古月

營業中

休息中

今次試左食d 間星馬餐廳，香港要到食星馬菜真係好小，而且鐘意食辣既我就睇下有無剌沙，但見到餐牌無 ..只好問下有無..叫我試下咖哩麵咁唯有信姐姐介紹啦點知真係好鐘意食我鐘意食，因為個椰汁唔會好重呀個湯好香呀！但我個湯覺得唔夠熱..如果再熱d 就好啦但我跟餐飲左羅漢果仲要好足料..有冬瓜肉同龍眼肉可以解辣呀！仲有另外叫左個胡碟腩飯 個腩好入味最勁係有一個大蒜頭係個飯到因為朋友唔食..比左我食.我+ 落個麵到好好食 朋友飲左杯班蘭拉茶最有趣係牆上既畫..因為代表左星馬

甘岩training 要黎北角 所以就試下呢間米芝蓮介紹既餐廳內在環境我覺得幾令既個罐係真鐵罐黎原來都幾多明星黎過最得意係呢個牛奶盒叫左古滑雞飯同肉桂味既奶茶奶茶我覺得ok 雖然無得同絲襪奶茶比奶茶唔夠滑身但係肉桂同紅茶味都好岀2者平衡得好好不過$28 我覺得有d貴 太細杯油飯做得唔錯幾香 不過我覺得d飯唔夠硬身不過個雞飯我無諗過係甘多汁可能食唔慣 我覺得有d奇怪雞就麻麻 無乜雞味不過雞腎唔錯 幾爽口佢點雞個個辣汁係幾好味既不過80幾食呢個質素 重要係米芝連介紹真係覺得唔扺

今日到北角開完會，午飯時間地鐵站附近亂行，見到個個行入條後巷咁古怪，我又跟住行入去原來入面好多野食，茶記西餐日本餐星馬餐等等，左睇右睇，兩間好多人排隊，2選1揀左呢間，一人行，等左陣有位。叫左古滑雞飯，再嗌左個特飲跟餐三色奶茶同九菜花。雞飯：個汁好味加埋辣椒醋更加惹味，配油飯， 個底仲要有本人最愛既鴨舌 估佢唔到， 古惑雞係咪咁意思?！奶茶：一問原來係馬來西亞既椰糖，個甜好特別，茶味較港式濃，幾夾菜就正常，配個咸咸甜甜豉油總結：埋單個雞飯原來先48蚊，特飲加15蚊，港島區呢個價位食呢個質素真係冇得輸，平時食茶記都5，60蚊。唔怪得之咁多人。下星期睇下帶埋屋企人過黎試多幾樣野。P.s. 臨走先見到原來兩年米芝蓮推介，實至名歸，仲支持聽障就業，值得嘉許。

臨時約北角食飯, 唔知食咩好, 最出名淨係聽過古月....星期五放工時間黎到, 以為見到人龍就搵岩地方但竟然唔洗等位, 由開始食到食完都無人等位...其實成個menu野食得幾樣, 椰漿飯, 蝦麵, 幾樣小食, 竹庶水....完2人同行嗌左個椰漿飯, 雞翼, ROTI咖央,竹庶水椰漿飯配料都適中, 但個飯唔係好食到椰漿味, 個豆板醬唔錯既, 但如果食類似既野, 去觀塘好運仲好味而且覺得呢個飯比起茶記既任何一個飯賺更多, 一小堆魚仔花生, 半隻蛋, 3件雞翼only.....無記錯係$5x雞翼, 可能同個飯既配料double左, 不過呢個個表面有炸蒜, 但都係果句, 炸野又點會唔好食....ROTI咖央, 薄餅夠熱, 煎得好食, 但唔係好咖央, 只係普通糖漿咁竹庶水好多料, 不馬虎, 不過熱$20,凍$30, 人地凍飲加2蚊, 佢加左$10....究竟有無需要貴咁多呢....定還是雪一雪就值$10就不得而知埋單$152, 唔係貴, 每人$80唔洗, CP值尚可, 比預期平餐廳牆上表示有好多明星黎過, 不過有相又證明到乜野呢, 個個明星都食過M記, 無合照者.....係咪值得米芝蓮推介...

好日都唔去北角，諗住試下新野。 點知一揀就中左招。1.menu 選擇少，如果啲食物做得好，應該係好事，可惜出品很差。2. 叫左碗蝦面，碗面細都算，啲面都唔熟得晒。3. 啲蝦竟然係梅既，色水又差。。。大佬，成78蚊碗唔好咁搵笨丫。丸得嗰2粒，冇錯，係2粒。仲要係難食嗰隻。4. 叫左杯所謂班蘭奶茶，唔該晒，求其喺面晒堆糖就算。成舊水既晚餐好令人失望，完全不會回頭也不會推介給朋友。所謂米芝蓮，基本野都做唔到，真係太失望喇。

今次試試平價米芝蓮推介餐廳,不過地`點有d 難找。辣椒板麵: 叫左小辣, 基本上係唔辣的。麵是細細碗的, 應該是小食而非主菜, 配料全部都細細碎碎, 有魚乾, 菜鋪, 豬肉粒,蔥等等, 仲有隻半熟蛋。將所有材料拌勻, 出奇地唔會咸, 可惜麵太少, 食到最後d 配料就咸左d 。另奉上魚丸湯, 唔知係咪倒d 湯入去d 麵度一齊食.... 但d 湯好咸, 所以無撈到入去d麵度。基本上來講, 呢道菜幾得意ge, 當係試下南洋ge 食物~雞肉串燒: 30蚊得3小串, 頹左d, 雞肉唔鞋, 燒得剛好, 好似有d 香茅味, 個沙爹醬就一般la。斑蘭千層糕:竟然是熱的! 應該是特登叮熱, 有誠意! 斑蘭味唔算突出, 出面好多斑蘭cake都落埋椰汁, 呢度無。所以只有淡淡的斑蘭香氣, ok la~3色奶茶:應該是一層奶茶, 一層練奶, 最底層唔知係乜, 攪勻之後, 就像一般南洋奶茶, 偏甜, 幾好飲。

話說成日心思思想食新加坡椰漿飯，終於發掘到間食星馬菜既餐廳，唔使飛去新加坡都有得食啦!環境方面餐廳位於巷仔，不算難找，至於裝修亦很特別，牆上畫了不同圖案，非常可愛。面積方面，餐廳的座位不算多，大概可容納三十多人。而枱之間的空間比較窄，所以空間感不高。牆上的塗鴉，蠻搞笑。服務方面和普通的餐廳一樣，服務不過不失。食物方面首先讚一下是這裡的餐牌做得蠻精美，食物的味道亦。椰漿飯是這次的主打，另外我們點了古滑雞飯和小食-辣椒撈雙丸。古滑雞飯 $58 - 初時以為會是類似海南雞的，但完全不一樣，這個是比較多汁，味道帶點甜，至於雞肉份量亦夠，肉質彈牙，好味！而飯底是邪惡的油飯，停唔到口呀~椰漿飯 $58 - 椰漿飯的精髓就是辣椒醬，魚仔同花生，將它們混合送飯真心一流。這家店的辣椒醬味道ok!唯獨魚仔略鹹。辣椒撈雙丸 - 雙丸是指魚蛋和豬肉丸，個人比較喜歡魚旦，非常彈牙，讚。而辣椒醬非常惹味，加上炸蒜，真的很開胃！嗜辣的朋友仔可以一試這個!飲品方面，我們分別點了三色奶茶及TEH TARIK。三色奶茶是由朱古力，煉奶及奶茶組成。奶茶味道蠻好的，香濃茶味，不過整體有點甜，但我覺得是好喝的。價錢方面這裡的價

米芝蓮推薦了招牌辣椒板麵，所以午餐時去試試。吃起來好像口腔裡在打仗！五味俱全！非常享受！Sensational! 簡直就是交響樂！該脆的脆，該軟的軟，吃得眼睛都閉起來。是一個不可多得的經驗。唯獨覺得魚乾多了點。下次一定會再嘗試另外的。

古月粉，即胡椒粉的傳統正確名字。一間餐廳膽敢以「古月」而命名，必須對自家的胡椒粉有相當的自信。聽聞北角有一間主打星馬菜菜色的餐人餐廳獲米芝蓮推介，決定一試龍與鳳。 室內的環境設計幾有趣，亦見不少娛樂名人曾光顧及留影。傳統肉骨茶有兩種，新加坡主打白色肉骨茶，白胡椒味為主。馬來西亞主打黑色肉骨茶，藥材味較濃。而古月的肉骨茶就係白肉骨茶。入口時白胡椒味好濃，咸味剛剛好，白蒜的味道幾香，但係稍微覺得湯熱度不夠。湯的份量不算多，肉排就有三塊，肉質尚算嫩滑，但係肉本身調味不是太多。油條只有兩小片，而且好硬。白飯比較冷了一點。友人點了蝴蝶腩米粉，醬汁主要吃得出為花椒丶八角丶醬油，蝴蝶腩都幾入味，但係每塊切得好細，口感有所影響。米粉的湯味道較淡，需要靠濃味的醬汁去掩蓋，有點浪費。如果湯的味道可以用心一點，會較滿意。蝦面材料包括鮮蝦丶豆卜丶魚旦丶叉燒丶魚片，等於一個海鮮大雜燴。湯底唔錯，加上店家提供的辣醬都幾惹味。面採用了油面，雖然都好易沾上湯汁，但油面味道太重，同湯底味道唔相容，反而建議用米粉或者米線更佳。三色奶茶，同港式奶茶無咩分別，用上了煉奶，同茶走冇乜分別。冰又多，唔值得30蚊一杯咖央味道唔足夠

傍晚約咗朋友響北角新都城交收手信，佢話冇人陪食晚飯。本來家中巳預備咗我份晚餐，見佢咁弧單，唯有將家裏晚餐留返明早帶返公司，陪佢響北角搵食。企響新都城內上網搵下北角有乜好食，見到一間食東南亞食物既小店，即管去試下。點了一份唐排肉骨茶，好重胡椒味，辣辣地好惹味，唐排質地幾軟滑，配上米粉都好夾，連整粒蒜頭都一併吞下。朋友點了個椰漿飯，有炸透既雞翼，小店裝修新穎，老闆還會支持聾啞人仕就業，值得幫襯。

之前都有提過北角呢條巷仔有好多唔同嘅食店，有新開嘅，都有開咗好耐，不過越嚟越開得多，所以呢條街就越來越旺，上次試完青藏牛肉麵，今次就試吓呢一間古月。其實今日去食嘢嗰陣時候個肚仔有啲唔係好舒服，都唔知食啲乜野好，就想食啲青青地嘅粉面，見到佢有一個招牌嘅肉骨茶可以配米粉，所以就揀咗呢一個。肉骨茶同埋米粉係分開上嘅，呢種肉骨茶係屬於清淡嘅類型，而唔係好濃味嗰隻，一碗大概有4舊肉，有半肥瘦亦都有骨嘅部位。另外佢嘅特點就係有一舊好大嘅蒜頭，初頭諗唔到點食，估唔到咬落去啲蒜頭肉就燒左出嚟，好得意，食落去一啖蒜頭一啖米粉咁樣，個感覺都幾好。再講一講個湯嘅味道啦，個湯嘅味道有肉味，同埋濃胡椒味，飲落去有少少辣辣地，但係嗰種辣唔係刺激嘅感覺，而係有啲暖胃感，整個感覺都好舒服。另外佢個餐仲可以加兩蚊配一杯熱飲，我就選左個馬來西亞拉茶，呢個拉茶好有馬來西亞嘅風味，而且呢度仲可以揀斑斕味道。雖然飲落去就唔太覺得有斑斕味，斑斕應該就係粉狀，加左喺奶茶上面，所以一入口就有少少甜甜地嘅感覺。呢度嘅嘢食幾好，款又多，而且係特別。另外仲見到有一啲馬來西亞嘅辣拌麵，雞飯，可惜我今日就試唔到，下次一定要再過嚟試吓先。

放假約左北角翻工舊同事Lunch, 方便她所以去北角食 當然由佢帶路試下星加坡菜 位置都幾唔覺眼似後街 等位時發現係米芝蓮推介 見到好多一盒盒飲品 好得意 即刻order黎試下 原來係奶茶 我地分享 喇沙 材料多 份量一般 最重要係正宗 兩種面底 不過我覺得唔夠椰香 可能馬來西雅同星加坡嘅分別再黎古滑的雞 我被它的名吸引 相信古法做法嘅海南滑雞 不過略嫌汁太多 飯有雞湯煮

男朋友好鐘意食肉骨茶，上開飯搵到古月就即刻bookmark 左，唸住帶佢去食啦～星期六lunch time去食，只係等左一陣，但張枱較細，個位迫迫地不過間店裝修得都幾有特色，充滿藝術氣息又帶點星加波色彩食物方面都唔錯星加波奶茶：值得一試海南雞飯：啲飯有點凍了，所以硬硬的，要改善一下啲雞好滑，味道偏淡肉骨茶：好重好重的胡椒味，可以無限添加，（注意係一啲藥材味都冇的）

整體來說，最好吃的是咖喱面。味道濃厚，除了面以外，配飯也值得期待的料理。用料充足。肉骨茶米粉感覺性價比真的不咋樣。米粉湯底我只能說是味精⋯⋯勝在肉還是比較好吃。起碼能嚼爛～～味道可以說沒什麼特別。這盒子裝的就是上面杯玉桂馬萊拉茶⋯⋯很明顯大小就值得吐槽，加錢感覺飲料沒加多少。玉桂粉和奶茶沒融合在一起。感覺就是在吃粉。一點也不值得喝。我喝起來就覺得難喝。反而同行的友人斑斕馬萊拉茶還是不錯。起碼普普通通不是伏。姜茶也不錯。這麵條是鹼水的。我個人挺喜歡的。不過吃起來真的不咋樣。配著之前吃的咖喱面湯料吃吃玩。單純吃起來就一般般吧。最後這個飯還好。椰漿味道濃厚。給我感覺像是甜品⋯⋯讓我想起芒果紫糯米甜品了。不過整體來說這飯還是挺特別。可以一試。

同行三人入左間多人排隊食既星馬餐廳叫左古滑雞飯，招牌肉骨茶，唐排骨雞飯：不滑，一般 6/10分 $48肉骨茶：湯超咸 似胡椒湯 唔失望，肉骨還食，5/10 $78唐排骨：如上 5/10好奇害死貓