古今

營業中

休息中

有個朋友成日介紹我一定要嚟食嘢，話包唔會失望，今日嚟開銅鑼灣買嘢，就醒起上嚟試吓！雖然樓上舖但客人都唔少，咁就覺得食物水準唔會差得去邊！坐低職員就講吓餐牌嘅食物，問吓的有咩係唔食，都幾細心同有耐性！“古今經典壽司盛”有油甘魚、拖羅、鯛魚、三文魚腩、劍魚腩、蟹膏、拖羅蓉、火焰立魚等各款壽司，加埋辣味吞拿魚卷，可以嘗試多種口味！“煙花”職員介紹呢款卷物，有辣味吞拿魚、辣味三文魚同脆片而成，食落口真係好似有放煙花嘅燦爛感覺“銀雪魚西京燒定食”個人非常喜歡食銀雪魚，鍾意佢夠滑，而燒嘅味道更加會令人食指大動！總結嚟講，好滿足同飽肚嘅一餐

銅鑼灣嘅澳門逸園中心全棟都係餐廳，真係搞到人花多眼亂呀！不過，我哋今日目標明確，因為A姐想食日本嘢，所以我哋二話不說就去古今啦！呢度有唔少和風選擇，特別鍾意佢嘅創意卷物，選擇夠多又有新意，真心推介古今俾大家。青龍卷、紅粉佳人我哋今日叫咗2款卷物，其中青龍卷上面鋪有牛油果，餡料就有芝士同蟹柳，將唔同嘅配料放埋一齊，口感真係非常豐富呀！另外，粉紅佳人就加入咗辣味吞拿魚、三文魚、蟹柳、牛油果，仲有大量三文魚籽，好有層次又新鮮呀！每件卷物都非常足料，又大大粒，但記住唔好分開嚟食呀，全件放晒落口，先至最滋味。雜錦天婦羅天婦羅有兩件蝦、冬菇、茄子同小蕃薯。天婦羅即叫即炸，炸粉唔厚，非常香口。三文魚炒飯三文魚炒飯炒得乾身，幾有鑊氣。炒飯嘅份量十足，仲有大量三文魚，非常惹味。

銅鑼灣抵食好食日本嘢👍🏼😬，秋葵蝦肉天婦羅，脆卡卡，口感似煎釀三寶日式版😆，唔太多油嘅，炸到金黃色。唔錯嘅特色小食。三文魚炒飯，(走蔥)，賣相精美程度達致Omakase 👍🏼，份量好多，性價比極高。整個炒飯都非常入味，粒粒三文魚碎有咬口，配上爽口洋蔥粒，呢個炒飯會推介。相撲力士，超級好食😋，別叫之選，首先用刺身喺面，有三文魚吞拿魚，入邊包住忌廉芝士配蟹柳，好正👍🏼，有驚喜😍，屬於一口壽司嘅卷物，總共有八小件。東京爆脆，呢個卷乜都好好味㗎，唔知點解係煮餐牌冇相片，見個名夠得意就試吓。果然真係幾好味😋，吞拿魚蟹柳加脆脆。吞拿魚同蟹柳呢都係軟綿綿，加咗一啲脆脆，小飯卷好有層次感。

本身我就好鍾意食卷物，所以想嚟呢間食卷物好耐啦！🤩.今次叫咗開「富士山」同埋「蜘蛛」兩份卷物😚😚「富士山」上面有好多蟹柳沙律，一上枱就幾吸睛🤩蟹柳堆下嘅卷物係鰻魚卷，卷物份量都幾多，有約八至十小卷，食得好滿足。「蜘蛛」其實即係炸軟殼蟹卷，一份有五個卷物。.另外叫咗個鰻魚炒飯，炒飯唔會好油膩，鰻魚份量適中，食落熱辣辣，整體都OK。仲食咗個甜嘅小食🤣燒年糕配北海道紅豆，雖然其實係一個小食，但其實我留番最尾當甜品食🙈.見到隔離枱食客叫咗五顏六色嘅卷物，好似都好吸引！

朋友介紹這間日本菜所以就來見識一下這店地方寬敞 而裝修都係有日式居酒屋擺設。這店以圈物為主，有很多唔同既款式同配料選擇。我地點了 金龍圈同富士山兩款都幾特別，只是富士山影相一流 但到食時就比較唔方便。味道尚何。豬肉荔枝圈 味道一般有荔枝味牛舌就燒得唔錯幾好食。讚海膽炒飯 賣相唔錯 但海膽有點苦味 扣少少分。玉子也是一般無驚喜，而上枱時有點凍。店員也很主動幫手加水，上菜都幾快。圈物其實都幾多選擇，都真係花多眼亂。

古今(銅鑼灣)朋友喜歡食日本卷物😚😚去銅鑼灣古今食🥰 好多特式卷物😋😋蜘蛛$93炸軟殼蟹，青瓜，牛油果，蟹柳大大份！賣相好吸引😋😋我最愛炸軟殼蟹，炸到好鬆脆，牛油果好新鮮，好正😆😆卷物名都好有創意，整完出黎都幾似蜘蛛🥰🥰超級龍捲風$93鰻魚，蝦，芝士，青瓜，脆片炸蝦同鰻魚好夾😚😚仲有我喜歡的芝士😆😆個醬汁好好味😆一定要試!日式叉燒炒飯$128大大碟💛💛入面仲有好多料😆😆日式叉燒+炒飯一齊食真係無得頂😋香菇雞肉串$32雞肉味濃❤️食得出係手工肉串😋香菇同雞肉配搭勁好食！！餐廳環境舒服❤️職員有禮，加左好多次茶🥰🥰地址：銅鑼灣軒尼詩道525號澳門逸園中心21樓整體評分：5/5味道：5/5環境：5/5抵食：4/5

位於銅鑼灣澳門逸園中心的「古今」，係一間主打日式卷物的居酒屋🏮店內裝修以木系為主，感覺乾淨舒適～餐牌上有多款日式卷物、刺身、串燒等等食物可供選擇另外值得一提嘅係店員服務態度都好好自家製玉子玉子蛋卷口感嫩滑，充滿蛋香，加埋蟹籽同蛋黃醬，更加滋味紅龍卷表層嘅吞拿魚滿有魚鮮味，裏面捲着炸蝦及芝士🧀香脆可口，味道同口感都好豐富呀富士山🗻堆到成座山咁嘅蟹柳絲，加左蟹籽同蛋黃醬一同拌勻，啖啖鮮蟹柳，微微辣。紫菜飯卷包住鰻魚同牛油果🥑，口感軟滑海膽帶子炒飯一大舊海膽喺表面，好新鮮，入口鮮甜美味！珍珠米飯加咗日本帶子、雞蛋及香蔥粒等等一齊炒香，好足料，頗有鑊氣，鮮味十足

🇭🇰 古今 𝕂𝕠𝕜𝕠𝕟 ℙ𝕣𝕖𝕞𝕚𝕦𝕞 @ ℂ𝕒𝕦𝕤𝕖𝕨𝕒𝕪 𝔹𝕒𝕪見到呢間餐廳嘅卷物咁有特色，一直bookmark住終於試到🤎前一日透過OpenRice訂位，好彩唔難book啫！🔸 中腹吞拿魚腩(𝟑件) 𝐓𝐨𝐫𝐨(𝟑 𝐏𝐜𝐬) $𝟏𝟒𝟖平時好少係呢類日式餐廳食刺身，但唔知咩情況驅使下order左😂中拖羅刺身比想像中好食，甚至高質過某啲高級日式餐廳！🔸 特級雞泡魚乾 𝐆𝐫𝐢𝐥𝐥𝐞𝐝 𝐃𝐫𝐲 𝐅𝐮𝐠𝐮 $𝟕𝟑🔸 黑豚肉蘆筍/荔枝卷 𝐊𝐮𝐫𝐨𝐛𝐮𝐭𝐚 𝐏𝐨𝐫𝐤 𝐚𝐧𝐝 𝐀𝐬𝐩𝐚𝐫𝐚𝐠𝐮𝐬/𝐋𝐲𝐜𝐡𝐞𝐞 $𝟑𝟐最近去過一間貴價串燒店，佢又係豚肉包住野菜水果，同呢一間完全係一大對比❗️呢一間價格相對適宜（平成$20），但豚肉夠厚圍咗2個圈，唔會斷下斷下咁！蘆荀燒得啱啱好，包着荔枝係估唔到咁夾😋🔸 辣妹 𝐒𝐩𝐢𝐜𝐲 𝐆𝐢𝐫𝐥 $𝟏𝟎𝟑༝ sᴘɪᴄʏ ᴛᴜɴᴀ, ᴛᴇᴍᴘᴜʀᴀ sʜʀɪᴍᴘ, ᴄʜᴇᴇsᴇ一碟有成8件卷物❕每舊卷物上面都鋪上滿滿嘅吞拿魚腩，仲有飛魚子同薯片碎，好足料又吸睛👀卷物包住左炸蝦同埋芝士🧀，好夾嘅組盒，兩個人share都覺得好飽肚。🔸 橫綱力士龍蝦卷 𝐘𝐨𝐤𝐨𝐳𝐮𝐦𝐚 𝐋𝐨

朋友熱烈推介呢間位於銅鑼灣嘅日式居酒屋🏮，餐廳主打五花八門嘅自創特色卷物，賣相精緻之餘味道亦相當唔錯！相撲力士 ($103) - 見到個賣相已經覺得好吸引，即時令人胃口大開！😍 卷物上面舖左一層刺身，特別嘅係一件卷物上面竟然有兩種刺身，而且刺身嘅顏色係悉心鋪排過，擺成類似成漸變色嘅效果，真係一件食得落肚嘅藝術品🥰！卷物裡面有芝士加蟹柳，上面再以明太子醬點綴。東京爆脆 ($93) - 賣相有啲似韓式飯卷，壽司卷用紫菜包住，裏面有火燒過嘅吞拿魚同蟹柳；咬落真係好脆！原來中間果層用左一層薄薄嘅天婦羅漿包住再成條落去炸，所以咬落去中間口感香脆。海膽帶子炒飯 ($198) - 米飯炒得有鑊氣而且好乾身，每粒米飯都平均佈滿日本醬油嘅香味同色澤。鮮帶子粒份量多而且鮮味。廚師亦毫不吝嗇地加左兩塊巨型海膽！另外一款小食秋葵蝦肉天婦羅 ($58) - 咁特別嘅天婦羅真係第一次食到，而且一食愛上。廚師將彈牙嘅蝦膠釀入秋葵裡面再炸，天婦羅漿非常薄唔會食落成口粉，非常有水準！

平日一直都好鐘意食日本菜，朋友推介話呢間餐廳既卷物好出色，一於就黎試下啦火焰金龍卷 ($103) 推獎👍卷物既面頭一大舊海膽，加埋三文魚的油脂，真係勁甘油勁香，但又唔會太膩醬汁好香，有D似照燒汁咁! 超級開胃~蜘蛛卷 ($93)名不虛傳真係蜘蛛咁既樣，軟殼蟹極濃鮮味，食落仲有D蟹膏!炸軟殼蟹好脆，紫菜都好脆，炸野都好講究架呢個相對唔會太多汁，因為本身炸軟殼蟹已經係主角~日式叉燒炒飯 ($128)我地真係勁鐘意食飯，所以再嗌左個炒飯佢份量真係勁多, 但係一D都唔濟, 炒得乾物又唔會太多油, 好正!叉燒唔會太肥, 加少少蛋白, 好健康鹿兒島豚肉荔枝卷串 ($64一串)新奇既match, 豚肉卷度夾左粒荔枝，即刻解膩，又帶到肉香大阪自家製炸雞 ($78) 推獎👍超好味既炸雞, 唔乾得黎又夠脆雞塊入面又嫩又滑，但唔會好油! 正!

放工搵食，成幢大廈都係食店，見到「古今」個名好熟，突然記起喺觀塘食過，都已經係幾年前嘅事，知道呢度係以卷物為招牌菜，就上去開餐啦~ 聽到隔離枱埋單，原來經 Openrice book枱有85折...琦玉網燒牛舌(5件) $78一送上枱已經聞到好香嘅網燒味，油脂充滿牛味，仲有少少爽口，好好味！彩虹卷 $114睇相覺得幾吸引，三文魚、吞拿魚剌身、牛油果、青瓜、蟹柳，擺盤有花心思！蜘蛛 $93個名幾得意，其實係炸軟殼蟹、青瓜、牛油果、蟹柳，炸軟殼蟹超脆！日式叉燒炒飯 $128

今日同朋友2人來食飯，建議大家預早訂座，我地等咗一陣好快就安排入座，店員十分有禮貌，見我地第一次來食都有作推介，我地叫咗一個主食，2個卷物同2份小食蟹膏帶子炒飯 $178米飯粒粒分明，帶子同蟹肉都比得好大方，調味不會死咸，食到海鮮粒既鮮味~份量亦相當足夠，2-3個人都綽綽有餘!火焰金龍卷 $103 (左)      富士山 $93 (右)上菜時排得相當有氣勢的卷物的確有震撼到我，火焰金龍卷內有三文魚, 炸蝦同芝士，頭尾包上炸蝦尾製作成一條龍，稍有火炙過的卷物相當惹味，入口即化，高度推介火炙類卷物!富士山則包含鰻魚和牛油果，再撒上大量蟹柳絲製成，鰻魚和牛油果稍作調味已相當好食，唔想食生嘢呢個係一個好選擇，食食下仲食到有脆片，口感層次相當豐富!自家製玉子 $52玉子蛋奶味香燶，配上蟹子更添口感!燒年糕拌北海道紅豆 $48呢個係店員推介我地叫的甜品小食，烘過的日本年糕充滿米香，口感軟糯，配上香甜紅豆更添風味!整體係一間食物選擇超多的居酒屋餐廳，加上良好服務態度，更加分!Menu太長好多野都想食，推介一大班人來可以叫多啲款式share!

粉紅佳人💰110外層粉色腐皮包著蟹柳吞拿魚紫菜卷，中間仲有牛油果中和味道🥑，上層是滿滿的切粒吞拿魚魚子，一口吃相當滿足，喜歡吞拿魚的朋友不可錯過的一款鰻魚炒飯💰176鰻魚的味道和煎蛋🍳的味道滲透到炒飯中，份量也相當多，鰻魚切粒的剛剛好烤魚頭🐟喜歡吃魚頭的朋友特別叫的這道料理，烤得剛好，外皮酥脆，內肉嫩滑🐟芝士炸年糕一定要趁熱吃，裡面的芝士還是流心出來的，外脆內軟完熟白桃梳打🍑淡淡甜的味道，也有淡桃子味🍑推薦！白葡萄梳打口感偏甜

一入到嚟呢間餐廳就覺得個環境好好，裝飾擺設好靚，側邊仲擺咗好多日本酒，好有日本餐廳氣氛！我地叫左午餐set 連湯第一個嚟到嘅古今經典壽司盛 $168拼盤有9種壽司個樣好靚🧡我自己就最中意辣味三文魚，食落就冇咩辣味嘅，不過三文魚紋路好靚好好食。拖羅蓉都值得一提！一入口個口感就係好軟，有一種入口即化嘅感覺，但又食到拖羅鮮味。蟹膏壽司味道比一般濃而各種嘅魚壽司都入口即溶牛肉壽喜燒配飯 $108湯底好濃郁，配飯食一流。入面嘅豆腐，牛肉，菜都已經入曬味，而個鍋入面都好足料，有啲粉絲舖底，唔使驚唔夠飽。「富士山」故名思義，真係成座山咁。壽司中間夾住鰻魚，上面舖咗滿滿嘅蟹肉，蟹肉仲夾雜住魚子同脆脆，食到唔同口感，蟹肉都好新鮮又多，分量都好足夠！總結：環境 服務態度都唔錯 食物有質素 會再幫襯👍🏻

今日同朋友去咗銅鑼灣嘅呢間居酒屋食晚飯傾吓計，食物選擇多，環境都幾舒服。我哋叫咗火焰金龍卷，卷物上面有燒三文魚腩，而中間就有炸蝦，有啲壽司店卷物入面嘅炸蝦係會好淋，不過呢個就仍然脆，燒三文魚腩嘅油脂加上炸蝦嘅口感，令人食得好滿足。之後有東京爆脆，中間嘅餡料係吞拿魚同埋蟹柳，壽司飯加咗飯素同埋蟹子，而中間嘅紫菜連餡料有先油炸，幾新穎嘅嘗試，的確爆脆。另外有自家製香菇雞肉丸串，兩粒大大粒嘅雞肉丸幾唔錯。外面係脆脆地嘅，而入面雞肉嘅口感仍然保留，加上同香菇好夾，呢個雞肉丸幾推介。之後仲有鰻魚炒飯，鰻魚炒飯就比較普通，除咗鰻魚粒仲有嗚門卷。