名爵 (已結業)

這裡飲茶消費較高，平日很少來，可是今天不一樣，中午先和親友飲茶，然後晚上直落設宴。黑椒豬手，砂鍋上有四件豬手，黑椒汁很辣，底下洋蔥絲吸收醬汁很惹味 蘿蔔炆牛腩，有香料的味道，細細件，口感一般砂鍋煎包，一般的菜肉餡裡有冬菇絲，砂鍋上有點誇張法式鵝肝酥餅，小小的三伴酥餅，鵝肝味道不明顯，像在吃迷你雞批卜卜脆鬆化蘿蔔腸，長方型小碟上，份量太少麵豉魚塊蒸飯，很多塊魚柳，還有番茄，灑上一層麵豉肉碎，味道比較特別味菜牛柳絲炒米粉，米粉很好吃，什菇，肉絲，酸菜和九王一起吃很合胃口

由進場開始看到弟弟與新娘子的合照，場內大螢幕播出倆人浪漫的外遊婚照，配合適量的燈光音響，席珍上也有一對新人的照片，佈置中西合璧，有大紅色的龍鳳綢緞，也有純白與粉紫的背景。難得親友們賞面出席，最感人是一對新人向父母親道謝那一幕。晚宴一共有八道主菜，飯麵，糕點和橙。這裡提供標準服務，服務生會替人客分菜，每道菜之間都換新碟子。菜色方面我最喜歡瑤柱脯，瑤柱炆至軟身，和瓜脯一起入口即溶。其次是琥珀蜜桃百花球，金黃色的炸蝦丸很鬆化，沾上香醋吃，一點也不油膩，琥珀合桃是一種我喜歡的果仁，但吃不到有蜜桃，可能是指用花蜜炒過的合桃。鮑魚令人有點失望，先不計較大小，好像炆得未夠火喉，淡黃的顏色，反而伴碟的花菇，大隻而且肉厚。

may 01, 11,6人dinner叫咗 :1) 貴妃雞 - 1/2隻 (hk$120)-雖然斬功麻麻,偏大件,又大少不1,但隻雞都嫩滑,難得喺食到雞味呀嘛~~~~2) 鮮百合彩椒炒藕片 (hk$58)-炒到每樣嘢都爽口,只喺油咗d3) 士多啤梨焗肉排 (hk$68)-做到掛醬效果,肉都鬆,只喺有些少豬臊味4) 上湯蕃薯浸時菜 (hk$68)-好少見這個菜-估唔到會用紫心蕃薯,但個蕃薯幾甜同蕃薯味喎-不錯5) 椒鹽骨腩青斑球 (hk$298)-1斑2食-個椒鹽骨炸得唔錯,外微脆,也少惹味-本來落單時講咗要跟西芹,但侍應落錯單寫咗西蘭花.........咁都唔緊要,因我哋好快睇到印出嚟嘅單喺西蘭花時,已即時拉經理嚟更正番.........佢話會入廚房改單,點知出嚟都仲喺西蘭花.........其間,經理1句對唔住/唔好意思都無講過.........但最尾都有講要唔要換過佢...........咁小事都同廚房存有溝通障礙,點攪呀~~~~~-其1友人唔食得西蘭花,唯有佢無得食啦6) 生果盤 (送)-我無食到因我要保留食力比帶來嘅蛋糕7) 白飯 x 4* 可能當晚人客比平時多........

嗰啲咖啡布丁超小形, 好似酒店自助餐嗰啲, 但成8蚊個好貴, 一啖可以食完。仲有超少型雙皮奶仲有咖哩魚旦只得4粒, 唔抵食但味道OK, 不過份量太少,唔夠分。

週五和一位舊同事到名爵吃午飯。因灣景中心/華潤中心平台有裝修工程，以致入口略為鬼祟，不過，店內裝潢都幾靚幾光猛，目標明顯向一眾新人埋手。食物方面，點了數款點心，如燒賣、鳳爪、蘿蔔絲酥、奶皇包、珍珠雞、叉燒腸粉等等，味道賣相皆屬中價水準。白灼時蔬(菜心)一碟，都幾靚幾甜。牛柳絲炒麵都幾大碟，麵炸得脆脆，都幾好食。埋單三百元，感覺幾貴。

因為早去，人唔多，唔駛等位，不過叫點心就都要等一陣先有得食。今次野食得唔多，同朋友兩個人夾埋叫左幾籠點心，同埋相機無咩電，相影得唔多。最先到係十三摺水晶鮮蝦餃：其實十三摺唔係十三摺無咩分別，都係花巧野，最緊要係味道。當然，味道都唔失禮，蝦肉真係大大隻，勁爽脆，足料。而且粉皮好簿，無話好韌，不錯。跟手~香噴噴鴛鴦奶皇包：個外表好特別，好似西餅店中的咖啡鴛鴦包，奶皇相當好味，入面的奶皇蒸得都相當熱，但個皮就唔算好熱，所以食要小心，唔好俾表面溫度呃左老爺子古法馬拉糕：蒸得相當鬆軟，唔會話太甜，OK。有機田園野菌餃：呢個我相當鐘意，入面有不同的菇，但食落相當爽甜，同埋清清地唔錯。其實環境真係幾靚，我最鐘意白色，所以對佢的裝修幾有好感，感覺好光亮，場的擺設都好靚~兩個人飲餐茶仔，埋單一人四十幾，價錢不算便宜，但又唔係貴過屋村酒樓好多，可接受。

未試過這家好彩集團的名爵，拉同事一行6人去午市飲茶，受氣到不得了。首先，知客勁懶，帶我們去一張出入囗位置的枱，我們話不如坐入面嗰幾張啦，她推3推4，但最后咪又比咗入d嗰張我們，而最初安排比我們嗰張檯咪又係安排比只有3個人客坐！！食物方面，大部份食物偏豉油色：鼓汁鳳爪和鼓汁牛肚應為同一個汁/煲煮出來，縱使顏色很深，味道尚可。叉燒腸：揾笨之作，扮上等咁將啲腸粉已切為一小件上碟，總括整碟腸粉只有出面酒樓的1條半‧‧好揾笨，味道唔得，叉燒為了千就腸粉的一小件size，專登切小咗size但厚度還是很厚，總之跟一小件size腸粉唔夾。牛菘菜苗炆米：絕對不是你想象中的炆米，不如改名為鼓油王炒米貼切啲。滷黄金豆腐：超級鹹！埋單更為激氣，各位記住對單，我們已人指出張單多計了那些點心並叫侍應改正後可碌咭，點知等咗好耐後，催促下由另一個侍應拿回來，咭就碌咗2次，void單就得1張，我們話碌錯咗係成set單會比番個客，個侍應講極都唔明，我們叫她揾部長，點知個部長重頂癮，猛話我們錯先，所以要碌2次咭等等，好激氣，我叫他叫番之前幫我們最初埋單個侍應過來講清楚，他還堅持他同事是對但就唔肯承應錯在先。部長冇名牌 ga

同阿姨去飲茶,去左間環境好靚野食又平既酒樓,叫左唔少點心呀,幾好味!蝦餃,本身好鍾意食呀,個皮夠薄食落又煙煙韌韌,蝦又鮮甜同夠大粒,唔錯呀~!粉果,個賣相好靚呀,表面晶瑩通透,食落皮薄餡靚,好味呀~!奶皇包,個賣相又得意,味道ok啦~!

難得今天成班同事都外出工作，人在灣仔會展一帶，就選一個自己未去過的地方吧，最後鎖定了這所新開的，而又都幾多好評的酒樓來個點心宴。店家的大門口是非常華麗，走入大堂前的走廊都是非常之華麗，而大堂都是擺酒格，夠大夠新，但原來食飯時間，咁大個廳都可以坐滿人，心中嘀咕究竟店家的東西是否真的很棒呢？先來開壺茶及點點心，坐低才知道原來此店是好彩集團，心內突然涼了一截，究竟會否中招呢？在大家狂剔點心之際，喝了口壽眉，入口味道夠濃，有點茶甘，以大型酒樓來說是交到貨。都是快談吃吧，先來的是菜乾豬骨粥，店家用的菜乾及豬骨都可以用個HEA字來形容，吃起來沒什菜乾味，也沒什豬骨香，看見粥的顏色就知道，如果不明白的，請去堂記吃碗就知道，雖然個人認為堂記的粥的軟綿度不會比這兒的好，但這兒的就是連個味都未攪定，至於店家伴來的花生及脆脆，又確是真的幾脆。芝士蝦春卷據店家形容是粵式的風味，那管它是什麼風味，都要好吃才行，外層如網狀的脆皮確是炸得脆而不油膩，不過個人認為就厚了一點，而蝦肉口感混雜，吃起來不爽彈，芝士味也不太出。另也點了不少小吃，這一味黑椒牛柳粒，如一道精細的小菜，牛肉難免的是有點梳打，但吃起來又還帶點吃肉的

生日飯@灣仔名爵第三餐生日飯，亦係最貴的一餐。提議食這家的朋友，本身在中環工作，同行的朋友亦都在九龍工作，選在這家吃飯，大家都不知為何，既然攪手選了這家，壽星公在下亦沒所謂，所以就去了灣仔這家酒樓吃飯。可能是新開，沒什麼指標，手機又沒電，打不到給朋友問路，只知在會展隔離商場，所以一直找不到位置，直至碰到一位保安員，才知道這家店是從前灣仔好彩酒樓，只是搬了過去新地點。經指點後終於找到，剛過大門，就見到一條以主色為主打的隧道，兩旁掛了幾幅「大電視」，心想，嘩... ...駛唔駛咁型呀.. .. ..入到場內朋友們已就座，打開MEUN，價錢都係：嘩.. .. .. 一個菜普遍要6-80蚊，雖然朋友實牙實齒話請我，不過都有唔好意思，最後由我落決定點了三個菜，幾個甜品。丘比沙律蝦球：簡單而言係炸蝦球，不過不知用什麼來包著蝦球來炸，表面沾有沙律汁，酸酸甜甜十分美味，而且蝦肉十分爽口，一碟十二隻，一人三隻，不過因為太鐘意食強搶朋友一隻。。。鮮胡椒醬燒牛肋肉：以前在觀塘另一間酒樓吃過同樣的菜，覺得相當好食，今次在同是好彩旗下的酒樓碰到這菜，就一於再試。牛肋骨上菜後，由侍應幫忙切細，不過其實應該自己來，

聽聞灣仔新開了間名爵既樓酒好靚,就同左幾個fd去左o個到食,以為好難搵,又唔係,都好近!上到去,好靚…我估個場係專比人擺婚宴用的!以為咁靚既地方,價錢會好貴,但又唔係喎…又叫點心又叫了甜品,其中我覺得最正既係d蝦餃,包得好靚,又唔厚,又唔會散出黎!推介這個~ 另外值得一說係幾個甜品,桂花凍,賣相幾好,入面好足料好多杞子,而且清清淡淡幾好味!另一個係心太軟,呢個超好味,流出來的朱古力暖暖的好甜~還有一個是焦糖燉蛋,甜甜地,好香好滑,有入口即溶的感覺,不過份量少左d,唔夠食呀~!整體黎講都唔錯!會叫朋友幫襯^^

今日公司有特別節目,所以去左附近既名爵 食晚飯.地點都幾難搵.不過入面裝修就真係好厲害,成個澳門d 酒店入面咁誇.好多酒畫同電子版襯托,好有氣派!好似西式既酒樓食左好幾道菜,又蝦又蟹又海參 都幾high有碟沙律蝦球真係好好食 可惜不多 ..d醬真係非常好味. 勁爽口!~無得彈食左7-8款野埋單差不多近千 每人都係百幾 都算幾抵食!

因決定於下年年尾擺酒, 早前開始物色地點, 發現好多地方都已經BOOK到2013年, 決定TARGET新開的酒樓, 睇下撞唔撞到手神.得悉灣仔新開左呢間名爵, 決定成家人衝去睇場. 名爵環境明顯係為酒席設計, 入口位的電子屏幕走廊, 甚有特色, 彷彿去了威尼斯人. 大廳可擺50圍, 一個細廳可擺30圍, 間隔四正無柱位, 加上宮廷式的佈置, 華麗, 卻不浮誇. 由於係新裝修, 好多地方都未細緻收拾, 例如門外的長樓梯, 新娘房, 以及洗手間. 身後出菜位的傳菜員都有點"勞嘈", 似乎係因為未記熟檯號, 比廚房或樓面的同事話左兩句. 關於這方面, 酒樓有待改進.環境合格, 都要睇睇野食質素. 叫左一檯野食, 重點介紹幾個覺得特別出色的:1.海鮮喇沙估唔到酒樓都有喇沙食, 而且仲幾好食TIM. 呢個喇沙並非一般喇沙店食到有湯底果種, 佢係有少少似撈面的喇沙. 喇沙醬好香花生味, 微微的辣. 海鮮好足料, 有大蝦有斑塊有青口... 十分惹味.2. 流沙奶皇飽.四個字: 香滑鬆軟3.馬蹄糕小妹本來不太好馬蹄糕, 但見媽咪讚不絕口, 都忍唔住食左兩舊. 馬蹄糕非常清甜, 用清甜這字眼是因為方間的

在港灣道體育館打完乒乓球, 朋友喜歡飲茶, 知附近有東海, 逸東軒等較出名酒家, 但想試新地方, 便上網 Openrice 找找港灣道附近的酒樓, 見到了這間位於灣景中心未有聽聞過的 '名爵'. 然而, Openrice 內未有食評, 只得一張店舖門面的相, 看上清潔齊整, 應不會太差罷.繞了個大圈, 酒樓沒有大招牌, 於好不容易才在港灣徑這邊找到了個大堂入口. 乘電梯往三樓, 便看到酒家入口為黑和白的高雅色調. 知客帶著我們走過氣派不凡兩側有圓柱的短走廊, 便去到酒家的大廳, 四周掛著多幅結婚相, 也裝置了多部液晶電視, 是一個可筵開二十席左右的婚宴廳. 十二時半, 客人也坐了一半滿. 侍應們都很貼身有禮, 開好茶, 忙中亦與我們閑聊兩句, 問好我們姓氏, 轉頭便以我們姓氏稱呼.拿起點心紙, 一格格要填橫線點的, 面善, 甚似利苑酒家的一張, 又想起很多年前的公開試選擇題的答案紙. 紙上說明不可劃出格, 莫非真的是用電腦來掃描這麼先進 ? 食點心, 不用這麼嚴謹罷 !這裡午市的選擇不少. 點心便有三四十款, 小點到頂點由 $13 到 $29, 另有小吃秎麵粥飯等等. 兩人吃得不多,