吉吉點 (已結業)

友人住觀塘, 佢知我鍾意食點心, 就介紹咗一間觀塘小店比我. 不過一直都無機會試. 今日咁啱過觀塘見客, 見完已經到食飯時間, 所以特登黎朝聖一下!呢間餐廳係宜安街街市附近, 直情係去柴灣/西貢的紅Van 個條巷仔, 我大概知邊度, 所以都唔洗太花時間去搵. 佢係主打手工點心, 其中不乏一D創意點心同咖啡, 環境算幾乾淨. 侍應同食客有講有笑, 甚有街坊小店風味.今次黎主要係想試下佢個老火湯同腸粉. 叫咗一碟叉腸, 一客馬柆糕同老火湯 (一個人實在食唔到咁多). 未黎之前都有睇過其它食評, 知道呢間腸粉出名, 果然無令人失望. 叉腸一客有六件(已切好), 件件都好飽滿, 用料好足. 就咁望, 腸粉皮夠薄, 可以癮約睇到裏面D饀料, 賣相已經攞晒分. 腸粉夾起唔會散, 食落夠滑, 而且裏面D叉燒一D都唔乾, 佢附有少量時菜, 食落增加咗爽口層次, 味道同口感都做得好好, 作為主打一D都無欺場.至於老火湯都好足料, 飲得出無味精, 非常難得. 馬拉糕都好夠鬆軟, 唔會太甜, 但食落好馬拉糕味, 好味!

中午時份，來到觀塘，雖然在裕民坊一帶仍在重建中，但仍然有些舊樓尚未清拆，另一邊牛頭角道，卻又另一番景象。有一條街很久沒到過，這就是宜安街，是一條兒時經常到的街道，今日舊地重遊，是別有一番情懷。午飯時間，當然會醫肚先，來到吉吉點，當然食番餐一盅兩件吧。枱頭上固然有餐牌，但具興趣的，還是點心紙吧，可從中挑選心儀的點心。鮮蝦蒜芯餃（二十四個大洋）是店內新的蝦餃，除了以蝦仁做饀料外，還有蒜芯，是一款較新的蝦餃。澄皮非常的薄，可以見到入面的食材，蝦仁和蒜芯都是爽脆的，尤其蝦仁也富彈牙，每食一隻都是口感豐富。手工布拉腸粉（二十個大洋）雖然沒有任何食材在腸粉裡面，但是可以吃到當中手拉腸粉的滑溜感，而當中腸粉只有米香的香味，加上甜醬和麻醬，即時增添了腸粉的烏度和芝麻味，令腸粉更具食味。煎雲石馬蹄糕（二十個大洋）是一個非常特別的點心，一般馬蹄糕是茶黃色的，並以馬蹄粉做的，但是雲古馬蹄糕則用上了黑芝麻做，故上桌時三件都是黑色的，並有粒粒馬蹄在表面。質感較普通的馬蹄糕為煙靱結實，味道略甜，雖然亦有順滑，但是亦有點粗糙感覺，食味非常特別。總是離不開潮州靚粉果（十九個大洋），原因就是它是皮也是很薄，饀料豐富，有

香港人真係創意無限，西式的咖啡同中式的點心竟然可以放埋一齊，不期然令人諗起“食神”的經典對白。呢間觀塘的點心店除左有新派的點心外，仲有咖啡飲，十分有綽頭。仙履奇緣 $27一黎到梗係要試下佢的咖啡啦，叫左一杯仙屐奇緣(鐵觀音咖啡)。做得主打果然不嬉場，一落完order，廚房已經傳出沖泡咖啡的聲音，特別的打奶機的蒸氣聲，感覺就似去左CAFE一樣。咖啡的外表吸引，有精緻的拉花圖案。味道都吾錯，有濃厚的鐵觀音的甘味，咖啡味及奶味偏啖，岩晒平時怕咖啡苦味的朋友。千層珍珠雞 $26一籠有兩大隻。千層的意思就係一層糯米一層餡料，有D似梅肉扣肉咁樣。糯米濕濕軟軟，好有黏性，吾會硬掘掘。餡料亦相當足料，有蝦米、冬菇、肉等等，而且仲好多汁，相當吾錯。桂林頂級鮮牛肉球 $24一籠三大粒，粒粒都大粒過乒乓波咁，肉質爽口。江南俏鍋貼 $26一碟三隻。外皮煎到黃金香脆，肉餡係椰菜豬肉，餡料豐富，仲有少少肉汁。足料養生老火湯 $23是日靚湯係赤小豆粉葛煲豬展。$23 竟然有一大盅，而且湯料十足，飲落非常鮮甜，非常好飲。

香港地既餐廳都算係日新月異，以前飲茶食點心一定係諗起酒樓，不過唔係人人都願意晨咁早起身走去拎位，就好似小妹咁。而家多左食點心既小店，多左款式選擇，無論什麼時候都可以去，方便得多。今次就去左位於觀塘區吉吉點食晚市點心，仲記得餐廳一開個時已經想試，佢特別在於新式點心外，仲有得飲西式咖啡，不過事隔接近一年而家先去試。.餐廳位於牛頭角地鐵站附近，要行約十分鐘，而且地點在一條小巷內，第一次去有點難找。餐廳環境不大，簡約為主，沒什麼裝潢，茶錢$5/位。餐牌以外，都有供應是日靚湯，見到隔離檯大大一壺，感覺好抵飲！.餐牌上的款式選擇滿多，下午茶食滿$28 (連茶位)，仲可以用優惠價換購圖上的點心一款，很抵食呢!.凍蜂蜜菊花露 $18杯底有不少菊花在內，味道就好似維他菊花茶，甜度適中，清涼解渴都唔錯。.意想不到既係點心店都有供應西式咖啡，叫左杯仙履奇緣 $27，個名好夢幻，原來係鐵觀音咖啡。廚房一路都傳來咖啡機打奶的聲音，滿期待的。咖啡的賣相有模有樣，上面仲整左圖案添。不過咖啡同鐵觀音兩者的味道都唔重，有苦味，但不是咖啡的苦，係鐵觀音茶的甘苦味，但茶味又不重，兩頭唔到岸，可惜。.燒汁煙鴨胸腸粉 $23差

同友人係APM 行完街都已經8點幾~醒起同事講過有間點心店的店心幾特別~所以就決定搵搵~去試下~由APM行過去都真係有少少遠，可能無咩印象會係邊一個位既關係。由於佢係巷仔的入面，好彩友人見到，唔係一定會行過左lu~入到去都幾多人，差唔多坐滿~全黑色的碗筷同平時酒樓的感覺完全不一樣~再望一下，發現隻碗有D唔乾淨~扣左少少分喇~呢度都幾多款的點心，除左傳統的點心，仲有其他得意的點心~除左得意的點心，呢度仲有有咖啡,花茶同手工啤酒飲tim~ 鐘意試新野的你，一定要黎試下~本身想試個鐵觀音咖啡，但係無哂~我同友人就叫左3個咸點3個甜點~第一個甜點~酥香紫薯餅~個人幾鐘意呢個，幾好食~好香紫薯味，而且個皮好好食~好酥同唔油~密瓜脆脆卷~其實即係炸鮮奶的朋友，但就好重密瓜味，我就覺得唔錯，可以一試~但友人因為唔鐘意食d疑似好香精的食物，所以食左半舊就放棄左~所以我就負責清哂其他，食完覺得有D濟~瓊金流沙包~個人覺得無咩特別~正常，好流心~吉吉蝦餃皇~唔錯~食到有蝦味同爽口，但個皮略為厚左少少~鮑螺雞燒買~幾得意的配搭，味道就唔太突出~不過都可以一試~最無特別的千層珍珠雞~都幾多料，但味道都係無咩特

我同男朋友都鍾意食點心, 不過得兩個人, 好多時去酒樓要同人搭枱, 而且通常比較嘈. 所以放假都鍾意去幫襯一D小店. 見網絡有人介紹, 今日就約埋爸爸媽媽一齊去試下觀塘的吉吉點.食點心最開心就係叫到一枱都係, 大家一人夾D又傾下計感覺先夠晒溫馨. 呢間D點心係即蒸, 我地揀好點心後職員都會提話要等耐少少. 我地當然唔介意啦. 等咗一陣點心陸陸續續上枱喇.有媽媽最鍾意食, 但唔係度度有得食的灌湯餃, 呢度D灌湯餃Size 都幾大隻, 而且有蟲草花等的材料, 一破開個皮, 裏面D湯汁同出面個湯撈埋變得好濃郁! 加埋D紅醋打起咗個鮮味. 難得小店都做到呢個水準, 讚!牛肉球又係另外一樣美味之選, 呢個牛肉球比出面酒樓食到個D口感唔同, 呢度D牛肉咬落比較"厚身", 唔會鬆泡泡咁, 而且牛味豐富, 做得唔錯!章魚雞粒飯 - 我地全家都好鍾意食, 所以叫咗兩個. 章魚味浸咗入去D飯度, 但又唔會痴立立, 個飯都好香好爽口.後來仲叫咗D甜點, 楊枝甘露同蜜瓜脆脆卷, 前者夠晒冰涼, 芒果味都好香, 唔會過甜, 雖然係一碗但我地4個人都夠分~ 而蜜瓜脆脆卷,就第一次食, 外面用米紙炸到脆, 裏面係好

今日陪媽子去觀塘探親戚, 探完就去咗吉吉點食點心. 之前媽子食過幾次覺得唔錯, 所以今日就由佢帶路喇.去到街市隔離斜路仔個度已經見到大大個紫色招牌, 同一般酒樓唔同, 裏面主要係2-4人枱, 裝修唔錯, 地方雖然唔大但空間都足夠, 係點心餐廳格局.我地得兩個人所以叫得唔多野食, 值得一讚係佢D點心係即蒸, 上枱時熱辣辣都好新鮮. 叫咗個老火湯, 牛肉球, 牛栢葉同埋蒸飯. 媽子鍾意食佢個牛栢葉, 咬落唔會韌而且個"Hin"清清地, 食落夠爽口. 牛肉球唔會鬆泡泡, 食落好有牛味同埋好彈牙. 兩款都好好味!老火湯同鳳瓜排骨蒸飯都好唔錯, 老火湯似媽子煲個D靚湯, 足料無味精. 蒸飯做得好香又唔會痴笠笠.埋單個時先知道呢間點心唔洗加一, 好味又抵食!

今天來到吉吉點吃野，好開心！呢度的環境真的挺不錯，擺置好溫馨，就像一個小家，特別有家的味道，總有呢度的茶壺和杯子都特別精緻，很好看！最重要的是東西好吃，現在就由我給大家介紹幾樣菜：江南俏鍋貼煎的火候特別好，不然他不會擺盤的時候將鍋貼的底給露出來，這是我吃過的為數不多的將火候處理的這麼好的鍋貼！紫薯特別有營養，店家說紫薯是非常健康的，在番薯裡面營養價值算是挺高的，因此我點了份酥香紫薯餅，入口酥脆，表層特別酥，一層一層的在嘴裡散開，特別香！鮮蝦蒜芯餃類似於水晶膠，餡肉特別足，極力推薦。不得不提一下呢蝶青芥末鯪魚球，是我吃過的最好吃的魚丸，本來鯪魚就是鮮甜可口，再加上青芥末，辣辣的，形成一種特別的味蕾上的呼應，一咬下去，舌頭上、口腔裡的味蕾細胞就活躍起來，特別好吃！我們還點了蜜汁叉燒腸粉、豉汁蒸鳳爪、蒜香蒸排骨、蜜汁叉燒包、灌湯餃、飽螺雞燒賣，這些都迷死人了，吃的我好滿足裡面不得不提一下灌湯餃、飽螺雞燒賣，哇，好棒！灌湯餃特別大只，好抵食，那些湯汁又濃又香，聞起來就已經飄飄欲仙了，更不用說吃了！而這個飽螺雞燒賣鮮嫩多汁，我真的沒吃過這麼好吃的燒賣！最後我們還點了兩支水峰井黑烏龍茶，味道挺好的

當晚，我跟一對年輕夫婦朋友，走到觀塘食點心晚餐！  聽說這間 <吉吉點> 供應新派點心、花茶、特色咖啡及養生老火湯，絕對可以滿足我們三人的要求及胃口！ 於是，我出席完 Openrice 得獎熱店活動後，自己走來找一找小店！ 小店較近牛頭角，一點也不易找到！  我沿宜安街單數號向前行到街中間卻找不到，基乎想致電給先到達的她！行番轉頭，原來位於街市旁邊的斜路小巷！  位置相當隱蔽格攝！ 終於找到店子，幸好，紫色招牌吸引了視線！  當時晚上 7:00，坐下來，細看店子，地方淺窄！放了不少餐桌，相對坐得迫狹！  我們坐在近門口的桌子，可清楚看到店子的裝潢及擺設。簡約裝潢不花巧，特色在於其點心及咖啡！令我們很期待呢！ 只有兩位短頭髮女店員，見她們很勤快！忙到馬不停蹄！ 衛生方面，認真麻麻地！可能近門口及天氣熱的關係，間日有蚊滋飛過！ 近來，天氣開始轉熱，先點杯飲品解渴！我覺得花茶跟點心都幾夾，想點花茶卻無！不如點一杯特色口味的榴槤咖啡，又無！  那麼，我還是點最簡單普通的菊花茶吧！熱蜂蜜菊花蜜 $15入口清甜的菊花茶，具清熱作用！一邊食點心，一邊喝菊花

點心，香港嘅特色食品之一！外賣速遞送到黎屋企都係第一次，唔需要去酒樓大排長龍，係屋企舒舒服服就可以食到點心。蝦餃皮薄餡靚，已看到晶凝通透，鮮蝦味十足，蝦餃皮很滑，爽口又夠彈牙。鳳爪排骨飯，分量多，鳳爪、排骨、飯係鐵三角。鳳爪入口即化，排骨嫩，排骨非常惹味。

今日中午想食下點心，咁岩係公司附近搵到一間。雖然間野係巷仔入面，不過餐牌好醒目。地方唔算好大，但環境都算幾好。金牌臘味糯米飯糯米飯真係軟硬程度岩岩好架，裡面啲料又唔點油膩，又夠口感。翡翠鮮蝦腸粉腸粉裡面嘅蝦量又夠晒多，外皮又夠晒軟身，入口熱辣辣。豉汁蒸鳳爪鳳爪嘅肉質夠唔會太軟身，另外仲有唔少花生係底，量又多。

以前細個樓下唔少粥店都有賣手拉腸枌, 不過呢D小店一間接住一間消失, 要食手拉腸粉可能要上到茶樓先有得食, 有時得一兩個人, 上茶樓又太誇張. 所以都有一段時間無食過手拉腸粉了.今日估唔到係觀塘舊區搵到呢間店心餐廳有得食手工點心, 一於去尋回昔日味道. 呢間手工點心直情係宜安街街市側邊巷仔, 雖然唔係大街但都好多人幫襯, 都幾受街坊歡迎. 我一個人食得唔多, 叫咗碟叉腸同埋蒸飯. 值得一讚係食得出腸粉真係即製. 皮夠薄但唔會爛 (如果翻蒸就會好易爛), 裏面餡料好豐富, 而且加咗D生菜係裏面, 健康D, 食落又夠爽脆, 口感好好 ! 蒸飯都做得好好, 蒸得夠香又唔會一pat pat, 夠爽口. 即蒸點心係好味好多, 呢間店心餐廳價錢親民, 而且衛生唔錯. 去開觀塘不防入去嘆返個一盅兩件

很久之前，其實已看過吉吉點被各大飲食刊物報導刊登過各種漂亮精緻的點心及一壺壺的花茶。不過由於路途遙遠，離家一頭一尾的車程，就一直遲遲未有到訪，難得相約了在觀塘工作的朋友，正好可以到來一試由於是午飯時段，加上店內環境不大，所以需在門前排隊等候入座 　　　　　　　　　　　　　　　安坐後店員就問我們要喝些甚麼茶，有常見到普茸,香片,鐵觀音外，還有菊花提供，菊花咪帶清香，又能清熱，是個不錯之選最先看到的是下午茶$2嘆點心，於2:30-6:00下午茶時段，凡惠顧滿$28，即可以$2優惠價換領當中7款點心的其中之一點餐紙上劃分了數個類別，有日日有湯飲(老火湯),甜甜蜜蜜(甜品),豐衣足食(粥品),煎煎炸炸,吉吉長旺(腸粉),日日有飯開(飯類),蒸蒸日上(蒸點心),血燕系列,即磨咖啡,Fusion咖啡,花茶,蜜蜜飲及手工啤酒燒汁煙鴨胸腸粉 $23［分數：8/10］腸粉有5個選擇，叉燒,鮮牛肉,布拉腸,鮮蝦腸及燒汁煙鴨胸腸粉。而我就當然選了最特別的煙鴨胸腸，腸粉上淋滿了大量的燒汁，而內裡就包裹著一片嫩菜及原片鴨胸。腸粉入口滑漏，而煙鴨胸則富嚼感，口感豐富鮮蝦蒜芯餃 $24［分數：7/10］蝦餃吃得多，

前2天，同事外出工作回來時順便在附近的吉吉點買了些點心，我也搭檔買了2盒，大家share一起吃。 有牛肉球，我最喜歡牛肉球了，吃下去不實不鬆散，不是那種粉味重或很拋的口感，2啖一個，有蔥及馬蹄香，味道不錯。鮮蝦蒜心餃一碟3粒，餡料份量可以，感覺飽滿。 餃皮不厚，蝦夠爽，味道略鮮，而蒜香口感頗香。濃湯鮮竹卷鮮竹卷味道有點濃，我最喜歡他的腐皮索湯之後，很入味，加上中間的素菜，有咬口而且每一口都吃到湯的味道及精華。蜜瓜脆脆卷，翠綠色，外面炸得非精脆，內裡也是翠綠色的醬，蜜瓜的香味口味都有，如果有埋實感口感，加幾粒蜜瓜在內就非常完美了。 吃完點心喝一口茶，休息一下又衝刺！ 

有次搭紅Van 見到宜安街街市旁邊巷仔有間點心店, 今日星期六要返工, 放工就走去試下喇! 早餐食到好飽, 去到點心店都係想飲杯下食少少野休息下. 呢間係新派點心店, 除咗有中國菜提供, 仲有咖啡, 花茶等等.我就叫咗壼玫瑰花茶嘆下, 茶味清甜甘香, 聞落同飲落都好舒服好relax. 食物方面我就叫咗兩客甜點, 分別係馬粒糕同埋酥香紫薯餅.馬粒糕蒸出黎熱辣辣好新鮮, 我好鍾意佢調較個味道, 口感夠鬆化又唔會太甜! 酥香紫薯餅就一客有三件, 外層係脆脆酥皮, 裏面係香軟紫薯芯, 紫薯芯夠軟滑, 而且同樣地唔會過甜, 係原有紫薯個種甘香味, 做得好好.餐廳環境唔錯, 又唔會好似酒樓咁嘈, 一個人想嘆下茶, 嘆下點心都幾relax, 實屬觀塘區難得一見的點心店!