友義氣‧酸菜魚（小炒打冷） (得寶商場)

營業中

休息中

黎到九龍灣食lunch，朋友介紹呢間好出名既酸菜魚，但今次食既係口水雞，原因係見到隔離枱既口水雞睇落好唔錯，一上到枱當然係好唔錯，今次配左紅薯粉，湯底有有許味精感覺，但唔口渴都合格的，口水雞份量算多，雞件都幾滑，啖啖肉，好足料，伴隨仲有唔少花生，好開胃，讚讚讚👍🏻👍🏻👍🏻

6月6日大仔仔原本預咗，在得寶台灣館食晚飯，提早為揾食肥華，慶祝父親節，是晚肥華一家大细合共四人，到達台灣館先知此食店已轉營為火煱館，没有小菜供應，肥華當機立斷，即時拉隊到呢間，友義氣小菜館食呢餐，早來的父親節晚飯，雖然係臨時易地而食，但此店食物卻為肥華一家帶來驚喜，鎮店名菜酸菜魚全家讚好，菜心炒牛肉食到三大牛魔王，耳仔郁郁，呢兩個都係值A++評分食品，而其餘嘅，沙拉骨，炸雞軟骨亦有B+質素，相比個啫啫雞及麻婆荳腐就令人失望，祇值C分，不過今餐係大仔仔同肥華慶祝父親節，食物嘅質素已係其次，重要嘅係佢對肥華嘅心意，總知一句講晒，呢餐係💯👍👍👍👍

/🐟友義氣。酸菜魚好抵嘅酸菜魚！佢有個二人set，超級抵食，三百頭有酸菜魚加兩個餸，睇落都唔錯。不過我哋想食其他餸就散嗌咗🤣✨酸菜魚 $188 (6.5/10)我哋叫咗小辣，一嚟勁大盤，本身以為無乜料係入面，但其實勁多勁多魚片，而且有金菇，寬粉，芽菜。而每片都無骨又滑又大塊😻唔係醃到好淋嗰啲嚟！湯底比較簡單單調，酸同辣唔太融合到，唔可以話係好好食嘅酸菜魚，但係係個可以過口癮嘅一個🫶🏻✨金沙蝦球 $125 (6.5/10)咩食物炸過都好食🤣 蝦本體應該係急凍嗰種，食到爽口嘅，都大大舊，炸粉未算好厚，都可以，不過就無乜金沙係上面啦，如果佢落翻多啲鹹蛋黃，就會好好多😗✨啫啫雞煲 $95 (6/10)雞件大部分都滑😌，而且有菇有豬肚。鑊氣就無乜，不過都幾重口味！-九龍灣無乜野食，係附近可以去試吓。都好多家庭咁去食😗-♡ May 2023-#yat2sik3_九龍灣#友義氣酸菜魚

同朋友過嚟食飯吹水。見有兩人套餐，都好低。叫咗個酸菜魚，口水雞，鮮果咕嚕肉。佢嘅招牌菜酸菜魚都真係算幾好食😋。魚肉够嫩滑冇骨，但欠缺魚味，如果魚味濃仲正。湯都好够味，同埋佢可以俾你揀辣度，叫咗中辣，酸辣適中，啱晒食辣嘅人。除了酸菜魚之外，餐廳嘅小炒都好出色。鮮果咕嚕肉，份量唔少，最正真係有新鮮波籮伴碟。咕嚕肉炸得啱啱好，裡面都好有肉汁，好嫩，個汁都好啱口味唔太酸，好有驚喜。呢個大推薦👍🏻👍🏻。至於口水雞就都係正常水平，但係好鐘意佢嘅花生好脆同埋唔油。餐廳的裝潢都算乾淨企理。餐廳的員工好好人，成個場都好忙，見我哋自拍，都話幫我哋影相。仲有要讚下呢間出菜好快，如果好肚餓去食都唔使怕等好耐。如果經過呢頭想試試酸菜魚，呢間會是一個非常好的選擇。我會幾推薦呢間餐廳，佢價錢合理，食物水準都算高。下次嚟一定要試下其小炒。

夜媽媽同朋友肚餓去得寶商場覓食呢間朋友推薦好好食，已經想試好耐！去到環境好似去咗茶記咁，不過都乾乾淨淨，坐低叫咗個2人餐，酸菜魚小辣，鮮果咕嚕肉同手撕雞涼拌😆酸菜魚一上好大盤，兩個人真係夠晒飽，魚肉好滑好嫩口，不過下次會叫中辣過癮啲，因為小辣唔係好食到辣味🤣咕嚕肉配菠蘿真係絕配，菠蘿甜甜地都幾開胃，加多配白飯一齊食，真係大滿足！手撕雞涼拌又係我最愛，芝麻醬加埋彈牙涼粉皮一齊食，好快就食嘥一碟。

有日太太話想食 酸菜魚於是就喺附近 搜尋一下 有冇好食嘅 酸菜魚睇到友義氣呢一間好似幾出名一於就去試一試去到夜晚7點半，等位等到八點左右入座周末夜晚食都幾爆下入咗差唔多每一檯都叫酸菜魚食叫左個 酸菜魚 二人餐頭盤先黎個 雞絲粉皮無乜特別， 雞絲有少少咸然後直接就嚟到今日嘅主菜 友義氣酸菜魚（小辣）分量好多 而且賣相都唔錯魚肉好滑 好新鮮 酸辣味都夠配料十足再嚟就係 欖菜炒四季豆呢個仲好食過酸菜魚好夠鑊氣 送飯一流呢個二人餐 好夠食好滿足 嘅一餐不過現場好多人 好熱鬧 唔係好適宜 靜靜傾下計嘅地方

🌶Lunch諗住求其一人一個飯但都係敵唔過酸菜魚魅力叫咗個一齊開心share🥰🐟酸菜魚 (小辣/中size)見到個樣都流口水 好吸引🤤酸酸辣辣開胃又過癮 小辣都已經夠殺魚肉鮮甜嫩滑無泥味 重要係無骨啖啖肉🤩湯底清甜唔油膩 味精唔重飲多都唔驚口渴真係。魚好吃湯更好喝。💯大大碟 配菜多好~足料金菇、萵筍、芽菜、酸菜、芫荽……香港少有正宗酸菜魚 必食👍🏻‼️(以上食評 只屬個人意見)

今日一行四人突然之間好想去友義氣吃酸菜魚，於是乎決定去九龍灣這間分店試吓！來這裡當然一定要叫老壇酸菜魚，鱸魚的魚肉很嫩滑，啖啖肉又無骨，酸菜、薯粉、大荳芽菜、萵筍、金菇等，份量足，魚肉不帶一點泥味或魚腥味，湯底泛起陣陣少麻少辣的滋味，一定要飲湯呀！撈飯好正嫁😄除了酸菜魚之外，避風塘茄子、鮮果咕嚕肉都係必叫菜式！由於佢哋推介抵食四人餐 $598，除了以上三款必食之選，還有鹵味併盤、鹽焗雞、濃湯鮮菌浸菜苗，另外還配上4碗飯！咁嘅份量點只4人（女孩），6人也ok啦！至於抵食嘅另一原因係冇加一，買單$598！

🍴四人餐(88折) $598 🍴老壇酸菜魚 (8/10)用咗鱸魚，魚肉超級嫩滑，辣度適中，份量勁多仲要好多配料！有金針菇，萵筍，酸菜，仲有薯粉，真心好抵食！🍴鹵水拼盤 (7/10)有豬耳，紅腸，豬腩肉，豬大腸，滷水豆腐，份量都幾多，滷水都好入味，唔錯！🍴避風塘茄子 (7.5/10)茄子炸得好香脆，茄子好香好腍，不過就比較油膩。🍴鮮果咕嚕肉 (8/10)咕嚕肉即叫即炸，外脆內嫩，肉質彈牙，味道酸酸甜甜啱啱好啊，既然有新鮮菠蘿添啊，真係加晒分，好食！🍴鹽焗走地雞 (8/10)真係雞有雞味，鹽焗得來唔會太鹹，幾香口，雞肉嫩滑，唔會太腍身，好食！🍴濃湯鮮菌浸菜苖 (7/10)菜苗比較清淡，幾爽口，都唔錯嘅！🍴珍寶檸檬茶 $22 (7/10)$22即係大杯又抵飲呀，其實真係可以兩個人share！推薦指數: 8/10計埋個價錢，五百幾蚊，真係夠五個人食，份量足又抵食，真係好唔錯！如果九龍灣想食小炒又坐得舒服都好推薦呢一間，有酸菜魚，有小炒又有滷水拼盤真係😆😆

朋友食過話呢間酸菜魚好食，有四間分店。所以今日特別為酸菜魚而來。成個招牌大大隻字，寫住酸菜魚，真係好有底氣。地方簡簡單單，茶餐廳格局。二人餐，$328 ，有三個餸。酸菜魚（中辣），魚片份量頗多，而且厚身，夠滑有鮮味。 中辣度，但感覺不是太辣，湯酸酸地有魚的鮮味。鮮果咕嚕肉，配有一份燒菠蘿，咕嚕肉外脆內嫩，熱辣辣，即叫即做，味道酸酸甜甜，非常好入口。口水雞，普普通通，唔算辣，香味唔夠。買單，$328 ，不需要加一服務費。6:00開始多人，大部份都係家庭客，酸菜魚都算不錯，價錢也相對便宜，下次可以試吓其他不同的菜式。

✿友義氣酸菜魚•世一✿呢間酸菜魚我真心覺得係全港最好食嘅一間加好抵食，全日免加一，除咗有酸菜魚之外，佢啲小炒同打冷都好有鑊氣，價錢好抵🙈首先個酸菜魚，魚湯好正宗，鹹淡適宜，我食個隻係小辣，啱平時鐘意食辣又唔食得太辣嘅人，重點係魚肉超滑😳，無骨，配上酸菜好refresh😆除咗酸菜魚，佢啲打冷同小炒都好出名，我試咗個啫啫蒜蓉芥蘭煲，超有穫氣同火候，同食大排檔差唔多嘅程度👍🏻當然唔少得每次都會黎飲佢個自家製老薑煲檸樂，薑夠多，夠辣，食完酸菜魚飲一啖好爽😆⭐️全日免加一⭐️回頭率超高，超抵食，我自己都變咗常客🤣🥰—————————享用食品總結:🐟老壇酸菜魚(標準)-用特選海鱸魚，魚肉超滑，魚湯麻辣鮮香，標準size兩個人食就好夠了😋🥬啫啫蒜蓉芥蘭煲-超夠穫氣，新鮮蒜蓉好香，配上鮮脆芥蘭，好完美🥤手拍有皮老薑煲檸樂-老薑好夠辣，加上檸檬可樂，酸酸甜甜，同酸菜魚一齊飲好爽—————————評分:💰性價比: 9/10👅味道: 8/10📷賣相: 7/10👩🏻‍🍳服務: 7/10💯總分: 31/40人均消費:$120—————————友義氣•酸菜魚📍 @youyiqi.suancaiyu 地址: 九龍灣牛頭

上次試過呢間‘’友義氣’’起淘大得寶商場食過酸菜魚，覺得好有水準。今次叫左個濃湯枝肉片竹浸菜苗配米線和嫩滑貴妃雞紅薯粉。貴妃雞真係好夠嫩滑，肉片好大塊，最欣賞係雞湯底夠晒濃旭，又唔會過鹹，平民價錢48蚊加飲品，高質食物，超值！

朋友話網上酸菜魚群組有人推介呢間嘅酸菜魚，咁就打算黎試試佢。星期一夜晚六點到餐廳，唔洗等位但都已經有幾枱客。環境就比起茶餐廳靚少少，小型中菜館嘅格局，但係冷氣就唔係好夠。兩個人黎之前已經諗好叫二人餐，$328有一個前菜小點、兩個主菜同兩個白飯。我地就揀咗口水雞、老壇酸菜魚同避風塘茄子。本身諗住加錢加紅薯粉落酸菜魚，但係侍應姐姐好好心，提我地個魚裏面已經有少少，再加會食唔晒，所以最後無加到。等咗一陣，先上冷盤口水雞，例牌每人有四五件，雞算滑，辣味都好夠，幾好食，送飯一流，仲有脆花生伴碟。👍🏻👍🏻跟住上重頭戲酸菜魚，裏面除咗魚同酸菜，配料有萵筍、金菇、薯粉同大豆芽。一黎緊係試試個湯，點知就換黎一個大失望。同朋友兩個人都覺得太酸同個酸味好似來自白醋咁，係食過個湯最差嘅酸菜魚。雖然個湯麻麻，但係魚就有驚喜，份量多而且好滑，值得一讚，只係食落覺得好似魚同湯係分開整，因為魚無乜酸味😂。其他配菜就不過不失，係浸湯浸到太酸😖。最後上埋個避風塘茄子，一上枱少少嚇親，因為個份量又係好多，不過最緊要個味道。食落係就係有少少油膩感，但係好脆身，亦都好夠「避風塘」，正！總括而言，三道菜食完一定會夠晒飽，味道都唔

#wetdodo_九龍灣 #wetdodo_銅鑼灣 #wetdodo_觀塘 #wetdodo_葵涌 呢間中菜館好似開得幾快～已經有幾間分店得寶呢間都坐得幾舒適 冷氣又夠咁啱又安排咗卡位幾闊落仲要全日免加一又冇茶芥果啲又唔會限坐幾耐 帶家人嚟食都諗得過🤭小菜幾出色又抵食🤪見佢除左小菜仲有打冷嘢～有機會再試🥴發現銅鑼灣新店喺openrice卜枱仲有7/8折———————————————————————🐟標準酸菜魚 $188😋：7.8/10酸菜魚嘅魚片份量真心多食極都仲有 同埋唔會喺食廚師刀功反而配粉份量唔太夠呢啲索汁item多啲就更開心配料有萵筍、寬粉、金菇等全部都索湯入晒味 湯底味道幾香濃但如果鐘意酸味就覺得唔夠食完唔會話好口渴 應該唔重味精辣度揀咗小辣 幾有麻香 其實都幾辣下 應該都接近坦仔小辣如果2個人食再加份配料已經夠晒飽🍆避風塘茄子 $78😋：7.5/10呢個一上枱真喺賣相一流📸開頭食落會覺得唔算油膩但呢道真喺要襯熱食一擺凍咗就會有油膩感炸皮好薄 茄子調味唔會太濃 啱啱好都幾惹味！🍍鮮果咕嚕肉 $88😋：8/10咕嚕肉應該呢到招牌之一都幾多人推介咕嚕肉炸皮好薄 而且幾香脆醬汁味道

最近先知得寶原來開左間酸菜魚，見到四人餐幾抵食就試試😮四人餐$498🚩鹵水拼盤🐷拼盤出奇地幾好食，有豬耳、大腸、紅腸、少少腩肉同幾條墨魚，鹵水唔算太咸，豬耳幾腍，唔會硬到咬到牙痛🐷🚩避風塘茄子🍆呢道菜平時都幾少見，一上枱果陣超熱辣辣，外脆內軟，炸粉薄身，茄子入口都唔算油膩，而且有少少辣，好香口，佐酒一流🍻🚩老壇酸菜魚 🐟 +15加配薯粉亮點係魚肉同薯粉🥰 失望係湯底🍲魚肉份量好多，肉質滑嫩，因為係用海鱸魚所以冇乜魚骨，啖啖肉，配料有金菇、萵荀、芽菜、薯粉，因為加左$15加配薯粉，所以夾極都有🤣食酸菜菜魚點可以冇薯粉，呢隻係寬身薯粉，好煙韌，好有咬口😋😋😋最可惜既係湯底竟然唔夠酸😳辣味麻香都夠既，唯獨是酸味不足，完全冇酸菜魚既感覺🥲🚩鹽焗走地雞🐥味道咸味適中，但肉質普普通通，雞胸部位韌韌地🚩濃湯鮮菌浸菜苗🥬正常發揮，菜苗變左白菜仔🤣