吃吧 (僑建大廈) (已結業)

想食西餐 之前聽朋友講 商廈有啲餐廳小店 也有誠意之作前排去左間餐廳叫CHI BA “let’s eat”. 吃吧!有個酒櫃有手工啤酒 有cider! 點了Pear Cider 幾fresh 不是太甜 有pear味道 酒精濃度底 推介大一家一試 喜歡牛油果🥑既朋友仔 可以點呢個蟹肉牛油果沙律配粟米片 呢個配搭味道幾好! 有創新!而且呢個前菜貌相好有特色 係一個圓球形狀既粟米片!!另外 主菜方面 大家可以試下Ribs 配炸蕃薯🍠條ribs 肉汁好惹味 鮮嫩肥美 真心吾錯!! 海鮮Pizza (薄批) 也有驚喜 有份量十足既cheese & 2隻虎蝦

今日去左旺角食飯，朋友鐘意好鐘意樓上cafe，鐘意有特色而且食物質素高，特意上網搵左一間餐廳吃吧。餐廳色彩繽紛，非常令人喜歡，餐牌選擇又多又豐富。我地一人一杯飲品，我叫左chiba special drink，朋友叫左焦糖蜂蜜奶昔。飲品賣相好靚，加入裝飾非常吸引，甜度唔會太高，而且奶昔入口非常幼滑。小食叫左nachos，賣相非常精緻，要自己敲碎，中間仲有原個牛油果，好豐富而且好清新，的確好開胃好有創意。主菜叫左黃金芝士焗龍蝦，龍蝦焗得香嫩入口肉質極是爽彈鮮甜，加上芝士焗得咸香味道好滋味，大隻龍蝦用料新鮮完全唔會購入低水準食材，抵讚。另一主菜叫左慢煮牛面脥，牛肉入口軟腍，入口即溶，醬汁味道濃郁入味，咸香得宜。餐廳好合我地口味心水，下次一定會再來。

今晚又係同朋友每月一聚嘅日子，見有咁多好評同朋友二話不說就book 咗七點半先，點知佢哋今日下就3-4點到打黎confirm booking 時話我哋book咗七點半但要遲15分鐘到先可以入即係七點四十五分，遲十五分鐘都覺得冇咩問題嘅～我哋7點45分去到棟大廈嚇親以為自己去錯大廈囉～上到2樓一開𨋢門就見到個後樓梯門打開咗後樓梯好污糟好污糟好多垃圾紙皮同地下好濕走，火災走火警都唔知點算！⋯⋯🤦🏻‍♀️🤦🏻‍♀️🤦🏻‍♀️入去餐廳喺門口就聞到有陣up up 地嘅味，講真服務都真係麻麻⋯⋯我哋坐低order 完野食冇咩野飲，叫佢哋俾杯水我哋得喇～點知野食黎哂都未俾水我哋😳😳😳要我哋叫多兩次先肯俾兩杯水我哋，講返食物，我哋叫咗個藍芝士焗鴛鴦薯條🍟，意式煙火腿火箭菜薄餅🍕同德國咸豬手👋🏾講真味道真係唔好味。藍芝士焗鴛鴦薯條🍟d芝士味好臭可能係我唔識欣賞咩係藍芝士喇～真係好臭，臭到食唔到🤢🤢🤢好嘔⋯⋯意式煙火腿火箭菜薄餅味道一般都還可以德國咸豬手👋🏾真係完全唔掂玩火好似好有卓頭咁但張枱咁細真係有d危險⚠️，食落⋯⋯豬手d皮好硬好難咬，d肉乾真真咁又冇乜味真係唔知自己食緊乜⋯⋯總之冇下次

工作間好同事知心友生日， 大家都係吃貨， 所以上網周圍搵下有乜嘢好食， 結果畀我睇到佢啲相幾特別 ，於是就決定试一试可能早上到去環境都好清靜， 侍應都會畀我哋自己揀位， 我哋揀咗影相靚啲嘅位置， 然後開始睇menu。侍應都會主動介紹一啲特別嘅食物， 我哋聽完都根據自己嘅喜愛先order。由於我哋掃完街唔係太餓， 只係叫咗三杯嘢飲同西班牙鱿鱼海鮮飯。 佢啲餐具好精緻，啲杯都好特別， 食同飲係其次 ，最緊要影相靚 。我哋叫咗水蜜桃荔枝茶 、曲奇朱古力奶昔同最好飲嘅係班蘭朱古力。

之前係Facebook見到有朋友嚟過呢間舖頭食嘢，覺得環境不錯，所以就嚟試下店內裝修有D工業風，環境好舒適，適合影靚相。當日天氣侷促，所以一坐低即刻叫飲品，我叫左熱情果接骨木花茶，嚟到嘅時候大家都忍唔住笑哈哈竟然係一個古色古香嘅花樽，哈哈哈哈！裏面嘅花茶好清甜，飲得出係真材實料。跟住嚟左豬肋骨，肉質鮮嫩，充滿燒烤汁香味但個番薯條就略嫌偏硬同乾身。我地仲叫左一個虎蝦薄餅，上面有兩大隻虎蝦。虎蝦肉質都幾嫩，不錯。除左薄餅，上面仲有鮮蝦，配合埋鬆脆嘅薄餅皮，惹味仲叫左蟹肉牛油果沙律店員教我地用湯匙敲爛外面的西班牙粟米片，好得意哈哈。入面有新鮮牛油果同蟹肉，估唔到兩樣嘢都幾match。愛蟹嘅我地仲叫左個蟹肉肉醬千層麵，上面有一隻軟殼蟹，雖然唔算好大隻，但炸得適中，口感都味道都不錯千層麵同肉醬理所當然地很夾，好滿足的一餐。

非常高質樓上cafe預先打左電話黎，8個人，估唔到有個間開左既房仔俾我地，希望無嘈到其他食客啦。總結係: wifi 強勁，食物質素，環境，厠所俱佳。好難得有餐廳有一個整齊乾淨，無味既厠所，讚!! 熱情果接骨木花茶(枝花用得有點耐，個花柄有啲磨損，有點影響了飲品)水蜜桃荔枝茶，由於事前完全無睇過食評上黎食，所以有驚喜既!熱朱古力，賣相美觀班蘭咖啡，班蘭味不太濃烈，有點偏甜。香草蕃茄辣肉腸pizza，考多考多芝士，是美味的炸薯條，有兩種薯，番薯加薯仔，炸得外脆內軟

上次同朋友黎過食tea set，今次決定帶埋媽媽黎high tea。Cafe靜靜地，有好多酒瓶裝飾，仲有手工啤酒賣，不過今次同媽媽黎就冇叫到。Tea Set包兩杯飲品，Mocha朱古力同咖啡嘅比例啱啱好，唔會朱古力太多而太甜，連媽媽都覺得唔錯。（上面隻好靚嘅蝴蝶食得架！）我就叫左接骨木花蜜糖加檸檬，呢隻蜜糖同普通蜜糖唔同，除左甜仲帶點酸，好開胃好清新。Tea set係二人份量，擺得好靚，好豐富咸食甜食都有。首先食左三文魚子冷麵，因為驚擺耐左會出水，食完咸再食甜。三文魚子冷麵：黑色芝麻蕎麥麵用小瓶子裝住，麵幼身硬度適中，配冷麵汁Prama ham蜜瓜：蜜瓜爽甜，配風乾火腿就不會太咸芝士黑松露多士：多士好香牛油味，餡有滿瀉的芝士，黑松露同其他菇鵝肝醬酥盒：上面有粒酸瓜刺激一下味蕾，酥皮鬆化，裡面有滿滿的鵝肝醬，鵝肝醬一啲都唔膩馬卡龍：兩款不同口味，甜中帶點果香，唔錯布朗尼：香濃朱古力味，裡面有果仁泡芙：一口忌廉泡芙，忌廉淡淡的，甜而不膩朱古力糯米糍：外面是可可粉，裡面是夾心朱古力醬，喜歡朱古力的朋友一定喜歡呢個糯米糍

首先它的位置處於超式商業大廈對家鋪是化驗所，要行樓梯，因等𨋢時間很長外在環境實屬一般，而內部裝修尚算整齊，光線柔和。而食物方面屬一般以下。豬手超鹹而硬，但大玩🔥艷豬手，愛好拍攝者一流。香腸方面並無選擇而且淡而無味，好似由朝浸到晚，及後同侍應反映他說會扣取$ 20作保償，但最終並無扣減。另外Parma ham薄餅和意粉都尚算屬ok，冇特別大驚喜。我們選的飲品是茘枝特飲，但飲品淡而無味，-4人共約$ 1200價錢略貴。

[ 高質西餐小店介紹 | 色香味俱全👻]••自從西洋菜南街好多人唱歌跳舞🎤我就好少出旺角啦(所以我個旺角tag得好少post)🤦🏻‍♀️最近有個天大好消息就係殺街，聽講係幾個月後先實施，好開心啊😆可以去旺角食飯又可以行下街啦👻⋆ ⋆ ⋆ ⋆ ⋆🔹軟殼蟹肉醬千層麵($148)⭐️8/10賣相都幾靚，隻軟殼蟹炸得好脆，夠乾身👍🏻完全唔會有臭蟹水🦀千層麵份量都幾多，肉醬調味幾好，唔會太重蕃茄味🍅有啲紅蘿蔔粒同牛肉碎🐮唯一係麵煮得比較淋左少少，但都可以接受，係好味既😋-🔹慢煮香草法式黃油雞($178)⭐️8/10我發現呢度既野食擺盤都係向上發展🏗🤣呢個黃油雞係我意料之外咁好食😳!!我最怕有骨，但呢隻雞除左雞翼，其他全部係已經去骨💀隻雞係完全無粉紅色肉，但係超級嫩滑，仲超級Juicy👅💦真係覺得好正！略嫌雞皮下太多脂肪🐔-🔹蟹肉牛油果沙律配墨西哥粟米片($96)⭐️7/10造型好得意，粟米片蓋住蟹肉牛油果🥑要自己敲碎🔨味道唔錯，男朋友好鍾意成碟極速清哂💁🏻‍♂️不過我覺得牛油果偏生左少少-▫️水蜜桃荔枝茶($56)⭐️8/10▫️曲奇朱古力奶昔($65)⭐️8/10飲品造型好靚！😍尤其水蜜桃荔枝茶，用花瓶做杯仲插

今晚是8attle 8人聚餐，來這裡吃是朋友介紹。認真會再來吃一餐~埋單每位200元。首先推介圖一滿滿的芝士多到流出來，一切開會出煙，入面熱辣辣仲有香濃的芝士味。一口咬落去，滿口芝士入口即溶，味道一流😋圖二是必食前菜，炸到脆卜卜的雞翼沾上茄汁，已經係味道一流。旁邊有另一種白汁，沾上後有不同的口味。炸雞翼配上不同醬汁更加錦上添花，完美的菜式。圖三的薄餅加上煙火腿，再加上菜，最後加少少芝士片在上面，味道有層次，豐富味蕾。圖四滿滿的芝士佈滿薄餅上面，再加上火箭菜，連辣肉腸一同放入口，超級好味道。小編最愛吃的一道菜式。圖五🐷豬料理是西式其中一樣常見食材，烹調技巧已經達到無可挑剔的境界。必食。最後的🐷豬手是會著火的料理，不可不吃。視覺與味覺集於一身，在面前表演著火一刻，吃一口鬆軟滋味。一定要試。

今日book左吃吧其實就係為左要食佢嘅德國咸豬手...點知到落單果陣先知原來德國豬手咁搶手，遲左就食唔到。望住隔離枱上左相信係最後一客嘅德國豬手，真係好葡萄！最後叫左小食拼盤，都幾高質喎！有魚子醬配鵪鶉蛋，咸咸鮮鮮，一啲都唔會鮮腥。另外有煙三文魚包住啲mustard，非常鮮味！仲有牛油果配海葡萄，味道好新鮮！壓軸仲有鵝肝醬酥盒，估唔到咁好食！食唔到德國豬手，唯有退而求其次點左呢款黄油雞，但其實唔算好食，一黎食唔慣佢外面又唔係nuts, 又唔係脆又有啲硬咬唔入嘅脆片，隻雞食到近骨嘅位置都未完全熟得晒。見到啲粉粉地未熟晒嘅雞肉，已經冇乜胃口再食...下次真係要再早啲黎食先得，但佢點啤酒就要到9點半後先係happy hour有得買一送一，真係令人好矛盾。

古化人以文會友，現在以食會友，想不到分享美食也能結交同好之人。這晚，相約兩位新朋友一起來到近來大熱的樓上cafe共進晚餐，一起聊聊天。星期六的晚上，頗為爆場；餐廳空間不大，坐位之間有點迫狹，中間有個高櫈長枱；店舖燈光昏暗，亦頗有情調。餐廳的食物以多國菜為主，店員亦細心地為我們推介餐廳主打食物，最後我們決定張食主菜都叫一些來試試。先來吃點菜，點了凱撒沙律煙三文魚Regular  ($78+19)。以玻璃瓶盛載賣相特別，份量中規中矩，三人也夠吃；亮點是有溫泉蛋於其內，把它拆穿後搞拌，更有蛋香；唯沙律醬有點多，味道重了一點。點西班牙雞中翼 ($78)因我們都不知道西班牙雞翼是怎樣的，哈! 其實應該就是普通香脆雞翼。份量也算多，骨是單骨，我沒有試，兩位朋友表示味道還可，可以更惹味一點。吃吧招牌拼盤 ($132) 上桌時店員亦會放上乾冰，煙霧彌漫；食物包括有蟹肉牛油果，鵝肝酥盒，水牛芝士蕃茄，墨魚子鳥蛋和忌廉煙三文魚，擺盤用心，食物精緻，然而味道整體一般，沒有特別哪一款令我留下深刻印象。兩道主菜反而讓我有驚喜! 先來有慢煮香草法式黃油雞 ($178)，雞大大一隻! 以慢煮方式似乎令雞肉質更添幾分

CHIBA係少有一間係食過會再去會再share 比朋友既一直覺佢佢門面簡單得黎 好有特式星期日黎 都多人 要book喇最好其實個餐牌好多野 都好想食 今次試下個拼盤先 仲有個鴛鴦薯條先呢面揀左杯什果提子味梳打 裡面有火龍果 橙 梨都有 好開胃 配埋下面個薯條 超match 個sauce亦係我鍾意既一款下面呢個白酒煮蜆 一定要襯熱食 因為加左好多芝士 如果凍左芝士就變硬 而隻隻蜆都係大隻 食到鮮味~~以下到呢個chiba拼盤 有5款小點 每款5件各有特式 送上台 顯得好精緻分別有中間既墨魚籽配溫泉蛋 d 魚籽好彈分牙 配埋個蛋都幾唔同個感覺 而水牛芝士蕃茄係我最愛 芝士迷要試呀 接住落黎有個鵝肝酥盒 都係要趁熱食好 咁先食到酥餅既鬆軟 自己就叫左杯蜜糖檸檬梳打 夏天好岩呀 甜度自行加減 岩哂~~點左呢個軟殼蟹千層麵 大大隻蟹響我眼前相當足料 千層麵好配蕃茄肉醬 中等水準 麵軟軟的 最正係配菜一樣新鮮2個人好開心 有個靚環境傾下計 分享美食 唔錯 埋單5百幾蚊 值得推介

朋友鍾情於樓上cafe，今天帶我來了吃吧~一走進去感覺很有風格，偏暗的環境~餐牌一目了然，看見很多不同的款式煙三文魚沙律配刁草芥茉汁 $88煙三文魚的分量很多，配上醬汁，香草味很重，頗清新吃吧招牌拼盤 $132(蟹肉牛油果，鵝肝酥盒，水牛芝士蕃茄，黑魚子鳥蛋，忌廉煙三文魚)每款小吃也是細細件不會太滯而且碟底會有煙噴出，視覺效果滿分！慢熟甜酒燴和牛面頰 $188口感像牛輾，因為慢煮過所以比較淋。醬汁甜甜的，酒味不算太重CHIBA’S SPECIAL HOME MADE SODA $65店員會即場打梳打入飲品，第一次看見玫瑰蜜桃 $46

今日在旺角附近聽完talk，想搵間餐廳坐低聽下歌食個dinner，巧合之下嚟到吃吧，門面同店名已經別具一格😏坐低之後店員好熱情咁樣同我地介紹菜式☺️主菜好多選擇，樣樣都想食，最後決定叫了和牛面頰，好期待呀！😍不過，首先都要先黎個開胃沙律同小食😏蟹肉牛油果沙律配墨西哥粟米片墨西哥粟米片係整個球狀上🤔，中間隱藏着沙律菜、牛油果等✨。店員建議我哋可以敲開粟米片，蘸上醬汁進食☺️。酸忌廉同埋番茄味道清新帶酸味，十分開胃！👍🏻👍🏻牛油果亦十分creamy 小食方面我哋就叫咗比較飽肚嘅墨西哥烤餅。🌮裏面夾了濃郁嘅芝士🧀️，蕃茄醬和烤雞肉。雞肉肉質嫩滑，份量剛好，有黑椒調味過，惹味之選👍🏻👍🏻👍🏻✨終於到我最最最期待的和牛面頰！有大約七八大片嘅牛，十分嫩滑且不失口感👍🏻👍🏻濃郁嘅醬汁以及牛肉本身的肉汁滲透入底部嘅薯蓉中，令到綿滑無比的薯蓉瞬時升了一個層次👍🏻正。不過如果薯蓉再多d就更好飲品方面，果茶系列已花樽形式盛住，好有特色。水蜜桃味不太明顯，反而比我感覺清新不甜。接木骨花檸檬飲完之後個胃都暖埋 檸檬令到花茶酸甜 朋友大愛！這次晚餐同友人都非常滿足，未食完已經plan緊下次要食咩，哈哈