台灣美食 (已結業)

這是我一個固定的飯堂.除了因為位置好(就在我家附近).也因為食物質素不錯 我特別喜歡它們的招牌棻---鹽酥雞球肉燥飯.鹽酥雞球每次都炸得香趣可口,而不會油膩.肉燥也相當美味,不過有點偏喊,本人認為用作下飯剛好 而且是超大豌的(對我是女孩來說), 最吸引我的是隨餐附送餐飲,我特別喜歡蜜瓜珍珠,甜甜的好像在吃蜜瓜雪糕

嘩啦!!週末的MK度度都很多人的說~ (喂!這個跟吃無關啦!!!(ー人ー)"行到有點累,見到有台灣東西吃的,就進去試試吧~⊙▽⊙店子客人不多,坐的都可以,店員態度都還ok了吧 這個最先上,等的很快,下了單約3分鐘倒就來了酸甜的醬跟豬軟骨配搭很好,味道不錯,骨夠爽脆,肉質也不會一夾就甩開,頗有口感( ° ▽、° )雞炸得很香很脆,吃落不會覺得太油膩,配上肉燥汁伴飯,好吃好吃!! (￣ε(￣) (胖子語氣丸很彈牙,內里的芝士味道很濃~不錯 (≧ω≦) (本人是芝士大愛哦!!! (知道了!煩不煩呀(ーー゛)甜度剛好,不錯 d(^_^)d (這樣就算是寫了評價嗎?喂

人就是這樣,常常希望自己會碰上奇蹟,總幻想在香港會吃到近似台灣味道的肉燥!豬手----外觀沒大問題,看上去乾乾淨淨沒有任何豬毛,但用筷子一夾豬手已開始解體!味道全無問題只是自己接受不了這種軟爛如果凍的質感.肉燥牛飯----怎看也看不出這一堆啡色有芡汁內碎與肉燥有何關係?肉碎加上甜醬油是中式的肉醬吧?牛四片中有一片是真的軟腍好吃,其它三片是近邊的位置吃起來像柴皮一樣,最有台灣風味是那半隻滷水蛋!極度堅韌的蛋白就像有在吃鐵蛋一般.飯粒軟身接近爛!接近五十元連一杯飲品,抵不抵食是其次但這樣的味道就真是恕難有再見的機會!

十一月十七日(星期六)架架妹早上在大角咀辦理要事，忙得連早餐也沒吃一直到了十二點，肚子又開始打鼓，今次簡直是鼓聲震天急步走向旺角進發，在西洋菜南街一帶多食肆，應不會空手而回心中已有兩個候選佳麗，台灣美食及對面的華星冰室上個星期才到過同類型的澳牛，加上又想念著台灣美食的鹽酥雞球頭也不回，想也不想，就選擇了台灣美食以往幾次也是與靚女好友異方幫襯，現在獨個兒吃，不禁有點寂寞鹽酥雞球米線鹽酥雞球是每次與異方必點的菜式以往也是晚上來，人流多，食物也較新鮮，雞球亦是熱辣辣的可是如今的只帶微温，明顯地先炸後放了好一陣子味道亦較鹹又膩，大失所望印象中沒飲過這裡的珍珠奶茶餓了一個早上，想要甜飲沒少甜下的珍珠奶茶真的於我來說有點過甜了，茶味也不夠濃珍珠質地倒算不錯，挺彈牙的在這餐飯短短的廿分鐘，受到不少蚊子蒼蠅滋擾一隻手拿筷子，另一隻手則隨時準備去趕走這些飛行物體建議店方應安裝玻璃門以防遭入侵

台灣美食 這間餐廳一向都係味道一般, 冇乜特色, 只係勝在就腳、比較便宜及速度快而吸引我地一班同事們。好可惜, 自從上星期一次午飯, 我地已經毫不遲疑地將 台灣美食 列為黑名單!事發於上星期一個平日午飯時間, 我地只得三個人, 由阿姐安排入座, 不過無幾耐就叫我地讓座俾一班人, 要我地搬去張細枱！OK！我唸去過呢間餐廳既都知班阿姐一向無乜禮貌而且經常要中途轉枱(食飯人數越少就越麻煩), 我地大人不記小人過！算！之後睇餐牌先發現佢地又加左價, 已經係一年內第三次, 由本來廿幾一碗飯 加到今時今日既$40, 呢一刻我地真係想走, 因為實在太貴！$40 一碗飯連餸 加一杯飲品....仲要碗飯唔大, 餸唔多。以我叫既香矛牛腩飯為例, 飯只有一個standard size 飯碗大小, 牛腩5粒(有D仲好難咬), 蘿蔔3大舊....外加1大舊薑.....絕對唔值$40！同一條街既餐廳, 民華最平只係$30有一碟叉燒炒蛋飯加飲品,.....所以我地決定以後唔再食！

此店的第一印象是一間非常簡陋的食店, 而自動波搵位在所難免, 話晒呢到係人流集中既旺角, 當我一坐低, 店員以示意幫我點菜, 嘩… …. 人地連餐牌都未打開架, 比小小耐性好唔好 ?! Ok, 看了餐牌一片後也選了我最愛的魯肉飯加柑桔青檸。估唔到上菜速度比快餐還要快, 全程估計約 3-4 分鐘, 反正肚仔餓, 碗飯睇落就無乜野特別, 再試下魯肉…. 吾 …. 只是一般, 沒有西門町出品的甘香肥美, 味道還可以的。最差係魯肉和飯只是微暖, 全熟蛋半隻伴旁, 而椰菜絲味道亦有點怪怪, 而份量亦偏小。 柑桔青檸 : 很淡. .. ..很淡口, 好過飲冰水小小, 結果飲了一半已放棄。 唯一優點是無加一, 令人感覺好過一點

今日係旺角搵食,見到間台灣美食,見入面都多人,一心諗住試下冇壞佢個餐牌全部都係話"送"飲品.如果個個都入黎食正餐就係唔錯.因為我老婆唔想飲野,只想食小小野就想問下佢有冇得單叫.點知個阿姐態度勁差,就話"杯野係送既,你唔飲都送嫁啦,冇得減!" d態度真係差得很...唔緊要啦..試下d野食啦,因為今日天氣好熱,所以飲品轉大杯,一心去開大間d既台式飲品店,大杯同細杯都有番10oz的差距.心諗佢大/細,相差$5,望落去應該都有d分別..點知...大失望.我都問佢,係唔係大杯,佢話係,我話咁細既,佢就話大杯係咁嫁啦...激死我,..我突登叫佢拎個細吉杯黎,我就將大杯倒入細杯...基本上係差唔多,只係有1oz左右的差別....大佬呀..m記大細杯幾差距都唔止咁細啦...仲有我個飯又係特別細碗,d魯肉太咸...一句..冇下次

呢間鋪裝修前已經有黎食過，o個時已經覺得又平又好食，d飲品同出面d連鎖台式飲品店既唔同，比較好飲得多， 去親都見到應該係老闆既男人，相信佢係台灣人，見佢同d staffs傾計都係用台語,，頓時覺得好有台灣feel。如果鍾意濃味d既，不妨試下灑d pepper上面，每張枱都有一樽既，正!食完過幾日就會囉囉孿又想去食過，所以我經常帶朋友去食 呢間係我覺得又平又正既不二之選!

與友人相約在旺角地鐵站等候，準備品嚐我很喜愛吃的台式菜。八時許，店舖人流不算太多，但也差不多滿座。不知為何，每次與友人吃飯，所選的餐廳都是位置較小的，不過食物不錯！我們二人各點了一種食物＋一杯飲品：（1）鹽酥雞柳飯＋凍珍珠奶茶 （＄40）（1）綠茶吐司＋熱胚芽奶茶（＄24）﹣飲品＋＄6可配吐司友人的鹽酥雞柳飯賣相不錯，而且他也覺得味道很好！而我的綠茶吐司（經常四周搜羅綠茶吐司的存在，很喜歡綠茶啊！）味道很好而且價錢兼價！抵！正！胚芽奶茶(走甜）也是我的最愛，這間餐廳的奶茶也不錯啊！是台式的味道！餐牌上也有很多不同的選擇，下次可以再光顧，試其他的菜式!侍應們都不是年輕人，有種’家‘的味道..

今晚要同大夥人一起吃,不過已經12點了,平時食開果d已經吃厭了,就有人提議這間不算好遠的台灣菜,於是一大夥10多人一起出發了,走到店前問問有沒有位置容納我地,結果真的有,就一字排開坐了,光看餐牌密密麻麻就知好多選擇,由於實在太肚餓的關係就選擇了最大路的鹽酥雞球肉燥飯,飲品就見到很少有的番石榴味就叫了一杯,咁多人一齊落單都好流暢,仲要無漏單(有分加),飲品先到,我叫的是番石榴紅茶,感覺上比+5蚊改大杯的沒太大差別(大約多50cc吧),味道有喝到番石榴味,不過覺得配綠茶更好,之後上飯都很快,可能是因為只剩我們要吃吧,加上他們收1點,所以特別快手腳,叫完單5min內就有得食,然後就到我的鹽酥雞球肉燥飯肉燥不會太肥,雞球肉嫩美味,椰菜煮得夠"淋",我覺得算是不錯了,另外給了一碟甜的梅醬來點雞球吃,很少見(平常都是泰式甜酸醬),這餐吃得頗滿意,以後12點想找飯吃又多一個選擇了

近日塑化劑問題嚴重, 但也沒有影響餐廳生意, 依然坐滿全場。 套餐三十多元包飲品, 在旺角街頭來說實在優惠。泡菜腩肉飯, 腩肉大件也鹵得入味, 肉質軟淋, 泡菜不辣且帶有酸甜味道。馳名肉燥飯, 鹵蛋鹵得入味而且帶有些少甜味, 肉燥味道過濃而且主帶鹹味, 幸好有些椰菜中和一下。鴛鴦珍珠 及 木瓜珍珠......「塑化劑被發現在糖漿後」的第一次飲.....鴛鴦有很重的奶精味, 木瓜那款較清淡, 珍珠不甜有少少韌。夠不夠台, 我不知道, 但總算在33度高温及翳焗的旺角下, 能救一救差點中暑的我們。

一月一日 (星期六)氣死我原來老公仔一路都不知道有這店的存在!!!新的一年非帶他來這裡不可這可是我與我的好朋友常來吃的地方食物質素有保證,價錢亦十分經濟實惠老公仔點了他最愛的酥炸雞球肉燥飯加配朱古力珍珠奶茶而我則最喜愛這裡的花枝蝦米線配珍珠奶茶老公仔話雞球炸得頗香脆而又不失肉的嫩滑加配的肉燥飯亦不錯,略嫌淡味一點,但以這種價錢,實可以苛求再多朱古力珍珠亦十分香濃,珍珠彈牙爽口花枝蝦即用腐皮包蝦肉炸蝦肉很香甜,加上腐皮能中和油膩米線粗幼適中,湯底清甜我最喜愛的當然還有那珍珠奶茶呢!

家姐介紹黎呢到食台式野。睇相d 老肉飯好似好正咁, 但見到人地個碗就唔太開胃, 最後無叫。要左一碗墨丸米粉碗一杯熱杯芽奶茶, $29, 都幾貴。墨丸有4大粒, 都ok既, 唔會話好粉, 米粉係我至愛既台灣新竹米粉, 另有椰菜及半隻蛋做配料。但碗野一d 台灣風味都無哦, 只係好似平時食開$10碗個d 墨丸米, 只係變左新竹米‧另外配一杯$18 以下既台式飲品, 我地揀左杯熱杯芽奶茶, 好甜囉, 同埋好快凍既關係, 唔好飲。唔...我諗我唔會再黎食。

與太太齊齊放半天假，到太子附近的樓上舖看看小朋友的物事。很幸運的找到了心頭好，付了錢後大包小包拿到樓下，此時太座忽嚷要喝杯東西歇一歇，四圍望望，就近有這一間主打台灣小吃的小店。貪其就腳之便，就走進去坐一會....自己一向不太鐘情於台式茶飲及小吃。不喜亦不精於此道的我，很求其地叫了杯像是韓式特飲多一點的柚子蜜茶來試。大大杯甚冰凍是最大的好處。柚子蜜甜中帶少許酸，小弟一直甚愛之。轉眼間便將它一乾而盡...自己對台式吐司的印象同樣很一般。若可有得選擇，小弟是寧願去港式茶記吃件奶醬厚多可也。太太點了一份芝蔴吐司，試了一兩口，吐司甚嚡口，不夠軟熟；芝蔴醬的芝蔴香不算很濃，甜度倒是足夠的，不過整體而言，是非常一般水準的一件吐司....轉眼又過了十來分鐘，快樂的時候總是過得特別快，是時候回家候命了....

上星期2, 有晚係MK既一間叫台灣美食到食台灣野.首先叫左小食雙併20$到, 揀左2款, 魷魚鬚及鹽酥雞.鹽酥雞味道幾香口,但好似油左D., 但係呢, 另外個椒鹽魷魚鬚就好好食啦, 同街邊唔同, 唔多粉又炸得唔太咸, 食落大大條又彈牙~另外叫左個琵琶蝦肉燥飯, 30幾蚊仲有埋野飲添, 抵~伴碟既菜夠新鮮~肉燥味道相當濃, 琵琶蝦雖然係雪蝦, 但大大隻又炸得香口, 好食~杯珍珠奶茶就比較淡, 麻麻地, 跟餐送既就冇計啦