名人館

營業中

休息中

屋企人住觀塘，話附近有間好出名嘅潮州菜餐廳，開係酒店入邊仲攞過米芝蓮一星，睇落都幾岩一家人食飯。竹炭豆腐賣相好特別，出邊用咗黑色嘅炸粉，入邊豆腐都滑咁，食完先知冇影相，可以一試架。陳醋豬手香濃花生味，又唔會太重口，做開胃小菜適合而家嘅天氣。金絲煎蠔餅炸得金黃酥脆，見到個厚度都feel到足料，好過唔少大排檔啦豉油王鵝腸爽口，滷水汁都撈埋食飯，個底嘅芽菜幾適合送飯韭菜鵝紅煲足料，我好少食鵝紅，但係呢個真係唔錯，都幾香。雖然唔係啲排隊名店，但係都幾適合一間食飯，我阿媽都好鍾意潮州菜，香港可以做到呢個水準亦都好唔錯。

食物好吃，份量夠,招呼一流，無論樓面及傳菜的員工都笑容可掬。另外，炭燒豆腐可以逐件下單，很是驚喜，不用浪費，兩個人吃午飯，選擇很多！點心拼盤，價錢合理，二人份量，剛剛好，每樣也可以試一試

星期日晚落住微雨，岩岩APM睇完奧運，然後walk in去咗呢間之前未試過嘅潮州餐館，有d驚喜。黑松露鵝肝流心蛋呢個配搭幾新穎黑松露嘅香氣，鵝肝creamy嘅口感，配埋流心蛋，一啖都好濃郁好惹味。潮式凍烏頭食潮州菜必點菜式之一魚肉鮮嫩，輕點惹味既sauce ，係夏天食真係冇得輸。其實可以加錢將魚皮拎去炸做兩食，不過今次我地就冇咁試，下次先😂風霜黑醋骨呢份黑醋骨味道好有層次感，糖霜嘅甜、黑醋骨嘅酸甜，配埋飯食完真係令人回味無窮名人炒飯呢度炒飯有d驚喜。配料有新鮮鵝肉粒、櫻花蝦、XO醬等等，香氣同味道都好豐富。反沙芋呢道反沙芋係超有驚喜！作為一款中式甜品，上枱嘅擺盤已經好吸引。係炸得好香脆，芋頭嘅鮮甜再加返少少糖漿嘅襯托，而且份量比想像中多，所以下次可能主菜食少啲，留肚要預encore番呢份甜品😹而且值得一提呢間餐廳嘅服務態度係好好，大家都好有笑容，所以成個用餐體驗感覺好舒服😌

星期日陪完小女都觀塘海濱遊玩，知道有此潮州菜館，決定玩完一家人食個early dinner。環境寬落企理，侍應有禮。先來些開胃前菜。酸菜爽脆，調味適中。醉鴨舌充滿花雕香，素鵝層層的腐竹都滷得香甜入味，簡單前菜已見用心製作。經典的炸蠔餅，泡得薄脆，中間沒有任何粉團，又不油膩，蠔粒肉厚結實，師傅一展功架。另外的蝦乾芥蘭煲同樣出色，熱辣辣奉上。芥蘭段爽脆無渣，蝦乾大大隻鹹鮮味十足，肯定是揀手靚貨。今天小試牛刀，發現餐廳用料上乘，用心製作侍客，絕對有下次。

原來觀塘有間隱世潮州菜，由米芝連星⭐️級主廚主理，仲聽講座無虛席。要是一間潮州菜好唔好食當然少不了潮式滷水，點咗份滷水鵝片，果然鵝肉非常鮮嫩，滷水汁味道鹹香適中與餓肉也十分匹配。最欣賞嘅係佢墊底嘅豆腐都做得非常好味。另一樣推薦菜式就係潮式炸蟹棗，蟹棗呢個名可能有啲人唔係好知係咩，其實有啲似我哋打邊爐食嘅蝦滑，混入咗蟹肉，加入馬蹄、沙葛等等嘅材料，再拎落去炸到金黃色。依度菜式其實好考功夫，首先係蟹棗做得夠唔夠爽、其次就係炸嘅時間要拿捏得啱啱好。呢度嘅師傅就將呢一度菜式發揮得淋漓盡致，彈牙之餘外表係香脆嘅金黃色。

呢間餐廳位於觀塘酒店入面，入面有好靚既環境，座位舒適，職員友善親切，一入到去就問我地飲咩茶想食咩，我地叫左份鵝片例牌，拼盤仲有豆腐底，鵝片入味香濃，片片都切都岩岩好，擺盤好靚即叫既切，師傅刀功可以切到片片一樣厚度都幾勁。另外叫左一碟好靚既香芒炸蝦球，呢個小編推介除左擺盤用心精緻之外，食物仲好新鮮，蝦球用左大條既蝦肉，爽口彈牙，如果個擺盤可以加埋乾冰出煙既仙境效果就更正，呢個價錢可以食到甘正既大蝦真係好抵。

朋友帶路黎到觀塘食飯，餐廳位置離觀塘站有D距離，係觀塘帝盛酒店1樓。當時7點到達，都已經有約6檯客人食緊，侍應好親切，會主動介紹餐廳嘅特色菜。（唔想影到其他食客，呢個係離開時拍攝）選擇困難症嘅可以無腦地揀二人餐或者四人餐，今次揀咗二人餐試吓。冰鎮南非鮑魚及海蜇拼醉香鴨舌冰鎮鮑魚好好咁切開咗，方便食用，食得出有少少酒味，但唔會有苦，係剛剛好的酒精濃度，鮑魚可以一口咬開👍👍。醉香鴨舌好嫩，酒味略淡於鮑魚，但一樣好容易食用，咬下去，皮少少爽脆，之後可以好似鳳爪咁，好容易食曬D肉。杏汁燉豬肺湯用紫砂茶壺上檯，好得意，而且上檯時，茶壺都好熱下。由於紫砂壺保溫，即使等耐D再飲都keep到溫度。呢個湯平時係其他餐廳都好少有，就算有，味道都差少少。而呢間湯頭濃郁，杏味比較突出，我好喜歡入面有豬肺、豬肉、雞腳同螺片，真材實料。滷水鵝肉拼滋味雞以二人餐嚟講，拼盤份量都幾大，每一片鵝肉都大大塊，滷汁唔會過鹹淡淡的，有存在感，但唔會喧賓奪主，鵝肉偏瘦，只有皮果層脂肪比較肥，整體上，食多幾塊都唔會覺得滯。雞肉肉質嫩滑，煮到剛剛好，配上淡淡嘅滷汁幾好食，底下仲有滷水豆腐，不同於平日見到有炸過既豆腐，佢屬於嫩滑同豆

相約朋友去官塘工業區酒店內食正宗潮州菜，餐廳裝修以金色為主調，金碧輝煌。餐廳主打潮州菜，設有早午晚市各類點心、海鮮、湯品、甜品和鹵水多種套餐。服務員招呼態度有酒店級服務水準。醉香鴨舌醉香鴨舌酒味不太濃，廚師用玫瑰露和花雕烹調，帶有醉香味又嫩滑的鴨舌食完未令到我醉倒。鹵水鵝掌翼有骨的鹵水掌翼有肉味，連骨的肉比較嫩滑，廚師鹵得夠入味，食到嘴舐舐。招牌撈麵招牌撈麵內有芽菜、辣椒、香蔥、XO酱，菜式簡單，廚師烹調工夫高，煮到麵身爽口彈牙。芥末雞腳筋青黃色的芥末雞腳筋食落好彈牙，仲好爽口，吾會靭，芥末清新鼻孔通爽。素鵝素鵝外型好似鵝肉，像真到好高，用腐皮材料製造的素鵝食落不太鹹，口感唔錯。糖水有福果薏米蛋白腐竹糖水和清心綠豆爽，甜品材料豐富，不太甜，食完飯飲糖水潤一潤。

去了一間名人館食潮洲菜，自己本身是潮洲人，由細就食鹵水鵝，所以對鹵水都有要求😅咁次朋友帶，佢話這間鹵水鵝你一定要試，無論汁跟鵝肉都做到非常出色😋先點二件香蒜竹炭豆腐，炸外脆內軟，一咬外面脆蒜香味而豆腐就香滑，都未食過有咁滑豆腐，好食😋日式燒魷魚仔，這時間食魷魚仔🦑是最好最肥美，每隻都帶有魷魚本身膏，口感就好似食魷魚釀蝦餃，加上燒汁味道不錯👍期待鹵水鵝片出場，叫雙拼拼墨魚片，獅頭鵝片咬落完全冇渣，肉質林，鹵水汁的花椒八角桂皮味唔會好重，鹵水汁味調教得好好，唔會好濃但鹵水味就好香，鵝肉完全吸收鹵水汁，食左咁多年鹵水鵝，這間真心做得唔錯，墨魚片爽口👍冰鎮鮑魚拼雞絲海蜇，朋友話一定都要食，鮑魚做得好出色，鮑魚鮮甜爽口，海蜇帶好香麻油爽口，唔會有 腥味👍😋不得不介紹俚支花臉啤酒🍻，柔香薩花茲酒花精麥芽慢焙制成，有水果香中和苦味，好酒😅老闆娘好好，仲送二份即整熱西米甸甜品🍮熱辣辣個底仲有紅豆沙，唔會好甜。服務員都招得好好，今時今日香港有咁服務都好難，食物又新鮮好食，服務又好，今時今日有咁服務值得推介

今日同同事去觀塘度食晚飯， 咁就去咗呢一間名人館， 其實呢一間酒樓都未曾試過，今日有機會就試下，雖然知道都開咗一排㗎喇。 咁入面啲裝修其實都ok嘅，坐得都幾舒服。我地叫咗以下:滋味櫻桃蘿蔔: 這道看似簡單的菜餚,卻暗藏驚喜。櫻桃味蘿蔔清甜可口,配上特製的調味汁,散發出陣陣撲鼻香氣。吃起來爽脆多汁,點的好滋味。掛樹荔枝香芒脆蝦丸:這道菜融合了鮮嫩彈牙的蝦肉丸,每一顆蝦丸都經過精心炸製,外層酥脆,內餡飽滿多汁。這種既可以打卡,又不失本土特色的菜餚,絕對能讓食客大飽口福。黑松露鵝肝流心蛋:這道融合了法式與中式元素的佳餚,讓人難以忘懷。流心蛋的濃郁香醇,完美地搭配上鵝肝的醇厚香味,再加上黑松露的神秘氣息,口感層次豐富。椰皇燉海味翅:這道令我垂涎的燉翅堪稱是主角。湯汁濃郁,湯頭鮮甜,飽含著多種海鮮的精華。每一口都能品嚐到魚翅等食材的獨特口感。最讓人驚艷的是椰子的香氣,為這道湯增添了另一層次。呢個翅絕對係我至愛。Overall,這些特色菜餚各具特色,都能讓人大飽口福。無論是追求創新口味,還是嚮往經典風味,這裡都能滿足您的需求。

在觀塘工業區, 這一間小酒店竟隱藏住這所高質素的菜館, 若不是街坊朋友介紹, 真係搵你唔到, 但是一上到二樓已經看見全院滿座, 証明有實力有麝就自然香, 當然必試它的潮州鹵水鵝, 果然冇搵錯, 鵝肉完全是肥瘦適中, 而且咬落不會有渣, 甚至他的墨魚片和豬腩肉, 鹵水味都極之濃濃厚好味, 而且食得出本身食材都是高質的, 另外更值得一贊是他的脆皮燒雞, 做緊promote竟然半隻也不過佰元, 但是上枱簡直令人驚喜, 皮脆且肉質紮實有咬口,另外的那個香芒蝦球, 吸晴之餘, 蝦球大大隻而且配格芒果味很創新, 這晚的菜式和食材都實在是近期潮菜的表表者。

甫入店內熱情有禮的招待, 已予人一份親切的感覺, 此店前身是阿鴻小館, 也有光顧, 今次來雖然換了名, 但原來班底不變, 咁就更加有信心, 先來個醒胃小吃“ 陳醋白雲豬手” 真係皮彈爽脆, 好的開始, 滷水鵝當然必要試, 原來店員介紹鵝當然係嚴選獅頭鵝, 但最大分別在於處理過程及時間掌握, 更拍心口担保鵝肉不會有渣, 果然名不虛傳, 今次個鵝拼盆的墨魚片和豬腩肉都絕不失色, 甚至連豆腐也滑不溜口及入味, 轉眼消化晒, 另一推介之作就是香芒大蝦窩巴, 淨擺盆賣相都贏曬, 整體今餐飯很滿意, 怪不得全場滿座, 甚至發覺熟客也不少呢！

名人館名人館前身係一間米芝蓮阿鴻小吃,餐廳位於九龍觀塘鴻圖道84號香港觀塘帝盛酒店1樓,餐廳裝修以傳統中式酒樓設計以金色為主調,餐廳主打廣東潮州菜,早市有點心,午市晚市有套餐供應,服務員招呼殷勤友善有禮。鹵水鵝掌翼餐廳鹵水招牌菜,鹵水掌翼係我嘅至愛,廚師冇令我失望,嫩滑掌翼的鹵水香味,食到我齒頰留香。醉香鴨舌餐廳用花雕和玫瑰露煮鴨舌,酒味不太濃,微鹹,帶有醉香味的鴨舌食落超嫩滑。招牌撈麵撈麵內有芽菜,香蔥和辣椒絲,廚師製作撈麵功夫一流,從未食過這麼爽口彈牙的撈麵,值得一讚。素鵝餐廳用腐皮製作素鵝,材料簡單,製作用心,微鹹,鵝味不太濃,食落有口感。芥末雞腳筋芥末雞腳筋第一次食吾錯,雞腳筋食落彈牙兼爽口,芥未令我鼻塞暢通,感覺非常舒暢。清心綠豆爽綠豆爽內有白色的馬蹄和透明的清心丸,微甜,爽口的馬蹄和煙靭彈牙的清心丸,每羹綠豆爽食落都有多種口感。福果薏米蛋白腐竹糖水材料豐富,薏米份量都不少,腐竹煮到溶晒,微甜,每口糖水都有彈牙的薏米和香濃腐竹味。

家人是滷水的愛好者，一向有要求，原來觀塘有間名人館真是水準好好👍！其中名人館最引以為傲的滷水四全，讓我好開心品嚐到香港最正宗的滷水美味，每一口回味無窮！🧑‍🍳廚師精選，私房菜式的模式，環境華美典雅，店員好親切並介紹可以點其中鵝肝及醉乳鴿😻滷水鵝肝香濃滷水入味好吃， 鵝肝新鮮軟滑齒頰留香🧡醉香乳鴿擺盤精緻美觀， 乳鴿肉嫩入味啖啖醉香！古法砂碻扣龍躉熱騰騰香味撲鼻，而且份量實在豐富龍躉肉鮮香十足！

同好友聚會，要可以慢慢坐慢慢食，又夠靜嘅地方，酒店菜館係首選，好友又將範圍收窄至潮州菜，咁就拍板喇。地點喺觀塘，因為唔太熟悉呢區，一直以為喺大街，原來喺工廈堆中。約咗平日7.30pm，上到去唔太多客，我哋仲有得揀枱坐，可惜窗口位置係大枱，我哋要傾計當然揀合自己的。講到明傾計為主題，就先叫黑炭豆腐2件，鵝片墨片拼鵝翼，可以慢慢食。好友對豆腐讚嘆不已，它的確有特色，黑色脆皮包住軟滑豆腐。三拼都中規中矩。經理推介了檸檬特飲，我哋都叫咗試下，檸檬香夠，又唔太甜，好啱食住傾住飲。傾到咁上下，又點了當日特別推薦-金錢鱔，我哋選了豉汁煮，鱔肥大夠厚，又夠彈牙。冇菜喎，唔夠balance，又點個芥蘭。傾到口乾，又叫咗過豬肺湯，呢個超驚喜，佢係一個類似紫砂茶壺+2隻杯仔，因為我掛住講，聽唔清楚侍應上菜時所講，雖然睇住侍應喺茶壺倒滿2杯，當好友問嗰個係咩，我仲答係汁，好友打開壺蓋一睇，原來係湯，而其實茶具盤早已寫了「湯」。個湯好潤，我哋將杯一飲而盡又繼續傾繼續食枱上食物。過咗一段時間再斟湯，好神奇，啲湯仲暖，個壺保温力奇好。其間，侍應傳菜路過時，見我哋好奇眼光，會主動講出手中菜名，好醒目的舉動。