台灣麵

營業中

休息中

《紅燒牛肉牛筋肉燥飯》雖然餐牌預設係配麵，但餐廳都好貼心可以改配肉燥飯/米線，十分照顧每個食客嘅需要。牛肉炆得相當之淋，配埋醬汁，辣度適中，令人胃口大開。遺憾嘅係牛筋太韌對於牙齒無咁好嘅我嚟講，實在係咬唔開咬唔斷跟餐附送飲品一杯，我就揀咗凍豆漿。一嚟豆漿可以解辣，二嚟豆漿含有豐富營養。而「台灣麵」嘅豆漿好重豆味好香，值得推薦《滷水拼盤》內含豬頸肉、雞翼、雞腎、豬耳、豆卜、滷水蛋等等。整個滷水拼盤醬汁唔算太濃，適合一啲唔食太重味/鍾意淡味嘅朋友；豬耳爽口，但唔太入味；雞腎嘅味道唔太討好。

由於附近經濟型餐廳唔算好多，呢間台灣麵成為咗我嘅飯堂，好喜歡食佢既早餐。不過我次次都係食到一半先醒起我未影相，所以未能提供食物完整相片，今次呢啲相係食茶餐時候影的😅比較欣賞佢嘅早餐，因為選擇好多，價錢亦都好經濟，飲台式飲品的話也不會另外收費，所以喜歡早餐叫熱珍珠奶茶😆茶餐推介：- 識叫一定係叫粗麵底 ，口感似烏冬，夠煙韌。 - 肉燥麵 & 擔擔麵 都ok ，因為佢本身麵質好，只要個湯底係濃味餸，就唔會出事- 晚餐既話，揀唔到可以試下”雙排雙格餐”f好岩選擇困難症人士🤣不推介：日式叉燒拉麵，酸辣湯麵湯底：滷水雞翼麵個湯底唔錯，好濃但係日式叉燒拉麵就好難食因為個湯底無味，最好叫濃味餸嘅湯底早餐推介： 煎雞扒 脆薯餅炸得好出色飲品：熱珍珠奶茶，珍珠夠軟亦都甜甜地，不過就有啲甜

悠閑早餐抵食之選經過第一城，早上9點，搵間野食坐下嘆下，見呢間都多人食，應該不是伏！就試下！門面睇落都ok，尚算坐得舒服！餐牌多野食，野飲款式又多。有大碗粉麵，又有套餐有埋2款小食，夠食！唔貴！都係50蚊有找食物一碗麵，加小食2款，再有半份吐司，食到好滿足，再配杯野食，飽！

一個星期本身都起碼會幫襯一次每次都係叫個下午茶酸辣湯米今日如常好似平時咁落單叫外賣點知到佢叫我比錢既時候平時加埋野飲都係$40幾點解今次係$60幾 依段時間唔係下午茶時間咩佢話我無講明係下午茶咪以為我要正價囉我話唔好意思係我無講清楚 咁可唔可以即刻幫我轉反佢話佢入左機就唔可以轉 但我仲未比錢 連張外賣飛仔都未出 佢就話無得轉 一定要比正價前後係一分鐘入面既事 請到啲咁好既員工真係好難得以為永不幫襯🙏🏻🙏🏻🙏🏻

藍籌屋苑第一城，衣食住行都好方便，餐廳都有好多唔同選擇。唔算好講究，但至少唔同類型的菜色都有。今日食左台灣麵的下午茶，坐窗邊位，下午茶選擇都唔少，今次點左雞翼米線，同酸辣湯面。因為同老人家食，佢的米線特登叫師傅煮腍啲易入口，米線上仲有肉燥，幾開胃，而香煎雞翼都好香口，不過不失。酸辣湯面就比較係香港化左嗰種，同喺香港的上海店食的酸辣湯都一樣，味道都好大眾化，酸辣度適中，惹味開胃。而珍珠奶茶係港式台灣店的傳統口味，珍珠煙韌。

對於有選擇困難症嘅我，有時食飯冇人share，又想食呢個又想食嗰個，就會好難揀，所以今日發現呢度有個A B雙排雙格餐，我覺得好好呀！一個人都可以同時食飯同食麵，又唔會太飽，好嘢！AB兩面都仲可以揀AA、AB或BB餐，不同價錢，而主食又可以揀粗麵、拉麵、米線、乾伴麵、白飯、肉操飯、關廟麵和新竹米粉，總之就好多選擇啦！今日最後揀咗香酥雞扒新竹米粉配椒鹽排骨關廟麵，雖然每款只係半碗份量，但係其實都幾多，而且雞扒和排骨各自有兩至三件，仲要都有返咁上下厚度，所以個餐好抵食。未到來講，兩款肉都唔錯，外表甘香，內裏又保持到肉汁。第一次是關廟麵，個樣有啲似米線粗少少，食落OK啊！至於新竹米粉平時都好少食，係米粉同粉絲嘅混合版，都鍾意呀。餐飲可選普通啡茶或者凍豆漿，不過嚟得台灣餐廳梗係想飲台式飲品啦，所以我加$4轉左珍珠奶茶，珍珠夠煙韌，奶茶香濃， $4好抵呀！整體都好滿意呢間餐廳，服務親切，抵食夾大件，下次再嚟過先！

第一次幫襯台灣麵，原來都幾多嘢揀，挑了個「二人餐」，一共有六樣嘢咁！涼拌三小碟分別有青瓜、海帶及白雲鳳爪，但係一啲都唔小，份量非常多！而且好好味，食不停！然後係肉燥時菜，今日是油麥菜，加上肉燥，味道很好，菜也新鮮。自選的兩款小食是黑橋香腸和紅油抄手。我喜歡台灣腸甜甜的味道，有咬口，連同生蒜一同上，不過我沒試這個。紅油抄手帶點兒辣，六粒包得滿滿的，餡料豐富，好食！主食可以選一款然係配兩碗肉燥飯/麵，我們選了老公喜歡的牛腩筋，份量同樣好多，全部大大舊，牛筋夠腍，牛腩都入味，仲有配菜，很滿意！要咗兩碗肉燥飯，好大碗，肉燥比較大，同平時食開的唔同，都好味！二人餐包兩杯熱飲或凍豆漿，也可以加錢轉其他飲品，佢既飲品選擇都相當多。最後+$4轉了杯草莓乳酸三色Q果，粉紅色加好多粒粒，色彩繽紛，味道都係甜甜的嗰啲囉。另一杯+$8轉咗杯白桃藍蝶花釀，對於藍蝶花有種情義結，喜歡那種特別的藍色，不過味道不突出，白桃味較重，另外還有白色椰果和奇亞籽，也用一個特別的杯來盛，內外兼備。起初以為「花釀」有酒精成份，不過飲落都發覺只係果汁啫。

哈,原來呢度有得食台灣菜. 當然要叫賣飛佛海帶絲. 見有個介紹萬巒豬腳麵嘅牌,可以轉台灣米粉喎,雖然都覺得叫2樣多咗啲,但海帶絲係必食,最多叫杯熱檸水幫助消化.海帶絲有調味,對我嚟講,台式做法點都係好味.豬腳+米,分開上,份量比想像中多. 米粉上面放了燥肉,有驚喜;啖啖肉嘅豬腳勝在唔肥.差不多每件都連膠質豐富嘅皮,好多膠原蛋白呵 , 而且有適量椰菜作伴.美中不足:1)冷氣出風位全程吹住. 其實未坐下來時都有揀過座位,只係可以坐嘅2人檯都同樣咁涼爽.2)侍應們喺互相對話之時,比較大聲同勞氣. 對待客人就無聽到此情況.

好耐冇黎第一城，見到有台灣麵，下午茶嘅餐牌，款式好多，價錢又唔貴👍🏻原來除咗台灣野食，仲有上海嘅菜式。「吉列魚柳沙律」啖啖肉嘅魚柳，即叫即炸，熱辣辣脆卜卜「蒜香雞翼沙律」+$7仲可以有幾款麵選擇揀咗「酸辣湯麵」配粗麵好正，麵質好有口感👍🏻「手撕雞米線」一樣好味，唔會好味精，雞肉都好嫩😋紅油抄手都好正，大大粒，包著滿滿嘅韮菜豬肉，唔太辣。芝麻珍珠奶茶好正，芝麻好香，珍珠煙靭👍🏻價錢好大眾化，又免加一，平靚正🤗

第一城呢個商場都好多野食，今次就來試下呢家台灣麵。呢到既防疫工作做得好足，而且職員都好NICE，態度好好而且睇得出佢地好用心服務客人，呢個感覺在我一坐下就好強烈~餐牌好多野食選擇，O岩唔同人既口味，價錢都相當合理，而且又有圖片，好USER FRIENDLY的一個餐牌~因為天氣太熱，所以先叫個前菜，雞絲粉皮$32。朋友好LIKE，因為D粉好滑又爽，份量都算多，味道都好開胃，的話係夏日良品。D粉都幾通透。肉燥時菜$27，我每餐都要食菜，呢個油麥菜都好好食，好脆，睇得出都好新鮮~正。主食就是台式豬軟骨湯拉麵，拼埋一起真真係好靚。而且仲非常之咁大碗。個豬軟骨真係好好好大件，而且仲有兩件呢.......哇兩個人係完全夠食架。豬軟骨肉質好林，而且都好入味，超掂。拉麵份量真係好好多~~~~麵餐加$4就可以有台式冷熱飲品，呢個真係堅抵。不過因為我地只叫了一個麵，所以另一杯就原價$24。椰香芝麻奶露$24，好香椰味，大愛~!!!!!好好飲.

呢日放lunch 來到沙田第一城台灣麵，係同事介紹的，位置都好方便。店內座位頗多，而且食物和飲品種類都好多選擇，一定有岩心水的。我點了一碗台灣三寶麵，三寶分別係牛展、牛肚和牛筋，麵種選的是新竹米粉，湯底好濃郁的，三寶都好足料、各片大大片的，好正呢！特別喜歡牛肚，非常大片而且彈牙，囗感十足，新竹米粉軟身，煮得剛好。另外，加了一個肉燥時菜，肉燥好多好香，配上新鮮時菜，特別入味。配埋紅油抄手一碟六粒，皮薄涵料好足，不辣的，好不錯呢！飲品選了芒果熱情果蘆薈，甜甜的有雜果賓治的感覺，整體不錯，為下午的工作添上精神的一餐。

今次同大家介紹下呢間平時間唔中都會食既台灣麵啦~~疫情期間分晒枱, 坐得好闊落....餐牌都算有好多台式食品選擇~~湯粉麵飯, 小食, 飲品, 應有盡有!!優惠小食~~仲有套餐添~~珍珠奶茶 (套餐+$4 轉台式飲品)好鍾意呢既珍珠奶茶!!!茶味非常香濃, 比出面既珍珠奶茶店還要好味得多推推推!!!雙拼套餐 $65香酥雞腿乾拌麵+滷蛋豆腐肉燥拉麵雙拼套餐可以揀2食超正, 可以食多D唔同款式~~雞腿一整隻, 大大隻啖啖肉~~乾拌麵既汁好味喔!~另外豆腐炸得夠香脆!!鮮茄濃湯牛肉麵 $68鮮茄湯果然濃郁!!! 而且好鮮味~~~牛肉份量都好多, 筋肉均勻

最近因為疫情飛不了台灣，只好找間台式餐廳解癮沒想到沙田第一城也暗藏了一家質素不錯的台式餐廳！食物: 4/5▪️紅燒牛筋牛肉麵湯底帶微辣，非常惹味牛筋牛肉份量多，兩者都煮得入味麵有頗多款選擇，我選了粗麵，軟硬度適中。▪️台灣香腸很多人怕台式香腸會很甜，但這裡的比一般少甜及切得厚身，應該更合港人口味。單獨食台式香腸味道就沒有太大特別，但加上生蒜片，立即非常惹味冒著口臭的風險也要把全部蒜片吃光▪️肉燥青菜肉燥不會油膩，與油麥菜相配，份量也與價錢相應。▪️珍珠奶茶套餐加$4即可配台式特飲，非常划算！奶茶奶味較茶味重，珍珠韌度不俗。

沙田區依家真係好多好去處！就好似第一城咁，已經變成一個好多嘢食好多嘢買嘅好地方。今日同屋企人行開第一城探親戚，到咗夜晚梗係要搵食啦。最近冇得去旅行，好想去台灣，行過見到呢間台式餐廳叫做「台灣麵」，就睇睇有冇嘢啱食啦。睇中左呢個「親民版$198二人餐」，就決定入去食啦😋當時大概晚上6:30，已經陸陸續續好多食客到餐廳啦。最鍾意係呢啲唔使自己選擇嘅餐，好多小碟，好豐富又好似好抵食咁😋嚟啦！上碟啦！🍲親民版198二人餐 $198好豐富呀！我同屋企人都好鍾意食牛筋，亦都有啲講究。台灣麵嘅牛筋我真係要讚一讚！牛筋炆得非常軟身，又有咬口，又有質感，好入味，好軟熟，非常美味！佢仲可以揀配飯或者面😋就咁簡單嘅一個肉燥飯都非常之滾熱辣🔥另外，二人餐入邊有非常多小食，有成四款小食！鹽酥雞夠熱夠脆，入口味道夠濃郁。黑橋台灣腸又真係好似諗起台灣夜市嘅味道！涼拌三小碟好開胃，好好送飯。最後梗係唔少得要一個油菜啦🥬最後梗係唔少得甜甜嘅飲品啦！我就+$4加換最愛嘅珍珠奶茶，屋企人就叫咗豆漿😊。珍珠奶茶都好唔錯喎，珍珠非常軟糯😋。整體來評價，呢間餐廳真係又啱口味又大份又好食！所有調味都啱啱好，好入味，好夠味。而且好啱

今日又發現左一個食飯好地方！係呢頭做嘢，都係第一次試呢間台灣麵，又幾好食喎🤤地點非常之方便就喺第一城嘅商場。中午近兩點，都仲有好多人。不過坐得舒服，每張枱都有足夠嘅距離，而且衛生措施都做足，食得放心。Menu多選擇，大部份係套餐包一杯野飲，仲有一個雙人套餐同埋小食。最吸引到我嘅係雙排雙格餐，啱晒我呢啲選擇困難症嘅人又可以試多樣野！而且值得一提嘅係呢度嘅套餐全部都可以選配粗麵拉麵米線，有啲甚至可以轉肉燥飯新竹米粉等等，勁多配搭！我選擇咗原味台灣牛肉乾伴麵配香酥雞腿肉燥飯配薑母奶茶，朋友因為好想食鮮茄濃湯所以就帶咗鮮茄濃湯牛筋腩麵，配肧牙奶茶。原味台灣牛肉乾伴麵配香酥雞腿肉燥飯配薑母奶茶 ($68)牛肉肉質鮮嫩，一啲都唔會un，而且入味。麵條有咬口，乾拌麵用咗台灣味嘅麻油底，配上蔥花拌麵一流。另一邊唔使講都見到原隻雞腿呈現！超大隻，好香脆，雞腿肉質都非常之鮮嫩！冇諗過份量咁多😂肉燥飯亦都正宗，拌飯好味。鮮茄濃湯牛筋腩麵配肧牙奶茶 ($68)朋友食呢個，佢話番茄湯湯底濃郁，見到有好多新鮮嘅蕃茄，酸甜開胃。牛筋同埋牛腩份量都多，肉質一樣鮮嫩有質素！兩杯奶茶都嗌左少甜，我哋覺得少甜啱啱好。薑母奶