台豐台灣美食 (已結業)

After checking the menu, beef noodles soup seemed nice, but I don't like fat. So I ordered the noodles soup with fried chicken nuggets, and assuming it would be served with same kind of soup as the beef noodles soup. Dunno why only the beef noodles soup has picture of the noodles with soup. But no, it came with some kind of clear soup. I was disappointed, it was meh... Edible, but only so so. The chicken was okay, but on the salty side. I had ginger tea, with only additional 2 HKD, and it was go

行開天秀墟，行過嚟呢個新商場好方便天一商城既舖頭都係小小的，呢間台式餐廳都唔例外喺門口一眼望晒，大約有4-5台牆上有啲台灣舊照片，等嘢食嘅時候可以望下叫左招牌紅燒牛肉麵$47，份量好多，但d麵入口就粉左D，牛肉大大舊啖啖肉但唔夠腍，牛筋反而煮到好林，紅蘿蔔同白蘿蔔就好林入味套餐包一杯台式飲品，我點了焦糖咖啡同一般台式飲品一樣都係好甜好甜另外叫左份豬頸肉，硬左D... 食唔到有豬頸肉既爽題外話，店員既慵懶態度有待改善

呢間鋪其實我覺得有啲玩野，因為一開頭我係門口到見到佢大大張poster，show到啲下午茶好似好吸引咁，所以諗位叫個下午茶，點知坐左入去，個waitress先話星期六日無下午茶，真係俾佢吹漲，星期六日竟然無下午茶。咁算啦，我就叫左個雞扒肉燥飯加杯金香奶奶。啲雞扒係即炸，送到上來熱辣辣，唔錯，但一咬落下，有陣不尋常既so 味，可能個鍋之前唔知炸過咩來，留左啲味係到，有so味既雞扒，唔掂。不過就要讚一讚個肉燥，撈飯好開胃。而個凍金香奶茶有茶香，唔會過甜。

屋企對面終於開左新商場，多左一些食店，對於街坊來講真是好消息，可以多些地方搵食，地點又近啲。今晚同老媽子撑枱腳，經過台豐，突然好掛住鹽穌雞，就入去試一試。睇睇menu, 好抵食下，40幾蚊有個飯或麵，仲要包埋台式飲品。老媽子今日口味同我相同，大家一齊揀左個鹽穌雞肉燥飯，個飯黎到嚇一跳，好大個飯，肉燥非常多，鹽穌雞有4-5舊，仲有半隻鹵水蛋。 但味道就普通，可能唔夠味精， 哈哈。炸雞好多粉，冇乜雞肉，同埋太腍。呀媽要左個冬瓜茶，我偷飲左，好好味，濃濃糖冬瓜味。我就要左苿香珍珠，淡淡苿莉香味，唔太甜，又有煙靭珍珠咬下，唔錯。2人每人一飯一台飲，埋單$87，非常街坊價，難怪呢度咁爆場。

天一商城開了很多食店，這間是其中一間。店鋪的座位不多，建議坐較入的位置，因為門口位置真的較熱。今次點了兩個套餐，鹽酥雞球肉燥麵的雞球份量少及細件 ; 豬頸肉肉燥麵的豬頸肉得普通胡椒同鹽味，麵都只是一般的清湯麵，與其他店鋪不同的只是用了台灣麵，沒有什麼特色。跟餐飲品選擇少，味道亦比台式飲品店差，不建議加錢轉配其他飲品，免得浪費金錢。另外，如叫外賣的話，記緊離開前先檢查有否漏單錯單，一路食已經不止聽到一單外賣打來話錯單。

在一個毫無預備, 又沒有安排的情況底下, 去到了老遠的 天水圍 跟友人會面, 見面地點就在新開不久的 天一商城 ~朋友見面, 當然不離開飲飲食食, 我們在商城 行了一個白鴿轉之後就揀了這間 台豐台灣美食 吃下午茶, 順便吹吹水 ~Menu ~我點了 招牌紅燒牛肉麵而且凡惠顧飯麵, 奉送台式飲品一杯愛玉蜂蜜紅茶 ( 跟餐另加 $3 ) : 紅茶不夠茶味, 蜂蜜就下得比較多, 所以味道偏甜 ~招牌紅燒牛肉麵 $47 : 碗麵的份量夠大, 湯底清香帶微辣, 牛肉煮得不夠腍, 而且是硬身兼嚡口, 鹵水蛋也鹵得不夠入味; 麵質還算不錯, 既Q韌又爽彈; 但最好吃的還是紅蘿蔔和白蘿蔔 ~總括來說 : 食物中規中矩, 價錢就是便宜 ~本篇完 ~

本人在上星期日19號中午時份，進入這餐廳後安排3號枱後面的橫枱其一位置。在未有食物送到的時候，本人看到及聽到有位職員問3號枱客人可否加一位客人同坐的要求。其中一客人回應不想及不好，但最終被職員說服後，我便調到這枱同坐。但試想想我坐後大家的感覺是怎樣⋯⋯今天中午十二時45分本人再次光顧後被安排3號枱，當我享受食物途中同上次的職員要求我調枱。我的回應不想及說上星期又調今日食緊都調，一位不是客嗎。她回我一句：將就下啫⋯⋯，我的心情已被影響再無心情享受，只可食完後問這職員寫字樓電話號碼，佢話無喎⋯⋯很想有關人員看到後跟進調查事件，望日後服務改進⋯⋯

開咗open rice ac都幾年，一直無寫過食評 今日真係忍唔住。一坐低，一個口擔住支牙籤嘅姐姐走嚟落單(以為自己去咗大排檔)，我哋連餐牌都未睇就話: 一陣先落單，唔該你。佢就黑住面走咗去到叫佢落單 keep住黑面，唔係普通黑面嗰種，係秒哂咀，我已經嬲嬲哋，但我個frd仍然keep住好態度，都有唔該前唔該後。佢上野食係dum落張枱道，dum嗰陣係望都無望，響食野期間，佢掃跌咗張單，但啲住我哋，我真係覺得好無禮貌。唔會再去食！

下午茶時間黎食，但呢到係冇下午茶餐既，比佢鋪出面貼住既野食相吸引到，就入左黎食啦。鋪頭係窄既長方形，坐得入出入都幾唔方便。我叫左豬軟骨肉燥麵，豬軟骨麵好入味，而個麵係偏粗身少少，軟硬度岩岩好，麵仲有肉燥，都幾多下，我覺得配飯應該會好食d，麵仲會配埋隻滷蛋仲有菜。碗麵份量多，大大碗唔怕食唔飽。朋友叫左魷魚鬚肉燥飯，佢個個望落都好正，而且各樣野都好夾。野飲要+$6，我地都叫左蜜瓜奶茶，我覺得麻麻地，唔夠陽光包蜜瓜奶好飲😂呢間鋪既野我就覺得就貴左d，不過兩個女仔唔大食既share食一個都夠飽，如果佢出下午茶平d細份d更好

外賣自取一份紅燒牛肉麵、鹽酥雞、一杯珍珠奶茶，麵同珍奶都正常、唯獨係呢盒鹽酥雞…得6粒🙄🙄🙄🙄、個size仲細粒過老麥D麥樂雞 、d雞大粒既話收$34都仲接受到⋯⋯上次堂食叫魷魚酥份量都好多下，今次第一次叫鹽酥雞 但完全冇諗到又細又少囉、呢次真係眼都突埋、知道份量咁少 寧願俾多十幾蚊叫個鹽酥雞麵，個麵都係$44。唔知係咪趁我外賣拎走唔會即時開黎睇、咁樣既話唔洗有下次⋯⋯好食價錢合理既，食客必然會返轉頭。

因為最近都要陪媽咪去天水圍天一商城做蒸足浴按摩，所以呢排都會喺呢個商場食飯，之前都食過另外幾間，而今日中午我們就選擇咗「台豐台灣美食」食中午飯！我們叫咗蒲燒鰻魚肉燥飯嘅鰻魚都幾大條同肥美肉厚，肉質都幾軟滑，但比較腍身，唔算好彈牙，而肉燥嘅味道都幾惹味！招牌紅燒牛肉麵嘅麵質都幾彈牙，牛肉嘅肉質相當鬆軟，肉味亦好濃郁！奶醬酥吐司都幾酥脆，奶醬好香滑濃郁！而店員嘅服務態度都還可以啦，但其中一位就差啲啲！

最近知道天一商城個邊開咗好多食店，所以打算開開心心同我先生去試下新野，2017-01-14大約晚上7點幾時間去到 (當日早餐，午餐我地都係屋企食粥，諗住食清啲)清左大半日，晚餐諗住食好少少啦，去到商場一樓，見到肉燥飯既相當吸引 我同先生一人叫左一碟肉燥飯再加兩杯香芋奶茶。味道還可以，打算下次可以再黎試埋佢d麵 點知第二朝我同先生起身齊齊肚痾，仲痾咗幾次，希望食店方面會改善下食物嘅新鮮情況同質素。經過今次我同先生都應該唔會再試啦。