友義氣‧酸菜魚（小炒打冷） (得寶商場)

營業中

休息中

6點鐘去唔洗等位，上菜好快，仲要啲菜仲係熱辣辣，避風塘雞中翼好juicy，咬落去係勁入味；招牌酸菜魚係用海鱸魚，係超級滑同埋冇骨，湯底酸辣適中；黃金軟殼蟹，用咗好多鹹蛋黃去炸，上菜時超脆同熱，值得一推👍🏻

招牌菜 酸菜魚 價錢合理味道唔錯， 如果可以再辣啲就更好 ~ 份量足夠~ 另外黃金脆豆腐 味道超正! 仲有大大杯凍檸茶 只係22蚊 超級抵飲🤣,員工服務態度好， 會再幫襯，值得推介畀朋友!讚!

在銅鑼灣友義氣食酸菜魚，估唔到酸菜魚之外還有其他鑊氣小炒，還有好多麻辣系列，感覺都相當不錯！環境乾淨，店員姐姐好好服務好nice, 認真一讚！招牌酸菜魚小辣，酸辣小辣味道都幾到到位！湯底酸中帶微辣香，用了海鱸魚，質感札實肉又夠嫩滑，而且魚肉吸到酸辣香，幾吸引。芽菜，酸菜，金菇好配襯。細size都相當足料。冰鎮咕嚕肉，3甲既冰鎮咕嚕肉！真係高手在民間。微熱既咕嚕肉再帶冰鎮感。非常脆口，口感層次豐富，味道醬汁唔會太酸，味道剛剛好，就算過左黃金時間食，都依然非常脆口。實在太高水平，不得不讚。

九龍灣德寶商場都有好多新的餐廳或者小店，見到有間食酸菜魚好吸引! 聽講現場晚市要排隊，所以今次試咗酸菜魚同埋一味小菜的外賣，舖頭除咗有酸菜魚之外，亦都有大排檔小炒和潮州打冷，都幾多選擇！👍🏻食物 -老壇酸菜魚 $118 (標準Size)揀咗微辣，魚係鱸魚片，魚片份量偏多，每片都好大片，外賣湯底係分開上，但係咁樣反而冇湯浸住冇咁入味，啲魚片拎到返屋企有少少腥，但問題不大。湯底不是太酸，我覺得酸香再多一點會比較好，有少少芽菜、金菇、雲耳、萵筍、寬粉，味道合格，但沒有太大驚喜，不是太驚艷，味道普普通通咁啦！友義氣•黃金蝦 $118炸蝦比較乾身，食落係好香口，不過就有點兒過熟，比較適合配啤酒，就咁當小菜食就會覺得佢太乾，沒有想像中那麼好吃！食物：⭐️⭐️⭐️總結 - 食物質素OK，整體份量都算幾多，酸菜魚價錢實惠！不過冇比較就冇傷害！酸菜魚味道正常，唔算特別有驚喜！如果住附近用佢止一止酸菜魚的癮都還可以的。而且他們還有大排檔小炒同埋滷水，有機會都想試一試酸菜魚以外的菜式！

2022-08-08朋友升職請食飯😆我搵咗係得寶商場友義氣😎見好多人都介紹過依間餐廳🍴打咗電話訂位☺️平日晚市八點時段，已經要等位了🤪好彩有訂位，店員安排我哋坐二人位2️⃣建議早攞少少可能有卡位坐💺友義氣出哂名係酸菜魚🐟我哋就點了四樣嘢，酸菜魚（微辣），188蚊盤，厚切份量不少，肉質滑嫩，湯底濃郁但不膩，主角用咗鱸魚片，金茹，大豆芽菜等，薯粉是寛薯粉，有口感又煙靭，有埋傳統嘅川菜調味料如花椒，辣椒乾泡椒，加酸菜味道控制得好好，真係湯好好飲，值得一試😝沙拉骨，85蚊碟，大牌檔必點嘅小炒，沙拉骨酸甜開胃，以煎炸過的先將排骨酥炸至金黃色份量正常，唔算話好多，勝在味道不錯☺️椒鹽脆鮮魷，98蚊碟，真係即叫即炸，上到枱都仲出緊煙，外脆內軟，炸得非常香脆🧨福建炒飯，98蚊碟，福建炒飯炒飯底炒得粒粒分明又甘香，醬汁的稠度咸度啱啱好，好味道，份量係超多，真係食唔哂要打包😆😆整體環境坐位比較逼，二人枱好細張🤨服務店員好有禮貌，舉手會好快應你🙋‍♀️食物味道好食，份量好多😎會再幫襯試吓其他小炒同埋大檸可🥤#友義氣#酸菜魚#沙拉骨#椒鹽脆鮮魷#福建炒飯

______________________________近排火熱嘅酸菜魚，今次到我試啦😍夜晚7點好多人等位，多人嘅記得早啲黎等位🥹又或者用App拎左飛先又得⧐酸菜魚 🐟 酸菜魚好滑🥰無骨。份量夠3個人食~湯底夠酸！小辣已經都幾辣下😂辣得過隱。配菜本身已包金茹、萵筍，薯粉。欣賞個湯夠麻🤤超正！⧐咕嚕肉基本上每枱都有點🤫皮薄又入味，豬肉好淋身😳菠蘿仲要燒過，甜嘅😎⧐炒芥蘭芥蘭反而有啲老🤨不過炒得都入味⧐珍寶檸檬茶咁大杯都只係22蚊，扺到爆🤪

原本山長水遠去到德寶想食肥仔米線點知休息 就係得寶商場開始覓食見到有酸菜魚梗係入去止一止個米線癮啦🤣食酸菜魚，裝潢唔錯，見入面都有好多客人食緊川菜，就嚟試吓啦～🐟酸菜魚 （標準）魚肉份量很多，2個女仔食真係夠晒魚很滑～ 本身嫌個味唔夠入味我係問店員拎咗醋落去成個味道好食晒～感覺好好 有時食嘢就係差個少少調味😄我哋叫小辣嘅，我覺得係麻多過辣。如果我下次食我會揀中辣，見到人哋嗰碗係橙色嘅感覺上好似味道濃郁啲～🍤避風塘海蝦揸得幾新鮮，唔似千年油，但係略嫌避風塘風味冇進入到個炸蝦入邊，同埋海蝦嘅肉都比較少，同埋自己唔鍾意食有殻嘅蝦～荔枝梳打，草莓🍓乳酸好甜好難飲好似細個飲嗰啲假味🥲😂大家都係飲返可樂😏

鮮少人知嘅得寶商場，街坊街里先會途經嘅一個細細居民商場，喺上年revamp完後多咗唔少小店進駐，餐廳當中都不乏好多隱世平民美食！之前好多人介紹呢度嘅肥仔米線，確係高質。今次到有街坊推介呢間友義氣，睇舖面似係普通茶記小炒飯店，但招牌茶係個酸茶魚🐟！有分標準或加大兩個size，叫咗個標準但望落都似加大咁，魚肉好似食極都仲有，叫咗小辣對我呢啲食辣bb班嚟講剛剛好，最欣賞係個湯麻度十足！其實二人份量一個標準版都好夠飽，口痕叫多個小炒，正常發揮。提提大家，食完都有少少口渴，似終酸菜魚多少都係味精嘢，不過就未到好食鹹或者重口味到你會不停灌水，整體算可接受啦！

🐟酸菜魚上枱時，我哋「嘩❗」咗一聲！因為賣相真係好靚仔🧑🏻色彩繽紛🎨有齊辣椒嘅紅🌶菊花同魚湯嘅黃🏵酸菜、萵笋同蔥花芫荽嘅綠🥬再加上雪白嘅魚肉🐟淨睇樣都已經超級有胃口🤤除咗上面提過嘅食材，仲有大豆芽、金菇、薯粉🥔魚肉好足料🐟大大片，好嫰滑😋我哋叫咗微辣🌶（唔係澳門嗰個😅），所以主要辣味係喺自花椒嘅麻。下次想再試個唔辣嘅再試真啲個魚湯味。咕嚕肉最驚喜係個菠蘿🍍好似靚靚果盤切法咁分開上，菠蘿表面仲有輕輕燒過。個菠蘿勁甜🍹特飲$22大大杯，仲有爆珠，解辣一流。餐廳雪冰🧊時會先喺水中放一粒爆珠，令到有「冰中爆珠」😆環境都好靚，坐得好舒服全日免加一，好抵食🤑

難得同阿妹行街就梗係帶佢去食好嘢啦！👭今日就去咗九龍灣德寶商場度食好西🤙🏻🐟 酸菜魚 $188-標準條魚係鱸魚嚟嘅，條魚好滑好好食😋湯底食落去酸酸辣辣咁，我哋叫咗大辣，好爽！同埋佢入邊好多配菜有芽菜、酸菜、粉皮等等，2個人就咁食一個都已經夠飽！🍗 菠蘿咕嚕肉飯 $58咕嚕肉質地啱啱好，而且酸酸甜甜幾開胃🫰🏻送飯一流🍚佢個菠蘿仲要係燒菠蘿🍍勁好食！鍾意食酸甜咕嚕肉嘅你唔可以錯過💓🥃 珍寶凍檸茶 $22杯檸茶大過隻手掌✋🏻我哋兩個人飲都飲唔晒🙀🍑 水蜜桃乳酸 $22乳酸對去廁所好有幫助，要飲多啲先！👻 不過呢個略嫌有啲甜，如果少甜會更加好！總括而言 (5個💚係最高)好味指數 : 💚💚💚🤍🤍服務態度 : 💚💚💚🤍🤍環境打卡 : 💚💚🤍🤍🤍回頭指數 : 💚💚💚🤍🤍📍友義氣 （九龍灣）🏢九龍灣牛頭角道3號得寶商場1樓R2號舖🕗星期一至日 11:00 - 23:00

今日在九龍灣工作，lunch 覓食時發現「友義氣•酸菜魚」在得寶商場開咗分店，當然要去試吓啦😜 老壇酸菜魚（中辣），湯底濃郁但不膩👍🏻主角用咗鱸魚片，厚切份量不少！肉質滑嫩👍🏻配菜有切片萵筍，金茹，大豆芽菜等⋯⋯薯粉是寛薯粉，有口感又煙靭👍🏻再加多個黃金大蝦球，蝦球肉質鮮嫩，蛋黃味很出而不會太滯，不錯👍🏻大杯裝凍奶茶好大杯🙈$22 很抵🤣🤣茶味都香滑，不錯！芒果乳酸，甜度適中，不錯

喺屋企附近搵到呢間友義氣，見到觀塘都有不過揀咗去德寶，諗住喺附近行下街個人黎講唔食得太辣🫣但係又好鍾意食酸菜魚好彩佢哋有得揀麻辣level見佢哋酸菜魚都幾大份，另外order咗菠蘿咕嚕肉同埋兩杯嘢飲食住先。唔駛等好耐好有效率✨大大碟酸菜魚送到啦！好感動真係好正宗嘅酸菜魚！之前試過其他餐廳淨係得個辣味，遺忘咗酸味呢一個酸菜魚睇到個樣已經知道麻香好足有傳統嘅川菜調味料如花椒 辣椒乾 泡椒，加酸菜味道控制得好好🥹🥹同佢個盤一樣，真係湯更好喝⭐️⭐️⭐️同埋！！呢個水晶寬粉好想不停encore，我覺得比起配白飯，呢個水晶寬粉同酸菜魚係超級夾，索哂啲湯汁，好香好好食🤤🤤希望餐廳見到呢句，可以考慮俾客加配寬粉🤣鮮菠蘿咕嚕肉亦都好出色，新鮮菠蘿分開咗放喺側邊擺盤靚到爭啲遺忘咗食菠蘿🍍😛豬肉好林身，加上炸得剛剛好，係真正嘅外脆內軟⭐️成餐飯都係酸酸甜甜好開胃男人嗌咗杯大檸樂 嚟到我真係嘩咗一聲，超級大杯！大家可以對比下我杯芒果乳酸題外話：好欣賞啲餐廳每張枱都有紙巾❤️❤️另外喺門口見到原來有得THE GULU攞飛，下次可以帶兩老黎食！

朋友想食酸菜魚，所以就搵食酸菜魚嘅食店，最後選擇左呢間。其實呢間門店都好多客，訂左位都要等，佢啲坐位安排有啲混亂，但啲員工都算有禮貌同回應迅速。食物方面，全部都好好食，一行四人，本來朋友想叫4人餐，但我提議不如計下個餐散叫幾錢，再睇下我地想食嘅計下幾錢再決定。結果計完後發現散叫同餐只差11蚊，冇計飯，因為大家都唔係好食飯，所以最後散叫。點左4個餸加一小食，分別係標準版酸菜魚，咕魯肉，欖菜肉碎炒四季豆，黃金軟殼蟹，木耳。埋單505,冇加一。抵食。

朋友推介，即刻嚟試吓喺九龍灣得寶商場一樓，距離地鐵站5分鐘路程，都算方便首先朋友推介必食酸菜魚標準份量$188 已經夠兩個人食湯幾濃下，魚冇雪味應該係真．新鮮唯獨係加左$15薯粉，但就得幾條所以吾值得加，下次會選擇加飯避風塘炒茄子，脆卜卜，少少辣，好香口份量多，抵食咕嚕肉都好好味，酸中帶甜，外酥內嫩，香氣四溢，吾記得係$88定$98，唯一美中不足就係份量較少最後推介係勁大杯檸檬茶，我叫咗兩杯，一杯少甜一杯正常除非你抗拒飲甜，其餘建議叫正常少甜近乎走甜，正常就正常餐廳甜度大大杯，好似$22杯，抵飲

終於有番堂食！就趁母親節提早一星期book位食番餐一行7人，叫左好多樣餸，仲有兩杯特大檸茶！因為今次有老又嫩既關係，所以酸菜魚我地無叫到酸辣，因為想老人家同小朋友都食到❤️但職員真係好好，提番我地原來可以叫另上一個辣湯都得估唔到咁貼心呢個餸要大讚，啲湯超好味，魚舊舊都啖啖肉！仲要好大碟，絕對值得嗌！黃金鮮魷，真係即叫即炸，上到檯都仲出緊煙，好食沙拉骨- 呢碟餸係我心頭好，所以今次見到有得嗌就order左！味道岩岩好，size唔會太少塊四季豆 略嫌偏咸左啲滷水拼盤-份量都可以，腩肉有少少偏硬，同埋如果個底有埋豆付就更好魚香茄子煲 - 正常味道，不過不失計番6個大人1個小朋友，埋單食左$800幾蚊，都真係幾抵食