吉吉點 (已結業)

初次特意到訪吉吉點見到網上咁多好評，又咁岩係星期六，所以都預左要等位，等左大概半個鐘到，店員就安排我地一行四人入座。環境都算舒適，但鋪位實在比較偏僻，唔易搵，同埋比較細，繁忙時間要預左等好耐先得呀～店員既服務態度幾好，會特意提醒我地，手腳都算快。我地先叫左壺鐵觀音，每個茶位$3，都算好抵，可惜係茶味唔濃，但睇在個價錢上都係合格既。呢到既款式都ok多我地4人總共點左12樣野大部分都好好味，好值得讚，而且份量都足夠，大家都食得好飽，一件不漏。最好食既係蜜瓜脆脆卷，綿花雞，鴨胸腸粉同春卷有d食物因為掛住食既關係而忘記影相，哈哈，實在太好味！店員係上春卷既時候，有為我地特別咁將佢剪開；而，係上鮮魚餃既時候，都有特別提我地呢款點心係有d辣，如果唔食得太辣既朋友，可以夾走上面粒辣椒～refill d茶都幾快，雖然staff唔多，服務都算係幾好啦食飽飽埋單都只係大約$70一位，好抵食，好過平時去d傳統酒樓多多聲好成功既新式甜品，吸引一眾年青人去飲茶。有機會再去食，當然要係係冇咁多人既時間去啦最後提提你地，佢係只收現金，唔接受碌卡架

星期日放假去街市旁邊條巷點心舖飲茶，吉吉點，我地剔左花茶甜蜜回憶，蜜瓜脆脆，初頭見個樣青色好奇怪，但試完出奇地都好中意食，好香蜜瓜味同夠脆！又剔左果度出名既鴛鴦水晶包，好軟淋淋，好甜，不過食多兩粒都飽了，牛肉球同灌湯餃，份量都唔細，味道有大酒樓水準，幾抵食！點心舖個位有D隱閉，好咪無咁嘈，唔好就係難留意到！

在宜安街市隔離巷仔行上去門外有燈飾, 幾靚星期6， 7點到唔使等位，長期都有一兩張枱吉位但兩個人6個點心2個花茶要4人枱先夠放後來開始多左人2人枱面就有點唔夠位食具首先賞心悅目 開左個香片茶, 茶位$3好抵叫左2個甜蜜回憶 $25 each, 原來有一壺, 早知叫唔同的花茶share.. 甜蜜回憶有洋甘菊..薄荷..檸檬草我覺得好似綠箭香口膠味haha 飲唔慣第一碟到的係蜜瓜脆脆似蜜瓜味的炸鮮奶..一開始食會好漏最好食完咸點心先食 黑松露餃..普通, 冇咩香味 燒賣有雞同好似係螺片..螺片都係冇咩味2個人食左大約160 蚊飽飽唔好的地方係食野時有隻黑色野飛來飛去

3點幾係公司無乜野做所以就同幾個同事去左食下午茶喇行過街市果頭見到個燈牌有點心食,我地諗住去食下我係唔飲咖啡唔得既人黎, 食點心點都估唔到佢有咖啡所以我就叫左個鐵觀音咖啡,飲落個味岩岩好, 鐵觀音同咖啡比例係一比二唔會好奇怪, 飲完啖咖啡又有D鐵觀音餘香, 唔錯之後我地叫左個鴛鴦水晶飽原來鴛鴦係有芋泥同埋奶皇一黃一紫, 幾靚, 個皮幾薄, 甜甜地, 好味!之後叫左個蝦腸, D蝦幾爽口, 唔錯然後仲有個馬拉糕好鬆軟又熱辣辣, 好味!個灌湯餃都唔錯, 個湯好好味, 仲有D虫草花餃亦足料, 不過真係要一人一隻喇之後我地幾個仲SHARE左個飯,個名好長, 係鮑片冬菇鴨胸荷香籠仔飯(好彩我影左個MENU)個飯真係同個名一樣足料, 而且葉香襯埋個飯真係幾清新總括黎講呢度既野食都幾好食, 不過係環境細左D, 但都幾整齊

食完晏又餓餓地..又食唔落幾多野..所以就決定去搵d小食食下啦跟住就比我發現左街邊有間野食點心坐低我就叫左個堆野食野飲叫左個洋甘菊咖啡幾smooth又有d花香味, 幾得意拉絲芝士酥: 真係超級芝士!!!!好似有牛油又有忌廉,芝士味好重食完超有罪疚感..但又好好味!!外面又脆,,入面芝士半熔又香濃鍾意食芝士既一定要試下煙鴨胸腸粉: 無用到豉油而變左用燒汁好似襯返個煙鴨胸咁甜甜地中間仲有d菜, 爽口, 其實都幾好食燒賣皇: 2粒大大粒, 真係足料有蝦有蟹子,熱辣辣, 幾好味, 滿足!之後仲叫左d其他小食, 都唔錯!下次有機會再黎

星期日肚餓落街搵野食，第一次黎吉吉點，紫色裝修都幾靚~叫左一客牛肉，灌湯餃，拉腸粉加香片~好飽~灌湯餃好足料好大隻，一啖咬唔哂， D湯好好飲，食果陣要小心熱~牛肉係平時食點心必食~吉吉點D牛肉大大粒，啖啖肉，同傳統茶樓牛肉一樣，足料，咬落唔會粉唔會膠~本來對腸粉無咩特別期待，有D後悔冇叫鴨胸腸粉，起碼好似特色D，但一食落去，超滑！一D都唔粉唔散~！睇番張紙知道手工製~食完一D都唔後悔~

3點幾無啦啦肚餓, 所以就約個朋友去食個下午茶行下街啦咁就朋友就去左觀塘, 見到呢間野又有88折就試下喇呢度d點心真係幾特別, 傳統又有新派又有我選擇左開花茶, 我叫左個甜蜜回憶, 個茶壼好靚中間係透明, 仲有個座熱住佢, 最衰無影相個花茶好清香, 好似話洋甘菊呀, 葉呀, 草唯果d, 甜甜地幾正之後我地叫左個黑松露雜菌餃,外面已經好足料, 因為上面一大個黑松露, 個餃皮係透明既, 裡面一樣足料, 雜菇有甘筍呀瓜呀咁,爽口又同個黑松露好夾, 值得一食!之後仲有個鮑螺雞燒賣, 用鮑螺代替內臟, 唔食內臟既人都可以食喇而且好嫩滑, 好味!然後仲叫左個蘿蔔糕, 煎得岩岩好, 又夠熱, 唔錯同埋蝦餃呢d全傳統點心, 皮薄蝦靚, 熱騰騰, 滿足!之後仲有叫左其他點心, 味道都係幾好!!直得一試

今日去觀塘拎野, 拎完野之後肚仔餓經開牛頭角道比我發現呢間野, 就去試下啦入面環境細左d, 張檯唔算好大, 不過整整齊齊幾舒服既我開左壺鐵觀音, 茶壺好靚, 茶又夠熱然後叫左個湯黎飲, 係金銀菜煲豬肺真係幾足料!!有菜有豬肺, 而且幾好飲, 唔會味精湯咁然後係個黑椒扣豬手, 個醬幾惹味, 如果送飯真係一流,同埋個豬手都唔會全部係骨, 有肉, 同埋好份味, 推介呢個!之後仲有d餓, 就叫左個鳳爪排骨飯,份量幾多, 唔會得果少少飯,排骨感覺新鮮唔會梅鳳爪都好入味加埋d豉油真係好滿足!!總括黎講野食幾好食, 我見佢仲有好多其他特別野食野飲, 下次有機會希望同朋友一齊黎

星期六下晝去食tea，觀塘街市隔離條巷仔有間點心舖吉吉點，第二次黎，因為感冒冇叫到個鐵觀音咖啡，叫左洋甘菊加其他香草的花茶(叫甜蜜回憶)，甜甜地同飲完個鼻舒服d，精神d，讚！之後叫左蜜瓜脆脆卷，真係好好食，以為會好炸，但係外脆內軟，入面d蜜瓜蓉甜度arm arm好，好香蜜瓜味，最開心係食完唔覺好熱氣，arm哂我利d病左又要食煎炸野，哈哈~叫多個鴛鴦水晶包，黃色係奶皇，紫色係香芋，望落好靚，食落個皮同涵料融為一體，甜甜好香，涵料好足，食得好滿足，最尾一個人食唔哂，打包左兩件番屋企。不過就係冇乜音樂，希望下次黎可以播下音樂，感覺可以更悠閒d。

今日放工同朋友去左APM睇戲．．睇完戲緊係去搵野食嫁啦．．住係觀塘既朋友就帶左我黎呢度食喇．．呢度個門口唔係係正街邊，所以都幾難搵．．咁之後我地就坐低叫野食喇．．我地叫左壺香片，同埋叫左黑椒扣豬手，鮑螺雞燒賣，叉燒腸，灌湯餃同個北菇滑雞飯個茶幾香，幾有茶味個黑椒扣豬手味道幾夠濃不過就唔係真係咁多黑椒，但係味道真係好味惹味豬手都唔會ＵＮ，夠哂食，ＬＩＫＥ！然後係個鮑螺雞燒賣，個燒賣真係幾足燒，幾樣野擺埋一齊無用豬肚原來都幾好食，仲幾夾講真，，另外係個叉燒腸，好味，叉燒唔會乾爭爭，腸粉皮又唔會太厚，加埋個豉油係掂既另外係個灌湯餃，，真係值得一試！因為個湯真係好飲，又唔係味精湯，仲有蟲草係入面添，好過癮又足料個餃都係好足料，有冬菇呀果Ｄ咁，好味！我覺得要一人叫一隻先夠呢！仲有個飯都係正常好味水平，不過如果冬菇可以多Ｄ就好

禮拜六有個住觀塘既朋友無神神搵我食宵夜喎,,咁岩我又餓餓地又未返到屋企,,,佢話附近有間新開既點心店想去食下,,咁就過去食啦,,果度個位都幾難見到,,如果無擺個牌出黎既話真係要識路之人先會察覺到裡面細細間,幾"骨子"同整齊我地開左壺普洱,,叫左個湯啦,鳳爪排骨飯,手工布拉腸粉同埋個蝦餃,,個茶幾好飲,,真係好有茶味,,同一般飲果d無味既唔同同埋個茶壺幾靚哈哈個湯係白菜仔煲唔知乜,,唔記得左,,好似有豬骨個湯幾好飲,唔係果d味精湯飲完勁口乾咁,,同埋都幾足料,,真係有白菜仔同南北杏個手工布拉腸粉就係幾抵食既,,因為份量都好多,,同埋真係幾滑,,不過朋友就唔係幾鍾意食齋腸喇,,然後係個蝦餃啦,,熱辣辣幾好食,,真係大大隻蝦,,,皮又唔會太厚,,唔錯最後係個飯,,我不嬲都幾鍾意食飯,,呢個飯就堅係好味喇,,睇落去好似好少料,,但係食落又好夠食,,飯粒分明,,排骨都蒸得好食,,唔會太咸,,總括黎講呢度d野食都唔錯,,我見佢仲有咖啡呀花茶呀果d野飲,,不過今次無試到,,下次有機會再試啦

話說琴日去左觀塘搵朋友食野啦.咁岩係下午茶時間.就比朋友扯左去食點心喇呢間野都幾得意,但係個位就隱蔽左d囉坐低就叫左個燒賣皇、仲叫左個北菇滑雞飯、同埋個粉果同手工布拉腸粉另同仲叫左個花茶, 叫花花世界好得意, 個花茶會另外拎個壺坐住熱住,所以就唔洗驚凍個花茶幾清香, 有香濃既花香味.野食無幾耐就黎到.個燒賣皇大大粒,雖然得果兩粒.但係係幾足料既!一粒入面有兩隻定唔知三隻蝦,仲有冬菇同埋當然係肉啦真係幾滿足同飽肚既!另外個粉果個皮唔會做得太厚,薄薄地.同樣足料,好味,唔錯手工布拉腸粉.當初仲諗住齋腸會唔會好寡呀.點知加埋個豉油又幾夠因為個腸粉係又薄又滑,我諗真係手工布拉出黎喇最後仲有個飯.一般唔係好突出,但係都好食既.雞夠滑, 冬菇都可以,不過好似唔夠菇味, 同埋如果可以同d冬菇就好不過overall黎講野食都幾好食,我仲見到好多新奇既點心,希望下次有機會再試啦,同埋個花茶真係值得一讚既,因為係真係幾fresh同香.

每次經過宜安街總會看見最惹人注意的二拉架今晚終於有機會了,六點來到唔係太多人叉燒腸原來係細細碟蒸得熱騰騰腸粉皮好滑.叉燒有肉味. 豉油好靚蝦餃得兩粒，同朋友每人分一粒皮簿. D蝦 夠大隻.好爽其他都係普普通通地方好細，枱與枱比較貼感覺坐得無咁舒服而且枱面面積比較細吾可以一次過放四五個點心有時間同有機會行過都會幫襯

今日約左個朋友係觀塘食野但係諗起APM就覺得無野食喇之後我地就問下住呢頭既朋友就發現左呢間新開既入到去我地就急不及待叫野食啦好耐無飲湯既我地就即時叫左個老火湯黎飲下啦個湯真係幾夠火喉,唔似出面D味精湯,飲完超口乾咁個湯係金銀菜煲豬肺豬肺好入味,唔會太咸有D 菜一齊滾湯又令到知感覺無咁肥之後係個黑椒扣豬手黑椒味濃,入味又惹味,幾好食蜜瓜脆脆卷呢就真係好新奇好特別我諗係第度都食唔到外面脆脆地,裡面就好清甜,係幾好既小食灌湯餃呢就湯料豐富,皮薄,好味!木魚燒汁茄子個汁又係好惹味茄子唔會好乾,香口抵食燒汁煙鴨胸腸粉又係好創新真係發夢都估唔到煙鴨胸可以同腸粉擺埋一齊唔用豉油改用燒汁令成件事反傳統,值得一試!之後仲叫左個章魚雞粒飯章魚同雞粒真係絕配個飯好好味,又唔會太濕太熟,粒粒分明最後仲一人叫左一個甜品朋友叫左個芒果布甸,靚芒果,好甜,好味我就叫左燉鮮奶,都係好夠滑,不過如果有熱既就好喇侍應D 服務態度都幾好野食好味,讚!!下次有機會都會再黎

夜媽媽居然想食宵夜飲茶喎, 就渣車去觀塘搵朋友啦.之後朋友話附近居然有間新開仲有夜茶飲,所以就去試下啦.傳統點心選擇呢就唔夠一般茶樓多喇,不過就勝在夠創新~叫左個蜜瓜脆脆卷,黑松露雜菌餃,芋泥包,同埋叫左d蝦餃燒賣咁.夜媽媽好似唔飲酒爭緊d野咁,雖然話想飲茶姐,其實都係想食點心,所以就叫左個咩愛沙利亞手工啤酒~蜜瓜脆脆卷:雖然青bb,但係真係幾好食,係用米網紙包住d牛奶同蜜瓜汁,咬開果陣d餡慢慢流出黎,又甜又脆,幾過癮~黑松露雜菌餃:個餃皮好特別,唔係密封既白色,反而係透明既,裡面有冬菇,雞脾菇甘筍咁啦,加埋頂頂果d黑松露碎,真係幾香幾爽芋泥飽:外表就平平無奇,不過裡面真係又香又滑, d蓉好似熱既芋頭雪糕咁, 好好味蝦餃燒賣:無咩特別,傳統點心,都係整得好味既,因為熱辣辣上檯,仲好似係即叫即蒸食住熱辣辣既點心,配凍冰冰既啤酒, 真係你都咪話唔爽, 仲好夾.特別係夏天,真係涼透心食完d點心我地仲見到有甜品食,所以就叫左個千層薑汁糕同埋燉鮮奶.千層薑汁糕:我呢就唔太鍾意食薑既,不過朋友叫到就即管試下啦,點知個糕香甜得黎又唔會太辣,仲有薑味,真係幾好食,我諗鍾意薑既朋友會更加鍾意呢個薑汁糕燉