台灣麵

營業中

休息中

週未, 心情愉快, 想食過靚早餐。去左第一城台灣麵食個full set早餐,貪佢有台式熱飲。一入門口冇招呼冇帶位, 待應好得閒在傾計,但係就時運高睇我唔到。我唯有自己搵位, 是但選一個位坐, 反正不滿坐。要下單, 仍然沒有待應理會女, 只見三個待應一直傾計。要杯水,一共叫了三次先有人理。忽然有個穿深藍色衫的人（經理吧）叫我起身換位, 本來很少事, 但佢態度極之差, 話我一人坐大張抬, 夾雜不禮貌語言。我即時火起, 入來的時候明明你不理我, 所以我先自行搵位。要我換位唔該有禮貌D, 我冇欠你的呀。好嬲, 不會再去這間餐廳!  唔使講, Blacklisted !!

沙田一城台灣麵，食物不過不失，環境就真係一般，係正3個廁所隔離，餐廳仲要係開放式，當有人出入厕所，經常一陣味，飄來夜來清香，枱與枱之間非常狹窄，服務態度差就唔使講㗎啦，全個－城都知，老細最好喺11點到11:30去睇吓，不停趕客，仲要發客人脾氣坐低幾個字，眼見肥姐已經成功趕走五班客，厲害厲害，倒米壽星。11:20已經話冇早餐食，佢勁過老細啊裏面大把位都要你坐門口啊，相信呢間生意一落千丈之前見早餐錢11:30前都要等位，而家大把位，相信好快加入呢個3000執笠食肆名單，唯一推介係啲牛扒的確係幾好食，冇乜梳打味牛肉又淋又滑。

話說我同我啲frd 去吃嘢 我就手機落單 我啲friend費事煩 叫一個侍應嚟囉單，跟住佢哋落咗個學生餐 話唔使飲嘢 跟住佢突然來一句 有水果茶喎，台灣麵啲嘢咁貴，咁梗係睇吓幾錢 睇緊嘅時候冇5秒 佢就嚟一句 未諗好就唔好嗌我過嚟啦😒 跟住就開咗 跟住再嗌番佢過嚟，落完單，佢問我哋使唔使分單 當時見佢咁串都已經燥燥地 我就話是但 到買單嘅時候 我一個人去埋單 跟住個男人婆又來一句 又話分單 最後一個人嚟買 玩嘢啊 咁我梗係串佢啦 我話我都冇話分單 我話是但喎 跟住我都唔係幾記得 真係記得佢最後講咗句 我記住你啦 ！ 真係當場笑咗😂

話你知，我今次去咗間尋常巷陌中嘅台灣麵店，一啖啖實操出奇嘅美味，真係嘆為觀止咁樣！🍜 我嗌咗標榜嘅椒鹽排骨肉燥撈麵，嗰塊豬排嘅香氣瞬間襲佔晒我嘅味蕾，酥脆得黎唔膩口，佢嘅配角——粗麵仲要做到筋道而唔會糊化，真係掂晒！肉燥嘅味道更加係濃郁而帶點家常滋味，一個字—正！同行兄弟就點咗個酸辣湯配鹽酥雞嘅刀削麵。嗰個鹽酥雞炸得啱啱好，外皮香脆得嚟不乏肉汁，夠曬惹味。幾口下去，朋友笑容滿面，咁樣美味嘅組合，真係無得彈！最後，我仲試咗杯豆漿，呢個味道真係平易近人得黎又唔會過甜，一啲都唔輸嗰啲專門店嘅水準。貪食嘅我一時三刻就將佢流失乾淨。😋哩間麵店完美詮釋咗「平民美食，星級享受」，每一次來都有種「食咗還想食」嘅衝動。下次，你又不妨試試，搵日同三五知己一齊嚟嘆吓，保證歎指回味！👍

之前偶爾午餐時間都有食下呢間，以60幾到70幾價錢午餐黎講分量大，而且味道不錯叫左平時食開既椒鹽排骨肉燥撈麵（粗麵） 62蚊豬排分量好多，平時其他餐廳可能得1塊，呢間例牌會兩塊，調味配麵剛剛好，而且都切好曬，方便進食。我最喜歡配粗麵貪比較有咬口，而且面唔會淋曬，都有麵既筋道。麵同肉燥既分量都好大方好多，撈麵絕對夠。今日飲到平時一直都無既豆漿，味道有D似百福豆漿，唔會太甜，都有都味。另外，同行朋友叫左獨食餐 72蚊係酸辣湯配鹽酥雞刀削麵鹽酥雞炸得剛好，不會太乾，炸粉也不多，朋友表示好食最後，呢間午餐真係算抵食,如果食量細，真係可以打包一半食多一餐，推薦。

好耐好耐之前食過呢間野一次，已經唔係好記得味道如何，今次再嚟到第一城，諗唔到食咩，又試吓先。星期日下午嚟到，咁岩唔洗等，但好滿座，都好多人食。雙拼麵幾特別，可以揀2樣送，連麵都可以揀2款，可以試得多啲。個蒜香雞翼雖然浸咗落米線度，都仲有啲脆，米線係肉燥米線，湯底淡淡的。招牌牛肉粗麵，呢隻粗麵好食，唔係真係勁粗好似一條條麵粉個種，牛肉算淋，冇乜筋，側邊有少少但都好淋，個湯底係平時牛肉麵湯底，都幾香。韭菜雲吞干拌麵雲吞個韭菜味好勁，肉算彈牙，都幾大粒。拌麵睇落好乾但好彩下面都有少少汁炸得幾脆，香花枝味紅油抄手，有韭菜同普通豬肉2款，少少辣，唔係好酸，少少黑醋。

其實成日出出入入第一城，都係第一次幫襯食物其實還好，但「排骨」就無骨係幾好既（對於唔鍾意有骨既me)但服務真係去到最後嚇親我我埋單既時候見到一位中年女士坐左四人檯，個待應阿姐叫佢讓位俾後面遲嚟既另外兩位女士。都算啦，又相隔唔夠一分鐘，同一位待應阿姐又叫中年女士再換位。結果中年女士離開咗無幫襯。其實呢間餐廳想賺回頭客，定想人地記得呢啲咁既服務呢？雖然唔係影響我呢一餐飯，但十分令我有壞印象對於我呢啲有時焗住自己一人食飯既人呢啲餐廳我真係唔會再幫襯食個飯好似食到被人趕嚟趕去，為咩？

自從發現佢個二人餐，周不時都會同男朋友去食，因為分量都唔少。雖然加咗價，但係計返落都抵嘅。二人餐可以叫2個湯，1個菜，1-2個小食，2個主食同2杯台式飲品。我哋叫咗鴨肉羹、酸辣湯、肉燥小白菜、榨菜腎片、皮蛋豆腐、牛肉牛筋刀削麵同牛三寶粗面。鴨肉羹都幾濃郁，同埋有啲鴨肉，唔會太重口味幾啱我。而酸辣湯就有酸甜辣嘅口感，入面有豆腐同木耳。而小白菜煮得啱啱好，唔會太軟身或者爽口，加埋香嘅肉燥，每一啖都好滿足。榨菜嘅酸辣味同嫩腎片嘅口感好配合，可惜今次嘅榨菜太多，無乜腎片。皮蛋豆腐我就一直都好中意。豆腐嘅滑嫩口感同皮蛋嘅鮮美味道完美結合，食落既清爽又開胃。重點係牛肉牛筋刀削麵同牛三寶粗面。呢兩道麵食都有彈牙嘅麵條同好多配料。牛肉同牛筋煮得軟嫩入味。而牛三寶粗面就有濃厚嘅醬汁，加埋牛肉、牛筋同牛肚，真係算幾豐富～嘢飲我就幾推薦椰香胚芽，真係好香，又唔太甜，好好飲~ 可惜太飽飲唔曬

返完教會同家人食個下午茶，最近天氣熱，自己又鍾意飲台式飲品，所以就去咗第一城嘅台灣麵。見到下午茶餐牌有好多唔同嘅配搭，總有一款啱口味，有沙律，湯麵，小食，飯。。。睇完之後可以自己用手機落單，我地就揀咗炸魚沙律加肉燥米線，蕃茄手撕雞米粉，白菜雲吞，雞翼，油菜，熱芝麻奶茶，熱檸檬柑桔，芝麻椰奶。全部食物分量都足夠，小食就得兩粒或兩隻，如果唔夠就要額外叫，但下午茶價錢相當合適，自己亦非常鍾意。

台灣麵這家台灣麵店位於繁華街區，裝潢簡潔且舒適，氛圍溫馨。菜單上提供多種口味的台灣麵，包括牛肉麵、酸辣麵、蔥油餅等等，滿足了各種喜好和口味的需求。他們的牛肉麵是必點的招牌菜。湯頭濃郁，牛肉片鮮嫩多汁，入口即化。湯底的味道深厚，充滿了牛骨的鮮香，配上軟嫩的麵條和彈牙的牛肉，味道更加出色。此外，湯中的配菜也相當豐富，有蘿蔔絲、牛筋、牛肚等，增添了口感的層次感。酸辣麵是另一道受歡迎的選擇。麵條彈牙有嚼勁，湯汁酸辣開胃，配料豐富。湯底的酸味和辣味非常平衡，不會過於刺激，讓人回味無窮。除了台灣麵，他們的蔥油餅也值得一試。蔥油餅外皮酥脆，內裡鬆軟，蔥香四溢。熱騰騰的蔥油餅搭配著醬料，口感香脆，非常美味。

與友人一起到置富第一城探朋友 ,其中一個節目係睇樓😆單位數目超過一萬，面積大小齊備.......，之後就在附近的商場找食見開新餐廳開咗間牛奶冰室好多人排隊餐廳都有冰火菠蘿包拉絲爆漿菠蘿…... 🤣不過太多人唔想排隊所以就去咗呢間連鎖店我哋叫咗兩個下午茶餐都係食香煎豬扒飯配珍珠奶茶$41醬汁可選咖哩汁、黑椒汁、鮮茄汁我哋揀咗咖哩汁因為咖哩汁有薑黃可以增強抵抗力吖嘛🤣 個汁傑傑地仲有啲薯仔同洋蔥煎豬扒大大塊又有口感仲要有肉汁，非常有誠意，絕對食得出係無用梳打粉處理過， 白飯係珍珠米唔算好靚配珍珠奶茶使唔使加錢🤪非常之抵奶茶茶底夠濃香滑， 珍珠煮得啱啱好煙韌q彈

🍽🧋下午茶＄39香煎豬扒飯可配咖哩汁／鮮茄汁／黑椒汁， 並奉送港式熱飲或台式熱飲今次揀咗咖哩汁及熱珍珠奶茶👇🥩豬扒份量正常，雖然唔算厚身，但係質地算可以，豬扒嘅味底有少少香茅味，唔錯； 咖哩汁微辣及有少少甜，味道幾香； 🍚飯嘅份量充足🧋熱珍珠奶茶嘅茶底比較港式，但茶味幾濃， 因為當日叫走甜少奶，所以茶味非常突出； 珍珠份量適中，質地偏淋服務態度就一般般魚堅總評性價比 4👍(以5👍為滿分)

好開心見到有雞扒肉燥飯食點知翻到屋企打開佢 肉燥飯係無肉燥火都嚟打電話去投訴 店員仲同我玩野係咁話美食平台都已經講到明係外賣自取講左三次個number加講左叫咩都可以同我講話睇唔到大家以後去食都要小心叫佢地check清楚先拎出嚟嬲到我死 白飯屋企都整到啦 我洗乜係你到買🥲重點係佢仲要問我幾次係咪無我話咁當然啦 大佬 我邊到有時間呃你然後淨係雞扒有咩味 搞到都唔想食難得諗住幫襯下 點知搞到咁以後都唔想俾機會你

今日再嚟呢度食過下午茶，根據上次經驗，今日好小心咁點嘢食，驚又中咗惡嘅落單姐姐。望落好似無上次個惡姐姐，不過人手都係好唔夠咁，但今日落單同上菜姐姐都比上次嗰個禮貌好多叫咗一個叉燒拉麵同酸辣湯麵，兩個都叫咗配炸花枝丸。酸辣湯麵ok，足料同好味，但叉燒拉麵感覺比較hea。花枝丸香口，但好似無之前咁香墨魚味，粉咗。加咗兩個餐7蚊叫台式飲品，中規中矩啦。整體個餐唔算大份，埋單96蚊，下午茶唔算抵食，過得去咁啦

大年初二，多數食肆仍然未啟市，落街食早餐選擇唔多，沙田第一城亦只有連鎖餐廳營業。睡醒後，早上9時前，商場內選擇得3個：O麥、KF雞、台灣麵。唔想食西式嘢，於是只好揀台灣麵，豈料水準大大不如預期。沙爹牛肉麵-沙爹牛肉：份量僅有3塊，有花生醬味，質地頗韌及嚡口，猶如用湯浸淋的華O牛肉乾。沙爹牛肉麵-麵：普通大光麵，看起來硬身，但吃下時感覺到底下煮得太淋，變成一球麵團。雞扒：雪藏味極重，雞皮味道如吃生雞皮(但雞肉是熟的，無安全問題)。多士：看起來厚度正常，但吃時乾如柴皮，要特地加$2。台式奶茶：味道正常，不會太甜，茶味稍欠。但杯身無抹乾淨，拿起來黐手。落樓埋單盛惠$42。價錢及質素不成正比，如第一城其他小店有開，它們會是比台灣麵更佳選擇。