同撈同煲

營業中

休息中

今天傍晚時份在九龍城見完客收工，，隨即又話掛8號風球。按近年情況，應該都會是天文台和勞動一族對著干;明早又會是上班時間前或一會兒後，就會宣布中午前又要趕人返工。但無論如何，今晚肯定可以瞓晏D，所以索性就地進食。記憶中，我都好似約三年多沒有在此一帶食嘢。上一次好似是食泰國嘢，今晚就來個非泰國嘢做菜單。網絡搜索一下後，被此店的一個相片吸了，就是我孩童時好鐘意飲的綠寶汽水...衝咗入去…同撈同煲，原來在此區都薄有名氣。店內以昔日舊香港，我最懷念的上世紀香港，我的童年、少年、初熟成人的舊物作裝飾。對於一些喜歡邊食嘢，邊打卡的食客，應該好鐘意。我強烈推薦比即將永別香港的一些人，和朋友到此食過散水飯，聚舊和古董級的飾物合照下，是一件美事。當晚因為打8號風球，所以客人不多，我進食到一半之後，都只有4~5枱客，所以可以毫不客氣慢慢歎火鍋。由於我不吃辣和內臟，所以選了花雕醉美人鍋。待人先來個預熱咗的湯底，隨後再端上一小個標準煲仔飯沙鍋咁多份量的鮮雞件。雞件放鍋煮熟後，再飲少少湯，二個人食完雞件，都可以有四成飽架。火鍋又怎可以無牛肉，所以點了一份安格斯牛肉，268元咁大份，絕對抵食。邊食牛邊飲火鍋湯，又令

今日朋友仔生日就揀左呢間特色邊爐店一入到黎職員都好好 會介紹下menu全部湯底都係新鮮煲出黎 完全唔係味精湯🤭可以一邊打邊爐一邊飲啲湯 好養生～見到個胡椒豬肚少爺雞湯幾特別就揀左佢果然飲啲湯係好濃郁又好清甜絕對岩哂要養生既朋友仔裡面仲要有好多配料 豬肚同雞件 足料👍🏻今次試左半份安格斯牛肉半份既份量絕對夠晒兩個人完全係比想像中既多😂牛既脂肪比例岩岩好 唔會太肥岩哂我地口味～仲有叫左份梅花黑豚肉豬肉個size好大塊 又唔會多肥膏可以啖啖肉咁食 夾埋青瓜就無咁溜🤭呢個配搭又幾新鮮！食完主食仲可以再食個甜品有啫喱同埋餐廳既招牌金魚糖不甩條魚要放左落水到煮左先然後會有職員幫手解剖 整好哂就食得帶出黎既味道出乎意料 真係幾好食👍🏻

之前行過九龍城一直想試既餐廳裡面既裝修好懷舊好有特色好有feel 仲會播下啲懷舊金曲😂今次同朋友兩個人就揀左佢 又可以打下卡 又可以食下好西我地揀左個胡椒豬肚少爺雞湯一黎到就飲左頭啖湯 唔係味精既味道完全係勁足料既湯底 夠哂味又多料✨用左無激素雞 係健康之選黎🤭另外叫左個梅花黑豚肉每片都係大大塊 又厚身仲可以夾青夾食 口感又幾清新仲有鴛鴦滑 一次過滿足你兩個口味揀左黑松露墨魚滑同埋蟹子蝦滑食落好新鮮 仲好彈牙黑松露味夠哂香🫶🏻最後仲會有個金魚型糖不甩首先會放左入個湯底到煮煮佢之後由職員幫手剪到一舊舊 就可以食好特別既一個飯後甜品☺️

九龍城除咗泰國菜點少得打邊爐呢，朋友推介呢一間，真係冇介紹錯。懷舊風格、懷舊裝修、懷舊歌曲，形成呢間舖頭特有嘅特色。今次我哋叫沙嗲湯底，湯底超級濃郁，一上枱嘅時候已經香氣撲鼻，店員有講原來師傅每日都好俾心機研製每一個湯底，呢個湯底我比99分👍🏻👍🏻👍🏻，濃郁得來夠晒香味，但食落又唔會特別油膩。講明懷舊餐廳點會少得蝦多士，麵包皮較薄，唔油膩，蝦肉彈牙，點上酸甜醬10分好食嘅開胃菜。漿爆牛丸半份，牛丸10分彈牙，加上入邊識得爆漿，好過癮😎。特別啲嘅叫咗個墨魚滑釀豆卜，豆卜朔晒湯底嘅味道，墨魚滑又夠膽攔又有墨魚味，好好食😋值得一叫！咁濃郁嘅湯底梗係要搵啲吸味嘅食材啦，炸枝竹就係一個唔錯嘅選擇🤟🏻。話明吸味點少得即炸響鈴🔔，呢度響鈴即叫即炸，食前再配酸甜醬，減少油膩感又好好食。來到重頭戲安格斯肥牛，呢度嘅牛肉十分之高質，每一片都有均勻嘅雪花，食落口牛味足夠，又夠軟滑，正！👍🏻個人打邊爐來講最鍾意食皇帝菜，呢度都有供應真係好開心☺️。飲品方面都有唔少選擇我就叫咗杯大檸茶，夠晒我飲一晚啦。最後最後，賣單前店員都同我地講，佢哋店內最特色嘅甜品-鯉魚糖不甩。店員會將鯉魚擺落你嘅湯底到六一陣，然後會好細心

人就係咁矛盾，唔鍾意殘舊嘅嘢但又好ok懷舊style🤣🤣🤣🤣今次試嘅九龍城同撈同煲，裝修同音樂都非常用心咁還原八九十年代嘅香港。以為打卡餐廳水準一定打個折，點知呢度嘅湯底、火鍋料同服務都無可挑剔，喺冇乜人再care疫情嘅時候仲有店員幫手淥餐具真係唔話得🥹🥹🥹🥹我地叫嘅係沙爹湯底，香濃到成間舖都聞到，店員話因為師傅會喺出餐前再炒香個沙爹醬，難怪好食過出面咁多🤣呢度嘅安格斯牛肉同埋羊肉片都好好食，腍得嚟有肉味，個人認為羊肉再好食啲！枝竹、墨魚滑豆卜呢啲吸湯汁神器對住呢個無敵湯底就發揮到最大功效🤣🤣🤣🤣～炸物方面比較鍾意響鈴，油溫夠高炸起冇油膩感，點埋糖醋汁就更正～食到最後仲有甜品送，有遮仔啫喱同糖不甩，啫喱係細個食開嘅青檸味呀～糖不甩幾有特色，要煲返熱個湯底烚返軟呢兩條條錦鯉再切粒轆花生碎，我地揀沙爹湯底簡直係專為個糖不甩準備咁😎

早一個月bk定位，我哋一行4人1830到，未多人，坐卡位，闊落舒服嘅，揀緊嘢食期間有個小肥哥哥攞碗筷過嚟，咁我下意識諗住自己洗啦，點知哥哥話等佢嚟，又幾好服務喎，喺塊膠paper holder面圈好食物，隔左一陣個老細埋嚟推刺身餐同海鮮餐，大約原價減幾百咁，fb like完就可以優惠價，好直接話呢排少左好多like叫我哋幫幫手，唔係求，係有少少怨氣feel嗰種，叫完刺身+海鮮餐like埋，大約15分鐘後就上刺身，之後老細話冇同我哋落火鍋料，想我哋食左刺身先，因為都大盤怕冇位擺，its ok，到食完刺身再攞塊板過嚟問我哋圈嘅火鍋料有冇嘢改，冇就落單，又等15-20分鐘先開始有嘢上，食物其實唔錯，不過我想講嘅係服務，我想落單或搵人幫手收嘢，舉幾次手都冇人，幾個侍應都好忙，理解嘅，老板又揼低頭篤電話，想落單都冇癮，5⭐為滿分環境：⭐⭐⭐⭐⭐食物：⭐⭐⭐⭐⭐服務：⭐⭐重點係老細本身有怨氣，意興闌珊嗰種，生意唔好所以咁都好理解，但老板都應該不時望下個場啲客有咩需要就叫伙記埋枱serve而唔係同太子女都喺度篤電話，呢個就真係不能接受，食物質素的確唔錯但都冇用，已經唔會回頭。

同撈同煲一聽就覺得有懷舊feel, 用哂紅綠階磚，舊式鐵閘等等裝潢，將舊時既香港餐廳呈現番出黎。湯底款式多，我地揀左冬蒲美人鍋，大大個冬蒲同埋半隻雞，都係店員即時幫忙分件，雞件肉質嫩，配埋鮮甜雞湯底，好味👍🏻湯底仲有桃膠，紅棗，女仔岩哂😍冬瓜同娃娃都好清甜，打依個邊爐完全無熱氣感覺。飲左兩碗湯食埋d料都半飽，叫左個本地手切牛同埋皇帝菜。手切牛片片都厚薄均勻，唔會切到一岩一忽碎濕濕，係岩岩好既口感。牛油花豐富，牛味濃郁口感軟熟，係靚牛黎👍🏻食埋個皇帝菜，本身菜甜加索左湯底既甜，good👍🏻最後仲好好彩有甜品送，係花奶啫喱呀😍仲係細個係酒樓食有把遮仔個隻，回憶番哂黎呀♥️

懷舊物總是多人憶記，九龍城大多以泰國菜或是潮洲菜為主，其實火鍋店也相當之多-其中以懷舊主題「同撈同煲」，完全以香港人堅毅不屈嘅精神，有福同享，一齊同撈同煲。店舖有不同的可愛的璧畫，栩栩如生活靈活現。有很多兒時的玩物及食物：打字機、踢毽、蔥油餅、綠寶橙汁、大檸樂及多款懷舊小食蝦多士、老友鬼鬼、金錢雞等。店內的茶芥及醬料費為每位 $15，都符合市場價格上。火焰醉雞煲 $178多款的湯底選擇，近期少吃了雞煲有火焰的效果兼上打卡。雞煲的份量大約有半隻，醃得相當濃郁又又惹味。吃過雞煲之後，可加入雞湯打邊爐。極級封門柳 $248平常我都會單點牛頸脊，今次改為極級封門柳都相當有驚喜。封門柳為牛的橫膈膜的肌肉，其肉質鬆軟，不易變韌，而且牛肉味極為濃郁。黑柏葉 $68很多打邊爐店都以牛柏葉為主，黑柏葉份量相當多並帶有爽脆口感。鴛鴦蚌 $148鴛鴦蚌顏色鮮艷奪目，以海鮮來說爽脆鮮甜，打邊爐海鮮類不二之選。 老友鬼鬼 $68懷舊又傳統之物必有「老友鬼鬼」，以油醬汁，二食可以放入湯鍋之中。炸鬼混入蝦膠即叫即炸，保持其脆身口感。一食可以配上酸甜四寶丸 $108丸類的配搭當中我至愛的梅菜豬肉丸，彈牙又爽口味道又突

充滿舊香港情懷嘅同撈同煲一絲不苟地盡力展現八、九十年代香港嘅面貌，霓虹燈招牌光景、深木色桌椅配綠色牆身、綠色花紋瓷磚，加上播放張國榮、梅艷芳等首本名曲，身在其中，好似去咗一趟文化之旅！餐廳起用嘅夥記大部份係中年人士，説話語調親切有禮，連負責人都係最好嘅公關，不時行到食客身邊詢問食物質素，閒聊幾句，充滿人情味，呢啲喺商業化、速食嘅餐廳好難搵到！打優質邊爐嘅好處就係唔限時，同朋友食足兩個幾鐘，暢談加暢食，身心都滿足：➺➺鹹蛋芥菜湯湯底$118有大量芥菜同瘦肉，雖然唔係名貴食材熬成，但係湯底真係好清甜，係熱辣辣嘅夏日清熱下火之選，無放味精，好順喉，自己最少飲咗五六碗！➺➺賣魚勝推介海鮮拼盤$398包括八頭鮑魚4隻、蟶子王2隻、海蝦6隻，負責人話海鮮係每日新鮮空運到港，以上幾款都好爽口彈牙，用打邊爐方式去食，食盡鮮味！➺➺梅花黑豚肉$108餐廳將豚肉片卷成兩朵大花外型，肉片好大塊，肉質偏向結實！➺➺懷舊蝦多士$68餐廳推介小食，自己都覺得係必食食物之一！叫得多士以為係包類食品會幾飽，點知佢好薄，1cm多d，一咬落去，極為鬆化，好似食緊餅乾咁，加埋餐廳提供嘅酸甜醬，好食到差啲想encore多一碟

多數去九龍城都係食泰國野, 特登黎打邊爐都係第一次, 皆因朋友推介話依間係好野~依度環境裝潢勁有香港舊式情懷, 播埋七八十年代既舊歌, 非常有FEEL~冬甫美人鍋雞湯底, 加入冬瓜, 娃娃菜, 仲有紅棗同桃膠等, 好足料! 開始打邊爐前先飲碗湯, 湯頭鮮甜,中意佢清澈無油膩感。雞件足半隻, 店員即場剪開, 我就中意幾件幾件咁放入湯, 咁就可以保持雞肉嫩滑。清甜既湯一定要配海鮮, 就叫左桶蠔同埋珊瑚蚌併桂妃蚌。4隻桶蠔都超肥美, 淥完之後都冇縮水, 最中意食依D又肥又厚既, 咬落勁JUICY滿足!珊瑚蚌併桂花蚌桂花蚌好鮮甜兼口感爽脆, 珊瑚蚌就再彈牙D, 兩樣都好新鮮, 配雞湯一流。特別推介甜品糖不甩!估唔到佢連甜品都咁有心思玩懷舊, 而且仲係鯉魚造型, 相信真係得依度先有! 店員會幫忙落湯煮一煮, 再剪開成粒, 沾滿花生碎就食得! 口感非常煙韌, 加上香甜脆口既花生粒, 勁中意, 而且係一個好開心既結尾!

其實對於打邊爐一直都覺得就係一個好嘈嘅地方，成班人聚埋一齊，好似食一啲冇乜質素嘅嘢。不過朋友叫我去呢間其實比到一啲新嘅感覺我。呢間舖頭嘅裝修好地道，諗起好多以前喺香港嘅回憶。舖頭環境坐得好舒服。我地叫咗一個冬甫美人鍋，湯底非常之足料，有桃膠椎山咁，好濃好入味。另外我哋叫咗個海鮮拼盤，特價有四隻鮑魚、六隻大蝦、兩隻大蟶子。海鮮都好新鮮，特別係鮑魚同隻蝦都好彈牙。之後我哋仲叫咗個爆醬瀨尿牛丸，真係瀨晒尿😂 口感好好！我諗最驚喜嘅係最後嘅糖不甩。食到最後嘅時候店員仲話有呢個甜品送嘅，我哋原本諗住唔要，因為已經太飽，但係點知都幾好食，最後都係食晒。貌相靚仔，食落係軟林林，但係又煙韌，加埋花生粒好好食。仲有，欣賞老闆有用心揀過要播嘅歌，好有懷舊嘅味道!

火鍋店位於九龍城地鐵站附近，行5分鐘就到非常方便，火鍋店以懷舊氣氛作為主題，播緊八九十年代嘅歌，別有一番情懷！ 湯底今次叫咗東甫美人鍋，個名聽落冇咩特別，但非常有驚喜，嚟到一開始見到唔少嘅桃膠同蟲草花 送係半隻雞上面，已經覺得好滋補。而湯底重有唔少花膠、乾瑤柱、竹笙，冬瓜等等嘅食材，湯底豐富濃郁得來非常矜貴，冬瓜降火，配合打邊爐啱啱好！ 日本飛驒牛呢間火鍋店居然可以食到日本矜貴飛驒牛，油脂分布均勻，色澤非常好，入口肉質嫩滑，配合啖啖牛肉香味，同油脂喺口入邊慢慢滲出來，唔需要點豉油已經非常好食！ 時令海鮮拼盤海鮮拼盤算幾抵，而且海鮮新鮮，可以一次過試晒幾樣野，鮑魚入口柔軟，肉質細膩，聖子比想像中厚肉！ 蝦入口彈牙！ 鍾意食海鮮嘅朋友千祈唔好錯過！

餐廳試食九龍城📍九龍城同撈同煲火鍋唔知大家有冇覺得最近好多關於食嘅嘢，叫「同撈同煲」「同煲同撈」之類嘅名，搞到我成日以為有關係😂原來係無嘅，呢間係銅鑼灣都有分店，九龍城係總店，就等我試試佢。👉胡椒豬肚少爺雞湯 $238一直都好鍾意飲胡椒豬肚嘅我，雖然係夏天，但係都要試試佢😂佢個雞係另上嘅，份量係半隻。另上嘅砂煲仔細細，落入爐嘅時候先覺得都幾多。值得一提嘅係佢用少爺雞，係無激素架！雞另上嘅好處係可以自己睇火，唔驚d雞overcook鞋晒咁。煲滾之後大家記得一定要裝碗未烚過食物嘅湯飲下先，我覺得好好飲，好有胡椒味，不過我覺得咸菜可以多d或者大件d，但係味道係好足夠嘅，好好飲，我飲咗2碗，飲完唔會口渴嘅（我用會唔會口渴黎定義味精嘅多少😂）👉黃金炸魚皮 $98打邊爐又點可以無炸魚皮呢，本身諗左好耐要shake shake麻辣好定呢個好，最尾都係揀左黃金。魚皮好大條同埋好厚，係新鮮炸嘅，好多咸蛋黃🤤如果就咁食可能會略嫌粉漿多左少少，但係點湯反而會更索湯。👉蜂巢豆腐 $28呢個超抵食！$28有6大件。飲完湯之後我就即刻落晒豆腐落去煮耐d，索晒湯好好味！推介鍾意索湯食物嘅大家一定要叫呢個！👉鴨血 $

喺九龍城讀書成長，好自然同返老朋友嘅飯局約返呢頭❣️更難得喺呢間火鍋店座位非常闊落，行老香港懷舊風，啱曬我地飲飲食食之餘，懷緬過去☺️入店見到好多六七十年代擺設、電視機、熱水壺、懷舊玩具等。店內打造成大排檔、雜貨舖等場景。食物方面，除左精緻靚牛、特色湯底、時令海鮮(龍躉、桶蠔、蚌類等)，仲有刺身同甜品，絕對滿足到各人胃口😋冬甫美人鍋 $198冬甫即係冬瓜，夏日食呢個認真消暑，加埋花膠同桃膠，美顏食材食左變美人❣️😂 雞肉份量多，皮滑肉質鮮嫩，食完雞都半飽。特级手切牛肉(大) $368餐牌中比安格斯高一級嘅手切牛肉，脂肪紋理靚仔，肉味夠濃，貴少少但食得更開心。鴛鴦滑 $108揀左墨魚同蝦滑，食落彈牙又鮮甜，一啲都唔粉，真材實料👍🏻牛黃喉 $78私心中意食，唔多火鍋店有，但稍嫌呢個未夠爽口🤣煎午餐肉 $58邪惡㗎，仲要煎過😆咁香口無法say no！油麥菜 $38 同粟米 $38都係爽甜嘅。最後好impressive送上啫喱甜品，插把油紙傘嗰隻☂ 仲有店員將一條錦鯉放入鍋煮，煎開後沾上花生碎，原來係糖不甩，成件事好得意❣️環境、服務、食物都好好，推介✨

跟朋友食打邊爐，多數會去旺角或者尖沙咀，今次九龍城街坊帶我去屋企附近，有間火鍋專門店 一於就去晚飯。 位於九龍城，近黃珍珍的街道。招牌容易見到，以霓虹燈的紅色綠色，舊式書法體寫著" 同撈同煲  " ，門口有個英式郵筒，走進店舖就像進入80年代一樣。餐廳播著懷舊金曲，例如梅艷芳名曲，另外又有懷舊歌星海報，街招貼紙等佈置，懷舊綠白磚地板，每一個細節都很神似！ 火鍋材料以港式口味為主，而湯底口味是餐廳自家推介，外邊較少見，今次就聽朋友介紹，美鍋加靚牛，另外配魚滑和菜類，整體質素不錯，超級滿足。 最後仲有神秘甜品，鯉魚糖不甩！=冬甫美人鍋 $198=鍋子寬闊而鍋底不深，像傳統的盆菜炒鑊相似，容易撈起食物，又方便共同分享。一上菜，見到有冬瓜圈放在鍋中間，中間放了一些滋補食材，另有原隻雞直接下湯！一滾起不久，雞肉食落超嫩，湯底吸收了冬瓜與雞的精華，清甜帶鮮味，夏天最佳！ =大特级手切牛肉 $368=火鍋必點的牛肉有幾款選擇，手切牛價錢合理就點了大份。手切牛肉的色澤鮮紅，油脂比例剛好，不會太肥，食落的肉味濃，又有咬口，令人一食再食。 =煎午餐肉 $58=火鍋常吃的午餐肉有普通或煎香可選，原來可以先煎