古月

營業中

休息中

呢間餐廳連續五年獲得米芝蓮推介，嘢食都ok，價錢唔算好貴。同朋友七點嚟到嘅餐廳，唔駛等位就入得啦。走嘅時候，出面已經開始排隊等位，所以早嚟會好啲。 🔸古滑雞飯個雞好滑，雞肉下面有鴨舌定軟骨係度，係有啲驚喜嘅。雞油飯好好味，但係個醬汁偏甜。 🔸古月招牌肉骨茶個肉骨茶同平時有啲唔同，佢係胡椒湯底，而唔係平時見到嗰啲深色嘅藥膳湯底。肉嘅份量唔多，個蒜頭佔咗好多空間，油炸鬼得兩件好少。味道有啲似胡椒豬肚湯，辣辣地。飲到最底胡椒味好重，飲完成個人好熱流晒汗。💦 🔸斑蘭千層糕個千層糕外面係啡色，以為係印尼蛋糕味道，食落入面原來係綠色，好重斑蘭味。蛋糕邊有少少脆邊，都幾得意嘅，但係未去到十分推介🙈 🔸三色奶茶望落去個樣都幾特別，可能佢加咗煉奶，飲落有啲偏甜 🔸斑蘭拉茶其實佢同普通奶茶冇乜分別，有少少斑蘭味，同埋個造型都幾靚.💰人均消費：~$100

被評價吸引了去食。下午2時到達，不用等位。店內牆畫不錯：點了咖喱麵和凍檸茶 2份賣相不錯。🙂內容有炸蒜、紅蔥、蝦仁、章魚鬚等增加口感層次。但 主要靈魂的麵條和湯：難食！麵條太稔，湯底多油而不香、不濃雖叫咖喱麵，但不太感覺到咖喱味。就像是普通叻沙。坦白說 20元左右的百勝X牌的叻沙即食麵比這個面好食太太多。可能佢出名在肉骨茶吧？ 但麵都太強差人意了。😰😰😰（ps女友已經屬於低要求，連她也覺得難食）😅

星期五晚dinner time 7:00去到，咁岩有位可以即刻入去過多5分鐘已經大排長龍了價值相當相宜，$60就有大大碟椰香雞飯好有椰香味，送晒成碗飯有餘🤤🤤肉桂奶茶好夠味，好飲到停唔到呢排疫情緣故，店員會問定想用即棄餐具定堂食餐具。我揀左堂食餐具，覺得都洗得好乾淨，可以放心用其實一個飯加飲品已經好飽，但朋友想試埋珈央toast😐😐真係捨命陪君子叫做不過不失有烘脆，珈央醬都夠，只係食完正餐再食，真係飽過龍😂😂😂

北角既米芝蓮推介既星馬菜😍😍野食非常高質仲要係黃店平時黎到北角都會好想食等我食返碗蝦麵先新加坡馳名嘅福建蝦麵湯底係由辣椒同蝦殼煲成相當惹味麵底係摻摻即係油麵加米粉配上叉燒，魚旦，魚片，原隻鮮蝦同豆卜非常豐富朋友食咗佢哋嘅古滑雞飯雞肉真係超級滑配埋醬汁幾易送飯我通常會飲玉桂拉茶同港式奶茶唔同拉茶有住獨特的香料味好有特色聽到佢哋嘅班蘭拉茶都唔錯等我下次都試下先不過呢間餐廳係晏晝好多人㗎有機會要排隊

同朋友今晚係北角，呢到錦屏街後街搵野食，見到呢間有米芝蓮推介就決定試下都見坐滿人，剛好我地到既時間有人走，所以唔洗等位我地叫左招牌古滑雞飯同椰香雞飯等左5分鐘就上菜，非常快新加坡式的海南雞飯，雞件較大，非常適合食肉獸的我雞好滑，熟度剛好醬汁微甜，很好送飯椰香雞就係炸雞配椰醬略嫌普通，但雞件都嫩滑，椰汗亦甜度適中中意椰汁既朋友可以一試餐廳環境燈光舒服，同朋友食完坐左係到一直傾計都冇趕客，仲幫我地加水，呢個加分我相信我會再光顧試其他菜。

北角錦屏街堅係條美食街仲要係黃店街！依間連續16-20年攞米芝蓮獎！另一亮點係小店聘用聽障人士👍🏻1點鐘去食超多人因為放飯時間🤣但隔離幾間黃店都爆哂人💛黃店認證：5.27罷市；店內擺有文宣pepe公仔。.Lunch 1200-1700👓古滑雞飯 $50無骨雞上髀、古惑配料、自製雞汁、油飯。雞份量偏多，肉質滑嫩，但佢嘅味道同肉質明顯同平時海南雞唔同，肉質比較實同珠冇甘淋身。配料的確好古惑，有排豬耳墊係雞下面。醬汁帶甜少似燒汁，另附有泰式酸辣汁沾雞都好食！油飯剛好雞油香味，唔會太油膩。評分：7.5/10👓加飲品 大$8 小$2☕️馬來拉茶 斑蘭 (熱) (凍) 小馬拉茶眾所周知係偏甜，見好多人都係推介飲斑蘭味，雖然斑蘭味唔算好濃郁不過有淡淡香甜味令馬拉茶冇咁單調，熱飲杯邊有少少砂糖碎所以甜度比凍飲甜少少，但整體來講其實係熱飲好飲啲熱辣辣好舒服。評分：7/10👓咖央厚多士 $24頗失望，佢唔係人哋脆卜卜多士夾住咖央牛油好似三文治咁，而似人哋早餐包埋嗰塊麵包咁，純粹塊軟淋淋嘅麵包搽咗啲牛油，一層超薄咖央，無口感脆度或咖央味，仲要成廿幾蚊完全唔值，覺得大家唔使試。評分：5.5/10

今日見完客，已經天黑啦，就係北角附近覓食啦，但近期就洗左好多錢，所以希望搵到間平靚正嘅餐廳食野啦 又俾我咁好彩搵到哩間新加坡菜餐廳，就即刻叫左佢地嘅招牌菜肉骨茶，再加啲串燒小食食下啦。個肉骨茶一食就知哩間餐廳好正宗，濃濃嘅胡椒味令人停唔到口，啲肉先正，煮到好入味，最好嘅係佢係無限添飲，真係好幸福而啲串燒都燒得相當唔錯，肉質好嫩滑，再配埋個沙嗲醬，簡直一流而我叫左咁多野食，睇返張單，又發覺唔係好貴，百幾蚊有找，咁嘅水準拍得著米芝蓮嘅食肆，所以我決定下次黎哩區，一定會再食哩間新加坡菜餐廳，諗起到流口水啊

有罷市有支持嘅小黃店💛我哋本身係想試隔離嗰間酒盜架 去到發現佢full booking左無得試😢之後發現原來嗰條街成條街都係黃店 我哋今次就試咗呢一間先 之後再試埋其他嗰啲😎😎·古滑雞飯$60呢一個同張相睇落一樣咁滑🤤佢啲肉係真係好滑好嫩 質感好好 連個雞皮都做得好好🤤之後佢個汁係有少少酸酸辣辣咁既 勁夾 之後佢個油飯又係超正 超香得黎唔會過油 我唔係特別鍾意食飯都勁鍾意🥰🥰·咖喱roti $35韭菜花 蒜芯 $24阿羅街沙嗲串(3串) $35因為我哋唔想嗌兩個主食 所以我哋就嗌多咗啲小食 但我覺得佢啲小食比較一般🙊🙊無個滑雞咁驚艷😂😂佢個咖喱roti個咖喱汁都幾好食 幾惹味 而且都幾辣 不過可能因為入邊冇肉 淨係得咖哩 所以味道無平時食咁豐富🤔佢個菜就普普通通啦 之後個沙嗲串就真係麻麻地 佢個肉質比較un少少 個沙嗲汁又係比較一般🤭·#rbyeat#rby小黃店#rby東南亞菜#rby北角·📍北角錦屏街後街29號A舖地下

北角小巷隱藏既米芝連推介古滑雞飯名乎其實好滑好好味每次黎到必點 從來冇失望過朋友就點左椰香雞配吐司一上檯就聞到好香濃同脆口吐司襯到不得了米芝連既平民美食回味指數極高😋

同男朋友放工去左附近覓食，但又唔想洗咁多錢，於是搵到呢間抵食嘅新加坡菜我地一人叫左一個主菜，再加左個串燒做小食串燒細細碟，雞肉燒到外面脆脆地，但裡面肉質嫩滑配埋個惹味沙嗲醬，真係食完想再食必點小食亞羅街沙嗲串我自己叫左個咖哩麵，個湯超好味，唔會太辣之餘又有咖哩香味仲要兜麵好足料，淨係蝦到都3、4舊，可以一啖麵一啖餸食到最後惹味足料咖哩麵最後係古月招牌肉骨茶，呢個肉骨茶個湯可以無限添飲嘅～個湯底幾好味，佢係算比較清，白胡椒味突出d果類，我同男朋友一人飲左一碗d肉先正，非常淋，輕輕一咬都甩，仲要入晒味最得意係佢有個蒜頭，試左將d蒜頭夾落個排骨肉度一齊食，發現超夾！任飲唔嬲古月招牌肉骨茶呢間真係超抵食，仲要有多款食物，可以食多幾次都唔怕

招牌肉骨茶係新加坡口味，胡椒味濃，仲可以無限添飲，唔錯唔錯。古滑雞飯一般，雞肉略嫌實咗啲，同冇乜雞味，雞肉上面淋嘅雞汁就味道唔錯，類似天天海南雞個汁。整體來講性價比都幾高，下次嚟會想試佢嘅招牌辣椒板麵。

見今日係星期五 當然要食好西黎慰勞自己!揀左古月呢間米芝蓮餐廳同同事一齊試下行到過去已經1點幾 超多上班一族等位🙈我地5個本來以為都無咩機會等到就分頭係隔離餐廳sss等位(錦屏絕對係黃店一條街!💛)最後等左大約20分鐘有位🤭我地5個都試左唔同既主食! 😆古滑雞飯 ($50)同事形容古滑雞似係海南雞既甜豉油版 雞件肉質好嫩滑! 油飯唔係太油~~仲有豬耳做配菜!招牌辣椒板麵 ($50)食辣既人要一試! 鍾意食辣既同事話真係幾辣🌶另外仲有配碗有胡椒味既湯(但無肉骨茶咁重胡椒味) 仲有一粒魚蛋同埋一粒肉丸添 同事覺得粒魚蛋幾好食!食麵之前記得要撈勻啊 同事食到最尾發現碗底有幾多豬油渣係碗底!古月唐排肉骨茶 配米粉 ($80)呢個天氣食肉骨茶需要勇氣 但難得等到位 當然要試!肉骨茶超級重胡椒味 飲一大半就開始熱血沸騰💦我見好多食評都係揀左招牌 我就偏門d揀左唐排 啖啖肉 正啊!蒜頭已經煮到好冧好冧 怕口臭都要食幾舊啊! 😛椰香雞 ($60)雖然有個椰字 但係蒜味重過椰香 再配搭香茅等等既香料 味道幾豐富!雞係炸過的 香脆 同個sauce幾襯!仲有不在menu內的👇🏽頸青豬飯 ($68)頸應該係豬

每次去新加坡一定會幫襯松發肉骨茶，只愛佢個湯。估唔到喺香港小店都會食到高質素肉骨茶！甚至比新加坡更好食！我地兩人點了一份肉骨茶，一份古滑雞飯同炸雞翼。肉骨茶湯頭胡椒味重，令人一啖接一啖欲罷不能。湯可以免費添加！正！肉骨茶的肉排通常都會似煲湯肉....古月的肉骨茶令我好驚喜！佢d肉好滑好淋，比我喺新加坡吃過既都好！古滑雞飯都好有新加坡風味！特別係個醬令成件事更perfect!古月的價錢唔貴，性價比超高，唔怪得咁多人排隊！

呢間連續幾年都係米芝連推介，果然好食❗️古滑雞飯嘅雞冇骨，雞肉好滑好嫩，加埋鹹鹹甜甜嘅汁，較為濕身，醬汁同雞肉非常之夾，令到雞肉更好食，食到我食完仲想食多幾件呢種雞，可能係我食過最好食嘅海南雞飯。脆皮雞都超正，份量多，又滑又juicy。賣晒肉骨茶，我哋就叫咗用肉骨茶湯底嘅蝴蝶腩湯米粉，個湯好濃味，有啲似滷水陣味，蝴蝶腩有啲韌，都係雞出色啲。▫️🔸古滑雞飯 $60🔹蝴蝶腩湯米粉 $50🔸香酥脆皮雞 $35

估你吾到有驚喜！平價米芝連既咪豬連！叫左個期間限定「驚青豬飯」！即係咖哩豬頸肉飯，估吾到咁好食！其實幫襯到宜家都隔左一大段時間，個咖哩既味道吾太記得，大概係似馬拉既咖哩，辣得黎帶甜，但係會記得佢係好好食！食哂之後你會想加多個白飯果隻囉！豬頸肉完全吾係平時食果啲咁，佢似係薄薄叉燒咁，又係好好食！吾識講，自己黎試啦！真係好食架！蝦春卷又係吾同平時出面食果啲，脆！蝦大隻！貴左啲，吾係一定叫多碟🤣🤣加左個玉桂拉茶，好香玉桂味，茶香滑！