台灣麵

營業中

休息中

食咗一個台灣三寶麵$65包凍O tea點知麵量勁少，牛肚唔淋，有味精湯底而且仲要走飲管，我見隔離枱有珍珠奶茶，真係好慘，完全唔抵食，仲要收咁貴，員工服務差，冇問我就有人答枱

係附近返工放lunch諗住買個飯食下就黎左呢間首先 店員(啲阿姐)服務態度好差我一行入去就話”外賣要等喎” 我心諗咁我都知 等左一陣佢黎落單叫左個台式滷肉滷蛋肉燥飯(D9) 本身係麵黎既但佢餐牌寫住可以轉飯就轉左 野飲加荔枝紅茶然後我等左陣發現佢落錯左單做滷蛋豆腐飯 咁我好聲好氣同佢講”唔好意思原來你落錯左 我係要D9個個” 佢答我:”咩D9呀你頭先話滷蛋豆腐架喎咪幫你落滷蛋豆腐囉” 我回佢”我話要滷肉滷蛋轉飯喎 我由頭到尾都無講過豆腐兩個字😂”之後佢先死死地氣改返比我服務態度差都算啦 個飯簡直係難食啲滷肉係就咁一舊舊勁大無切又乾又韌又無汁 極難咬同個味有小小”縮”味 仲要我叫滷肉滷蛋飯 佢無比隻蛋我。。唯一okay既得杯荔枝紅茶 不過都係糖水一杯一句講哂 以後唔會再食

叫野食， 好似得罪了她。 又要我地講幾次。講了數次我地要單叫， 她就問點解唔跟餐。問下她有咩麵， 話：( 你唔識的嗎)這世都不會再來。 野食又不是甚麼好。。。單叫 49 , 麵又是一般。 台式飲品也一般。。。

晨早流流被安排到第一城工作，工作前搵下附近有咩好食，食個早餐補充體力先有能量開工。經過見到這間台灣麵都幾多人幫襯，一於入去試下啦。餐牌，都有幾多款食物可供選擇，而且均可自己選配火腿，餐肉，腸仔，煙肉，炒蛋，煎蛋，烚蛋，通粉，米線，米粉，公仔麵，彈性都幾大。簡單D講，自己話晒事想食咩就食咩。揀完一大輪，決定食 C1 香煎雞扒+沙嗲牛肉麵 配牛油方包($38)，奉送港式熱飲或台式熱飲。轉港式凍飲加3蚊，台式凍飲加4蚊，當然揀返杯台式飲品感覺化算D啦! 加4蚊飲凍水蜜桃柑桔蘆薈等左一陣就有野食，C1 香煎雞扒+沙嗲牛肉麵 配牛油方包，加凍水蜜桃柑桔蘆薈沙嗲牛肉公仔麵平平無奇，沙嗲牛肉略嫌唔夠入味，公仔麵又煮得唔夠透芯牛油方包就是一塊塗了牛油的白麵包，十分普通。唯一可以一讚的是那杯台式飲品，凍水蜜桃柑桔蘆薈味道清甜又有足料蘆薈，值得一試。餐廳只提供叉匙，沒有提供刀，原來塊香煎雞扒上碟時已經切好晒一小塊，都幾貼心。可惜，塊雞扒又乾又硬，真係食落都唔開胃。最後重點: o個幾粒粟米臭架! 臭架! 臭架!都唔明點解咁多人幫襯，早餐客似雲來，但D野食係臭架! 令人失望至極。

近日沒有時間返鄉下， 不如食下台灣菜作補償吧， 台灣麵在香港開了很久的時間， 他的鹽酥排骨飯是不錯的， 但不知道是否近日豬肉來貨貴， 竟然沒有排骨， 算吧， 叫了一個滷肉蛋飯， 配肉燥飯， 再叫了一個鹽酥雞扒肉燥飯， 飲品配珍珠奶茶， 和熱檸檬柑桔蜜， 熱檸檬柑桔蜜實在過甜， 飲了幾口便放下， 珍珠奶茶正常味道 滷肉蛋飯 滷肉不太入味， 而跟餐配的肉燥飯是珍珠米， 可惜肉燥不夠肥， 有少許嚡口 鹽酥雞扒飯， 雞扒煎得香脆， 好食 雖然不能和台灣比， 但總能一解思鄉情愁

由於有優惠所以就試吓，同埋好耐冇食台灣野，又好想食所以就試吓這間（台灣麵）。我們一行二人，叫了一個二人套餐：包了一個前菜 - 涼拌三小碟（青瓜、榨菜雞腎、海帶）味道入味，份量都不少；小食方面可選2款：滷豬耳（好入味，有咬口，少少爽口）、鹽酥雞（熱辣辣，但唔夠鹽酥味）；主食方面可選一款：紅燒牛肉（味道濃，牛肉夠諗，好味）；套餐包肉操飯同埋麵，我們各選一，肉操飯份量大碗，而麵就只有粗麵或者米粉選（選了粗麵）口感一般；飲品方面：芒果熱情果蘆薈 （比較甜但都有蘆薈肉）、薄荷柑拮蘆薈（這個比較適中不會太甜又有蘆薈肉）2杯飲品都各加$4。整體而言價錢相當吸引，食物份量不少，味道方面比較濃味，所以本人食完都有啲口渴

同朋友之前食過這裡的香酥雞腿拉麵後，非常難忘，於是今日又再次光臨，叫返同一款拉面，加個红油抄手，飲白桃藍蝶花釀飲品，飲品先到，一向很少飲凍野的我今日為試這款特別的飲品而破例，它的顏色非常之漂亮吸引，杯面至杯底是由浅紫漸變濃的紫色，飲落去淡淡的，感受唔到什麼味道，只嚐到椰果的甜味，而紅油抄手味道唔錯，唔會太辣，韮菜味很濃，到香酥雞腿拉麵出場了，香酥雞咬落外脆內嫰，雞肉非常滑身兼有油汁流出，非常美味，至於拉面其實只是一般黄色的中華拉麵而巳，但要食這款香酥雞腿便要配搭這款拉麵，而單單食香酥雞腿拉面加埋飲品我已感覺非常飽同足夠，但這裡美食太多，每次黎都想試一款其它食品，而每次都會有新發現。

難得跟朋友吃飯卻近糧尾因此決定選間性價比較高的店吃。台灣麵在元朗吃較多，沙田分店還是第一次。幸好保有一定水準，不會失望。兩個人坐4人台很寬敞哈。朋友點了紅燒牛肉粗麵，一碗$61包杯飲品，算是實在的價。粗麵挺彈口不會淋，牛肉煮得挺久所以算不錯挺入味。我則點了三寶粗麵，$65。肉分量蠻多大大一碗很飽肚實在。湯味不會太濃有點清適合不愛加太多味精的人。另外點了份醉雞翼，$48，冷盤味道清清的挺開胃適合前菜吃。最後還有燻蹄拼海蜇$60，肉厚海蜇很爽口。不錯。

我喜歡熱薑母奶茶午餐時間好多人光顧，不防試一下。清湯牛肉麵還是可以的，牛肉筋腩都好滑，不會太腍有咬口，但味道唔係好夠濃。另一個是雞扒粗麵，雞扒都很入味，炸完亦冇太多的油膩。其實我好喜歡他們的熱薑母奶茶，薑味濃濃之餘還有茶香，飲完有很舒服的感覺。

今晚又去了沙田跟家姐去做瑜珈，見啲同學仔越做越fit，我就毫無進步，因為每次做完瑜珈我都食番好多嘢。今晚都唔例外。去咗附近的麵店食dinner，因為呢度就腳，而且大間，坐得比較舒服。我哋叫咗好多嘢。【原味牛肉湯麵】家姐叫咗原味牛肉湯麵，麵底要了粗麵。碗麵有好多牛肉，腍得來又入味，麵質也不錯，有口感。【滷肉蛋拉麵、韭菜雲吞米線】我比較貪心，所以叫了一個雙排雙格餐，一次過可以食到滷肉和滷蛋，同埋韭菜雲吞。滷肉好入味好鬆化，拉麵無梘水味，韭菜味道好正。小食叫咗【肉燥時菜】、【酥炸腐皮蝦卷】和【滷水雞中翼】啲油麥菜灼到好腍，加埋肉燥好香口。蝦卷層皮好脆口，內裡的蝦肉幾彈口。滷水雞翼入晒味，好腍，好易食。至於飲品就配了【蜂蜜柚子茶】和【椰香胚芽奶露】柚子茶清新之餘夠香甜，而椰香胚芽奶露好好飲，好澴香。每次家姐都話唔明點解我可以食咁多嘢，其實答案好簡單，唔食點有力減肥?

話說自己都好少經開第一城。如果唔係因爲朋友住呢頭，可能十年都冇黎一次。我地行左第一城商場都一段時間，發覺都冇咩選擇。估唔到連吉野家都好多人排！見到最底層既呢間比較少人，又係台灣野食，相信都十分穩陣。我地點左熏蹄海節、雞腎、四碗牛肉面同抄手。熏蹄又幾好食，真係有d驚喜！海節個份量都好多，一碟食落都幾飽，我地都覺得好足料！海節偏淋身，唔係好脆口果種，不過味道都ok!!另外不得不提，主打牛肉面真係幾好食！

劣，一係食物，二係服務食物雲吞新竹米粉拼"香酥"雞扒肉燥飯雲吞：勁細粒+粉粉地，好難食新竹米粉：太淋，完全唔彈牙，仲有一陣噏未"香酥"雞扒：而家先知"香酥"原來係煎嘅，仲要煎到好似烚嘅咁，犀利！肉燥："非常健康"，仲乾過煲湯瘦肉，一啲油脂都冇。 我明白肉燥飯唔同鹵肉飯，但真係好難食香酥雞腿乾拌麵乾，嚡，冇其他comment叫乾拌麵嚟咗湯麵服務落錯單三次，乾拌麵變湯麵，咖啡變奶茶，珍珠奶茶邊普通奶茶，落錯單一句sorry都冇送餐嚟嘅時候唔係放喺枱面喺"paat"喺枱明明知道我地講廣東話，自己亦識講，偏偏要講普通話總結1. 打著台灣美食嘅名號但提供劣食，仲一啲台灣味都冇2. 性價比極低接近$70嘅價錢食lunch換嚟$30幾嘅水準，$70差唔多可以食兩個燒味飯/三個唐記包點嘅飯3. 服務水準差第一次打劣評，只希望大家唔好再中伏，食劣食

日本菜同台灣菜都係我慧食妹條菜👅有時冇得去旅行，就靠哂本地薑既當地菜黎止下口癮❤️話說係屋企附近，見到有呢間台灣面，今次終於有時間入黎食返餐！星期六晚市唔算多人，唔洗下下搭台咁老尷！食物方面：紅燒牛肉麵確係幾好食！連平日好挑食既爸爸都冇炸型😨牛肉有d質感，都幾入味！另外我地仲試左個蕃茄湯牛肉面，都係好足料。如果個湯少返d糖就更好！小食方面，薰腣都唔錯！配埋海哲大大碟又幾好食！今餐食得好滿足！唔錯！

今日難得同事說吃膩了火炭發新城市的食店，於是一行人去了沙田第一城找找新店看。剛見到台灣麵，台式食店在附近不算多所以便試試看。座位不算很寬敞不過也不會太窄，最少有位置可結我們擺交主菜再加小食。先叫了碟涼菜-貢菜$29，挺不錯很清爽的咬感，醃得既不會太酸又不會太辣，很開胃涼爽適合夏天吃。然後再叫了黑橋香腸$51，可配生蒜吃，腸的味道會更突出。不會太咸，而是挺香濃的一種肉腸味，還不錯。我點了滷肉蛋米線$61，午餐會配餐飲，特飲也是加$4，滷肉很多件件都是厚切，米線又不會煮太過，湯挺清不會咸，所以性價比挺高。同事則叫了清湯牛筋腩拉麵$61，牛筋牛腩都挺有味，清湯所以味不會很濃。整體來說選擇多肉量也夠，男性來絕對夠吃。

話說今日突然好想食啲台灣野但又懶洋滿唔想出街就去左樓下呢間台灣麵食下台式野滿足下自已食完又發覺好有驚喜所以要出番個post讚下👍🏻👍🏻....今餐點左個紅燒牛肉麵酸辣湯雲吞麵紅燒牛肉麵湯底少許辣牛肉有四大舊半筋腩有咬口吸晒湯味一流👍🏻👍🏻酸辣湯好足料稍嫌唔夠辣不過都幾好食....小食叫左個大腸鹽蘇雞🐷耳大腸真係必食唔太肥好入味大腸控一定會愛上佢😂😂鹽蘇雞熱辣辣上台炸粉唔厚大大啖肉好好食🐷耳個滷水汁都做得幾好....整體黎講今餐真係好滿足價錢唔貴但真係食到好飽肚👍🏻👍🏻以後會多啲黎食