台灣麵

營業中

休息中

假日起身唔想煮就會出去搵食。諗唔到食咩既話，通常花先生都會提議台灣麵。食台灣麵通常我會選擇牛肉麵，而且我一定係order原味。每次落order後，碗麵好快就會係你面前。麵唔算多，反而牛肉有5-6塊，淋身且入味。至於湯底，味精味道。今日花先生選擇酸辣菜肉雲吞麵。酸辣湯底乎合花先生口味，辣重過酸。菜肉雲吞算是皮薄足料。選擇多，價錢唔算貴，難怪食物唔算突出也很旺場。

朝早我去第一城台灣麵買早餐 叫左三個餐比足錢。好喇 行到半路發覺少左碗通粉 所以又要行返去攞。攞完返到屋企發覺又差一碗米缐 所以又要返去攞。呢間野我平時都有去食早餐 服務員態度差到一個點 送餐又超慢 又成日聽漏野呢間野簡直係*店台灣麵好差！！！

Really awful experience in this restaurant, terrible service, waitress is really UNFRIENDLY with people who spoke Chinese. They r with no patience and rude behavior when I speak Chinese. BTW, food tasted bad and the price was expensive. Nothing good in this restaurant. (By Taiwanese)

獨個兒午餐 ，想吃什麼自己話事， 千選萬選來到到台灣麵。餐廳客人不多， 本應好快入座 ，還有三張2人枱沒人坐， 帶位的竟不給我入座， 是在製造人龍嗎?  好! 我拿飛等! 終於等到有一個一位客人， 怎知道，帶位的二話不說叫她入座，難道你看不到我?? 或是忘記了你剛給我籌?由於坐位擠迫，見樓面姐姐剛站在我旁邊替隔鄰枱的客人下完單，就請她幫我落單， 怎知道她要先把單交廚房!  傳菜的更厲害﹗單據上明明寫我是1人，竟然可以把雞扒放在我面前，而麵呢？放到我對面(相片中的我已自己擺放好) ﹗就當你不知道我是1人，也總不可能這樣放吧﹗順帶加$4飲薑母奶茶，本想可以調一下心情，可是，更精彩的在後面﹗在清潔隔離枱時，竟然將人家的飯粒飛到我裙上﹗ 接二連三的服務態度﹗實在令人氣憤﹗ 有必要重新培訓吧﹗

今天第一次去吃。見不用等位，便入去吃了下午荼了。點了「下午荼 C ︰百搭套餐」$36主食 4 選 1 小食多選擇 飲品多選擇 我選了︰芝麻手撕雞鮮茄湯米線滷水雞腎椰香杏仁奶露結論  (5星最高)︰芝麻手撕雞鮮茄米線︰手撕雞好味，湯非常淡(好似水)，米線不好味，整體失望。滷水雞腎 ︰有點硬。飲品味道 ︰有少少淡，可再濃一點。職員友善 ︰

If you got no idea which restaurant to go to in City One Shatin, and if you don't want to spend too much on meals, but you are bored with those fastfood or Cha Chaan Teng, this Taiwanese restaurant can be an extra option for you. Do not expect too much, but it won't be too worst.

整個二人餐都十分豐盛，份量又夠多，又包特定餐飲。如果想多試不同的台灣小菜可以試試點這個餐。首先來到的是涼拌三小碟，這前菜很夠凍，厚切榨菜片頗辣和濃味，好醒胃。之後來到的是肉燥時菜和例牌牛筋腩。牛筋煮得十分軟熟和入味，每人至少有三四件，夠飽肚。肉燥擺滿這個飯面，絕不吝嗇。這個套餐還包括黑橋香腸和小籠包。

好耐冇去過沙田第一城，見得閒就和媽媽過去行吓，今次去發覺改變左好多多左好多唔同地方美食，見到有間台灣美食就即管入去試吓，回味一吓台灣既感覺，見呢間店坐滿晒人應該食得過，坐低睇吓餐牌見到好嘢選擇，真係對我來講好難決擇，樣樣都想試想食後來我哋選左配料，麵就由待應推介，要左一個三寶關廟麵，一個雙排雙格餐，另外跟餐加左兩杯台式飲品，凍珍珠奶茶和荔枝玉露。過左一陣就送上兩杯飲品，珍珠奶茶，茶香味濃，珍珠粒大細適中，煙煙靭靭，而荔枝玉露就清甜美味，非常解喝，荔枝肉細細粒容易入口，大約十五分鐘左右兩碗熱辣辣既麵就送到望落去餸和麵份量都足夠，賣相都好美觀首先講三寶關廟麵，三寶係(牛肚、牛筋、牛展)牛肚就爽口，牛筋就軟滑，牛展就好軟淋，三樣都好入味，個湯好濃，好香牛肉味，關廟麵嗰口感好似米線，軟軟滑滑，吸收左d湯更加美味可口之於個雙排雙格餐，即係自選套餐，自選兩款配料和麵，我就選左紅燒牛肉配拉麵和酸辣湯配粗麵，紅燒牛肉味道同台灣味道差唔多，食落軟淋有嚼頭，酸辣湯就酸辣道適中，粗麵索左個湯非常野味而且個酸辣湯配料充足，口感豐富，呢餐真係幾好下次可以再試，原來下午茶都有好多選擇，而且平dd

本人十月某天到達置富第一城G67-70號鋪惠顧下午茶 當時叫了一碗香煎猪扒麵($34)和一杯涷珍珠奶茶($24) 當結賬時就付了$58元 但是隔了一段時間 我拿來一張他們的外賣單張一看 才發覺原來那碗香煎猪扒麵加4元便可以付加珍珠奶茶 那麼他們就是濫收費用啦 而且他們怎樣也不承認自己錯誤

每日諗食什麼Lunch都幾頭痛 好彩同事今日話想食第一城間牛肉麵 所以三個人就去囉位 門口總是企滿人 等左5個號碼就入得打開menu實在各得自己有選擇困難症最後揀左我最愛既新竹米粉 同香蒜雞亦 肉燥新竹米 入味 雞亦係無蒜香但脆口的 另外兩位同事就選擇左蕃茄雞扒粗麵 皮脆肉滑 可惜d粗麵未入到味如果用鮮茄應該會好d 咖喱雞扒飯 咖喱汁比較杰 而且頗辣我唔鐘意死辣唔香

下午茶時間到訪第一城台灣麵, 開張了已一段長日子, 人潮明顯少了很多, 先講講為何來台灣麵下午茶, 他的價錢不算平, 也不是好吃, 只是見不用等位, 就來吧!食物質數相比新開張時已不同了, 可看最近openrice其他食客的食評, 我是同意他們的評價. 所以在此不再多講. 一開始已說不是好吃, 只是不用等位.入正題, 叫了兩個下午茶餐, 加一個涼拌小食: 貢菜, 這個小食很重蔴油, 雖然稱不上好食, 但不想浪費食物, 而當時很飽吃不下, 我便叫服務員給我一個小袋仔, 服務員還問我要不要盒, 我說, 不用了, 袋仔可以啦! 她交了一個小膠袋給我, 我近望看到那名胖胖收銀員望著我把涼拌小食放入袋, 我見佢目不轉睛的看著我把食物入袋, 發生什麼事呢? 我有問題嗎? 食物有問題嗎? 我再看到她走去同那個給膠袋比我的職員說, 膠袋要收一蚊, 之後, 服務員走來同我說, 膠袋要收一蚊, 但可以比紙袋我, 紙袋不用收錢, 隨即給我一個紙袋.問題: 比一蚊, 我唔介意, 但點解胖胖收銀員不在我接到膠袋一刻走來向我說要收膠袋錢? (在枱上 / 餐牌上, 沒有寫著膠袋收一元這些眼字, 或者貼在不明顯的地方

昨晚同老公去左沙田第一城間台灣麵食晚餐，我當晚叫左個台式豆腐鹵肉反同一柸珍珠奶茶，個飯嚟到肉碎得丁丁咁多，飯好似撈水咁,未食過一間咁差的鹵肉飯，價錢又唔係抵，唸住未食過去試下，點知一試難忘，以後都唔會再去幫幫襯！

之前食過覺得好一般不過都可以接受，今日同呀媽再黎食真係中伏叫咗2個滷蛋豆腐肉懆米線，店員完全吾問我地要邊種麵條而我地又吾記得要揀（suppose係有几款自選，吾加＄），自動上咗米缐，同上次叫嘅粗面比真係難食N倍，而且個湯好多油然後餐飲叫咗豆漿同熱柚子密，豆漿D味好奇怪好似生生地咁，而杯柚子蜜就甜到噁D服務比上次差好多，上麵嗰陣個呀姐一手一碗隻手不停抖，仲要分心同佢D同事呀姐傾偈，碗麵D湯仲灑咗D落枱度（好彩係喺枱吾係整落我度）埋單一共68，反正呢間嘢我吾會再有下次食

認真未食過咁差的lunch，竟然高朋滿座，難以想像。肉燥得個兩丁，稀稀拉拉掛係碗飯的面頭上，滷水兩三滴，食唔到半碗已經無曬。豬頸肉見到都無胃口，成份隔夜餸咁。入口更恐怖，腍pat pat，肉係散嘅，慘過食肉渣。茄子睇落正常小小，可惜難食都不足以形容，根本就無味道，自己加鼓油都覺得淡，就算食齋都要落鹽㗎？得杯奶茶可以飲。伏出天際，black list forever!

完全唔明點解有人會覺得好食 又貴又唔好食原味台灣牛肉麵($45)：食第一啖麵有少少酸嘅感覺 好似啲cheap鳥冬嘅酸味，但牛肉都ok，夠咪同夠林。滷蛋豆腐肉燥飯($34肉燥仲要+$5)：重點黎啦，我第一眼見到依個飯我有一種大陸工廠放飯嘅感覺，啲所謂肉燥少到離哂大嫂，個人覺得食肉燥飯嘅最興奮之處就係見到一pat肉燥淋係個飯度然後食落係啖啖肉架嘛，啲肉燥仲要冇味。因為係我呀哥叫嘅，我見佢咁慘唯有比舊牛肉佢