古琴雅苑 (利舞臺廣場)

營業中

休息中

趁限聚放鬆前，帶兩老出去鬆下，朋友介绍去古琴雅苑食皮片鴨。好開心，安排咗近窗兩張隔膠板隔住嘅枱比我地，唔洗兩張圓枱，D餸拎來拎去，膠板有個"傳送門"，方便推D碟去隔離枱交換餸輪流食(十分讚)！經openrice訂位，三位起送烤麩。我哋三個人叫咗半隻鴨，上枱時見隻碟細細仲以為會唔夠，原來都幾多，食食下又啱啱好，皮連肉一齊片，片得好好(十分讚)，唔會好似有D酒樓淨係片D皮，留起D肉整第二個客嘅餸。我哋見第二枱三個人叫一隻鴨，食唔晒要拎走我哋仲叫咗上湯時蔬(菜心)、雞絲粉皮同埋海蜇青瓜，清清地，唔會膩。全部都好好味，服務幾OK，但好似唔係幾夠人。Anyway, 我哋一定會再嚟！

因為鍾意食片皮鴨，所以再次前來這所京菜餐廳——古琴雅苑。半隻片皮鴨這裏食片皮鴨會先奉上數塊淨鴨皮，這是全隻烤得最薄最脆的部位，配上黃梅醬或砂糖同吃即可，酥脆可口，果然美味。鴨之外皮烤得香脆，肉質juicy 嫩滑，配料有青瓜、哈蜜瓜、京蔥、鴨卷餅、傳統京醬及黃梅醬拌吃，滋味無窮。蜜汁火方另外蜜汁火方亦值得推介賣相非常吸引，火腿及蜜汁的顏色煮得金碧輝煌。火腿切得又大又薄，肥瘦得宜，最欣賞的是蜜汁，以蜜糖桂花蓮子煮成，味道濃郁，熱烘烘的白麵包沾上蜜汁夾著火腿，鹹甜相間的滋味充斥味蕾，值得一試。小籠包一籠有六粒，沒有太大驚喜。

而家 covid 病毒期間，大部份都是買外賣回公司食，今次試左呢間上海野，我叫左魚飯，同事叫左牛肉反，D餸少得可憐，牛肉得幾片，魚也得幾小舊，味正常，但不會再去買，今次去拿只見到我的外賣，好像好少人叫。

成家都鍾意食片皮鴨，出去搵餐廳唔係上海菜就係搵有片皮鴨嘅地方😆 見到古琴雅苑喺銅鑼灣開咗新分店，就一齊去試❤️ 叫左四人餐 ($1218)，連埋甜品有9道菜，叫套餐抵過散嗌好多😛✨雞絲粉皮✨四喜烤麩✨香菜鮮魚羹✨烤北京填鴨 (半隻)✨風味松子魚✨古琴香辣鍋✨ 乾煸四季豆✨古琴鹹肉菜炒飯✨杞子桂花糕頭盤嘅雞絲粉皮同埋四喜烤麩，份量一啲都唔少！雞絲粉皮麻醬味好重，加埋有咬口嘅粉皮一齊食超鍾意🤤 四喜烤麩甜甜的好入味，媽媽的最愛🤣上菜嘅速度好快，好快已經上埋香菜鮮魚羮，熱辣辣既菜羹有好甜既魚片同蛋白，好滑好暖～風味松子魚係蘇州一大特色菜，酸酸甜甜嘅醬汁淋喺炸過嘅魚肉上邊係超級惹味。終於到主打既北京填鴨😍 有半隻份量都唔少，有分鴨肉，鴨脾肉同鴨皮～呢度既配料都好多，加唔同嘅配料又唔同既效果。鴨肉惹味多汁，加上呢度嘅餅皮比較厚身，所以會特別有口感而且唔會感覺好油膩🥰之後介紹埋呢個香辣鍋同埋四季豆，其實以四人餐來講食物份量算係比外面多🤭 香辣鍋入邊有牛肉，大蝦同扎肉等等配料，加上佢哋嘅辣椒油係超級辣但係好惹味😈 四季豆都炒得唔錯好有鍋氣最後仲有鹹肉菜炒飯，呢個炒飯味道比較淡，食到啖啖地既鹹肉味，但係

喺片皮鴨關注組有唔少好評，而且銅鑼灣有新店限時優惠，訂座送至尊拼盤😏~⁡所以訂左歡送✈離港在即嘅朋友~⁡點了「暖冬窩心」8人套餐Set A~⁡🦆片皮鴨~⁡甘啱我嗰枱嘅鴨沒有師傅即場片鴨，有啲失望🥲~⁡上枱用了可愛鴨碟😍，上面鋪了帶皮帶肉的鴨片，底層是鴨皮為主🤤。⁡皮脆肉還好，不算很軟嫩，不過不失~⁡底層的鴨皮比較油，配多啲青瓜、京蔥及哈蜜瓜會清爽解膩~⁡特色之一: 🍈哈蜜瓜甜度較低，感覺同青瓜差不多，沒咩特別。⁡餅皮有兩籠，皮薄煙韌👍🏻~可惜冇熱住，食到最後有啲凍。⁡🐟風味松子魚⁡賣相好吸引~⁡醬汁酸甜酸甜好開胃，可惜魚肉炸得過火😔，有啲硬同乾…..⁡🍖東坡肘子⁡份量頗多!! 醬汁濃郁~⁡肘子肉質細嫩，肥而不膩，仲有好多骨膠原😋~⁡🦐黃金明蝦球⁡咸蛋黃香濃惹味😋~蝦球飽滿彈牙~既邪惡😈又滿足~⁡其他菜式味道正正常常~⁡⁡但🤵🏻‍♀️🤵🏻‍♂️服務就比較麻麻🙄，枱面已經沒有位置放餸菜，詢問可否安排茶几放餸菜，但沒有理會，而且限坐1小時45分鐘，成餐飯食得好趕😔…..⁡如果多人聚餐，唔多建議。⁡

就啱放假，避免人多難訂位，又或趕頭趕命要食頭輪或尾輪，所以提早幾日做冬。今次訂咗利舞台6樓新開分店嘅古琴雅苑四位普通套餐12XX有鲍魚就15XX但都係得招牌北京烤鴨半隻，由於大家都鍾意食烤鴨，所以最後决定散叫一隻烤鴨，雲吞雞，海蜇青瓜，松子魚，小籠包，涼瓜炆鴨殼，由於新開分店，經由openrice訂座，四位免費送至尊拼盤一客，烤鴨上枱熱辣辣，烤鴨薄皮用蒸籠上，每塊薄皮之間都夾有墊纸，非常细心，好好味。整體而言，食得飽又滿足嘅一晚。

今早去做身體檢查，要空腹，昨晚又早食飯，做完11點幾，餓咗差不多成廿個鐘，要補償返下個胃先。呢間店都好耐冇去了，見利舞台有間分店，去試下先，上到去，未到放飯時間，第一個入座，環境可以，枱與枱之間好闊落。一支公，點了半隻酒糟烤鴨，再加個小龍包。過了約十多分鐘，小龍包先上，皮未簿到透光但亦唔可以話厚，多汁香甜。食緊小龍包的時候，有個服務員過嚟指一指大堂，話現在片緊我隻鴨。估唔到叫半隻都現場片俾客人睇先上一小碟，叫‘一口酥’，應該入口香酥吧，但我只覺得香脆，乾身咗啲。之後終於上捲餅同鴨了。捲餅連蒸籠出住煙咁上，有成13張咁多，攞上手熱辣辣的，可能我手腳慢，每每包好放入口時已經涼了。烤鴨，跟有六小碟配料，用完服務員仲主動問要唔要添加。講返隻酒糟烤鴨，可能我本身酒鬼，只有少少一兩件多肉的沒包在一起食的鴨肉中試到淡淡的酒味。基本上同原味差不多。味道唔算出奇，一般烤鴨嘅味道。‘烤’的感覺唔算重，但細細品嘗時又可發現一陣淡淡的煙烤味。鴨肉份量足，雖然沒有傳說中一隻鴨片108片，但我一邊食一邊數，我呢半隻都有近40片，都算合格了。青瓜爽脆，哈密瓜清甜，包在一起起到消滯的作用，成功消滅半隻鴨。

最近去利舞台才發現，原來開了間新餐廳，而且係專門食北京填鴨的！當然要和同事lunch去食下！餐廳的佈置非常雅緻舒適，坐得舒服，好適合一班人慢慢食，慢慢傾。來到這裡必點烤北京填鴨（半隻），可以配上多款特別的配菜和醬料。啖啖鴨肉有咬口之餘，皮薄脆且少肥，非常香口。款款配菜都好特別，尤其喜歡甜相蜜瓜，完全可以中和本來已不多的油膩感覺。醬料也有2種不同感覺，喜歡濃味點的可以點京醬，味道香濃甜。喜歡refreshing點的則可以點蜂蜜黃梅醬，食落去甜甜酸酸的，好特別～PS 餐廳還會有剩皮的一口酥，食落去好酥香且不肥膩😋冬天是吃蟹的季節，蟹粉蓋飯鋪滿面的蟹粉幾香濃，還有鮮蟹肉，配上炒到乾身且香的炒飯和薑香味，水準不錯。非常驚喜的是，腰果露是真材實料磨出來的！飲落去啖啖炒香腰果的香濃味，甜度適中😋一吃難忘～這裡服務也好好，食物質素高，也令我愛上吃填鴨了😍😋

**古琴雅苑-銅鑼灣店**第一次黎到，環境企理乾淨開頭以為裝修會好古色古香，但原來唔係😅服務態度好👍🏻由門口接待至落order既員工，都沒有令我hard feeling ，這對我黎講好緊要。入座仲提供埋口罩套片皮鴨兩個人食都好夠食 表面個樣好似好細 但d 皮燒得好夠脆！片皮鴨配材任fill 第一次用哈密瓜同甜做配料哈密瓜有解利感覺 食落唔會好heavy雲呑雞又係我至愛，湯好鮮甜無味精，好暖身😁蟹皇豆苗 菜不老 蟹肉既量都比想像中多！

今日嚟到你舞台嘅古琴雅苑，個名好有中國特色。一上到去，燈光瑰麗堂皇， 而且好多侍應殷勤招待。餐廳天花板充滿一個有一個嘅小燈泡，亮麗既光線令人食指大動。出奇地，咁靚嘅餐廳食物價錢竟然唔係好貴。蟹粉撈麵呢個蟹粉撈麵本身睇落就唔吸引，但係朋友堅持要叫。結果果然係令人失望。上面所謂嘅蟹粉，冇任何嘅蟹膏話蟹肉嘅味道。下面係好似上海麵嘅麵條，但係比較彈牙嘅質感。首先蟹粉同埋上海麵就唔夾，而且好似冇乜味道。招牌片皮鴨片皮鴨喺呢度必叫嘅菜式。一片一片油脂均勻，厚度相約既片皮鴨，店員即叫即整，跟住佢哋係新鮮嘅肉上發出一塊又一塊嘅片皮鴨。她想獨家嘅片皮鴨伴菜，有青瓜鴨皮韮黃甚至係柚子醬同埋哈密瓜。雞絲粉皮個醬汁係濃濃既花生醬，好香。 個粉皮晶凝通透好彈牙。小籠包中規中矩，唔算好食。

古琴雅苑 (銅鑼灣)今日帶屋企人一齊去銅鑼灣食中菜，食物份量都幾多，環境坐得寬敞舒服，服務態度仲比一般酒樓好好多！我哋四個人大概食咗$1000左右勁飽！呢度係我哋叫咗嘅嘢食1.北京烤鴨（呢個佢加入左哈密瓜，令到成個感覺冇咁滯）2.砂鍋雲吞雞3.風味松子魚 （成條魚都係炸，好耐冇食了，整酸酸甜甜咁）4. 至尊拼盤 （可以多啲款式，食唔同嘅嘢)5.瑤柱蛋白炒飯5.南翔小籠包6.高力豆沙香蕉(呢個幾特別都好大浸香蕉味)呢間係新開嘅分店,成個場都好乾淨舒服,冇限時,仲有套餐㗎,一家大細都好啱食😆新店優惠由即日起到12月31號四個人去食仲送至尊拼盤都成$200 㗎！兩至三個人食就送腰果露👍🏼

實在需要五星好評的烤鴨餐廳，片皮鴨皮連鴨肉係最好食，烤鴨好香，皮好薄好脆。呢個價錢可以食到咁好質素嘅鴨真係好開心，仲要講究到先比鴨皮我地去點果醬先食。仲有砂鍋雲吞雞，超多雲吞，個湯好好飲，飲完個人即刻暖晒，服務都好好，侍應幫我地分埋湯，平時酒樓先有的服務，估唔到呢道都有。值得一提的是，餐廳環境好新好乾淨好靚，好似去左一啲網紅酒店餐廳食飯一樣。總括而言，餐廳性價比高，食物質素高，服務都好，下次會再次到訪。

跟媽咪去吃北京烤鴨， 選這家是見他們的做法師承自全聚德， 應該好味， 而家新開菜館， 裝修佈置會較新派舒適。半隻烤鴨， 選了原味，價錢比想像中相宜。鴨肉比我想像中嫩軟，皮薄沒有過膩油脂。先把鴨酥沾著沙糖吃，然後再慢慢品嚐烤鴨。用來包鴨的配料有好幾款：蜜瓜，蔥白絲， 京醬，黃梅醬，缺一不可呢。京醬味濃但唔鹹，配烤鴨剛好， 不會搶味。除了主角烤鴨，我們還點了四色拼盤、酸菜魚、冰鎮鮑魚、小籠包，相當豐富。 四色拼算的雞絲涼皮和水晶肉都好好味。 這裡的酸菜魚可以點一人份的， 啱哂我們樣樣都想食但又怕食唔哂的人。酸菜魚，雖然是一小盅，但材料足，魚肉滑溜湯很清的。意外地發現他們有黃魚， 於是馬上點了椒鹽黃魚， 這道菜我們最愛吃，黃魚炸的酥脆， 連骨都酥化，贊。最後吃了小籠包，湯汁香濃， 餡料洽到好處，只是皮有點厚。

行開利舞臺發現原來新開左間京菜餐廳好耐冇食片皮鴨即刻試試之前去北京嘅回憶返返曬來🥰餐廳地方唔大但十分開揚侍應服務好好一來就介紹茶同菜式👍🏻揀左個玫瑰🌹荔枝茶，叫玫荔堂煌，幾特別🔹烤北京填鴨（半隻）$188半隻都有勁多肉，幾抵食🤩每塊鴨肉都食到好香嘅油味，肉質嫩滑包埋熱辣辣嘅餅皮同配菜食超滿足😚🔸砂鍋雲吞雞超足料，冬天飲一流好暖胃雲吞皮薄餡靚加埋黃芽簡好夾連啲雞肉都勁滑可以食埋✨.📌 古琴雅苑 (#銅鑼灣美食)#銅鑼灣 波斯富街99號利舞臺廣埸8樓B號舖-#hkfoodblogger #hkfoodie #食好西 #香港美食 #香港 #相機食先 #852 #hkfoodlover #hkfood #hkfoodstagram #hkfoodporn #米線 #홍콩맛잡 #香港打卡 #alldaybreakfasthk

冬天胃口總係特別好🤤成日都口痕樣樣都想食🤣今次就同朋友約埋一齊食北京填鴨🦆呢間古琴雅院係尖沙咀、灣仔等地方都有分店，今次我地就去左新開嘅銅鑼灣分店。餐廳環境乾淨舒適，除左北京填鴨外仲有好多唔同嘅菜式可以選擇。✨烤北京填鴨半隻（$188）黎到當然要試佢地嘅北京填鴨喇❤️半隻$188價錢合理，睇住店員即埸將剛烤好嘅鴨肉切片，令人食指大動🤤呢度嘅片皮鴨切法同其他地方有啲唔同，佢地會保留更多啲鴨肉，再將京蔥、青瓜、哈蜜瓜等嘅配料夾埋一齊食，食落相對冇咁油膩。✨砂鍋雲吞雞（$178）近排天氣轉涼總係會想食啲熱辣辣嘅菜式，砂鍋雲吞雞就岩晒🤤湯底以雞肉淆制而成，味道鮮美，仲可以食到雲吞同雞肉等湯渣，夠晒滿足。✨蟹粉撈麵（$168）蟹粉撈麵望落金黃色，非常吸引🤩上面嘅醬汁加左蟹膏同蟹肉絲，面條口感亦相當彈牙；可惜嘅係蟹肉嘅鮮味唔算話好突出，呢點有少少令我失望。✨雞絲粉皮（$75）雞絲粉皮算係一款水準穩定嘅小菜，好少會中伏。呢度嘅雞絲粉皮味道都唔錯，花生醬嘅味道同彈牙嘅粉皮非常match, 作為開胃涼菜黎講非常唔錯。✨南翔小籠包（$68）食小籠包最怕皮太厚嘅或者未食已經穿左，呢度嘅小籠包外皮嘅厚度就恰到好