吃吧 (僑建大廈) (已結業)

今天晚上約了朋友吃晚餐，但明早又要上班，便找找旺角識食地點，給我找了這西餐廳。餐廳位於商業大厦中，不像那些新建的整座樓宇也是食市，餐廳位於二樓，鄰居是一間咖啡館，左手邊便是吃吧，顧名思義，是供吃喝的酒吧，當然少不了酒類飲料。餐廳裝潢設計有點工業風，用上鐵和木材造成的儲物櫃。空間也算大，有十多張雙人桌，有一張8人長餐桌，也有一張圓餐桌，還有幾個高吧桌位，訂位的時候可以說出你的選擇。餐廳提供的食物選擇很多，飲料也不少。我選了香港製造的手工啤，酒精不算多，但入口冰凍滑溜，有清爽感覺，還有淡淡石榴香味，很不錯。朋友點了荔枝石榴梳打，荔枝味香濃，味道清甜。我們選了芝士白酒煮蜆作前菜，芝士又香又濃，蜆肉新鮮多汁，又大隻，非常吸引，一碗有十多隻，性價比高！另外選了吃吧招牌拼盤，有黑魚子鵪鶉鳥蛋，魚子微咸，鵪鶉鳥蛋彈牙，兩者配合得宜；水牛芝士蕃茄，水牛芝士軟滑又彈牙；牛油果蟹肉沙律，蟹肉和牛油果十分夾，份量又多；蜜瓜鵝肝盒子，鬆脆的酥皮盒配合滋味的鵝肝，小口令人；芝士心三文魚卷，厚厚的煙三文。果然是招牌拼盤，一次過試齊優質前菜。主菜是軟殼蟹肉醬千層麵，軟殼蟹超大隻，又多肉醬，本麵底軟硬適中，唯個人喜愛

-和好朋友分享的美食總是帶著愉快的因為分享的不只是食物更多的是生活的經歷👭-🐷❣️吃吧招牌拼盤蟹肉牛油果🥑(口感很豐富，味道也是鮮美)鵝肝酥盒🥧(鵝肝味道很濃郁，酥餅略嫌軟化)水牛芝士蕃茄🍅(車厘甜爽甜，水牛芝士味淡)黑魚子鳥蛋🥚(普通，沒有什麼感覺)忌廉煙三文魚🐟(口感飽滿，是不錯的開胃菜)❣️烤西班牙豬肋骨肉質軟嫩入味特別推薦旁邊的炸蕃薯條是能夠吃到的蕃薯甜味❣️慢煮甜酒燴和牛面頰口感不錯進口就是滿滿的牛肉香底下的薯泥更是驚喜

終於有機會來到吃吧！兩個人想試的東西實在是太多了！在餐牌上看見招牌拼盤有牛油果和鵝肝，就決定加入這個晚上的餐單裡。店員送上拼盤，還沒來得及拿出手機拍照，就在碟上的機關倒入了水，乾冰煙霧隨即四溢，是「仙氣」啊 哈哈！拼盤裡每款小食各兩件：蟹肉牛油果、鵝肝蜜瓜酥盒、黑魚子鳥蛋、忌廉煙三文魚和水牛芝士蕃茄。整體味道很不錯，一口一件，很快就掃光光啦！我們又怎會錯過這個人氣的火燒德國咸豬手 呢。店員灑上酒後點火，火焰讓豬手燒得更光更旺！瘋狂拍照後，店員細心的把它切成一塊塊再上碟。豬手的外皮非常香口卜卜脆，內裡肉質軟稔而且鹹味適中！配菜是黑松露薯蓉、沙律菜和德國腸。另外點了軟殼蟹肉醬千層麵！一看到這個碟，既懷舊又特別，立刻覺得整個意粉都加分了 哈哈。本來不太好肉醬的食物，但這個肉醬做得很好，滿滿的紅蘿蔔粒和碎牛肉，而且味道甜酸程度都非常適中。軟殼蟹炸的香脆乾身，兩個人分一半分量也不少，覺得很滿足。我們還點了特式啤酒，這個配搭風味十足！而焦糖蜂蜜奶昔就比較甜，感覺還好。

香港地café愈黎愈多開始有選擇困難症所以依家都會選擇啲係有折數既去食揀呢間去同朋友慶祝生日既原因係一黎無切餅費 二黎幾有氣氛 三黎有折數不過一去到門口 稍為有啲失左氣場有點焗促 好彩唔洗等入到去侍應都會好熱情咁招呼我地 呢個係軟殼蟹肉醬千層麵(牛)我覺得呢樣無咩特別肉醬千層麵味道一般 唔夠味炸軟殼蟹一咬落去唔夠脆口呢樣可以唔洗叫另外，叫左烤西班牙豬肋骨半份好食! 烤得外脆內軟 加埋個醬汁 啱啱好而且配左個甜薯條+正常薯條炸得好好食 食到蕃薯味薄餅揀左香草蕃茄辣肉腸薄餅正常味道，餅皮薄，芝士多會食完一塊再想食切既大小剛好 貼心最好食既竟然係西班牙雞中翼 佢係單骨黎 炸得好脆配埋啲醬 正最後係飲品我叫左熱情果接骨木花茶朋友叫水蜜桃荔枝茶聽說叫左呢2款茶先會有呢個可愛既花樽杯!味道就沒有特別，朋友話我個杯接骨木花茶比較好飲整體黎講 價錢偏貴食物質素都還可以下次食 會揀小食吃推介: /5 (滿分)

🔺吃吧招牌拼盤 $132兩人份量，覺得蟹肉牛油果同鵝肝酥好好味，高質。上枱會有乾冰，令佢好似有煙霧咁迷幻，幾有心思。.🔺烤西班牙豬肋骨 $188烤得好入味，唔會太鹹。肋骨一切就分開，肉質好嫩，而且都幾大份。最驚喜係個薯條籃入面係有炸番薯🍠，炸番薯好好味我地食曬🤭🤭.🔺慢煮甜酒燴和牛面頰 $188上網見人地推介，覺得個牛面頰好滑，牛加入酒，甜得黎幾夾，目測有四件大大件，底有啲薯蓉中和一下。的確幾值得推介。不過溫馨提示要襯熱食~.🔺熱情果接骨木花茶 $56其實咩係接骨木(大鄉里)。反正杯野幾好飲，花茶味重過熱情果，味道偏甜🍹。.樓上Cafe黎講食物都幾用心，而且好安靜，岩曬約朋友黎傾下計。

$168 $188 $132 $65第三次嚟呢到Menu又多咗好多新野🤘🏻除咗揀咗一直都有嘅煎盲槽仲試咗新嘅牛面頰🤣盲槽以前已經食過一直都覺得佢皮脆肉嫩好唔錯👅牛面頰食落似牛𦟌不過更加香點埋個醬成件事好夾🤤招牌拼盤除咗好靚之外野食都幾豐富我最鍾意夾住忌廉嘅三文魚👍🏻野飲方面仍然係推薦佢地嘅Homemade Soda飲落好清新好解膩😚

香港小店難生存，旺角小店就更加難生存，好多都向樓上發展。而以前樓上舖俾人嘅印象大都係重視環境，嘢食都只係屬於煮家級，但原來而家好多樓上舖都好有水準，就好似呢間咁。意粉薄餅呢啲基本嘢有係好正常，但慢煮和牛面頰呢啲就真係幾罕見，經慢煮質感同牛脷幾相似，但牛味就濃好多，加上用甜酒燴同埋個汁帶酸，食落唔會好易膩，而個薯蓉都有陣微微嘅煙燻味，味道唔會單調。另一個主菜海鮮飯都好有驚喜，除咗原條魷魚之外仲有巨型帶子帆立貝同埋蝦等，樣樣海鮮都好新鮮，個飯底又加咗幾多香草好惹味，最出色係條魷魚燒得剛剛好，好有彈性冇一個位係過硬。而前菜招牌拼盤都有花心思，放哂乾冰視覺效果夠哂滿足，最鍾意係蟹肉牛油果，上面仲加埋海葡萄增加口感，而鵝肝酥盒都好有心思。餐飲方面招牌梳打係即場打汽，另外仲有啲生果切到半圓形一粒咁，呢啲細緻位都好值得欣賞，就連朋友飲果款手工啤都係香港製造，好有心。

今晚約了朋友在旺角樓上cafe吃晚飯。餐廳環境幽暗，裝潢富復古工業質感，水泥地板、磚頭牆，還有隨意吊掛的燈飾與擺設，播放著粵語流行曲，感覺很輕鬆。翻開餐牌，有各式小食、薄餅、飯、義大利麵等，選擇不少呢！⭐️吃吧招牌拼盤$132店員把小食端上後，把針管注射在盤子下，隨即冒煙，有食趣。拼盤是二人份量，有蟹肉牛油果、鵝肝酥盒、水牛芝士番茄、黑魚子鳥蛋和忌廉煙三文魚。全部都是冷製小食，份量不多，只是墊墊肚子。⭐️香煎上級盲槽魚柳$168兩片盲槽魚柳，魚身豐腴，輕輕一煎後魚味突出，肉質柔嫩鮮美，不錯。⭐️煙燻西班牙伊比利亞豬扒$188豬扒已經預先切好，入口鬆化，肉味突出，不過我當然太餓了，這份量似乎不夠我們吃。⭐️熱情果薄荷香橙梳打$58入口味道酸溜溜的，還吃到熱情果籽，很開胃呢！⭐️斑蘭朱古力$56朱古味突出，還有棉花糖，忽然想起小時候常喝的棉花糖朱古力，哈哈！▪️餐廳食物質素不錯，份量對細食的小女生來說剛剛好。

旺角樓上cafe多啲是但要講質素高嘅呢間可以說係其中一間Cafe黎黎去去都係意粉雞翼個啲但呢間就好唔同睇得出花左唔小心思環境好舒服服務態度亦都好好而且有唔少手工啤酒可以選擇同朋友飲番杯傾下計嘅好地方。。。。。。。。。。。。。。“黑松露，煙火腿，芝士吐司”▸黑炆炆嘅竹炭吐司非常香脆，黑松露唔會話超濃，配埋芝士少少嘅咸香，兩者味道好balance，加埋煙火腿同爽口嘅蘑菇，增添口感，而且帶少少甜，非常好吃😋。。。。。。。。。。。。。。“慢煮甜酒燴和牛面頰”▸唔係好多餐廳有得食和牛面頰，估唔到呢到會有，而且無諗過份量都算幾多，和牛面頰有點像牛展，但比牛展更軟熟更香牛味，醬汁帶少少甜，配埋底下嘅薯蓉，真係好好味呀🤤。。。。。。。。。。。。。。飲品賣相非常精緻特別係成個花瓶咁個杯叫做“水蜜桃荔枝茶”唔插飲管真係會以為係花瓶甜道比較淡，比較清另一杯 “Home Made Soda”店員會即場打啲梳打入個杯到杯裡面有不同嘅水果粒不太甜，幾清新😊

係幾個月前同朋友食過一次，幾樣野都整得好好食，一定要返撻呀😜.慢煮甜酒燴和牛面頰 $188主菜上面灑上點玫瑰花瓣🌹好靚嘅擺盤💓牛面頰煮得夠淋，咬開中間仲有d筋位，肉質好嫩😊甜酒汁亦都鎖在面頰肉中，十分入味🌟份量好多，兩個人食係絕對夠👭.西班牙煙火腿蜜瓜 $68🍖蜜瓜都係好新鮮，好甜外層有薄薄一塊嘅火腿✨半肥瘦咸味混和蜜瓜既清甜原來都幾夾解左火腿果種油膩感同時清左個口🔥食下一道菜都唔影響味覺.必食推介👍🏻黑松露芝士多士 $78香脆嘅多士加上入面仲係熱既芝士半流心狀態，入面仲有火腿好香而且好軟滑😆👍🏻必食 出面好少見到黑色多士.除咗嘢食，飲品都整得好別緻，呢杯熱情果接骨木花茶夠晒清新，果味好濃，而且我超鍾意佢個靚靚花瓶做杯☺️❤️.

朋友生日飯，佢地一早選好餐廳，我就負責食。Chiba都算容易搵，出地鐵行幾分鐘就到。呢度個個都推薦野飲，咁點左杯熱情果，個樣唔錯，但味道一般，中規中矩。仲有個雞翼，香口柔嫩，非常不錯。

第二次光顧ChiBa，沒有訂座walkin，怎料餐廳已full booking ，在我一臉失望之際店員指示我可先坐在角落的單邊bar檯位，如有其他座位再安排我們移動。與朋友都餓壞了，於是先點了一份大的烤西班牙豬肋骨。幸好上菜速度還算快，豬肋骨肉質軟腍入味，香濃惹味。欣賞醬汁味道及份量都剛好，不似坊間一般做法，以大量濃油赤醬蓋過了豬肉的肉香，食肉獸必吃！芝士白酒煮海蜆也不錯吃，海蜆粒粒大隻無沙，配白酒芝士汁吃具一番風味，濃而不膩。最有驚喜的是慢煮甜酒燴和牛臉頰，和牛臉頰一塊塊疊起，頂部插一枝迷迭香，周邊灑上玫瑰花瓣，未吃已經先滿足視覺享受。牛臉頰肉嫩具牛肉香，帶少許筋位不失口感，每一啖都入口即溶般讓人吃不停口，好吃！飲品方面少不了每枱女生必點的熱情果接骨木花茶，原因當然是很instagrammable 吧以小花瓶奉上，還插著一枝紅玫瑰，當然是假的小道具，不過還真是幾可亂真，喝一口花茶涼透心，微酸帶甜，伴餐一流。朋友說芒果味手工啤也好喝，更encore 了多枝！難得旺角有間高水準的咖啡店餐廳，如厭倦了白汁芝士火腿意粉的話，不妨試試用心做的「吃吧」。

特別早嘅晚餐，六點就去食，去到個環境都幾特別位坐位都好寬敞👍大家一去到坐低就叫咗啲小食先，有藍芝士焗鴛鴦薯條，炸雞翼同埋車打芝士焗肉丸法包。 薯條特別嘅地方就有兩樣味道，普通味道同蕃薯薯條，幾鍾意蕃薯味，不過唯一可惜嘅地方就係佢啲薯條係同麥記既薯條一樣幼身，本身樓上cafe好多時會expect係粗身薯條。炸雞翼係單骨容易食，味道ok。法包就一般😂之後叫左凱撒沙律， 溫泉蛋煙肉芝士闊條麵，烤西班牙豬肋骨，軟殼蟹千層麵同辣肉腸薄餅， 貼心嘅係見我哋有8個人主動幫我哋預份量將豬肋骨切成8份令我哋人人有分而又唔駛我地自己慢慢切，豬肋骨又大份又好味，啲肉好嫩，烤得啱啱好。👍 總括而言，大部分食物都水準之中，環境燈光適中舒服。另外一提限時兩個鐘6點食，8點交枱

今日同朋友兩個人六點左右去食晚飯（之前在OpenRice 已經訂位）上到去剛開始人流不算多，環境清潔與員工都好nice，我地點左三樣食物同兩杯飲品，一杯係荔枝梳打水，另一杯係青蘋果青檸梳打水，兩杯飲品都唔太甜，而且他地係俾我地用針筒自調甜度，黑松露，煙火退芝士三明治溫泉蛋煙肉芝士闊條麵德國豬手整體來說食物都可以，個黑松露，煙火退芝士三明治直得推薦，但個德國豬手食落去個肉質有點（鞋），希望下次可以整得juicy 點，

平時都有去開旺角食晚飯，今次呢間就係朋友之前推介所以去試下。雖然它位於旺角， 但我之前還真的沒到過這棟大廈， 更沒想到他有樓上cafe在裏面。這家小店的環境佈置很別緻，中間位有一個大酒吧。我地假期6點幾到，因為時間尚早所以唔駛等位，但到我地走時這店都爆座了，還有幾人在等位呢。樓上店來說還真受歡迎。它的食物有一張menu酒的menu 便有一本 我地叫左野食無耐，飲品便送到啦。在門口位有一個存放啤酒的大酒桶， 我們有幸看到店員直接從大酒桶裏倒走出來到我們的玻璃杯里。然后梳打飲料也送到了。大大杯呢。跟著小食來啦，熱熱的芝士跟黑松露煙火腿芝士都熔合到包里面，芝士味很濃郁，加上外面內軟外脆的包，口感十足，這小食真的要襯熱食呢。　然后輪到主菜之一既慢煮甜酒燴和牛面頰，比想像的多很多塊。由於是慢煮的，每塊也入口即溶。　而且很多塊呢，賣相也很不錯呢。最后一定要說的是這道，德國咸豬手。完全沒想道它會玩火，很有驚喜。大大隻的豬送到，店員倒了一點酒在咸豬手上，一點火，近近的很有震撼感，像看表現似的。之后店員貼心的幫我們把豬手切件，方便我們食用。可能剛剛燒完？豬手的皮很脆呢。整體感覺很好，有機會要在試試其他的