口麻天辣

營業中

休息中

唔知係唔係逢係女仔都對酸菜有特別既愛好，而且仲係粉紅控。呢一間Moto Mala 口麻天辣係深水埗新開既餐廳，裝修全粉紅色超少女心。女友一見就唔理好唔好食都會沖住去，呢一間餐廳集團仲有其他分佔係粉籃色的。如果你唔係粉紅控都仲有男仔頭啲既粉籃控，同樣有好靚既裝修格局！餐廳要讚既係佢個一人餐，只係100幾蚊就可以食到酸菜魚，仲要有兩款小食，飯同飲品。晚餐食好少少價錢相當抵！仲有得打卡岩哂女仔。我地就叫左三個一人餐，變左小食有好多款，多到食唔哂要主動同侍應cut。第一個叫小辣酸菜魚，唔夠食再叫一個加辣，可惜叫加辣都係唔夠辣。所以中意食辣既人要注意！天花頂酸菜魚 含白飯加兩款小食茶水 $138秘製口水雞 含白飯加兩款小食茶水 $118

今日同個朋友行街，見到一間幾特別既餐廳，全部粉紅色佈置，原來係食酸菜魚😋，地方唔算好大，不過環境不錯不錯。我同朋友叫左個天花頂酸菜魚，秘製口水雞套餐仲配左埋涼菜（蓮藕粒）餐前小食（鹽酥雞）雖然我哋叫咗小辣，夠辣，都幾夠味，幾好味😋魚肉好滑呀，重點無魚骨，我怕好多魚骨既人，雞肉份量都幾大份。我哋另外叫咗一個涼拌萵筍絲，醋香蘿蔔好爽口呀！最啱一路吹水一路食，又開胃🤤最後叫左兩杯手打檸檬茶，檸檬有啲似金橘味。我哋飽住個肚仔走。

近排粉紅色真係大熱！放工後順應依股熱潮，去到V Walk嘅MOTO MALA，全粉紅色嘅餐廳，好似一個可愛嘅粉紅盒子，主打麻辣川菜！川味水煮魚(特盛一人前) $138————————————依個餐真係超抵食，除咗主菜外，仲有是日小食、是日涼菜同白飯，而且主菜份量都係好大份。麻辣嘅香氣令人垂涎三尺，配上乾辣椒🌶️炸蒜等等令到香味更加昇華，仲有寬粉，非常滿足。是日涼菜係麻辣牛𦟌，非常開胃，小食就有炸雞翼。海鮮麻辣燙(清新藤椒湯) $88————————————又係超抵食，又大大盤！我點咗大蝦、嫩牛肉同埋巴掌肥牛，仲有萵荀片、金針菇、鮮豆皮，麵底就揀咗手打麵，藤椒帶出嘅麻味真係愈食愈過癮。彩虹冰粉 $38————————————食完麻辣，食返個冰粉清清味蕾，撈埋花生碎、紅豆、黑芝麻等等材料，豐富。

第一次去V walk 食野因為去參觀先途經這個商場今次剛好有同事想食辣野（其實我一般食得辣）我點左個少辣的的酸菜魚，朋友點左一個辣的水煮牛酸菜魚味道唔算太辣，但魚嘅份量超多比平日食多。個湯可以撈飯食而且酸菜都好好味。水煮牛我試過一塊，比酸菜魚辣得到，可能因為花椒份量教較多。牛嘅份量好多而且仲有薯粉做配料。因為太辣所以我同朋友都點左一個冰粉去解辣，食完冰粉即刻有一個透心涼嘅感覺而且個口會覺得仲係咁麻。而且仲有小食，但食物都較重口味，所以點一杯嘢飲會較好

最近VWalk 新開了一間川菜，原來是超有名的「姚姚酸菜魚」品牌開的，主打香港少有的一人前酸菜魚及麻辣湯套餐。一到餐廳，全店都是以粉紅色設計作主調，由裝修到餐碗餐具都是粉紅色的🌸立刻少女心爆發🌸💕餐廳是QR code下單，我們點了川味水煮魚和噴火水煮牛肉，一人前套餐包含小食、涼菜和白飯。首先店員會先上小食和涼菜，款式每天都不同。今天的是椒麻鳳爪和香炸脆奶，鳳爪麻辣味很足，麻辣中帶點甜味。香炸脆奶，炸粉薄薄一層，表面脆口內裡軟熟，甜甜的很清新，而且奶味很濃，很喜歡💕重頭劇開始來了，川味水煮魚及噴火水煮牛肉。光是擺盤就很吸引眼球了，金色的架子，底盤有蠟燭一直暖著主菜，店家很細心。川味水煮魚加了秘製辣椒油及紅油鋪面，顏色奪目，而且麻辣味很香。魚肉很結實，而且超級滑嫩！！紅油底下還有很Q彈的薯粉，薯粉很吸湯汁，愈吃愈過癮。噴火水煮牛肉，牛肉很新鮮，而且嫩滑有韌勁，沒有有雪藏味。一口牛肉夾住麻辣紅油湯，很刺激味蕾！！吃完麻辣盛宴之後，我們點了甜品中和一下。點了彩虹冰粉，當中有黑芝麻、花生碎等，甜品不過不失，份量也不少。飲品上，手打檸檬茶和紫米豆漿也不錯，特別是手打檸檬茶，味道上不像港式檸檬茶，加

由細細個開始已經係勁鍾意粉紅色💓成日經過呢間充滿少女心既粉紅店做完尖成身汗水頹樣都要去試下咩料🤭最重要既係想話比大家知真係勁大碟‼️天麻口辣豐盛晚餐（特盛一人前）（小食+涼菜+主菜+飯）✨小食同涼菜係指定冇得簡😌今日係雞腳 有大概3-4件一人前黎講份量係超級多雞腳好有味🥹另外既小食係糍粑 外脆內軟 炸到熱辣辣😎✨天花頂酸菜魚$138係圖所見都見到魚既份量真係海量級咁多架而且非常之多酸菜 魚質亦相當滑重點係啲魚無骨架 解決左好多麻煩湯底都非常不錯 用黎配飯一流👍🏾✨噴火水煮牛肉$128牛肉又係相當多同一啲都唔會鞋而家最底係有小小薯粉同辣湯配搭果然夠晒吸味😋✨香炸脆奶$28（2件）上台時熱辣辣 咬一啖鮮奶流出仲做到流心效果tim必須襯熱食😛✨黃金脆炸小酥肉$28有好多條 全部大大條好有肉感 食落都特別爽😄✨紫米豆漿$16紫米豆漿比較少見感覺上飲左都會健康啲🤣淡淡既紫米味唔會太誇健康又好飲🤭✨手打檸檬茶$33呢杯手打檸檬茶係招牌之一青檸再加上好似唔知係咪類似番石柳既配料成杯都有種好fresh 感覺

開左一段時間..經過見到幾多人食突然好想食酸菜魚..所以就來試下係自助order..叫左一人酸菜魚..包前菜&白飯酸菜魚來果時..未有跟白飯..要出聲問先上 男待應筆既白飯係凍既(5係暖)..似係新同事..唔熟架步原來有兩個飯煲..左邊係凍飯..右邊熱飯後尾問女待應..先換左熱飯不過佢啲態度真係麻麻..不敢恭維一句唔好意思都無..見對其他客人態度都麻麻明顯係個人問題..完全零魔術語希望貴公司對員工多做培訓否則再好食 都唔會有回頭客

麻辣燙不錯 配合人香港口味 味道適中 濃而不鹹叫了一個不太辣的湯底 寛粉軟軟的 很好吃 料也很足 牛肉非常嫩滑 可惜豚肉味道不太夠 而且湯底稍油了一點 其他都不錯👍🏻 吃了不口渴 期待下次再去發掘更多好吃的！

見南昌V Walk最近新開左一間粉紅色嘅舖頭，原來竟然係一間食川菜嘅餐廳，真係好吸引😙 我同朋友叫咗兩個午餐同埋點啊幾款小食同甜品，非常豐富好滿足😋-天花頂酸菜魚佢哋擺盤真係好靚，用鳥籠架裝住上菜，非常啱打卡。酸菜魚裏面嘅魚片同酸菜都好足料，麻麻酸酸好開胃，配白飯食真係停唔到口😌-噴火水煮牛肉牛肉好厚肉而且份量好多，好嫩滑新鮮，水煮牛肉裏面仲有薯粉條吸曬啲汁，材料非常豐富，味道好惹味，鐘意食辣嘅朋友必試👍🏻-香辣豬扒串串豬扒好厚肉但唔會鞋，燒得好香口惹味，鹹鹹辣辣仲帶點甜味，味道層次豐富。-黃金脆炸小酥肉食酸菜魚當然要配小酥肉啦～炸得好香口-彩虹冰粉冰粉上面材料好豐富，包括有紅豆、芝麻、酒槽、寒天粒等等，食落味道唔太甜，食完辣嘢食返碗清爽嘅冰粉真係好正～-紅糖糍粑好難得香港有糍粑食😌 炸得好香脆，但一啲都唔油膩，紅糖味道唔會太甜，每一份有兩條份量剛剛好。

自從上次去過Moto mala開張之後都一直想再返去再食！本身今日約咗朋友食飯，但係佢話唔食得啦，發現原來呢間嘢都有好多唔辣嘅食物可以選擇架冇諗過食辣嘢都可以叫一人餐$128真係好抵食 蕃茄魚令人喜出望外 冇諗過啲魚完全冇骨好滑 另外仲有大量粉絲 同埋蕃茄 食落去好開胃 加咗炸香左嘅蒜片下面仲有個火暖住係幾正嘅仲有好多小食都唔辣㗎其中包括炸鮮奶同埋炸雞翼啲雞翼又幾大隻 香烤得啱啱好似乎係氣炸鍋整出嚟 非常香口 $28有兩隻都算唔錯飲品方面 上次開張已經飲過佢哋嘅手打檸檬茶 用嘅係青檸新鮮打磨出嚟別有一番風味另外豆漿都有三款有紫米五穀同黑豆漿果然做到養生嘅效果甜品我就一定揀紅糖糍粑仲有冰粉涼粉 裏面有提子乾同小丸子等等 食落去口感好豐富 好清涼

【天花頂酸菜魚】⭐️⭐️⭐️整間餐廳以粉紅色佈置為主，少女心極重，這家也是姚姚酸菜魚旗下的副線品牌，主打一人酸菜魚及麻辣燙，價錢相對比較進取，一人酸菜魚餐超過$100以上。既然第一次嘗試，當然要試試他們的招牌天花頂酸菜魚。魚片口感滑溜，新鮮無腥味，酸菜份量亦非常多，辣到剛好，不過湯汁味道一般。隨餐附送雞腳一份，味道不算突出，套餐的份量叫做合理。偶爾經過的話，不妨可以一試，但要特地打卡的話，似乎未算值得。

南昌站樓上V Walk有酸菜魚食, $100鬆啲就食到大大碟酸菜魚+小食+涼菜+白飯🫰🏻鍾意食麻辣嘅深水埗南昌人又多個選擇喇🪭餐廳由姚姚酸菜魚管理, 成間餐廳粉紅色, 齋睇環境會以為呢度係食tea唔係食川菜🤭 空間唔算大但因為得十幾個位, 唔會坐到好迫, 佢甚至可以用上菜通道間開吧枱同四人位兩個area主角酸菜魚可以揀辣度, 小辣適合唔太食得辣嘅人. 鱸魚肉質鮮嫩無骨, 酸菜同蘿蔔開胃, 個藤椒湯底揀咗小辣可以飲多啖🫰🏻跟餐小食同涼菜日日唔同, 今日嘅麻辣藕丁同酥炸小酥肉都做得不錯記住嗌多杯即叫即做嘅手打檸檬茶解辣😂💛個人必食推介: 天花頂酸菜魚, 炸鮮奶返食指數: 🥑🥑🥑🥑 (5🥑滿分)#天花頂酸菜魚套餐 ($138)#香炸脆奶 ($28)#手打檸檬茶 ($33)#Motamala #口麻天辣 #麻辣燙 #酸菜魚

位於南昌站V Walk的口麻天辣Moto Mala 酸菜魚主打一人前酸菜魚及麻辣燙。不論是店舖裝修及餐具、甚至打包盒都以粉紅色為主！簡直少女心爆發！川味水煮魚 HKD138川味水煮魚的味道非常獨特，混合了酸味和辣味，味道可以選擇大中小的辣度，魚夠滑，味夠麻，湯夠香，味道十分豐富！噴火水煮牛肉 HKD128噴火水煮牛肉我們選擇了小辣，牛肉新鮮嫩滑！套餐包括是日小食、是日涼菜及白飯一碗，香麻濃郁的湯汁配上軟軟的白飯，讓你不停一口接一口地吃下去！香炸脆奶 HKD28甜甜的炸脆奶外脆內軟，我們吃過第一份後立即再追加了一份！推薦！手打檸檬茶 HKD33解渴又好喝！必點！南昌站的Moto mala酸菜魚是一間非常值得光顧的餐廳。它的味道獨特、配料豐富、份量足夠、價格實惠，性價比非常高，能夠為你帶來非常美妙的食物體驗。如果你在南昌地區逛街，一定不要錯過這間餐廳！

最近有朋友推介左呢間喺南昌站嘅川菜，裝修好特別係粉紅粉紅嘅，舖頭好的骰，有啲似日本餐廳嘅格局，嘢食都幾高質，食得舒服！🍴天花頂酸菜魚🐟一人份量不過都好大份，對得住呢個價錢，魚肉好鮮嫩，酸菜都好多，但係如果有啲薯粉就會更加好啦！每一個套餐都有一款涼菜，我哋仲有涼拌萵筍同埋涼拌蓮藕，兩款都好爽口！🍴噴火水煮牛肉🐂牛肉質素都唔差，唔會有雪藏味，有口感，薯粉煙靭，味道貼近香港人，唔會太過辣！🍴香炸脆奶🥛好香脆，唔會炸皮太厚，有牛奶香。🍴涼拌土豆絲一樣好爽口，開胃之餘唔會太過嗆辣🥔

鍾意食辣野的朋友，一定要介紹你嚟呢間Moto mala！ 自從第一次嚟食酸菜魚，覺得不錯，就不停嚟，把餐牌上的菜式都幾乎試過一次。我最常嗌的係口麻天辣豐盛晚餐，因為除了有一個主菜，也會有小食，涼菜和白飯！好抵食！天花頂酸菜魚一如以往，賣相已經吸引，魚片份量唔少，肉質嫩滑無骨，仲有好多酸菜，送飯一流！先前試了口水雞和水煮牛，都好好味，特別係口水雞，係我至愛的口水醬。如果唔食辣的朋友，可以揀蕃茄魚，都幾清新！兩款小食涼菜每次嚟都唔同，有時仲有機會有甜品，好有驚喜，我試過的涼菜土豆絲，藕丁，萵筍絲，都係高水準，少少辣好開胃。小食我推薦黃金脆炸小酥肉，鬆脆香口，食唔停。食完辣的主菜，不仿試下呢度的甜品，十分推介紅糖糍粑&香炸脆奶，超鬆脆，我會比十分滿分！飲品我首推介手打檸檬茶，係人手現場打的，食辣野配一杯清新檸檬茶真係好夾！呢度仲竟然有沙棘汁，維他命C含量是所有蔬菜水果類之冠，唔係度度有得飲，不仿試下。香濃麻辣燙唔洗一百蚊就有一碗巨人份量的麻辣燙，仲可以嗌6個菜，三個葷菜三個素菜，超抵食！推介鱸魚片&鮮豆皮！幾岩一個人嚟食，大滿足！下次要再嚟試下藤椒湯底！