------------總結嚟講呢間幾值得嚟食，同埋侍應哥哥好好人，會好詳細咁去介紹每一道菜。有機會我都會想帶埋屋企人嚟食。😋😋

難得一次去到食順德私房菜，就一定要嗌個兩人餐試下啦。今日就嗌咗個商務套餐。 第一道頭盤，就有冰鎮鮑魚燒汁醬。我諗隻鮑魚應該都有四頭，用咗日本酒浸一晚再另上燒汁同辣汁配wasabi，就咁食落都酒味唔會太嗆口，而個汁都較得好夾 第二道，冰燒雞。師傅就用咗海哲、雞絲、青瓜、芋絲同紫薑涼拌製成。食落口感冰涼爽脆加上wasabi，但又有紫薑唔怕太寒涼。不過呢道餸要提早跟餐廳要求 第三道，鮮蟹肉瑤柱焗釀蟹蓋。呢道餸好多餐廳都會有啲cream加芝士做填充，但呢道真材實料，用咗蟹肉、洋蔥、瑤柱再用人手製成。

其實一直都好想試私房菜， 但沒有機會，一來感覺私房菜價錢貴，二來覺得食物質素參差。今日到朋友介的這間名門私房菜，原來私房菜係可以有質素但價錢又非常合理！菜牌裏面有好多不同款式，有鮑參翅魚肚， 甚至家常便飯，所以今日特意選了不同款式。 百果杏汁白肺湯-抗疫湯 潤肺、紓緩喉嚨，而且在家煲肺湯功夫多。名門私房菜用心制作，豬肺煎過，而且杏仁好香又有百果，暖笠笠養生湯一定要試！頭盤冰鎮鮑魚-大隻新鮮又爽口，配上醬油+日式芥末，吃完後醒神晒！冰燒雞-材料有手切芋頭絲丶手撕雞肉丶手切青瓜及海哲，混合酸薑味醬丶紅辣椒，適合這個炎熱的天氣，好開胃！梨香哈蜜讓帶子-心思細密的菜式，原隻帶子在頂層，之後雪梨及蝦餅隔住一層又一層，囗感特別加埋甜蜜味醬，吃完感覺幸福！黃金蝦-完隻蝦頭不用講，蛋黃夠、色、香、味！鮮蟹肉炒鮮奶-西蘭花做伴碟，蟹肉夠鮮、鮮奶夠滑 加添幾滴茘枝醋、追住吃。麵豉醬啫啫西生菜、口感絕配！通常一般用椒絲腐乳啫啫，名門採用麵豉醬啫啫，味道好香，西生菜夠脆，要添食及追加白飯！甜品不能少！杏仁茶夠熱又香不太甜，再來一個古法黃塘蕃薯湯水，今晚有幸品嘗到美食，大滿足，下次帶爸爸再來光顧！後話：侍應有禮

聽說這間私房菜很久了，這次終於有機會同受友來試試。餐廳每枱間都有距離，而且客人們都不會高談闊論，整個環境寧靜舒適。招牌杏汁燉白肺湯 | $98盅雪白色的燉湯，味道清甜，豬肺軟綿點些醬油味道更特出，有兩塊豬肺及豬肉，十分足料。特色冰鎮鮑魚配燒汁芥辣醬 | $88隻冰鎮鮑魚好大隻，邊位洗得乾淨。鮑魚冰凍爽口，醬汁帶點甜及芥末辣，非常惹味。鑲鑽黃金蝦 | $88驟眼看以為是麥皮蝦，其實在脆脆的麥皮內載有金黃色的蛋黃，加上了麥皮減輕了油膩感。蝦肉彈牙爽口，蛋黃香濃。蝦頭有橙紅色的蝦膏。順德污糟雞 | $298 半隻雞肉滑溜，帶有淡淡的荷葉香及紅棗甜味。最欣賞它加了蔥，味道超香。麵醬啫啫唐生菜煲 | $148啫啫煲夠穫氣，麵醬鹹中帶甜，唐生菜沾滿了麵醬味道，十分可口。名門XO 炒飯（辣） | $248炒飯超香，聞及吃起來都感受到XO醬的香味。炒飯微辣，用了蝦肉、香菇等配料，而且好大煲，絕對是飽肚之選。綠豆沙 | $0飯後有糖水送，海帶切成幼絲，綠豆沙煮得綿。服務員態度有禮，整頓飯都食得好舒服。

很久冇出街食飯，差點已忘記了私房菜這名稱。今早在灣仔買餸時抬頭見到曾經幫襯過“名門私房菜”的招牌。很懷念這裡的家鄉小菜，地道得來又有懷舊感覺；於是向老公提議在此午餐。冰鎮鮑魚 鮑魚很大隻，差不多有半隻手掌大。爽口彈牙， 軟硬適中；配以燒汁wasabi 更有提鮮作用。杏汁豬肺湯 豬肺份量很多，洗得很乾淨；所以唔覺有內臟臭押味。再用大量杏仁淆製而成，所以湯底味道又香甜又濃郁好好飲。👍炸奶拼金錢蓮藕餅 時令蓮藕清甜爽口，夾上免冶豬肉甘香味美；食時可隨意點些喼汁增添食慾。炸鮮奶II材料簡單但製作巧手。要做得脆䊢脆薄，鮮奶香濃幼滑真的要考大厨的經驗。最重要係唔覺肥膩。菠蘿咕嚕肉採用新鮮豬肉卽叫卽炸，入口很脆；猪肉夠腍夠滑，沾上酸甜汁味道啱啱好。蝦蝦炒芥蘭煲材料有鮮蝦、蝦乾和芥蘭，以蝦膏來炒夠哂惹味同鑊氣足。我一向不喜愛食芥蘭因謙它太硬身，所以要求煮得淋些；今次居然把整個煲仔菜KO哂！😋桂花糕最後以冰凍清甜的桂花糕做甜品。