10
7
7
港鐵灣仔站 A1 出口, 步行約9分鐘 繼續閱讀
電話號碼
2598 9828
營業時間
星期一至五
11:00 - 23:30
星期六至日
09:00 - 23:30
付款方式
Visa Master 現金 銀聯
其他資料
加一服務費
食評 (29)
等級4 2016-07-01
7219 瀏覽
今日,同舊同事一齊午茶。順便fqarewell上司。我地由點菜唔洗三分鐘。但上菜的時候都幾熱。燒春雞,外層炸得幾脆。都啖啖肉,只係細碟姐。雞肉都幾滑。叉燒腸同叉燒蘇;叉燒腸由於我無食,所以唔寫啦。叉燒上的時略嫌凍,食落去時候外層塊皮好厚,入面的肉好肉,汁的份量唔算多law... 如果佢做多汁的話就好啦。而家搞到個叉燒蘇乾身。 繼續閱讀
(以上食評乃用戶個人意見 , 並不代表OpenRice之觀點。)
今天中午再次光顧灣仔名爵酒樓,叫了一些點心,其中一款是"金蒜蒸鮮魷",當食品來到我面前嚇了我一跳,如圖所顯示,像已經被人吃了一半似的,我立刻叫上點心的阿姐看看,阿姐話"你同經理講",我隨即叫經理過來取消這碟"金蒜蒸鮮魷"的單,理由是這碟點心是特點價錢,依價目表在該時段(中午12點至下午2點)是$31,加一小費$3.1,合共$34.1,非常物低所值,經理亦認同幫我取消該單。本人認為出品除了美味之外,亦要注重份量,不可能出品好好味,但份量就給你試食般。名爵你應該好好地檢討。 繼續閱讀
(以上食評乃用戶個人意見 , 並不代表OpenRice之觀點。)
等級6 2015-09-04
4238 瀏覽
大食會聚餐中,其中一位會友極力推介灣仔「名爵」,激讚佢抵食又好味,有興趣o既十個人就立刻夾好日子去試食。「名爵」位於灣景中心,離地鐡站頗遠,附近一帶o既交通經常性擠塞,乘搭公共交通工具,甚至的士或私家車都極難掌握時間,落咗車仲要搵電梯或升降機上三樓,地點可算唔多方便 。餐廳由門口到大廳o既裝潢全以粉紫、粉紅同白色為主,裝飾都用上花花同蝴蝶,極富婚宴味,同為單身o既小肥同Auntie V一同行經走廊,耳邊彷彿正奏出結婚進行曲,搞到大家都打哂冷震 ,好唔自然。入座一刻即發現食店屬好彩集團名下,而且標名為「婚宴專門店」。除咗經理姐姐一人較為落力之外,樓面伙計大多都面無表情,唔多願做咁 。點餸方面交由會友即場同經理姐姐商討,大致上都係叫返啲抵食o既推廣菜式。 响螺海皇冬瓜盅($168):冬瓜盅湯味清甜,其實都好足料吓,同行o既會員卻挑剔地形容湯品只屬中規中矩,好彩睇清楚價錢為每盅$168後都大叫抵食 。 潮連燒鵝皇($148/半隻;$280/隻):訂枱時其實只係訂咗半隻,不過姐姐話留咗一隻,見大家都冇異議,最終我地就要咗一隻。大食會中有多位隱世廚神同食家,除咗彈燒鵝唔夠熱、皮唔夠脆之外,令佢地最反感o既就係左右兩邊好似黎自兩隻唔同燒鵝咁 ! 醬燒黑毛豬肋排($268):熱辣辣o既豬肋排可稱得上為全晚之最 ,其味道甜濃,而且好夠鬆,肉質唔嚡、唔老、又唔乾。 椒鹽骨腩青班球($368):如相所示,炸頭腩外型大到好似炸蠔咁,L姐話炸粉就靚,因為好夠香脆,可惜調味欠奉,入面o既魚肉毫不鮮甜,油麻地過油麻地 ! 菠蘿咕嚕肉($88):咕嚕肉粉多過肉,咬落又硬又乾,完全唔掂 ! 金銀蛋浸莧菜($78):翠綠o既莧菜清甜脆口。 上湯浸春菜($78):春菜食落有渣,唔係細佬杯茶囉! 香煎涼瓜肉餅($98):苦瓜餅貌似蓮藕餅,雖然煎得夠乾身,但味道勁苦,且過咸,不吃也吧!「名爵」不但地點唔方便,餐廳好似一間「娘」味濃厚o既酒樓咁,又唔夠冷氣,真係唔多舒適!服務生得過且過,推廣菜式質素偏低,價錢再抵都實難登大雅之堂 ! 繼續閱讀
(以上食評乃用戶個人意見 , 並不代表OpenRice之觀點。)
等級3 2015-05-18
3356 瀏覽
到灣仔工作2年了,都未有機會試一下,聽說同事講食過一次,但等左好耐先黎第一碟點心,所以BLACKLIST左~但因為食到唔知簡邊間好,所以比多次機會呢度~今次我就覺得唔差~等10分鐘開始上,30-40分鐘黎齊哂因為同同事食,所以唔好意思影相~我覺得腸粉好好食,皮夠簿~仲有心太軟,朱古力夠濃~D食物大部份都好食,因為食左太多,所以都唔記得~反而D服務唔太OK~因為地方大,但得幾個人做野~佢地又好似扮見唔到我地咁...熱水都自己加,費是等了~ 繼續閱讀
(以上食評乃用戶個人意見 , 並不代表OpenRice之觀點。)
等級1 2014-07-09
4187 瀏覽
公司開親大型宴會都去e間, 因為附近冇地方比2-3百人既酒樓, 不過每次都唔好食...唔好話佢預咁早訂位都好似冇準備好混亂感, D食物真系一D都達唔到酒樓基本要求水準... 一系太鹹, 一系冇味, 蝦餃皮厚過餅皮, 小菜油淋淋, 試過經紀帶去食傾保單, 唔係幾十枱預位只系平時飲菜都系唔好味... 繼續閱讀
(以上食評乃用戶個人意見 , 並不代表OpenRice之觀點。)