同撈同煲 (堅拿道西)

營業中

休息中

今日朋友約咗我去呢間同撈同煲火鍋老實講一入門口 感覺麻麻主題係九十年代風配懷舊音樂裝修的確唔係我杯茶但環境都幾舒服 好乾淨 抽風好勁食咗成晚都唔會有油膩煙霧嘅感覺入座後先點咗佢哋推介嘅美人鍋提一提佢地個鍋好大夠淺好方便美人鍋用咗半個雞係你面前滾出嚟仲有啲蟲草花 桃膠 瓜菜等等佢地個食法係推介客人先飲一碗頭啖湯我覺得真係幾好飲 好夠雞味 清清地咁我全程都係一邊滾嘢食一邊飲湯叫嘢食嘅時候佢地好推介海鮮 仲有折頭可惜我暫時未食得海鮮就冇叫到就叫咗啲平時打邊爐食開嘅魚皮 響鈴 肥牛 黃喉 羊肉片 牛丸我覺得魚皮同響鈴係香港食過最好食魚皮有幾種口味可以揀 我食咗蜜糖味冇誇張 完全停唔到口 無論浸唔浸湯都好食響鈴好出色係即炸嘅 超脆 入口即溶佢仲配咗個醬畀我唔浸湯食 好正魚皮 響鈴建議一定要叫肥牛我地試咗兩款 一個係日本飛驒牛平時燒肉都好常見呢種肉 感覺唔係太適合打邊爐用我推薦另一款特級手切夠牛味 夠雪花 量都多 抵食另外黃喉好爽口亦都推介羊肉牛丸就不過不失飲品方面我揀咗佢地自家製嘅菊花蜜清新 夠味 好解膩 我叫咗兩支食晒所有嘢之後 每人上咗兩款免費甜品一個係啫喱 一個係要放入爐煮嘅糖不甩我諗啫喱

今日朋友生日，於是幾個一齊約埋打算打邊爐，而家邊爐店周圍都係，想食真係唔難，但揀間好食嘅真係要花點功夫搜索一下。呢間火鍋店喺九龍城起家，開到嚟銅鑼灣肯定有佢嘅實力，一於試一試。首先入到去環境好好，用咗懷舊嘅港式風格，好似70年代嘅香港，好有特色。火鍋店有限定優惠，包括有海鮮拼盤同埋刺身拼盤，我覺得幾抵食不過我哋都係想散嗌。湯底方面我哋嗌左《冬甫美人鍋》$198勁大隻雞！首先飲咗啲湯先，再食啲雞，咁樣就可以令到雞嘅精華更加豐富，另外仲有好多配料例如冬瓜、蟲草花、紅棗、杞子等等，令雞湯更加鮮甜！配料方面，選擇都幾多！淨係牛肉多到眼花撩亂。我哋揀咗最貴嘅日本飛馬單牛，灼3秒就食得，仲可以刺身食。口感勁林又重牛味，好正！另外仲有頂級牛頸脊，同樣口感都好林，好好味。另外仲有海鮮類例如珊瑚蚌、珍珠蚌等等，好新鮮爽口，仲有手打丸類，其中我最鍾意食嘅係爆漿牛丸，爽彈之餘，裏面嘅餡料真係有爆漿嘅效果！我哋仲嗌左個小食，老友鬼鬼，係蝦膠釀油炸鬼，炸得好香脆之餘，唔會好乾，好食！最後店員仲請我哋食咗甜品，啫喱同埋糖不甩，成餐來講非常滿足。

平日收工約咗朋友去打邊爐🍲 銅鑼灣有間方便又就腳 環境又靚又懷舊既餐廳 最岩2個女仔打邊爐順便可以傾下計打下卡😆👍🏻 一入到餐廳裝修真係好有80年代feel😆 一坐低侍應就拎咗豉油配料比我地 仲好細心咁介紹招牌菜比我地👍🏻👍🏻我地先叫左個湯底 女仔緊係要美顏湯底啦😂 我地叫左冬甫雞湯美人鍋🤤 個湯底用成隻雞去煲 真係勁養顏侍應仲介紹可以未落火鍋配料先飲左個湯底先 真係好鮮甜呀！ 🤤🤤 我忍唔住飲左2大碗 湯底入邊仲有啲竹笙、山藥、蟲草花、紅棗、娃娃菜成個湯底真係好足料😋😋我地仲叫左個海鮮拼盤、安格斯牛肉、牛胸爽、鵝肝墨魚丸、蔬菜拼盤海鮮拼盤有四隻鮑魚、六隻海蝦、兩隻聖子王全部海鮮都好新鮮 尤其係海蝦 好大隻好彈呀！ 鮑魚同聖子王好鮮甜爽口😍安格斯牛肉+牛胸爽牛肉雪花紋好均勻 入口又好嫩 好重牛味👍🏻 餐廳竟然有牛胸爽 呢個部位比較少有 配埋安格斯牛肉一齊食帶出好香牛油脂既香味仲有d爽口🐂鵝肝墨魚丸因為我地怕食唔晒 所以叫左半份 墨魚丸好爽口彈牙 入面包住粒鵝肝 一咬落去有鵝肝嘅香味但又唔會蓋過墨魚丸 幾有趣幾夾蔬菜拼盤種類好多有粟米、蕃茄、娃娃菜、唐生菜、油麥菜 全部都好新鮮👍🏻最後仲

今日同男朋友約咗食喱間係銅鑼灣新開既邊爐，之前開喺九龍城嘅時候已經想試，今次終於喺銅鑼灣新店試到。我哋大約6:30左右去到，可能因為新開嘅關係，唔算好多人。見到餐牌都有好多海鮮set 不過男朋友唔想食海鮮所以就冇嗌到。店員推薦我地叫冬甫美人鍋，好大一煲，非常足料🤤🤤🤤日本飛驒牛 特級手切牛肉兩款都好好食，日本飛驒牛入口即溶既感覺，配埋特調嘅醬料👍🏻👍🏻👍🏻特級手切牛肉好重牛味🤤🤤🤤澳洲和牛牛丸 好爽牙彈口，牛味重羊肉片 正正常常，不過不失。shake shake手工炸魚皮 我覺得好特別有6款味可以揀，我揀咗蜜糖味。個味道好夾，個魚皮炸得好香脆。牛黃喉 本人非常中意食牛黃喉，但香港好少有係爽口既牛黃喉 好多都會變到勁淋🥺🥺🥺喱間係少有既爽口黃喉 我好中意！！！即炸響鈴 超級推薦！！！佢地係即叫即炸，上到嚟仲係超脆超鬆化！配佢個醬料都好好食😋杞子圓肉菊花 好飲 佢哋自己整的 我飲咗2枝啫喱幾得意 青檸味解下濟🤣糖不甩個賣相幾得意，但點知係擺落我地打完邊爐個煲度煮，覺得有少少核突🤣🤣🤣不過好彩加埋花生芝麻個啲就唔覺餐廳整體食物質素都幾好，服務都覺得好好，下次會試埋佢啲海鮮🤤🤤🤤

近排天氣轉涼，最岩就係約齊朋友打邊爐😜前兩日係OpenRice見到銅鑼灣新開左呢間懷舊風既火鍋店，即刻book位嚟試試🤓餐廳座位頗多，裝潢以懷舊風為主，充滿特色🤪坐低之後，職員會逐一介紹餐牌食物，而且仲會幫我地洗埋碗筷，服務十分周到🥰我地湯底叫左冬甫美人鍋(雞湯)，入面有蟲草花煲雞、冬瓜、桃膠、娃娃菜等等，真材實料，十分濃郁😍食物方面選擇都頗多，有牛肉、海鮮、手打丸、手工滑、仲有小食同埋點心選擇，小食方面十分推薦老友鬼鬼🤩呢度整體食物質素都唔錯，黑松露墨魚滑夠爽彈！醬爆賴尿牛丸好多汁！手切牛肉好大份，而且厚度適中，唔會太靭！另外，蔬菜亦都好新鮮，值得一讚👍🏻食飽飽之後，職員見我地意猶未盡，仲請我哋食咗啫喱同埋糖不甩，滿足🥰

見openrice有新開懷舊feel嘅火鍋就嚟試試，網上訂咗位，好唔好意思地因為工作+塞車，足足遲咗成個鐘先到，職員係咁話唔緊要唔緊要，真係勁唔好意思🙇‍♀️🙇‍♀️坐低咗職員勁有耐性又詳細介紹食物，點好咗食物後，又有職員幫我地洗碗筷，有小食order可以醫住個肚先，叫咗個招牌美人鍋，入面係冬瓜，桃膠，蟲草花煲雞，又係飲咗個湯底先，清清地都唔錯，重點係飲完個湯底都唔會頸渴。叫咗個牛肉拼盤，有飛驒牛，安格斯，牛柳粒，封門柳同牛舌，份量都幾多，加上牛肉比較油身，食幾塊都有d膩。另外又叫咗海鮮拼盤，有帶子，鮑魚，海蝦同蟶子，我第一次出街食海鮮，係見d海鮮洗得咁乾淨，洗到白雪雪，呢個係超級讚👍👍飲品嘅選擇唔多，汽水，啤酒同烏龍茶，另外有幾款特飲之類，如果飲品可以再多d選擇就更加好😃最後真係要再次讚揚佢地嘅服務態度，勁有禮貌，招呼周到👏👏