台灣美食 (已結業)

果日行行下街想食tea, 諗起附近有間台灣野所以試下坐低之後叫左好耐寫野都無人理到有人理果時, 我地諗字叫一個飯set +一個小食個阿姐態度好差咁講解話d 小食一定要叫飲品先可以點唉....我唔mind 要叫多杯野, 但係....好唔咁樣態度得唔得( > .<)所以決定唔要小食, 結果叫左呢d 野食:肉燥鹽酥雞飯 - 肉燥太甜, 一d 都唔似台灣食果d, 我阿媽整到似d 同好食d; 鹽酥雞就好有台灣味喇, 但係可能佢係翻炸, 所以好黑...士多啤莉紅茶 - 有士多啤梨味but 甜到不得了....仲以為好食到值得畀阿姐咁樣對待, 都唔係嗟...埋單果時阿姐仲要找錯錢, 話畀佢之找錯左仲要鬧我地( T . T)"點呀!!!邊到錯呀!!!!"佢找錯錢仲要鬧我...無天理呀!!

今日經過果頭, 冇得揀之下入左呢間台灣美食嗌左個豬排飯, 因為店務同我講呢度豬排同肉燥最多人嗌野飲方面最多人嗌金桔檸檬綠茶所以我一SET 跟住嗌左黎既時候, 再送上一碗汁果碗汁好好味呀拎黎點豬排埋單都係$ 25 者~好飽,岩岩夠食我想POINT OUT 呢個特大豬排, 佢有兩個手板咁大

睇完戲同老公2個人諗梗食咩... 結果去左呢間到一試架車泊左係金魚街.. 半小時錶位.. 差唔多10點入去都仲係坐滿人.. 叫左D 餐試.. 一個飯/麵 + 一杯野飲牛展米線 + 蜜桃綠茶.. 牛展好食, 綠茶好飲!!另一個唔係好記得叫乜野.. 係D雞肉 + 少少碎肉既飯 + 茉香珍珠個飯就真係一般.. 但都叫勝在大碗飽肚, 茉香珍珠都唔錯.. D珍珠就軟得制..再另叫多1個 魷魚蘇.. 呢個真係好好食, 新鮮炸出黎好香! 值得一試.. 但好似濃味左少少如果對無乜特別要求, 但要平既朋友黎講.. 台灣美食" 都可以話食得過

8/2(日) 8pm到甜品女I小姐家叩門,準備情人節禮物前,先到太子,為這大日子再張羅一點,到聯合閒混片刻,方才獨身果腹.孑然跨入"台灣美食",以蝦卷燕肉餃拉麵$31及餐飲桂圓茶作晚餐.蝦卷燕肉餃拉麵--豬骨柴魚海帶湯底,色奶白,味濃厚;喧賓奪主!半隻滷蛋,蝦卷及燕肉餃屬庸碌之作,幼拉麵條略富嚼感,以椰菜墊底,味道家常.桂圓茶--現成開水的桂圓茶,甜度剛好,還附桂圓若干粒,製作認真!進餐期間老闆以台語跟大嬸溝通,台語不絕於耳.終歸比"仙"字號的出品來得地道!

午飯跟同學仔黎旺角食lunch~佢提意黎呢間.因為佢之前食過話好味同價錢唔貴我地兩個都係叫左鹽酥雞肉燥飯...食鹽酥雞會有醬跟,d醬我覺得好好味肉燥既味道整得剛剛好,鹽酥雞都唔錯我覺得呢間無論價錢同味道都好食過西門盯呢間$34個飯,有兩樣餸份量多同跟埋野飲,而西門盯個飯又少,野飲另加$4,杯奶茶仲要無珍珠,加珍珠需要加多$2搵笨= =以後食台灣野去台灣美食好過

已經很久之前吃的一次了，所以有點忘了那我所點的叫什麼名字，想不到也很好吃的。飲品方面則到那裡都好像差不多味道，暫時沒有遇到特別好喝的。環境方面有點迫喔。

同fd唱完k，見唔係幾肚餓，又想食d野，見依間有空位就入左去了~見到d小食好似幾吸引，就叫下小食食啦~點知叫小食就一定要跟野飲~姐係要正價叫野飲，先可以叫小食~雖然咁樣d小食係平左幾蚊~但係我地唔想飲野ma...姐係一定要人飲野啦= =但係佢又有寫小食的正價，但係又唔俾人散叫~在價錢的旁邊寫住「凡小食要配飲品一杯，方可供應」大家想食佢的小食，睇黎要飲埋野了~鹽酥雞幾香脆~不錯~炸薯條好"林"，唔好食~炸尤魚鬚幾香口~不錯~炸豬扒~又乾又硬~唔掂~台灣小食應該不錯的ma，佢都係一般~依間唔會再去食~

十一月八日(星期六)聽過友人多番次的介紹之下,終於跟佢泥左中午時分,由門外望入去,的確好多人...不過有個阿姐話仲有位,O甘就立刻跟住阿姐尾同人搭無所謂,但可唔可以比我坐得舒服啲, 好迫我點左招牌菜:肉燥飯配珍珠奶茶肉燥配飯真係一流,簡直無得頂肉燥份量頗多,味道不差;杯珍珠奶茶略甜,但有一定水準P.S.大家若然較為大食,可以叫個阿姐落單時寫''多飯''

餐牌有多款飯類選擇,單拼廿八,加五蚊有台式飲品; 雙拼三十五蚊包飲品. 感覺上如果要飲珍珠奶茶叫單拼並不化算,於是叫了個肉燥牛展飯配珍珠奶茶.對我來說雖然這碗飯並不怎麼特別,但都算合格. 肉燥味道幾好,牛展雖腍但略嫌味太淡,最有趣是有半隻蛋和椰菜"伴碟上". 同事點了個肉燥炸雞飯,據講味道都不俗,但炸雞太碎,似從前KFC有隻pop-corn chicken那種"粒粒"size. 另一位則點了肉燥牛腩飯,不過牛腩太韌.食物是滿意的,但最大問題是座位; 到這裡吃飯一定不會坐得舒服. 一或兩人去都注定要搭檯,而且看見那幾位阿姐很多時候都要人轉檯以便"砌"出不同的座位組合. 四人或以上好大機會自己一檯,但等位會是個問題.間中食lunch要飲珍珠奶茶,這間可以是個選擇.

已經好一段日子沒吃過魯肉飯了，今天經過這裡看到"台灣"兩字，便想起那帶甜又充滿肉香味的魯肉，也不再猶豫甚麼便進店了。進店之後才發現自己"包場"，十一時左右空無一人，這條"食街"的競爭實在是太激烈呢。為的既是魯肉，也就隨便的要了個配鳳尾蝦的就算了，飲品就要了杯柚子蜜~看到<<鳳尾蝦魯肉飯>>的樣子，心情立即往下一沉，為什麼會有椰菜的啊!? 也罷，還是吃了再算。一吃之下，這個絕不是台灣的魯肉，沒有那細膩的油香口感，肉碎也是"死氣沉沉"的，醬汁更是一味的死實味道，如果把名字改為滷肉碎適合得多。至於鳳尾蝦，炸得透徹脆口，蝦肉竟見爽口，這個比魯肉美味得多。<<柚子蜜>>味道正常，份量也算足夠~如果是為了吃魯肉而來這裡，絕對會令你失望而回......

今日抽起條筋突然間好想食肉燥飯上泥開飯睇下邊度有 因為成日食都系食寶x.. 想試下第間去到 同開飯呢度張相吾同吾知點解張相影到間野好殘好舊 去到其實都吾系不過間野系食肆林立既西洋菜南街真系好吾起眼 -_- "入到去 睇下個餐牌 我嘩左一聲肉燥飯 28蚊.. 但系其它有+第d野既就變左38蚊吾洗加甘多啊麻 最後我地三個人叫左兩個肉燥飯+1個海鮮吾知乜野卷肉燥飯..兜飯上到泥個陣其實我都覺得冇乜特別只系一碗飯 + pet 肉燥 + 幾塊椰菜.. 都吾系特別好食有d咸 不過可以接受 最頂癮系其實個幾塊椰菜幾好食哈哈d 野飲味道就真系怪. 我個杯百香果紅茶甜到甩肺...總括泥講 一般貨色我吾會話以後都吾再去食 不過吾會特別因為想食而再去囉..ps. 听日入西貢食海鮮 ._. 應該有機會去試下正宗既滿記甜品*v*

兩個人出街食飯，如果要食到飽都要二百元左右，食物質素又未必合心水。但這一間的肉燥飯份量頗大，一定食到飽，還送一般珍珠奶茶都是約三十五元左右，超值。食物質素方面，味道不錯，尤推薦黃金芝士丸，二十元有六粒，咬開之後有濃旭的芝士，極力推薦，不可不嘗。我每次去都有叫，有時在花園街、聯合逛完街，可以順路一去，價錢不貴食物又ok，地點又就腳，值得一試。

.上星期又再次來此店食lunch..其實味道都ok架, 特別係d肉躁勝在夠多配飯就一流, 反而佢地d小食鹽酥雞就麻麻, 基本上同一般既炸雞無咩分別.唔知係咪樣樣都係肉呢..食到最後覺得好飽漏.下次都係叫番少d肉比較岩我d.p.s不過同一天我去完太子買完花再買回同一樣飯盒俾家姐食時..佢話我知食完盒飯就由4時嘔到7時, 我同老闆2個人就安然無恙喎!!!

好好味！每次同某個friend去旺角行街都會去呢到食『肉燥飯』！$28一個飯餐，大大碗，一個男仕吃夠晒飽，一個女仔吃就多左d，如果好似我同我個friend咁兩個女仔一齊吃加多一個小食餐就岩岩好啦～ 仲可以一人一杯台式飲品添～雖然個d亞姐既視線唔係太望到d客人，但最緊要係d野好食嘛！所以，一定會再去吃！

4月16日中午同一班朋友去食午餐,因為行過見佢有位,就入去食下啦,食左個魯肉飯,其實味道真係一般,份量又少,食物滿足唔到我唔緊要, 我同班朋友離食野就當然係坐低食完野傾下偈啦!!我地坐低左半個鐘都無,佢地間鋪就開始爆人,冇位俾d新客入離坐低,咁有個侍應就問我地食完可唔可以走,我就話喇我地叫左個小食都未離(因為每4個人去食就送一個小食) 佢回左我一句: 無嫁喎你地唔係一齊落單,又唔係一齊離,無小食嫁啵!我當堂呆左! 我同朋友前後腳離到就冇小食送?咁你又幫我地落單?最好笑係佢講完話無小食想叫我地快d食完就走, 但係令一個侍應就拎左碟小食出離...真係笑大人個口!!你打開門口做生意唔係咁樣趕客走掛!!之後仲離譜,佢見我地冇意思想走,就拎張單話俾錢唔該出面丫!! 之後問都唔問我地走未,就拉開我地d食桌俾其他客人!!我真係俾唔到反應, 咁樣做生意? 我都廢事同佢理論俾左錢走人,我一定唔會再去!!同樣價錢係同一地區有更好食更好服務的餐廳我絕對唔支持任何人去食!!!!!!!!!!!!