名爵 (已結業)

週五和一位舊同事到名爵吃午飯。因灣景中心/華潤中心平台有裝修工程，以致入口略為鬼祟，不過，店內裝潢都幾靚幾光猛，目標明顯向一眾新人埋手。食物方面，點了數款點心，如燒賣、鳳爪、蘿蔔絲酥、奶皇包、珍珠雞、叉燒腸粉等等，味道賣相皆屬中價水準。白灼時蔬(菜心)一碟，都幾靚幾甜。牛柳絲炒麵都幾大碟，麵炸得脆脆，都幾好食。埋單三百元，感覺幾貴。