合益泰小食

營業中

休息中

呢排傷風感冒兼牙痛同時間一齊黎料，逼於無奈要食粥同唔洗用牙咬既野食，所以就醒起呢度除左有粥食之外，仲有佢地既招牌滑嘟嘟腸粉。今次叫左中腸粉(6條腸粉)、碗艇仔粥、豬皮蘿蔔。《滑嘟嘟腸粉》成日話越簡單既野越難整得好，呢度既腸粉就係最好例子。有別於坊間既腸粉，呢度加左豬油，入口非常滑，加上麻醬同甜醬同炒香左既白芝蔴，超級正呀~堂食既話枱面仲有甜醬、豉油、芝蔴任添唔嬲!滿足哂一班混醬怪 XD《艇仔粥》好足料，可以揀牛或豬肉。我揀左豬肉，不過有D鞋。粥底都幾綿，味道淡左D，如果鍾意重口味既話要另外自己加D胡椒粉調味啦。另外碗粥上枱時唔夠熱，整體一般啦。《豬皮蘿蔔（細）》白蘿蔔燘得好淋，食落好甜，但嗰種甜並唔係來自蘿蔔本身既清甜，似係落左冰糖去燘，所以食唔到白蘿蔔苦苦地既味道，但係都好食既。豬皮我就無試到，評論唔到。

深水埗是一個充滿美食的地方， 大多都價廉物美 這一間也不例外- 合益泰我也是在他出名之後才慕名而來, 聽說這裡的腸粉醬料是加入了鵝油, 所以會散發出奇特的香味 ,當天我買了一袋, 是拿回公司吃的, 在拿著腸粉搭車的時候, 香氣總是從腸粉的袋裏不斷滲出 ,有點像炸豬油的香味, 我也帶著期待的 心情 拿回公司。可惜到了公司之後 一直都忙著 ，直到放了很久很久後， 才有時間打開品嚐 ，慶幸的是， 雖然過了這麼久， 腸粉也沒有因此而變得難吃。我看到， 他在放腸粉的時候， 在那張紙的面層先塗上一層麻醬， 那樣 腸粉便不會黏在紙上， 這個舉動非常細心亦抵讚。味道方面 ，不像一般腸粉店， 他不會問你要什麼醬， 一開始就會幫你加入麻醬 甜醬 和豉油。 也許他 的好味之處， 就是當三種醬的完美配搭混和一起的時候。

清明節的下午，合益泰小食店仍見長人籠。幸運地，我們二人等了一會兒便可找到兩個座位。來到這裡，我們必吃的便是腸粉了。腸粉似乎不似以往那麼滑，但沾了麻醬、甜醬和豉油後，亦變得美味。一口又一口地便吃掉整碟大腸粉。豬皮蘿蔔亦不比腸粉遜色，雖然有些豬毛並不是拔得好清，但仍彈牙入味。不能解釋的是這裡的蘿蔔不論是任何季節都是那麼甜。總言而之，這些小食便宜得又好味，怪不得常常見人籠在門外。凍豆槳是紙杯上，味道不過不失。

行過深水埗，有啲肚餓，就黎左呢間出名嘅小食店食野，叫左一份魚蛋同埋一份大腸粉。腸粉好香同埋好滑，配埋啲醬汁係一流嘅口感。而魚蛋就同一般食店差唔多，都好香同彈牙。腸粉值得一試。

今天心血來潮，很想很想吃個傳統齋腸，沒想太多，就衝去深水埗找合益泰，以前已聽過不少朋友介绍，今天就來自己評分。合益泰很近深水埗地鐵出口。位置方便，不難找。齋腸是招牌主打，此外還有幾款經典點心，例如燒賣、牛肉、糯米鷄等等……一坐下，就叫一份大腸粉，盡情的去吃個夠!久違了的童年味道，熱騰騰軟滑的齋腸粉，淋上甜醬、蔴醬和甜豉油，再灑上炒香了的白芝蔴，消5分鐘已ko了一碟! 太高興了，再多一碟也不嫌多!.

合益泰由推車仔宜家開店開到大排長龍就知佢唔係咁簡單唔好意思都要講句：今日係我第一次食然後再要講一句：之前食過嘅腸粉都要行開一二邊！腸粉好滑而且食得出薄薄的去卷埋，一啖食落去唔係實的的個種口感而係好彈牙。加埋絕配秘製甜醬同芝麻醬，仲有畫龍點睛嘅芝麻，只能說句神級！愈簡單嘅嘢從來愈難做得好，唔好睇佢簡簡單單，其實係最考功夫！食完呢碟腸粉，只知道好多事都需要努力黎換來成果！老店要繼續加油，香港美食要撐下去！

由細食到大的深水埗有名粥品店，腸粉有三種size，我點了最細的份量已經好似食晚餐咁樣，另外每朝新鮮即磨豆漿充滿着家鄉的風味。人均消費$20 ，足以滿足到你三個願望

相信如果講食腸粉係深水埗 大家第一間諗到嘅一定係合益泰 佢鋪頭裝修之後都未去食過 今日趁住陪朋友嚟深水埗買嘢 所以就決定再去試吓  鋪頭裝修之後比以前整潔但始終都係細舖所以多人都係難免 今次叫咗一個大腸粉蘿蔔魚蛋同燒賣 腸粉同以前一樣有一陣好香嘅豬油味 亦都係一樣咁滑 而蘿蔔有好大嘅驚喜非常之甜好好食 燒賣就咁睇都好大粒 而魚蛋亦不錯 總體來講仍然都係咁好食 下次經開都會再嚟  

為了腸粉而來，事實也證明全店之內只有腸粉是OK的其他所有我吃過的東西都不行價錢非常親民及貼地、亦需要排隊。粥 - 不好吃炒麵 - 不好吃糯米雞 - 難吃牛肉 - 非常一般哈哈 好彩這是早餐

話說有日通完頂，想話食埋個早餐先番屋企。茶記早餐又食厭左，咁就轉場幫襯d平時少食既野啦。七點幾鐘，周街都冇咩人。於是心諗不如幫襯d平時多人到暈既舖頭，所以就黎左幫襯合益泰。講起合益泰，其實我之前都只係幫襯過一次。果陣係夏天既下晝時份，人多到爆。天氣炎熱加上熱辣辣既腸粉，真係熱到飛起。因為果次既經驗，雖然我覺得佢d腸粉都幾好食下，但係都令我再提唔起勁去幫襯lu。因此，再度光顧，實屬機緣巧合。果然不出我所料，七點幾既合益泰只係得廖廖幾個客仔，真係隨便坐之餘仲有位擺袋。一朝早黎幫襯，枱枱櫈櫈都係勁乾淨，地下又唔會痴笠笠或者滑潺潺。咁樣既進食環境，真係唔錯。坐低之後，我點左一兜中腸粉同一杯豆漿。中腸粉12蚊，豆漿6蚊，埋單先18，抵呀！冇咩客既關係，野食轉看就送到。腸粉一如既往地好食。對我黎講，一個好既腸粉取決於四大要素。一要夠熱，唔夠熱既腸粉會減少整體香味以及口感，所以重奉都要夠熱，係蒸爐到拎出黎剪左就要即上，唔好等。二係要軟熟，d腸粉唔夠新鮮或者擺得唔好，就有機會風乾左，尤其係d邊邊角角位。哩d腸粉蒸出黎就會冇咁軟熟。三就係要夠滑啦，腸粉唔滑，食咩腸粉丫，你話係咪？！哩d小食店既腸粉全部都

之前去開深水埗都會去這裡食腸粉，因為這裡的腸粉又幼又滑身而且醬汁十分好味，而且蘿蔔入味又大份好抵食，但今次再去就有失望。夜晚去到依然都有不少人係度等緊買腸粉，等了大約五分鐘就有得食，因為我地只吃腸粉就沒有入去食，就咁企在門口(衛生程度就講真吾太好，始終企係街食)，腸粉份量同之前一樣，但睇落去色水有少少不同，沒有之前光亮感(有人講佢用豬油整)，食落去失望，沒有之前滑的感覺，而且醬汁沒有之前的咁香同惹味，只屬普通，希望下次再來時有改住吧。

網上行兩年一度又嚟追魂call“誠邀續約”，終於升到1000mbps，咁就要換番部快D嘅router啦。另外上次同仔行經SOGO佢忽然話想買2K18，四佰幾？上網一check深水埗全線只不過3字頭，結果促成今日深水埗一人遊。上次撞正裝修摸門釘，今次點都食得到啦啩！行汝州街轉桂林街，老遠已經見條人龍，閃身鑽入舖内，點解裝修完好似仲逼過以前！？好彩我只係一條佬，左攝右攝梗有一個半個位俾到我。牛肉粥大腸唔該。其實合益泰根本唔須要我介紹，不過我真係出世就住喺轉角汝州街282號，真係親眼見證個哥哥仔喺合益泰腸粉批發舖頭門口第一日擺車仔檔賣腸粉，咁又真係好似好有資格講吓。當然，如果我老豆開口咁我就乜資格都冇哂啦！話說當年我出世前後，汝州街轉桂林街一列舖頭，就係我經常經常幫襯嘅昌興文具舖，當年竟然仲儲錢買過CROSS金筆；跟住係我從來從來冇幫襯過嘅陳振潮菜種舖，呢兩間嘢真係難以置信地、難能可貴地，依然屹立不倒！猶奇係菜種舖，賣種子、賣農藥……？？？？再過就係阿媽買肥仔水同非常難飲魚肝油嘅藥房；然後就到腸粉批發合益泰。聽老人家講，腸粉哥仔係當時大陸行落嚟，入得到市區就係香港人嗰隻，投靠腸粉批發親戚，俾

十年前食過已經好驚奇佢d腸粉點解可以滑到咁😱十年後佢依然保持水準 味道從一而終有時簡單既野 就愈難做好一旦做得好 淨係靠呢樣野都可以闖出一片天.好滑 好滑 好滑呀 滑嘟嘟一下滑入個口😙我真係搵唔到比佢更滑既腸粉唔單止咁 8蚊就有4條腸粉(最低消費其實就係8蚊)一個朝早一個人兩個胃😂剛剛好喔不過個人覺得麻醬唔夠麻 麻d就perfect池啦小朋友們記得嗌少醬呀 因為唔同佢講佢就會俾一噸醬你 過多就有失原味了💁🏼‍♀️

呢間腸粉應該好多人都聽講過但我次次去到想食一係就趕時間太多人排隊食唔到一係就佢已經關鋪（好似8時關門）終於有次經過唔算好多人排即刻叫個腸粉嚟食下啦但我唔係即食而係帶返屋企食所以唔算係最熱辣辣既時候食但都覺得好好食啲腸粉好q好彈好滑正正子！可惜只叫了最少份量 唔夠食呢！

#合益泰小食深水埗桂林街121號地舖-----首先B仔其實唔特別中意食無餡ge齋腸粉 平時極其量都係會食蝦米腸 但係呢間深水埗小店ge腸粉簡直令我對齋腸粉改曬觀 極度順滑ge口感 豬油香味🐷再加埋芝麻 麻醬同甜醬 當每一樣野都整得好好 原來齋腸粉可以好好食 除左腸粉 豬皮蘿蔔都係神級ge美味 😭個汁係特別調製 令人有一種言語難述ge上癮感 🤤蘿蔔超甜無筋 豬皮極度入味 可以將咁平凡ge野整得咁唔平凡 難怪雖然店鋪一d都唔靚 又無服務可言 但係都成為到米芝蓮推薦ge美食～-----B仔整體評價：9.5/10個👍🏻（太好味 環境已經係其次😂）B仔抵食程度：10/10個👍🏻B仔環境評分：2/10個👍🏻（好逼 好混亂 但都無阻大家ge熱情）B仔味道評分：10/10個👍🏻B仔回頭機會：10/10個👍🏻-----#swallowhk跟住我一齊吞食香港啦！#swallowshamshuipo