同撈同煲

營業中

休息中

同撈同煲裝修好特別，扮懷舊，啱晒打卡📸😮‍💨 天氣熱都可以打邊爐嘅，飲返兩杯啤酒就OK！胡椒豬肚少爺雞湯好惹味，唔算太辣，好多料👍🏻 如果冬天食真係好正～同撈同煲火鍋料嘅選擇好多，大路嘢好齊，亦都有啲特色野！✨Shake shake 手工炸魚皮喺必食推介，炸到香脆嘅魚皮可以揀唔同味嘅粉，跟住shake勻先食，夠哂香口。🍤 呢度好多小食一上枱就食得，我哋點咗懷舊蝦多士，一客六件，新鮮炸起熱辣辣，香脆好味。打邊爐一定要食牛肉，我哋嗌咗細嘅安格斯牛肉再加一碟牛黃喉，估唔到細碟嘅牛肉份量都好多，牛味香濃，幾抵食👍🏻👍🏻跟住仲嗌咗鹵大腸、梅菜豬肉丸、蔬菜、新竹米粉等等，完全係眼闊肚窄😂😂😂 下次要嗌多啲朋友一齊去食先得🙌🏻食到最後仲有甜品！！！先有懷舊啫喱杯～ 之後仲有用打邊爐湯底煮嘅糖不甩，撈埋非常好味嘅花生碎碎粒，雖然好飽我哋都食晒

浪奔🌊浪流🌊🌊萬里滔滔江水永不休🌊🌊🌊一入餐廳就聽到耳熟能詳嘅歌聲🤣餐廳環境裝潢走懷舊風📺💈連播嘅音樂都係📻位置闊落 食得舒適🥰•🐽 胡椒豬肚少爺雞湯🍲 ($238)胡椒香味非常香濃🤩有豬肚 豬骨 酸菜等等豬肚好入味 口感爽口😋😋而且份量好多依個湯底仲包咗半隻雞!🐓索曬湯底 好惹味😛🐽 元貝🐚 ($136)🐽 脆鯇魚片🐟 ($78)元貝好新鮮好大隻😻😻質感彈牙 讚😛🐽 芝士蝦丸🦐 -半份 ($63)推介! 十分足料😻蝦肉好彈牙 啖啖蝦肉🤩🤩咬開有芝士 好配搭🧀🧀🐽 鵪鶉蛋燒賣🥚 ($48)開頭以為依個係熟食小食🤣原來都係火鍋料😌但淥完黎食覺得 有驚喜!😛😛上面有滿滿嘅蟹籽😎入裡仲有粒鵪鶉蛋🥚口感好豐富🤪🤪🐽 養顏美人餃🥟 ($78)有椰菜 桃膠 非常特別😙🐽 老友鬼鬼👻 ($68)熟食小食油炸鬼包住黑松露墨魚滑😝😝要趁熱辣辣食! 脆卜卜🔥🐽田園拼盤🥬 ($78)🐽 金菇🍄 ($38)唔少得嘅蔬菜系列😎😎拼盤相當豐富 好新鮮😼有 娃娃菜 西洋菜🥬番茄🍅栗米🌽等配上胡椒豬肚雞湯 好好食🤤•🐽 龍鳳大檸樂🥤 ($48)打邊爐配大大杯可樂 巧爽👅🐽山楂紫貝天葵🌿 ($28)

代表左一個年代嘅懷舊打邊爐好多六七十年代嘅日常生活用品播住勁多六七十年代嘅歌 忍唔住都跟住哼花雕醉美人鍋 $178砂煲用花雕浸住啲雞 可以令個湯底再有多啲酒味 啲雞好滑安格斯牛肉（大）$268必點之選👍🏽 好有牛味 肥瘦平均 份量絕對唔少蟹籽蝦滑 $98好新鮮 好爽口彈牙 打到起晒膠 仲要有勁多蟹籽老友鬼鬼 $68懷舊野又點少得老友鬼鬼油炸鬼包住蝦膠 點埋個酸甜醬 正上枱脆卜卜 略嫌炸過龍左少少 有啲乾野生竹笙 $88我至愛 難得會有 亦好少見到甘大條 甘厚索晒啲湯 勁正椒鹽雞軟骨 $68講多無謂 食啦 餐前小食 送啤酒一流醬爆瀨尿牛丸$48唔夠醬爆 想一咬啲汁爆晒出黎食完仲有甜品送 不過賣過關子留番個神秘感 但幾特別好滿足 食到好飽

今日去咗九龍城嘅同撈同煲打邊爐，呢間火鍋店係做咗香港懷舊特色裝修，好有香港舊式情懷！先叫左個胡椒豬肚少爺雞煲，胡椒豬肚湯底少少辣，少爺雞雞味濃郁有口感，雞同豬肚份量都好充足！之後火鍋配料叫咗封門柳，響鈴，美人餃，鴛鴦蚌！另外仲叫左小食老友鬼鬼，黑松露墨魚滑釀油炸鬼，好好食！封門柳牛味重，部位稀少，唔係好多餐廳有得食！美人餃內藏桃膠，女仔愈食愈靚！即炸響鈴非常脆口！珊瑚蛑同桂花蛑新鮮爽口！最後仲叫左花生糖不甩同啫喱，啫喱有遮仔，好有舊式冰廳既感覺，花生糖不甩係即場整，真係第一次見，感覺好特別！另外一提就呢度既自家製飲品唔錯，菊花蜜清甜幾好飲！

一間裝修設計好有心思嘅火鍋店，食物都特別，足料抵食～首先叫返個湯底先，睇中呢個限定嘅胡椒豬肚少爺雞湯～～相當多材料～少爺雞係無激素雞，皮薄肉彈、雞味濃，食幾多落幾多，保持嫩滑～胡椒湯少少辣幾開胃，豬肚份量好多～爽彈～再叫火鍋配料，見到「老友鬼鬼」，油炸鬼釀咗黑松露墨魚滑，就咁點甜甜地嘅醬食就得，或者可以淥幾秒再加熱食～脆得嚟又彈牙～叫咗個鴛鴦蛑，即係珊瑚蛑同桂花蛑嘅雙併，我好鐘意桂花蛑嘅爽彈口感，其實呢種海鮮唔係蛑，係海參筋，鮮甜味美～養顏美人餃有桃膠成份，幾足料啖啖肉～一個大份嘅封門柳，肉味濃，薄切易熟～即炸響鈴皮薄香脆，趁熱食好正～火鍋必點！甜品時間～～懷舊遮仔啫喱，q彈～最後，食埋煙煙韌韌糖不甩，店員係面前即整，撈花生碎香甜好味～

九龍城超高質懷舊港式火鍋🤍-👀沒有立場資訊-🥘胡椒豬肚少爺雞湯 ($238)呢個係期間限定湯底，仲要好大煲，拎上枱嗰時小編同朋友都呆咗🤣雞件係分開上，店員教我哋落咗雞5分鐘就可以飲湯，啖湯好香胡椒味，加埋豬肚同埋雞嘅鮮味真係冇得頂！啲雞肉食落去完全唔老，口感好滑，雞皮仲好爽完全唔膩🤤另外豬肚都洗得好乾淨，而且軟硬適中，煮嘅時間啱啱好，完全唔腥同埋有好香嘅胡椒味，食落去有少少辣得嚟仲好暖肚，推介😋🐮本地手切牛肉 (細) ($278)打邊爐最重要一定係食牛😚牛肉嘅雪花紋好靚，食落去好濃牛味，口感仲要好嫩滑，店員同小編講六成熟係最好味😝夠牛味之餘食落去又唔會太老~🐟「賣魚勝推介」海鮮餐 ($398)有店員行埋嚟問我哋要唔要試吓個海鮮餐，入邊有鮑魚、元貝同埋蝦，如果唔想食元貝仲可以揀食蟶子👀首先一上到嚟個賣相已經超級吸引🥰啲鮑魚隻隻都好大好厚身，店員教我哋淥4分鐘就可以拎起，食落真係超彈牙同埋好鮮甜，個胡椒豬肚雞湯更加提起左鮑魚嘅鮮味🥹另外，呢度嘅元貝洗得好乾淨，完全冇沙😍鮮甜得嚟又大大隻滑捋捋🤍至於啲蝦，烚熟之後嘅顏色好靚，同埋送上嚟嗰陣時仲好生猛，真係郁緊🤣食落都超級彈牙，夠晒鮮味🥰小編真

【九龍城懷舊海鮮火鍋🍲同撈同煲】-自從屯馬線開通之後去九龍城真係方便好多😝係宋皇臺站落車行幾分鐘就到😋今日就同大家介紹呢間係九龍城嘅懷舊火鍋❤️‍🔥同撈同煲❤️‍🔥-火鍋店嘅裝修好懷舊💖充滿玩味除咗有紅綠霓虹燈招牌❤️💚仲有好多懷舊玩具🪀裝飾同埋綠色格仔地磚好似返咗七八十年代🤣呢到打邊爐係用gas爐唔係電磁爐真係有feel~店員嘅服務態度都好好😌除咗好熱心咁教我地唔同海鮮煮熟時間仲好勤快咁換碟同撇油😝仲好主動幫我哋落墨魚滑🤣同埋服務員都幾幽默😂朋友跌咗筷子🥢佢行咗過嚟問：係咪「快樂」（筷落）咗？好搞笑😆店員周到嘅服務令我地成程飯都食得好舒服同歡樂🥳-😋胡椒豬肚少爺雞湯 $238+1呢個係【期間限定】架🫢個湯底好足料😝除咗有豬肚外仲有兩大嚿豬骨髓😋個湯好重胡椒味😍飲落好暖胃豬肚軟嫩唔腥🥰唔錯！店員建議等湯滾咗落雞煮5分鐘啲雞肉煮到啱啱好😝好嫩滑-😋鴛鴦滑 $108+1💁🏻‍♀️三揀二✔️家鄉鯪魚滑✔️黑松露墨魚滑✔️蟹籽蝦滑❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥推介‼️我哋揀咗墨魚滑🦑同蝦滑🙆🏻‍♀️前者爽口仲有啲花枝粒☝🏻重點係個黑松露味好香🤤仲好夾！好味！至於蝦滑勁彈牙😻仲

之前一直覺得九龍城剩係得泰國菜，點知有一日行見到有間好有特色裝修嘅邊爐，🥰即刻入去試吓先藥膳醉雞煲，啲雞真係好滑，食得出係好新鮮嘅雞，🥰🥰🥰🥰而且份量都好祝，上嚟嘅時候仲有好濃郁嘅花雕酒味炸午餐肉，😚😚😚😚食落去熱辣辣，超脆皮粟米超級甜😍😍😍😍😍富足都好新鮮最後最後，要大贊嘅係糖不甩😍😍😍呢個真係估佢唔到，佢上嚟嘅時候係兩條魚嘅造型，一開始我以為係墨魚滑之類。點知原來佢係糖不甩，一開始我驚擺落個鍋度煮嘅時候，佢會索晒啲酒味，點知原來冇😍😍😍仲要煮完出嚟超級好食，超級有驚。哩個一定要大推，原本想食多碟，不過真係太飽😂😂😂下次一定要留肚再食多兩碟糖不甩

九龍城同撈同煲 (堅拿道西) (九龍城）呢間餐廳既裝修具香港🇭🇰情懷，放工後同細妹去九龍城食呢間打邊爐😝胡椒豬肚少爺雞湯 $238呢個係新推出既湯底款式😍 完全唔油膩，雞件係砌好左喺瓦仔煲內，然後等湯底滾起時可以落☺️ 湯底好鮮甜，胡椒味突出😆 仲有好多豬肚同酸菜等食材，好足料～安格斯牛肉 $268 （大）牛味濃郁，油脂分布平均，所以唔會咬唔開～ 2個女仔食黎講份量偏大😝 大元貝 $136/2隻是日新鮮海鮮😆 叫左一份大元貝，一共2大隻😍，用冰保持新鮮～ 原隻連殼放落湯底，吸收晒湯底😋蟹籽蝦滑 $98估唔到份量都幾多～ 蝦🦐滑好爽口彈牙，加左蟹籽增加口感同視覺效果☺️蟹籽丸 $38一共4粒，每粒也是滿滿蟹籽🥰杞子圓肉菊花蜜 $28唔會太甜又可以潤喉，打邊爐必點系列😉😉糖不甩 及 啫喱(送)估唔到仲有2款甜品送😍 而且仲好有心思同埋充滿懷舊香港特色～～ 加左小紙傘喺甜品上🥰🥰 青檸jelly 配花奶、糖不甩滿滿花生🥜芝麻～*需加一服務費地址：九龍城打鼓嶺道70-72號地舖

九龍城除咗泰式食品，原來仲有走傳統風格的打邊爐。🟡胡椒豬肚少爺雞湯$238胡椒豬肚湯湯底材料豐富，豬肚、腐竹、酸菜、雞腳等，包羅萬有，還配上半隻雞。湯底濃郁好味，胡椒味辣得來好過癮。🟡安格斯牛肉$268牛肉肥瘦均勻，牛肉味濃郁🟡元貝$136/2隻兩粒元貝大大隻非常新鮮，鮮甜美味🟡蟹籽蝦滑$98一份已經有兩大枝，爽口彈牙，食到唔停口🟡椒鹽豆腐$58新鮮的咋，外脆內軟，非常嫩滑 🟡蟹籽丸$384大粒，正常蟹籽丸味道🟡唐生菜$37新鮮洗得好乾淨，碌落去有埋胡椒味🟡冬瓜薏米水$28🟡杞子圓像菊花蜜$282大枝清熱解渴，冰透心涼❤️估唔到最後仲有甜品可以送❤️🟡糖不甩糯米粉團要係鍋中煮到軟身，店員再細心地切件，放在芝麻花生上滾動，每一粒都有大量花生芝麻，完全沒有半點湯底的味道，神奇🟢啫喱青檸啫喱配上花奶，仲有小傘子作裝飾，傳統懷舊

九龍城同撈同煲火鍋店。一入到餐廳見到周圍嘅裝飾真係超懷舊。有我細細個好鍾意打嘅遊戲機。回憶返晒嚟🥰。哎呀暴露咗年齡添🫣。懷舊金錢雞🐔由冰玉。瘦肉。雞肝組成。估唔到打邊爐食到咁懷舊嘅菜式😲。芫荽皮蛋魚頭湯🥣真係有魚頭落足料㗎🤪。芫荽皮蛋清熱打邊爐正🤤。賣魚勝推介🤭海鮮盤有齊鮑魚。大元貝。蟶子皇。海蝦。全部都係我最愛😍。海蝦上枱嗰時仲扎扎跳😎。蟶子皇大大隻冇沙。爽甜肥美。大元貝真係大大粒。口感一流😝。海蝦🦐一夾就知鮮唔鮮😬。超級無敵爽口彈牙😮‍💨😮‍💨😮‍💨😮‍💨😮‍💨😮‍💨😮‍💨。好耐未食過咁好食嘅海蝦。真係唔係誇張。encore咗一次就知道有幾正🥹。打完邊爐食埋甜品就prefect 池❣️。餐廳免費送上糖不甩+啫喱仔。超surprise🥳。

今晚落咗九龍城打邊爐，而家開咗屯馬線宋皇臺站之後落九龍城搵食真係好方便。去咗打鼓嶺道間同撈同煲。餐廳裝修好懷舊舒服，冷氣又夠，仲播住啲懷舊廣東歌真係好正！睇吓要邊個湯底先🤔芫荽皮蛋魚頭湯唔錯wor 又可以下火，又有魚頭食😆正呀！賣魚勝推介嘩真係幾抵食wor 又鮑魚又聖子又元貝仲有海蝦無理由唔叫番set 食😋唔係講笑個湯底真係好夠料。成碗芫荽皮蛋魚頭湯個湯好鮮味芫荽又夠多岩哂我啲芫荽控😍賣魚勝推介海鮮我哋轉咗要兩隻鮑魚所以可以食哂四樣嘢😆8頭鮑魚新鮮又大隻正呀！海蝦勁新鮮灼佢果時仲彈彈吓蝦肉鮮甜爽口好食😋養顏美人餃美人餃大大粒有桃膠同椰菜餡😋今晚都係要啤啤佢🍻仲有懷舊甜品送真係好happy😆

又係聽九龍城之友推薦，上次推薦日本小店有幾大回響，當日佢都有推薦呢間火鍋店，呢次又如何呢？同撈同煲相信好多人都識得，九龍城火鍋店林立，要出頭都唔容易，呢度主打港式懷舊風味，海鮮牛肉都好出色，當然最出名係佢嘅裝修。呢度有好多好特別嘅湯，咸蛋芥菜湯的確幾令人驚喜，少見以芥菜為題的湯，就咁飲真係一流，仲要有勁多瘦肉，真係好似屋企煲湯咁。如果你飲完湯，開始打邊爐我建議你叫一個太白醉雞件，成個湯即刻轉左調子更有風味。佢地有個賣魚勝推介，以當日有四隻鮑魚，兩隻蘇格蘭蟶子，兩隻北海道大扇貝，都係$398，老實講九龍城竟然有呢個價真係唔算太貴。其他選擇我特別推養顏美人餃，以桃膠同椰菜為主，個感覺好清新小確幸的感覺，女人最愛。由於前晚食咗好多牛肉，今日點了清新的田園拼盤、蜂巢豆腐、鮮腐竹，稻庭烏冬等同個湯都好夾。飲藍妹，仲有戰鬥碗，配合佢好靚嘅裝修，特別有風味，記得去到唔好淨係食嘢，一定要欣賞佢嘅裝修。最欣賞係佢有個即叫即整糖不甩，基本上每台必送。總括都幾好，雖然未知好大驚喜，但也收貨。

餐廳內懷舊嘅裝修，霓虹光管招牌，充滿7、80年代嘅佈置，播著張國榮、梅艷芳等等的懷舊金曲，真的有返到舊時嘅感覺餐廳內冷氣充足，一啲都唔侷促先叫咗個芫荽皮蛋魚頭湯，好多芫荽同皮蛋、魚頭都幾大有肉，啱晒愛食魚頭既人，湯頭鮮甜侍應哥哥推介呢個「賣魚勝推介」如果想$398食晒四款，少兩隻鮑魚就可以海鮮好新鮮，海蝦肉質厚實，聖子、鮑魚、元貝都清洗得好乾淨黑松露墨魚滑釀油炸鬼～香口鬆脆，個汁酸酸甜甜，唔油膩梅花黑豚肉都幾厚身，夾青瓜食幾清新鴨血都唔錯，如果配麻辣湯會更佳皇帝菜～打邊爐至愛懷舊點少得酒樓推車仔既遮仔啫喱，食完童心返晒嚟最後食埋金魚糖不甩～金魚首先放入湯度煮，然後侍應幫我哋剪開一舊舊，撈埋花生糖碎，食得好好享受了一夜懷舊，明天繼續向前進發💪🏻

第一次去同撈同煲打邊爐，入到餐廳已滿是懷舊裝飾，好多打卡位，有趣。湯底有幾款選擇，如果可以有鴛鴦就更好。杞子圓肉菊花蜜 $28夠凍甜度剛好，滋潤芫荽皮蛋魚頭湯 $148湯底好香，成個大魚頭好足料，湯滾起就先飲湯，好清甜。梅花黑豚肉 $108砌成花的形狀，旁邊有青瓜肉厚的黑豚肉，夾青瓜食點醬汁食不錯。老友鬼鬼 $68黑松露墨魚滑釀油炸鬼，即炸上檯，脆卜卜，有黑松露的香，外脆內彈，好味！賣魚勝推介 $396有2鮑魚、2大元貝、2蟶子王、6海蝦海鮮都新鮮，蟶子王好彈牙海蝦顏色好鮮紅好靚，大隻啖啖肉。最後仲有甜品送，是啫喱及糖不甩，店員用剛才的湯底煮軟金魚，再剪開沾上花生糖碎，都幾特別。