同撈同煲

營業中

休息中

上次朋友介紹九龍城有間叫做同撈同煲嘅火鍋店，所以我就帶左屋企人去試。一入到去見到個魚缸，好大隻龍蝦郁嚟郁去，見到呢度啲海鮮應該都幾新鮮，而上次朋友就叫咗我哋一定要試過海鮮拼盤，所以諗都唔諗就直接嗌咗。個聖子同鮑魚好值得是，鮑魚係爽口唔會韌，而帶子隨口有鮮甜，整體來講海鮮拼盤係冇介紹錯。由於我哋兩個人食唔到太多嘢，所以只係帶咗兩個小食。店員話蝦多士同即炸響鈴最多人食，所以就試吓。蝦多士好脆口無油膩感，而家響鈴個建議食法係直接點甜酸汁食，唔係放落湯，好新奇，原來有多一個食法。上次個朋友係海鮮控，所以我哋就跟咗佢個餐單一齊叫，珊瑚蚌同脆鯇腩好大份，雖然價錢唔算平，但係佢真係俾返應有嘅質素，珊瑚蚌好新鮮爽口，而脆肉鯇就夠肥夠脆，鍾意食魚嘅一定要叫。另外我哋叫咗碟大嘅手切本地牛肉，肉質都幾淋身同有油脂感，下次會嚟試吓油香較少，但肉味較重嘅封門柳！ 食到呢度其實好飽，但我仲叫左個四寶丸拼盤，其中個牛丸同埋墨魚丸真係冇得彈。爽口彈牙一定係自己手打。最後食完原來餐廳仲會提供甜品，糖不甩係喺我哋面前整嘅，有誠意得來又好味，唔使再去隔離食甜品！

喺九龍城門口經過，已經俾佢嘅裝潢吸引。餐廳主要行70至80年代霓虹燈風格💡，全店充滿着懷舊氣息，睇得出店主非常用心將潢🎆去到醬料已經擺咗係枱面比我地調製🥄。既然行懷舊路線，飲啤酒梗係要用戰鬥碗🍻胡椒豬肚少爺雞湯🍲，成個煲好足料，主要食材有雞件同大量豬肚，兩大舊豬骨，另外仲有酸菜蘿蔔支竹等配料。湯底胡椒味超香濃，微辣得來又不會嗆喉🌶。半隻無激素少爺雞🐓水滾後煲五至六分鐘，好滑嫩，而豬肚煲得又淋又入味。必叫小食 - 懷舊蝦多士🍤。多士炸得黃金酥脆香口，蝦膠彈牙，配埋店家調製既酸酸甜甜醬汁，好好味😋安格斯牛肉🐂賣相得體，厚薄適中，食落充滿牛肉味。咁靚既牛都係二百蚊到好扺！ 黑松露墨魚滑🐙及蟹籽蝦滑🦐，蝦滑有粒粒蝦肉，令到本身彈牙的蝦滑變得更爽口，而蟹籽更加有脆脆的口感😛。QQ豬皮索晒湯底嘅味道，咬下去不少湯汁即流出🤩最後仲有啫喱🍮同糖不甩🍡，去到最後食返啲甜品中和返味覺都幾好😜

朋友約我打邊爐，佢帶我嚟這間火煱店，店裏裝修很有趣，讓我一嘗回到70年代的懷舊感之餘，還播著懷舊金曲🎼，整個氣氛感很有興😆。💫響鈴$58響鈴係店員介紹的，說是自家製的，沾酸甜醬食很酥脆或打邊爐。🍅特濃蕃茄薯仔肉片湯$158火鍋湯底選擇都不少，我哋最後選擇這個特濃蕃茄薯仔肉片湯，呢個湯真係好濃郁，店員說湯底是可以飲的，以新鮮蕃茄烹調。🥬油麥菜$38。🦐賣魚勝推介$398好似好多枱都有點這一個餐廳推介嘅海鮮拼盤，拼盤包括8頭鮑魚 x 4，聖子王 x 2，海蝦 x 6，好豐富，咁我哋就試吓，海鮮好新鮮，尤其係鮑魚好彈牙，海蝦亦爽口鮮甜。要讚一讚，這個「火鍋勺」可以放在火鍋湯中，不需要自己用手攞住，好方便。店員服務周到，還不時幫我哋「畢」走火煱湯側邊嘅泡泡，令到個湯底唔會變得渾濁，盡享打邊爐嘅美食～🐟脆鯇魚片$78我哋兩個都好鍾意食脆肉鯇魚片，所以叫咗一碟，師傅把魚片切得均勻，口感帶點Q彈。💓甜品（免費）呢個真係驚喜🤩，除咗每人贈送一個啫喱外，還有現場在枱上製作「金魚糖不甩」熱辣辣的糯米糕，配上花生粉、芝麻和黃糖粉，好好味😋。這餐我哋兩個都食得好開心，大滿足，會再來，Yo~💃

上網見到呢間餐廳，已經比呢到既懷舊裝潢吸引，決定同朋友泥朝聖一下～入座後即刻有醬料供大家調味。🌸胡椒豬肚少爺雞湯鍋底好足料，大量豬肚，已煮到軟淋易入口。半隻雞另上，水滾後湯五分鐘後可食。胡椒味香濃帶勁，超滋補又暖胃既湯底開餐前食兩碗湯絕不過分。🌸桂花蚌桂花蚌非常新鮮，口感煙韌，爽脆彈牙。🌸安格斯牛肉手切牛頸脊，肥瘦均勻，半厚身的程度，吃下去充滿牛味及口感豐富。🌸鴛鴦滑鴛鴦滑即是蟹籽蝦滑加黑松露墨魚滑。裏面更有墨魚肉，爽口彈牙。🌸蓮藕蓮藕是屬於爽口派而不是粉粉的，咬下去爽爽聲，正😄🌸山楂紫背天葵 店內自家製飲品，酸酸甜甜，非常解腻。餐廳最後會贈送啫喱及糖不甩作甜品。糖不甩需放入火鍋內煮熱，再加上花生粒，熱辣辣加軟儒的口感，非常滋味😋

上網睇到同撈同煲餐廳，對個名好有興趣就嚟試吓。餐廳主打懷舊風，未食飯入去個門面都幾吸引，可以打吓卡。我覺得配料都幾值得一讚，唔用嘅時候冇用保鮮紙封住，感覺上都幾衛生。我同朋友問店員有咩推介，見到個海鮮拼盤好似都幾抵食，我哋就叫咗一個試吓。所有嘅海鮮都好新鮮，尤其是係個元貝大大粒，食落去勁有滿足感。我哋想試哂拼盤中所有海鮮，店員就好體貼，咁幫我哋轉晒每樣海鮮x2，而蝦就有六隻。兩個人食啱啱好。另外，佢哋主打港式風味嘅沙嗲湯，沙嗲湯汁勁濃郁，拎嚟配響鈴食真係一流，本身我哋諗住最尾加埋一個面撈沙嗲汁，但真係叫得太豐富嘅關係，食唔晒！所以冇叫公仔麵！蝦多士同響鈴都係即炸，上咗枱後，店員叫我哋食咗先，因為真係好脆口同香口，拎嚟送啤酒一流!由於我同朋友都鍾意食海鮮，所以令我嗌咗一個珊瑚蚌同埋脆肉鯇骨腩，珊瑚蚌好鮮甜好脆口，另外個骨腩真係好抵食！咁大份都只係$88!淨係我哋嗌咗個大嘅手切牛肉，肉質鮮甜同埋好淋，一定要嗌，下次仲想繼續試埋封門柳牛肉！我哋兩個人食完以上咁多嘢已經好飽，但店員竟然同我哋講仲有甜品提供，係懷舊花奶啫喱，仲有用我哋沙嗲湯煮嘅糖不甩！初頭問店員咁咪會有咸有甜，佢建議我哋食咗先再

九龍城除咗食泰國菜之外，其實仲有其他好選擇，今次就嚟咗呢邊打邊爐，係一間充滿懷舊味道嘅火鍋店。裝修方面，好似去咗七八年代嘅香港，坐低之後店員就向我哋推介時令海鮮，都幾抵食，但由於朋友對海鮮有啲敏感，所以就冇食。湯底方面，我哋揀咗少爺雞煲翅 $398。湯底好快就已經送上，有半隻雞、魚翅竹笙，同埋大量嘅冬瓜，店舖仲好貼心將啲魚翅隔開，方便客人食，仲會幫我哋即場將啲雞切件，好貼心服務好好。 滾咗之後，首先可以飲咗個湯先，無論係雞本身定係湯，都好有雞味，雞肉夠滑，再加上魚翅冬瓜等等嘅材料，令到成個湯底香得來又帶點清甜，真係好好飲，店員仲會keep住幫我哋隔雞油，所以飲落去嘅湯唔會太過油膩。之後我哋就嗌咗啲配料打邊爐，包括係黑豚肉，四寶餃、芝士蝦丸、芝士牛丸。值得一讚係佢哋嘅丸類全部都係手打自家製，同平時食開嘅芝士牛丸完全唔一樣，感覺真係用咗真牛肉去整，芝士蝦丸，亦都有濃濃嘅蝦味，配埋溶咗嘅芝士，真係非常好味。另外，我哋仲嗌左幾款小食，老友鬼鬼同埋雞軟骨，好脆嘅油炸鬼包住蝦餃，口感好好👍雞軟骨，亦都炸到脆卜卜。食完之後到最後仲有甜品，啫喱同埋糖不甩，呢餐真係好飽好飽，亦都好滿意。

朋友👧約我喺九龍城食飯，我諗緊會唔會佢帶我去食泰國菜🇹🇭，結果原來佢👧帶我嚟呢度打邊爐🍲，朋友👧話呢間餐廳嘅食物新鮮好味😆$158「特濃蕃茄🍅薯仔🥔肉片🐷湯」：見到落咗好多蕃茄🍅，真係有幾濃郁嘅蕃茄味🍅😆仲有醬料提供，自己揀自己撈勻😋$398「賣魚勝推介」：8頭鮑魚 x 4，聖子王 x 2，海蝦 x 6 ：呢啲海產全部都新鮮🤩「8頭鮑魚」肉質結實仲有啲彈牙😋「聖子王」又係有少少彈牙😋「海蝦」味鮮甜😋$108「梅花黑豚肉🐷」：肥瘦適中，肉質甘香，幾軟熟，好豬味😋$48「8吋長蟹柳」：真係好長好大條🤩$38「油麥菜」非常新鮮，幾爽脆，簡單好食😋食完仲有甜品送🤩呢度店員服務仲好好，又有禮貌，又不停幫我哋嘅火鍋做 skimming (唔係好識 skimming 中文係乜，skimming 係日本料理其中重要嘅一環，如果唔識就自己上網睇吓啦😆），令鍋底更清味道更好🤩，抵讚👍

牛胸爽 $38🐃第一次食牛胸爽，口感十分有趣。白色透明的一片片，又滑又彈。每一啖都充滿牛油的香味之餘，又不會像牛油的油膩。原來好多人見到都誤以為白色一片片嘅牛胸爽係牛嘅脂肪，其實佢係牛胸前肋骨中間的軟骨部位。充滿豐富骨膠原，美容之餘，仲可以豐胸。愛美的女士絕對可以一試。😆胡椒豬肚少爺雞湯$258🫕呢道菜是店主的十分推介的菜式之一，性價比十分高! 因為呢道菜式不但可以喝到胡椒豬肚雞湯，還可以吃到半隻新鮮的走地雞。胡椒豬肚雞湯是十分的暖胃，吹了一天海風的我，來碗胡椒豬肚雞湯驅寒又醒神。胡椒味剛好不會太辣，香濃的豬骨湯為底，加上豬肚和鮮雞提味，真的肉香鮮甜微辣得來惹味至極。飲完湯和吃完雞，店員便會加以原湯-豬骨濃湯俾我地打邊爐。服務態度十分好🤩，打邊爐的途中不停幫我地撇走浮沬!老友鬼鬼 $68🥠聽個名就覺得十分有趣😁。原來鬼鬼是油炸鬼，比起坊間一般的油炸鬼，呢家的油炸鬼十分脆口，脆的程度偏硬。油炸鬼上面還釀了魚肉，魚肉十分鮮甜，不會腥。脆口的油炸鬼加上軟綿的魚肉，口感十分有豐富和多層次。店家的建議食法是可以上桌就可以吃🥢，不用放入邊爐中食。唐生菜 $38🥬打邊爐必叫唐生菜，但呢家唐生菜的份量

天氣濕濕凍凍，所以就叫左朋友一齊去打個邊爐啦😋我地叫左個胡椒豬肚少爺雞湯$258呢個湯底包左半隻雞，入面仲有豬肚，豬骨，腐皮同咸菜的😄湯底煮完雞之後店員話可以飲左先，好濃的胡椒味，好暖胃🤤打邊爐配料我地仲叫左梅花黑豚肉$108，豬肉味好重，仲建議跟埋青瓜食，食法好特別，第一次試，食落去十分之清新☺️皇帝菜 $42佢地菜的份量好大😍，同平時食開的打邊爐鋪頭唔同，呢度的皇帝菜係要分開幾次煮，食整嘩中仲有，好抵🤓魚皮餃 $38好耐冇食過魚皮餃，見到呢度有就毫無疑問咁叫左啦，佢價錢又唔貴😚食落唔會太咸，都好好食😋紅薯粉 $38收尾的澱粉質揀左薯粉，佢好索湯底，煮完食落覺得好鮮甜🤤就算好飽都想繼續食😚佢地有一個煮麵的籃俾我地裝住黎煮，咁樣好方便，唔洗係咁係個鍋入面搵☺️懷舊蝦多士 $68蝦多士炸到好鬆脆，就咁食食到蝦的鮮甜味，另外仲可以點佢個甜酸汁，好開胃，極推佢個甜酸汁😎 必食呀😝甜品方面佢地拎左芒果啫喱面頭仲有花奶，食落好似細個成日會食的芒果布甸的味道，好懷念同鍾意食🥰 另外仲有糖不甩，佢地整成魚的形狀再放落打邊爐個煲入面煮，好特別，食落甜甜咸咸，仲好香花生味😛九龍城同撈同煲火鍋 (九龍城)九龍

朋友知我特別愛懷舊事物, 今日專登帶我去打鼓嶺道的這間懷舊香港火鍋吃飯; 未入內已被外面的海鮮檔裝潢吸引, 小時候的記憶通通走出來; 入到內, 更發現很多熟悉又懷愐的裝飾與物件, 尤其那度綠色鐵閘與小時候的玩具, 很有親切感, 店主似乎是個地道香港人, 很有心其他店的沙嗲湯底多數只是稀淡淡的, 尤甚之後一直加水就更加不甚; 不過見到剛上枱的沙嗲湯底就十分驚喜, 因為十分濃厚之餘, 還有大量芝麻香蔥, 湯味十分濃, 即使中途幾次加水, 一直食到最後湯底也沒有變得淡味, 對於很愛沙嗲味的我十分喜歡, 是吃過最最好味的沙嗲湯底食物方面點了店員推介的拼盤, 幾款海鮮光亮水澤, 尤其聖子與鮑魚都鮮甜得可以; 炸雲吞驚喜的好吃, 炸皮非常薄, 香脆非常, 裡面的蝦肉彈滑而且份量不少; 好有小時候舊式茶樓的原始炸雲吞感覺 每枱客都有甜品奉送, 又有舊式的遮仔啫厘, 還有造成鯉魚樣的懷舊糖不甩; 店員會幫手放鯉魚下火鍋再剪開加上芝麻花生, 本來不太喜歡糯米的我, 卻異常喜歡這個甜點, 糯米非常香軟, 好吃得很特別一提是店員服務十分好, 不時主動替客人換碟加水及撇油, 略為需要處理的食材都會幫忙處理,

今日同女朋友放假，特登搵咗依一間好有香港懷舊風情裝修架火鍋店👍🏻選左招牌老爺濃湯雞煲翅個煲送到嚟，超級足料足足有半隻雞雞面上面有金華火腿魚翅乾瑤柱..保底，仲有一大片冬瓜..仲有我最鍾意食嘅竹笙..滾起咗之後可以飲咗湯先湯飲落有濃濃嘅雞湯味..飲得出淆左好耐..果然係招牌湯底我哋仲嗌咗兩款炸小食一款都係椒鹽雞軟骨..雞軟骨份量都好多炸得剛剛好唔會太乾身..然後用避風塘式嘅炒發..食落相當香口.送啤酒一流油炸鬼釀黑松露蝦膠第一次食..將啲黑松露蝦膠讓落油炸鬼度攞去油炸..配上一個酸酸甜甜嘅甜酸汁..非常之夾..食到停唔到口😋四寶餃四款唔同類型嘅餃子 有元貝豬肉餃..黑木耳餃.傳統嘅鮮蝦雲吞..最後一款係韭菜餃..全部都係手包，非常足料大大粒芝芯牛肉丸手打牛丸，然後入邊讓左芝士粒..食落有爆漿效果超正芝心蝦丸都係讓有芝士粒..鍾意食芝士嘅人，一定唔可以錯過我同女朋友都唔鍾意食牛肉所以點左黑毛豬豚肉..充滿油脂脂肪分布均勻..最後仲送咗兩款甜品一款係我最鍾意食嘅蘿蔔臣啫喱仲有一款係非常之有特色嘅鯉魚糖不甩..烚熟咗之後撈埋椰絲花生碎非常之好食👍🏻

最鍾意就係放工無嘢做，屋企又無飯食，可以即興約🐽朋🐶友————今次，邊邊佢。邊爐必備嘅配料+豉油餐廳嘅裝修擺設都以懷舊為主，比較年輕嘅 可能都未見過綠色果舊嘢———信箱。花雕醉美人鍋（醉雞鍋）超濃花雕酒味，落雞煮熟之後 緊係飲啖湯先再慢慢食雞。 湯好正😌 雞又好滑有雞味成個人覺得好na補😂😂胡椒豬肚少爺雞湯好夠胡椒味 飲落辣辣哋但係舒服嘅我地每人都飲咗一碗胡椒豬肚湯之後先再落雞，之後再飲湯😆😆 都係嗰句，好na補！！我唔食牛，但朋友試完，話左上角嗰碟好正 ——— 牛胸爽 鴛鴦滑 、 梅花黑豚肉叫咗個賣魚勝推介，有4隻八頭鮑魚、6隻海蝦、大元貝，幾款都好新鮮，蝦肉爽口唔會梅大魚大肉之餘 都要留少少位食菜罪惡感會少dd尼款鯉魚糖不甩，會用返打邊爐果窩嚟煮之後再’嬸‘番啲花生、糖上面撈撈就食得味道幾得意 裡面咸外面甜(唔會好似一般咁 用清水煮 裏面冇味 就咁一舊粉)好耐冇玩過呢款遮仔啦☂️細個勁鍾意食啫喱（都係尼款杯裝）仲要加勁多花奶 。 就算已經食到好飽 都要食埋😆題外話：有一位男侍應服務好好 仲好貼心食飯期間我哋自己講笑，笑個朋友發燒(其實無)有病啊唔好出嚟食飯累人啦, 佢應該咁岩聽到就好

天氣乍暖還寒, 還熱的昨天今天又忽然有點冷; 原約朋友吃壽司, 也即時轉場, 在九龍城廣場附近找了這間有趣的同撈同煲; 店裡主打香港懷舊氣氛, 有很多舊香港的特色裝潢, 港島亦有分店, 下次可以試試食物選擇不少, 有額多店家獨家自有的特式菜; 花多眼亂決定不了點菜, 又怕眼闊肚窄; 店員就推介試試海鮮套餐再加少量其他, 就此拍版 除了海鮮拼盤, 再點了田園拼盤與少見的澳洲和牛丸; 田園拼盤的幾種蔬菜新鮮充滿水潤, 尤其喜歡蕃茄下鍋一會即吃, 蕃茄的鮮甜完全走出來; 帶子王與聖子王size都大得有得誇張, 幾款海鮮都非常新鮮, 海鮮甜味走進口中, 吃得好滿足澳洲和牛丸要吃到口中才知真章, 味道十分香濃而且彈牙, 本身不太吃牛的朋友也吃得享受; 吃火鍋必配冷飲, 不想要汽水的我們, 就叫了店員推介的山楂紫背天葵非常清甜解渴, 個人十分喜歡

九龍城既同撈同煲, 唔單只係做香港特色既火鍋店, 仲可以係懷舊香港既裝修, 聽住香港老歌, 一去到就已經有老香港既味道湯底就叫左個胡椒豬肚少爺雞湯, 佢注明左係無淚素雞, 會放心食好多💁‍♀️ 湯黎到就緊係試下先, 好夠味道, 啱啱好, 天氣再凍啲仲正, 好暖胃👍有個侍應推薦我地食個海鮮拼盤, 咁有朋友就好鍾意食海鮮, 所以就叫左一齊開心食, 都幾大碟既, 佢話保證新鮮, 咁我地相信, 門口已經有個大魚缸, 但我個人唔太好海鮮, 所以都係食魚多, 魚肉係幾滑既, 其他海鮮我唔識分🤣牛肉就叫左個安格斯牛, 上碟時都幾似好多, 但原來下面係冰黎🤣 味道其實就一般, 有些失望🥲其他既就叫左千葉豆腐, 鴨血, 都幾好味, 最特別我覺得係個魚皮, 佢仲可以揀味道, 叫左個蜜糖味, 原來係比我地好似薯條咁shake, 幾得意, 但味道好似蜜糖唔係好夾, 我諗BBQ or 籽然味會幾好味佢杯啤酒好大杯, 連我叫既龍鳯大檸茶都係一樣size, 好啱打邊爐👍最後原本我地諗住叫埋甜品, 佢就話有得送甜品, 魚魚糖不甩, 好得意, 佢要煮佢大約5分鐘先再鋪花生碎係上面, 再剪開佢食, 好得意另外仲送左杯懷舊啫

我最近到了一家火鍋店，感覺非常不錯！首先，食物的質量和味道都相當好，就算是最普通的肉片，也能品嚐出肉質的鮮美。此外，每道菜的呈現也相當用心，不僅美觀，還可以打卡一流，非常符合現在年輕人的口味。店內的環境也非常時尚，裝修和音樂都很有質感，讓人感到非常放鬆和舒適。不過，份量略微偏小，不太適合大吃一頓的人。而且，價格也略微偏高，可能不太適合追求平價的顧客。總體來說，這家火鍋店的表現還是很不錯的，如果你想要享受一頓高質量的火鍋，並且願意為此付出一些代價，那麼這裡絕對是一個不錯的選擇！👍🍲💰