影片
更多
2020-06-03
5057 瀏覽
見今日係星期五 當然要食好西黎慰勞自己!揀左古月呢間米芝蓮餐廳同同事一齊試下行到過去已經1點幾 超多上班一族等位🙈我地5個本來以為都無咩機會等到就分頭係隔離餐廳sss等位(錦屏絕對係黃店一條街!💛)最後等左大約20分鐘有位🤭我地5個都試左唔同既主食! 😆古滑雞飯 ($50)同事形容古滑雞似係海南雞既甜豉油版 雞件肉質好嫩滑! 油飯唔係太油~~仲有豬耳做配菜!招牌辣椒板麵 ($50)食辣既人要一試! 鍾意食辣既同事話真係幾辣🌶另外仲有配碗有胡椒味既湯(但無肉骨茶咁重胡椒味) 仲有一粒魚蛋同埋一粒肉丸添 同事覺得粒魚蛋幾好食!食麵之前記得要撈勻啊 同事食到最尾發現碗底有幾多豬油渣係碗底!古月唐排肉骨茶 配米粉 ($80)呢個天氣食肉骨茶需要勇氣 但難得等到位 當然要試!肉骨茶超級重胡椒味 飲一大半就開始熱血沸騰💦我見好多食評都係揀左招牌 我就偏門d揀左唐排 啖啖肉 正啊!蒜頭已經煮到好冧好冧 怕口臭都要食幾舊啊! 😛椰香雞 ($60)雖然有個椰字 但係蒜味重過椰香 再配搭香茅等等既香料 味道幾豐富!雞係炸過的 香脆 同個sauce幾襯!仲有不在menu內的👇🏽頸青豬飯 ($68)頸應該係豬
見今日係星期五 當然要食好西黎慰勞自己!
揀左古月呢間米芝蓮餐廳同同事一齊試下
行到過去已經1點幾 超多上班一族等位🙈
我地5個本來以為都無咩機會等到
就分頭係隔離餐廳sss等位(錦屏絕對係黃店一條街!💛)
最後等左大約20分鐘有位🤭
我地5個都試左唔同既主食! 😆
古滑雞飯 ($50)
同事形容古滑雞似係海南雞既甜豉油版
雞件肉質好嫩滑! 油飯唔係太油~~
仲有豬耳做配菜!
招牌辣椒板麵 ($50)
食辣既人要一試! 鍾意食辣既同事話真係幾辣🌶
另外仲有配碗有胡椒味既湯(但無肉骨茶咁重胡椒味) 仲有一粒魚蛋同埋一粒肉丸添 同事覺得粒魚蛋幾好食!
食麵之前記得要撈勻啊
同事食到最尾發現碗底有幾多豬油渣係碗底!
古月唐排肉骨茶 配米粉 ($80)
呢個天氣食肉骨茶需要勇氣 但難得等到位 當然要試!肉骨茶超級重胡椒味 飲一大半就開始熱血沸騰💦
我見好多食評都係揀左招牌 我就偏門d揀左唐排 啖啖肉 正啊!蒜頭已經煮到好冧好冧 怕口臭都要食幾舊啊! 😛
椰香雞 ($60)
雖然有個椰字 但係蒜味重過椰香 再配搭香茅等等既香料 味道幾豐富!
雞係炸過的 香脆 同個sauce幾襯!
仲有不在menu內的👇🏽
頸青豬飯 ($68)
頸應該係豬頸肉 但比平時食到既更重油脂香! 而青咖喱sauce好香味道豐富 食到有蒜味、紅蔥頭味、椰漿味~~
加幾滴青檸落去成個sauce昇華 即刻清新左! 🌿
飲品方面 我地試左💁🏽♀️
冰糖羅漢果冬瓜龍眼水 (小: +$2)好多料啊! 覺得羅漢果味最出!
斑蘭馬來拉茶 (大: +$8)
同事們表示斑蘭味淡~~
欣賞呢度既大杯飲品會用米漿飲管
可以食用架! 但同事表示好似咬緊膠咁! 🤣
整體黎講
食物質素高 今次試既5款食物味道都唔錯😋
上菜又快👍🏽
仲未試米芝蓮推介既李先生咖喱🍛
下次再黎試先! ☺️
張貼
