友利冰室 x 勿當奴 (D2 Place TWO) (已結業)

Bookmark左好耐嘅黃店💛餐廳周圍都係創作壁畫，裝修、餐牌設計、菜名都玩味十足，極具創意。座位亦算寬躺，價錢唔貴提供多種中西快餐美食。————————————-巨無罅 Big Gap 配薯條汽水 $48 惡搞著名快餐店嘅巨無霸漢堡，味道賣樣有九成似。不過食落有啲失望。最鍾意食巨無霸嘅青瓜，不過巨無罅個青瓜好細塊，酸味唔突出。醬汁千島醬太多，影響口感。漢堡扒偏油，D油多到流埋落個盒到…. 感覺油膩🥲唔係話難食嘅，但真心真係可以做好啲薯條味道正常，但份量相對偏少。—————————————我明白餐廳嘅理念係想大家唔食藍店都可以食返習慣嘅味道，亦欣賞餐廳嘅創意。不過餐廳最核心嘅價值係提供美味嘅食物。如果只係惡搞模仿，只會係噱頭。點解唔做好少少去超越佢呢。香港人，爭氣啊！歡迎去我IG Follow 我，有更多美食分享🥰IG : Eat_Ho_D

比較少來荔枝角既小編！今日有事要過嚟呢頭！突然之間想食炸雞翼！一諗就諗到呢間勿當奴！呢間勿當奴同麥當勞好大分別！經營模式已經係唔同！餐廳裝修嘅環境係好靚！坐得好舒適！野食質素方面比喺其他餐廳為高！進食前要小心！因為即叫即炸！隨手拎起食物有機會會辣親隻手！今次叫咗個炸雞翼，佢哋係用單骨雞翼，都算大隻，而且炸得幾脆！good!薯條份量適中，炸得都算脆口，如果可以加返少少鹽或者黑椒粉！咁就係完美！服務態度非常好，對客人熱情！了解客人需要！下次會再幫襯！

沙嗲牛肉好夠牛肉味，沒有鬆肉粉的味道，牛肉是一條條而不是一片片的，牛肉的份量不少。出前一丁稍為煮得淋咗少少。炒滑蛋都唔錯，還有蛋汁的，但可能是蛋嘅品種問題，不太夠蛋味。蒜蓉多士好脆身。樽裝凍奶茶也好味，像少甜般剛剛好。

"友利冰室 x 勿當奴" 位於 荔枝角-D2 place 2期 , 餐廳主打 fusion菜 , 菜式有水準又夠創意，而且份量足，價錢平，味道正，認真有料到！最重要喺餐廳的態度夠 💛「黃」, 且有文宣，同路人，坐得舒服，食得安心 , 絕對值得多多懲罰 ~焗芝士豆腐大啡菇 (配菠菜) : 既有創意又 fusion 的一道前菜 , 就是把豆腐饟入大啡菇 , 舖上芝士然後焗；食材配撘很健康 , 味道濃香又清新 , 口感亦豐富 ; 再配上鮮嫩菠菜和黑醋汁 , 好味到震 ~乳豬卡邦尼意粉 : 卡邦尼汁不是傳統的蛋漿那種 , 而是偏向美式的忌廉汁 , 汁底濃稠 , 夠 creamy, 味道扎實 , 意粉爽彈 , 加上皮脆肉嫩的乳豬 , 整體的味道配合得不錯 , 頗好吃的 ~一人威靈頓牛柳 (配蜜椒汁) : 個酥皮焗得扎實 , 中間的那一層菇菌醬十分香口 , 牛肉焗得生熟度是 medium (我比較喜歡 medium rare), 這火候都算不錯 , 牛肉的肉質軟綿且味道濃郁 , 配上味道香口且鹹中帶甜的蜜椒汁 , 很不錯吃 ; 以冰室的出品來說 , 肯定超班 ~本篇完 ~

一早已想到「友利冰室 x 勿當奴」試試，今天適逢到D2 place逛逛，便把握機會過來。彷照快餐店的餐牌，餐名就相當玩味。『豬柳強』就是來自網絡的潮語，視為豬柳蛋漢堡的別稱。非常欣賞豬柳強的麵包體，與本身快餐店的那個相比，「友利冰室 x 勿當奴」的出品更加鬆軟，有牛油香。配上豬柳的油香和煎蛋後無得輸。而炸雞塊同樣有一個粗俗抵死名字：『冚家雞』。雞塊惹味啖啖肉，感覺比快餐店吃到的juicy一點。另附有燒烤醬供蘸點。捨棄了跟餐的罐頭汽水，加$8要了特飲。伯爵茶入口帶著蘋果香氣，清新解渴。

性價比高嘅快餐， 喺收銀落單後有人送餐唔需要自己攞， 座位又闊又舒服，整體用餐體驗不錯叉燒煎蛋飯其實諗住呢個一般般，但我覺得性價比最高，因為叉燒又淋又入味，跟溜心煎蛋，perfect 👍♥️威靈頓牛扒👌😃係個酥皮焗得唔夠鬆化 ， 即使如此牛扒肉質鮮嫩， 而熟度亦剛剛好。乳豬意粉一見到乳豬脆卜卜嗰樣，忍唔住食咗先影相 好脆口而肥瘦肉肉質均勻， 又唔會太肥，讚唔記得叫咗椰子乜乜湯， 味道較淡口，一般般啦。 反而菊花茶幾好飲，唔太甜又解渴。 有機會試埋太子先🙂😋

今日行來荔枝角D2 place 睇戲，睇前仲有少少時間同老婆食個「快餐」。支持下黃店👍🏻👍🏻👍🏻餐廳名好風趣叫勿當奴🤣🤣🤣所以我地都叫左2樣麥當勞都有的魚柳包同豬柳蛋漢堡😎另外配左港式小食。兩個包味道同麥當勞味道真心好似🤣🤣🤣🤣不過個包輕微大DD，不過最正就係有港式支裝奶茶，仲有我老婆最愛的玻璃樽可樂👍🏻雖然味道未到好好食，但係都值得一試😂

終於有機會試呢間出名燒味同扮麥記嘅友利冰室星期六嚟排一陣隊好快就有位，有趣係好似快餐店咁先落單，野飲自助，然後坐低等靚仔送餐就得~~男友本身擔心叉燒煎蛋飯隻煎蛋🍳🍳唔係荷包蛋，點知一嚟到塊煎蛋煎到好靚，蛋黃仲識震震吓~ 而叉燒方面好淋身又有肉汁，而飯底個豉油真係好有燒味飯感覺，但唔會好似燒味飯咁得個幾滴豉油。我個乳豬🐷🐷卡邦尼意粉聽講好似唔係好夾，但其實夾到不得了。乳豬皮脆之餘，層肥夠厚又唔蘇，唔會有油膩感。意粉汁剛剛好，洋蔥同煙肉碎滿滿的，唯獨黑椒原粒磨碎比較大粒同都幾多，不過撈埋個乳豬醬甜甜地又好夾個意粉，好食~另外推介富士蘋果🍎伯爵茶，雖然係凍嘅，但係唔甜，有蘋果同茶嘅清香。不過唔好好似男友咁傻，原來奶茶係用機㩒出嚟，已經溝好晒，個傻佬又唔試味落多咗半包糖，甜死咗🤣

星期六中午12點左右，呢間人氣餐廳門口已經有幾個人排緊隊，好彩嘅係，唔需要等好耐，就輪到我叫嘢食。呢間餐廳喺行快餐店模式，喺門口落完Order 兼比錢之後，就拎住個號碼牌坐低，跟住就會有職員將食物送到你面前。鰻魚蛋包飯 ($68)呢個蛋包飯比我想像中份量仲要充足，嫩滑嘅蛋厚厚一層咁包住入面嘅飯，上面鋪咗紫菜絲同木魚絲，睇見都已經好開胃。食落口，外面嘅雞蛋好滑，中間嘅飯落咗鰻魚汁去炒，每啖飯都索哂鰻魚汁嘅甜味。最重要嘅係，個飯落足料，落咗好多鰻魚粒，基本上每食一啖飯都會食到鰻魚粒，仲要啲鰻魚粒係大大粒。$68一個足料好味嘅飯，無咩可以挑剔！下次再嚟荔枝角，一定會再Encore! 

一直都好想幫襯，但次次嚟到都好長龍，今日專登晏啲先去，結果直入仲可以坐卡位。唔使問，當然揀咗乳豬卡邦尼意粉（$68），另加飲品（$8）。飲品自助係飲品區拎，好耐冇飲支裝可樂（仲要係大支），就揀你啦（可惜唔夠凍）。坐底後約十分鐘，就有人送餐嚟。三大件乳豬，肥瘦適中，最重要係脆皮，而且仲有肉食，質素高（如果多啲更好，當然要加收費啦）；卡邦尼意粉對比就普通咗少少，味道及份量是OK的，但沒有太大特色。今次試咗中西mix，下次試burger。

出開荔枝角就順便試吓呢間菜式名非常特別嘅餐廳，餐廳嘅餐有部分同大家熟識嘅M字頭快餐好似，但名就好唔同，我都少有地睇晒成個餐牌。餐廳裝修似冰室，食物似快餐，於是乎我同朋友點咗兩個既熟悉(食物)又陌生(餐名)嘅餐：巨無罅同將軍噢堡餐，仲加配咗一份椒鹽燒賣同一份炸花枝丸巨無罅嘅味道係熟悉嘅味道(懂的就會懂)，至於個將軍噢堡，個人覺得一般，唔係熟悉嗰隻偏甜嘅醬汁，不過佢係用真豬扒唔係漢堡扒～ 兩份小食都比較乾身，但味道是不錯的😆薯條係粗身嗰種，我覺得餐廳係飲品方面都幾貼心，可以選擇一啲清熱飲品例如菊花茶，羅漢果水咁，仲要係樽裝～飲完冇咁熱氣又好似健康啲👍🏻

餐廳店名玩味甚重，餐廳外表像茶餐廳，餐牌看似一般茶餐廳菜式，價位也想當親民，但細看便發現全都是不同的fusion菜，重點是味道都不錯，值得一來再來。環境在D2 place商場內，是乾淨企理的茶餐廳格局，先付款點餐，然後由職員安排座位。四人二人桌整齊地排列著，最吸睛的是牆上的漫畫塗鴉，或帶諷刺或帶玩味。店名叫「勿當奴」，因此牆上也有"fusion"版的「勿當奴」卡通，甚具心思。食物點了個包兩杯飲品的二人餐，原本想試樽仔奶茶，可是太晚到，已售罄，只好試樽仔咖啡，味道平平，友人試的冰茶反而不錯。餐點了燒鴨胸牛肝菌意粉跟一人威靈頓牛柳配蜜椒汁。燒鴨胸牛肝菌意粉，意粉居然有點點al dente，乾爽卻不會硬到未熟，牛肝菌頗多，燒鴨胸不會過肥，最有趣是附上一包平時吃燒味的酸梅醬。一人威靈頓牛柳配蜜椒汁，有薯蓉跟蔬菜伴碟，威靈頓牛柳就是外面有酥皮，內裏是牛柳，在親民價餐廳本來沒什麼期望，但吃了口，酥皮不會過油，濕度剛好，牛柳不會過熟而太難咬，當然也沒有過生見血，恰到好處。

睇到個雪櫃回憶番曬黎。。小飛飛，滑嘟嘟，漢堡神偷呀。。。❤️唔係X記，今次黎呢間勿當奴食得好自在好味道😊雙層牛肉芝士漢堡，勁厚身，而且牛煎到保留肉汁，食落好香，唯一做得唔太好就係個樣比較衰啲🤣不過唔緊要，最緊要好食☺️薯條係用真薯仔😍椒鹽燒賣 比較失望一啲都唔夜未食我就算啦香噴噴既鷄，不過驚喜就冇咩KA喇脆香雞翼，好好食，好好食，好好食，重要嘢講三次，香脆，味濃，仲要有啲辣，兩個字“惹味”勁邪惡芝士牛肉飯， 就咁睇樣呀都知道佢重芝士， 可惜好似分咗上層同埋下層咁，上層好吸引嘅芝士牛肉好吸引，係好味係好邪惡，之不過下層既飯就好似同佢唔夾咁，好乾 自家製奶茶咖啡， 冇任何冰，原汁原味又夠濃香最緊要夠滑，好飲

帶阿囡去咗D2 place大樹先生嗰度玩完臨走諗住買晚飯，就去左友利買野食。見到有威靈頓牛柳賣咁得意所以就貪得意買一份外賣試吓。本身對佢係冇期望既，返到屋企就咁開黎食，食落d牛喺煮得啱啱好，有牛味又夠腍，個威靈頓皮都好好食，如果係堂食一定更好味。墊底既薯蓉都好食好香牛油。其他菜都係有調味既菜感覺幾足料。推介大家試試。

一點放飯，D2 Place 好多餐廳都要排隊，呢間都唔例外，不過等左十分鐘左右都好快有位。餐廳環境闊落，餐牌選擇亦好多。我今日掙扎喺叉燒煎蛋飯同乳豬卡邦尼意粉。最後揀左後者。等緊出餐之際，見附近好多人都食burger。噉burger應該有佢一定嘅吸引力。好快都有得食喇，意粉賣相唔錯，醬汁亦掛滿喺意粉上，乳豬都算肉厚，但如果脆皮啲同多一兩舊就更正喇😅😅。整體唔錯，下次會係叉燒煎蛋飯burger之爭。好快會再黎試。😋😋