台豐台灣美食 (已結業)

台豐台灣美食 (天水圍)男朋友屋企附近嘅台式餐廳，之前都食過好幾次，但都係外賣嘅，今次為咗影相就試下堂食🤪🐔雞排少乾，雞皮煎得幾脆👍🏻大量肉燥，甜甜地有啲蒜香，配飯食一流🤤6-8片生菜🥬，半隻好夠味呀滷蛋🥚啲飯都幾多下，一個成年男性絕對夠食😤🐟無咩汁嘅鰻魚，都做到甜甜地同唔會腥～有肉燥嘅加持，就算無鰻魚汁都影響不大🤣(熱)椰香同香芋味唔會過濃，仍飲到少少茶味🍵最緊要係微甜，唔夠糖可以自己加減肥人士friendly因為係熱飲，(細)珍珠係剛好嘅煙韌🥰🥰🥰大部分都係卡位，坐得幾舒服，最入面有一張大枱～

今日要去呢個場搞轉台，正值午飯時間，間間都好多人，最後搵到呢間價廉高質嘅台灣餐廳！台灣菜梗係要食香口炸嘢啦，一般餐廳好少見有炸魷魚鬚食，所以一於試試先：肉燥魷魚鬚飯！大大碗飯，魷魚鬚剛剛炸好，熱辣辣脆卜卜，香口但無油益味，好正呀！肉燥豬頸肉飯：豬頸肉大大塊，無乜肥肉，唔油膩，但肉質唔乾！唯一肉燥份量唔夠多！呢個場，每間餐廳都係細細間，唔多起眼，不過以呢個價錢都算是中上質素，台式餐飲亦只係加$5！反可以再encore！

又是没有晚市堂食既關係，所以要買外賣食天一商城老公第一次黎，所以都留返係天一商城買野食啦雖然天一商城都唔細，但係感覺好似無乜好行，d 食肆又開到好散行到上一樓老公都懶得再揾食，見到有台式野食就叫呢間啦因為熊貓有八折，所以就係熊貓落單叫外賣自取今次我地叫既係醬燒豬頸肉同埋豬頸肉肉燥飯＋珍珠奶茶豬頸肉眼見都燒得幾靚仔，醃到上曬色其實我覺得叫豬頸肉永遠都係最穩陣既選擇，唔知大家覺唔覺得呢？肉質又爽脆唔會淋或者變UN，所以係我既喜愛小食之一再黎個近鏡，雖然切得有少少薄，但係都還好唔會太乾，好食😋！呢個係老公叫既豬頸肉肉燥飯，仲有半隻滷蛋滷蛋不能評價，因為我無食肉燥既份量就很多，撈到飯食唔會少，肉燥質地就偏爛不過我最鐘意既係豬頸肉！！十分入味，又淋，而且都有四五舊，份量都幾好珍珠奶茶就正常水準，無乜特別需要cm 既總結黎講呢餐九十蚊有找，我地都覺得滿意，外賣又只係等十分鐘，都好理想可惜既係天一商城真係有dd 遠，唔知老公仲會唔會同我去第二次了！

🦑墨魚餅肉燥飯燥！真係食到燥⋯對溫度都冇乜要求，即使佢連暖都稱不上。但所有野都係一味得個咸。個墨魚餅好靭，咬都咬唔開，個配方好怪，入邊好多蔥粒，冇香味。肉燥都係勾左好多芡嘅感覺，搞唔開🥚皮蛋豆腐唔知點解個汁橙色嘅，個皮蛋係變左透明嘅橙色⋯⋯個汁酸嘅？個豆腐都冇壞都食唔出⋯⋯唔識講🍵珍珠奶茶睇相就知，個色係奶精加色素沖出黎，珍珠都係街貨直接煮好掉入去。成杯加工嚴重嘅飲品。成餐飯⋯⋯80蚊，賣兒童餐回憶吧。

價錢同出面個牌不符，收銀呀姐態度又差40蚊比咁既份量我，d麵食兩啖麵食完，珍珠奶茶d珍珠愈黎愈少，下次想食台灣野會行遠少少去頌富另外兩間台灣野買下午茶會幫襯都只係貪佢夠近午餐個份量ok（主要係夠多飯），但下午茶真係唔得

天一商城望落去好多嘢食，但黎得多，總會厭，之前食過呢間台灣野好幾次，但真係每況愈下，今日唔爭氣，又再決定比多次機會佢。我揀左肉臊豬頸肉飯，為自己設下一個保險線，因為就算唔好食，都可以靠肉臊既味道去解決。午市繁忙，等左大約8分鐘，上菜了！五舊豬頸肉份量中等，但實在燒得太乾，每一口吐下肚都有點困難，味道亦一般般，很失望滷水蛋一如以往地乾，菜也一如以往地油，早已有心理準備，因此沒太失望。果然，最後是要靠肉臊來送飯，因為飯也太硬身。

中學嘅時候，成日都落黎呢一到食飯，因為近屋企嘅關係，呢間又特別平所以成日都約埋啲frd一齊去食佢有好多款唔同嘅肉燥飯有豬排有豬頸肉等呢到嘅豬頸肉肉燥飯同炸魷魚鬚一流

小朋友想食肉燥飯，就入嚟試吓啦！佢啲餐好抵食，肉燥好入味、淋，連埋啲汁好易送飯，叫左個豬軟骨肉燥飯同炸雞粒肉燥飯，豬軟骨入味，肉質一絲絲，唔錯，而炸雞粒乾同硬，麻麻。台式凍飲另加$4，味道唔錯，價錢又抵飲！

台灣雞件湯麵加一杯台式凍奶茶，$46一定一定要加酸菜，超好味，如果食得辣不妨加點麻油，加左後更加惹味。台式奶茶甘香，唔太甜，自己麻麻珍珠，所以無加，但鍾意珍珠奶茶嘅你不妨一試。環境方面，就抽氣系統比較差，每次食完個身都有陣味

叫左個台灣牛肉麵, 湯底太咸了! 不過牛腩有4-5大舊, 偏瘦,但5會UN, 都煮得林。不過真係太咸。叫左個墨魚餅做小食, 有成6-7塊, 炸的,入面有D蔥碎, 墨魚味有D人工, 幾香口GE。

原本都沒有計劃到天一商城裏的餐廳用膳，但是當時我已經餓了，同時又不想走得太遠，所以隨便的在天一商城裏選擇了到「台豐台灣美食」吃午餐。其實這裏的環境沒有什麼裝潢可言，但座位尚算舒適!愛玉青蘋果紅茶這杯飲品的青蘋果味道相當濃郁，不過茶香味略為遜色，至於愛玉則不過不失，整體來說只算是一杯不過不失的飲品!豬頸肉肉燥湯麵又肚餓又愛吃湯麵的我隨便點了一碗豬頸肉肉燥湯麵。肉燥和滷蛋中規中矩，沒有什麼特別，但是它們兩者的滷水味都相當香濃! 湯底方面不算是很鮮甜，只屬一般，而麵質屬粉感重的那一種，吃上去也不錯，不過要盡快把它吃掉，不然便會很快變腍! 另外，豬頸肉炸得非常香口，不過豬頸肉的邊位炸得有點過了火候而變得有點乾，所以只有豬頸肉中間的位置比較美味香口又juicy!整體上這裏的食物和飲品只屬一般，大致上都沒有什麼特別的地方。

本身對呢間野都幾有好感 啲野吾差 但今日去食 食食下發現啲野 望真啲 係動物黎！店員去問店長 店長竟然話我地已經食左一半！吾換得 仲要反左個白眼食物黎 比返啲責任 見到都冇胃口 我知道作為店長要保持食物質素同營業額 但兩者我覺得食物點都優先 我吾係貪你個份野食 至少你都要出黎講返句對吾住 乜都冇！一個白眼比你

琴日下午同朋友食醫依間台灣嘢食，都不錯環境方面就係細了點，但嘢食設計就有小許特別👍🏽三杯雞足筒飯 $48雞方面好入味，雞肉好柔嫩😋皮蛋豆腐，d豆腐真係超滑👍🏽豬頸肉就唔太硬同”鞋”都不錯

放假係屋企，中午冇煮飯，又好想飲珍珠奶茶，就落左樓下呢間台式美食到買外賣我買左份鹽酥雞飯，加三蚊要左杯珍珠奶茶，外賣好似仲要加少少錢，總數都成五十幾蚊價錢黎講比其他台式美食鋪頭略貴，但味道黎講都幾岩我口味我幾鐘意佢肉燥個味，咸度適中，撈飯真係好好食鹽穌雞粒就得果五六粒，如果可以多幾粒就好,但成個餐係可以令人飽肚的，所以都唔同佢計而且我覺得個鹽酥雞都幾好食最令我滿意係佢杯珍珠奶茶，有少少港式奶茶味道其實，甜但又飲到茶味，珍珠都好好咬總括黎講，雖然有d貴，但附近得呢間台式食品而且都唔難食，會keep住幫襯

兩個人叫左兩個下午茶套餐，一款吐司+一款小食+一款麵。我地兩個人叫左朱古力吐司 豬頸肉同酸醬撈麵。另一個餐就叫左奶醬吐司 椒鹽魷魚鬚 肉燥撈麵下午茶餐仲會包一杯台式飲品吐司味道吾錯，椒鹽魷魚鬚係即炸既，吾會好似炸粉硬舊舊咁，但肉燥麵比較淡冇咩味但33蚊包埋飲品 雖然麵份量吾多，但食埋吐司同小食 都好飽下。咁既價錢試到幾款野食 算係幾抵我地比較為食，食完又忍吾住再加單散叫左蝦餅同炸香芋丸添兩個下午茶餐加埋兩款散叫小食，埋單129蚊