同撈同煲

營業中

休息中

朋友前排推薦同撈同煲，平時喺九龍城經過多次，成日都俾佢嘅懷舊裝修吸引，今晚難得話打邊爐，就選擇呢間。坐低欣賞餐廳的裝修，好有心思，同之前間同樣sell香港情懷的地方差唔多。同事推薦「賣魚勝選擇」，又幾好喎，有鮑魚，蟶子同大扇貝，咁多海鮮都係$398，真係算幾值，如果係尖沙咀一帶嘅火鍋店，無$500都唔得啦。咁熱實要飲支藍妹，仲有戰鬥碗。點了咸蛋芥菜湯，呢個絕對少見的湯底，就好似屋企煲湯咁，好健康嘅湯底，芥菜清清甜甜，打邊爐起嚟都冇咁熱氣。如下次你同一樣叫呢個湯，加左太白醉雞件後，成個湯底就會有另一番風味，變相醉雞湯底，好正。田園拼盤有好多唔同菜，幾好，不過如果再多點選擇會更好。養顏美人餃話係首創，我食落覺得似蟹餃，都幾唔錯。我好少食稻庭烏冬，幾煙韌，最好係total有兩個，價錢又唔貴。吸湯一流的蜂巢豆腐同鮮腐竹，一定要食。送嘅糖不甩同啫喱都幾特別，尤其係糖不甩，好正，呢個要收錢的話，應該都唔會平，但宜家幫襯就送俾你，真係幾好。其實佢仲有好多小食，下次多人先再試，整體來講，環境舒服，又坐得好，又唔多人，服務態度仲要非常親切細心，值得一讚！所以，大家夏天熱辣辣都要嚟打邊爐呀！

九龍城呢間「同撈同煲」，大玩懷舊裝修，八十年代金曲📀無限loop, 無論你係咪來自那些年，拎住隻嗱喳麵瓦碗，喺咁嘅環境打邊爐♨️真係特別好玩👻醉雞鍋嘅湯底足料飄香，藥饍味道豐濃香醇，浸埋飲過酒嘅滑雞，雞件嫩滑入味，啖湯好飲到不得了💡💡💡手切本地牛，油脂分佈平均，真係睇得到嘅新鮮，薄切雙飛，輕輕淥一淥，食得今日賣魚勝推介有南非鮑魚、大大隻蟶子皇同埋大元貝，南非鮑魚四大隻，擦得乾乾淨淨，預先去埋殼認真貼心蟶子皇超大肥美、大元貝鮮甜爆汁，冇得頂貼心嘅仲有服務員嘅招呼，適時撇走浮面嘅油脂，加湯換牒，認真週到⭐️⭐️⭐️⭐️⭐️四寶丸粒粒QQ爽彈，最盞鬼係嗰粒梅菜豬肉丸，咁樣用嚟打邊爐都係第一次，估唔到又幾好味喎👻卜卜脆響鈴、美人餃子都係水準之上，人人打邊爐，個個都係嗰啲火鍋料，「同撈同煲」樣樣都掂過人普通一個啫喱加奶加把遮仔，即制糖不甩唔係咩特別嘢，肯花心思，服務多D，用料靚啲，以為簡單並不簡單，係我近期食過至「犀飛利」嘅火鍋店💯

九龍城多嘢食就係人都知，要搵一間好食、好坐又好feel嘅，呢間都係唔錯嘅選擇👍🏻坐低之後，例牌要混下醬，全部用晒公雞碗，好得意😎菜牌種類選擇多，分門別類好清楚，想食果樣用支筆圈低就可以，環保又方便👍🏻湯底揀咗花雕醉雞美人鍋$178，真材實料，冇花冇假，花雕酒香撲鼻，真係流晒口水😋三款海鮮特價優惠（賣魚勝推介）$398，我揀咗八頭鮑魚、大元貝、蟶子皇，全部都非常新鮮，用料上乘，正打邊爐當然唔少得靚牛，手切本地牛肉$338，厚薄適中，肥瘦均勻，一睇就知道係靚野，有圖有真相！其他配料多不勝數，四寶丸$108，即炸響鈴$58，養顏美人餃$78，全部價錢公道，貨真價實，擺到成枱都係，感覺真爽，呢啲真係打邊爐嘅至高境界😂一路嘆住啤酒，一路滾下滾下，有乜嘢開心得過打邊爐食好嘢呀😎食完仲有自家製啫喱甜品🍮，食完喉嚨特別舒服😌仲有呢個即刻喺你面前煮嘅糖不甩，真係好有誠意，熱辣辣，甜絲絲，真係好有誠意👍🏻而且佢哋服務周到有禮，效率又高，真係好值得推薦俾大家🥰

朋友介紹我去呢間野都一段時間，今日終於有時間去試下喇～平日夜晚黎到，walkin都有位唔需要等。成個環境都好懷舊好似番左老香港咁，幾有feel.一坐低個店員就介紹有咩湯底同食物可以試試～今日比較重口味，所以就叫左個沙爹湯底試試佢！都係個句，打邊爐一定要叫牛！冇牛又點叫黎打過邊爐呢兩個人黎到叫呢個特級盛牛大拼盆，好新鮮好有牛味，而且份量唔細，值得叫！最值得一提既係個海鮮拼盆，超級新鮮！！ｄ蝦好大隻，好鮮甜另外仲叫左個蟹柳棒同芝士牛丸，幾唔錯。個蟹柳好大條，牛丸幾爽口，冇平時出面食丸會有既雪味。最窩心既係臨尾食完仲會有甜品送！！係好懷舊既遮仔啫喱同埋咸食糖不甩，好有特色，重點係味道都唔錯，好重花生味～

今日嚟到九龍城覓食，估唔到搵到一間咁地道既火鍋！呢到裝修十分懷舊，由理髮店招牌，冰室階磚，門前郵箱，到到都散發住七八十年代香港地味道！侍應哥哥好好人，十分詳細介紹今日推介既湯底同埋是日海鮮套餐。最後我地決定叫沙爹湯底同埋試下佢地推介既海鮮拼盤。好快侍應哥哥就番到我地張枱，幫我地洗哂碗碟，再拎埋個湯底嚟。我地仲叫咗一份牛拼盤，一份芝士牛丸，一份長蟹柳。所有野都好快送上，湯底都轉頭就滾，我地就開始滾野食。海鮮套餐包咗鮑魚，鮮蝦，蟶子同埋大元貝，鮮蝦上到枱時仲扎扎跳。由於我地食鮑魚會胃痛，侍應哥哥仲好有心咁幫我地轉咗多一隻蟶子同大元貝！海鮮啲鮮味好夠！大推介！牛拼盤都有牛舌牛柳既部位，牛味好出。而芝士牛丸上枱時仲係鮮牛肉色，滾完都仲係好重牛味，讚！如果想打邊爐又咁啱喺九龍城，大家不妨試下同撈同煲！

之前有聽過朋友介紹話呢間打邊爐食材好新鮮，咁事不宜遲。即刻約埋朋友一齊嚟食下😋😋🥰叫咗個藥材美人醉雞鍋😍平時出去食嘅邊爐，湯底大部份都好水，但係佢呢個鍋超級濃味😍食到淡淡藥材味，一睇就知落足。喺未打邊爐之前已經飲咗兩碗湯落肚，哈哈哈哈哈哈🤣🤣🤣芝士鮮蝦丸，超濃郁嘅芝士😍😍食落好彈牙椒鹽雞軟骨😍好香口好脆，一上嚟熱辣辣九節蝦，😍😍都係好新鮮，啲蝦上嚟嘅時候仲郁緊😍😍😍黃喉同鵝腸，😍😍同樣都係好新鮮，碌10秒即刻食超爽口😚😍😍

好食指數:🌕🌕🌕🌑🌑Cp值:🌕🌕🌕🌑🌑•豪華4人🦞盆菜• $1088不得不說 佢嘅盆菜汁 真係好好味真係好味 唔油 但有濃濃嘅湯底鮑汁雞湯味盆菜汁 真係正嘅！之後就要講下啲料😎材料：1隻波士頓龍蝦，4隻8頭鮑魚，花膠，花菇，鮑汁螺片，燒鴨，南乳豬手，芋頭扣肉，蓮藕片，炸鯪魚球，貢丸，西蘭花，炸支竹，娃娃菜，魚蛋，豬皮，蘿蔔…好多好多！個日食個隻龍蝦 可以再新鮮啲！鮑魚 係新鮮 好滑 易入口 入味 唔錯！花膠個日都可以再新鮮啲！其他都好入味 好食嘅！新鮮！推介 貢丸同豬手🤣🤣🤣🤣🤣Ps 新一年 食盆菜都係攞意頭 好唔好食 都係咁開心😎😎😎😎 因為整盆菜都係粗重功夫多！欣賞嘅👍🏻

一直以黎都好多朋友推介同撈同煲，終於同一班同事收工去聚一聚。首先，店員好服務幫手洗餐具，聽佢介紹試左個胡椒豬肚湯底，湯底好濃既胡椒味，真心好好食😋店員推介左個海鮮拼盤餐$688 有鮑魚有蝦有帶子真係超級抵😋而且非常新鮮！叫左個特盛牛拼盤，啲牛入口即融！真係真心推介！跟住叫左啲芋絲、黑柏葉、餐肉基本野。魚皮揀左孜然粉，口感同出面食到個啲完全唔同，超脆超好食，落左粉好似shake shake薯條咁好開心😂野飲絕對推薦一定要叫凍檸茶仲要係大杯😂用啤酒杯飲凍檸茶真心爽仲要$48炸！不過可能味道因爲太大杯爭咁少少🤏🏻但唯一美中不足係係openrice訂左2200後明明話85折，但埋單個陣完全無85折到….. 話因爲餐廳未確認我訂位所以無85折…但我29已經訂左….. 同埋隔離枱都有甜品送但我地個枱無…btw 服務的確好好既4個人埋單二千三百幾左右，下次都會再去幫襯😁

剛剛放完聖誕假，又是上班新的一天，忙完一整天工作，約了三五知己去打邊爐，趁天氣還冷，朋友提議去九龍城 “同撈同煲” 打邊爐。環境乾淨企理，侍應服務態度良好。我們order咗豪華刺身拼盤，這拼盤包括海膽及象拔蚌刺身。海膽入口即溶，象拔蚌好鮮甜可口。湯底係鹹蛋芥菜湯，點咗安格斯牛肉、梅花黑豚肉、黃金炸魚皮、田園拼盤、鮮蝦雲吞、蝦丸、梅菜豬肉丸、山根、滑豆腐，另外鮑魚和啫喱係送嘅。還叫咗兩杯冬瓜薏米水。牛肉肥瘦均勻，拖水即食好鮮味，對比其他火鍋店好味。魚皮脆卜卜，樣樣食材，都好新鮮嘅。這火鍋店無論食材、服務CP值性價比高。但係價格亦比較貴。整體嚟講都係好味嘅。

1. 一早訂位，去到4個人都話無卡位， 眼見人地後到都係坐完大廳檯講多兩講又變左卡位比佢，都係4個2. shake shake 魚皮變左碟上，自己蠢唔識問，後尾見到人地係有紙袋既。數量10塊唔知有無，多謝$783. 全部侍應都係遊離狀態，舉手唔識回應，每個order 都要落兩次先做到，包括埋單。唯一有個講唔正廣東話既阿姐係最敬業。其他真係發緊夢4. 美人湯底是ok, 豬肉，響鈴都是好食的總結 4人食左$12xx , 如果我再比多次機會都唔會去呢間分店

今次四人行去九龍城同撈同煲打邊爐。上次屋企人大讚佢個胡椒豬肚煲好好味，今次再嚟食過。今次胡椒豬肚煲有雞餸，胡椒味濃，真材實料，每人飲咗起碼兩碗先至加湯打邊爐。今次有OpenRice訂座優惠，叫咗個$300幾蚊嘅象拔蚌刺身做頭盤，象拔蚌刺身爽甜，新鮮，不過份量比較少，每人兩三塊就冇哂。頂級手切大牛肉，油花平均，重牛味。雲吞非常一般，有啲過鹹。今日脆骨腩唔夠脆。鴨血，牛舌，野生竹笙都好好食。高度推介佢嘅丸，爆漿瀨尿牛丸，鵝肝墨魚丸，好好好食！整體來講食物質素中常，價錢亦中上。無叫其他海鮮大概人均$500。****************評分 : 7/10簡評 : 一分錢一分貨

收工同幾個朋友去打邊爐，咁啱係九龍城就試吓呢間同撈同煲入到去已經坐滿晒人，店員招呼我哋上2樓VIP區，上到去都坐得幾舒服，因為有幾間VIP房同埋三四台客，仲要廁所唔使落樓下，隔離已經有男廁同女廁都算好方便未打邊爐就食住啲刺身，海膽我就最鍾意食，因為份量都好少，我自己一個人都食咗一半，象拔蚌，鮮甜，入口都好爽脆，魚都係好新鮮朋友叫咗支大清酒，五個人一陣就飲晒。重點係佢啲牛肉，肥瘦均勻，放落個爐拖一拖水已經食得，其他嘢食都冇乜特別。佢呢度飲啤酒唔係用杯，係用戰鬥碗。可能飲得太多啤酒，沖淡左個口味。如果唔係食啲特色嘅嘢，我諗應該唔使咁貴，因為五個人都食左$6700，其實都貴，如果咁嘅價錢去其他地方食應該食到好多刺身。

同朋友一齊打邊爐係好開心嘅一件事，頌要食到高質嘅食物真更加盡興。最重要係食完成晚都無囗渴，證明食物無味精，立刻再加分。另一樣要加分係服務態度非常出色，招呼好有誠意。芫茜魚頭湯底，有成個魚頭，皮蛋等等。侍應先生提議我們先當湯飲，好清香又足料。叫咗前後兩客呢個梅花黑豚肉，侍應先生話淥熟咗之後可以用簿青瓜包住食，不過我無咁做，蟹子蝦滑都好新鮮好夠味蜂巢豆腐一向係我嘅favorite, 啲湯嗦哂係豆腐入面，好正呢個竽頭臘肉餃我就覺得普普通通，唔食唔會有損失鴨血大大件好新鮮，味道略淡，個人都係喜歡豬紅多啲。脆肉鯇好爽囗夠晒脆呢個叫做五香肉丁墨魚丸，外面嘅墨魚滑真係超好食，好有咬口好濃墨魚味，不過同五香肉丁完全唔夾，幸好五香肉丁好少，下次我會就咁叫墨魚丸唯一要彈嘅喺呢個手切本地牛肉好， 好靭牛肉味唔濃，下次都係叫返肥牛算把。

因為有東西要和好姊妹交收，所以突然間就約左食dinner。其中有個姊妹話好想打邊爐，咁我就搵咗這間充滿懷舊風格既火煱店試吓啦！環境舒適，全晚播住80年代曲目。張國榮、梅豔芳、張學友、林憶蓮、陳慧嫻、譚詠麟。首首都係當時hit爆既歌。食物方面，每款食材都好新鮮，好好。湯底：我哋揀咗美人雞湯，好多桃膠，半隻雞肉，味道好鮮！肉類：只揀咗一碟手切肥牛，一碟花之豚肉內臟：黑柏葉，鴨血海鮮：一個拼盆，水魷蔬菜：一個拼盆不過，價錢方面，我覺得有少少貴，但值得一試！

一向打邊爐都唔係自己首選，但今次食到呢間，食材超好，食物質素很高，服務態度超好！埋單以後，唔單止冇趕住要翻枱趕客人走！反而送糖不甩甜品，驚喜中嘅驚喜🤟🏻👍🏻👍🏻👍🏻👍🏻