叉燒大王

營業中

休息中

畢業後，相約了二位中學同學相聚，晚飯時間，就近方便，就選了叉燒大王這間餐廳吃晚飯，發現每一道菜都很好吃，高水準！我們每人各點了一道菜，其中一道當然是招牌的蜜汁叉燒王，而另外兩道是椒鹽雞軟骨和芝士焗魷魚。叉燒作為招牌菜，水準真的很高！叉燒不會太肥，也不會太乾，充滿肉汁，雖然有蜜糖，但又不會太甜。至於椒鹽雞軟骨，椒鹽這種做法本來就可以讓食物變得香口，而且雞軟骨大小適中。芝士焗魷魚的芝士味很香，但因為炸過，建議點了的話，一定要趁早吃，不然軟了就沒那麼好吃了。

平時經過都會聞到呢間餐廳傳出好香既味道～但可惜每次都食飽飯，而今日就決定同同事黎食佢想食好耐既叉燒飯，不過食完真係有小小失望⋯⋯話說我地嗌左一個常餐，一個就叫左雙拼飯～雙拼飯：叉雞飯叉燒是偏瘦的，感覺帶點干干的，沒有太多的汁醬。雞反而OK～是雞胸肉來的，配埋個薑容好食。其實整體個飯味道唔差，可能係因為我地平時經過都聞到好香叉燒味所以對佢期望太高喇……常餐: 番茄肉碎湯通粉配粟米炒蛋+ 奶油脆豬番茄湯通粉個湯底係羅宋湯，入面都幾足料，好大碗粉。粟米炒蛋就麻麻地，感覺上落左好多油去炒，所以食落去感覺就有d油膩。反而個奶油脆豬脆卜卜好好食

岩岩去完旅行番黎，加上今日天雨曚曚，近近地去食叉燒大王食番個香港地道野食醫思鄉之情！諗都唔洗諗叫左個燒鵝燒腩飯加熱奶茶（因為之前食過佢既叉燒，覺得太冧）。 俾左個鵝上脾我呀！好多肉又juicy,最緊要個皮仲係脆嫁，個燒腩仔又唔會太咸，加埋d黃芥辣同脆皮，真係想食多兩舊！唔知係咪太耐冇食，覺得唔係好滿足，多番兩舊就正啦🙈 （不個條菜就咩味都冇，欠缺誠意） 講下杯奶茶先，好夠茶香但又唔會澀，好正宗既港式奶茶😋雖然佢比出面既燒味貴，但真係好食好多，值得一試！

平時很少入沙田的我，今日老朋友特別想食這間叉燒大王， 因他說這裏的叉燒非常好，而餐廳是位於河畔花園， 雖然對我來說有點遠， 但慶幸今天是星期六， 明天不用上班，所以特別就就這位老朋友。一來到真是畀佢嚇了一跳， 餐廳門口居然大排長龍， 保守估計都有五六十個人在門口等， 所以有理由相信這裏的叉燒真是非常吸引。幾經辛苦等了半粒鐘有多， 由於非常肚餓的緣故， 所以不用多說，點了兩款佳餚食住先，分別是蜜汁叉燒皇和石鍋炒通菜， 跟手再來一個燉湯: 豬肺菜乾湯和雞汁煮釀豆腐， 三餸一湯兩個人食啱啱好。當店員放下這碟石鍋炒通菜， 我已被那股惹味吸引住 ，炒得非常之有鑊氣， 忍不住立即起筷。那熱騰騰嘅通菜放入口時，真是非常滿足， 味道非常惹味。蜜汁叉燒果然名不虛傳，密汁味道甜而不膩， 肉質非常之稔身， 簡直冇牙都可以食到。 而且叉燒是半肥瘦的， 口感鬆軟、味道一流 ，不其然點了兩碗白飯用叉燒餸飯，味道好正。這裏的雞汁釀豆腐更是非常特色，雞汁是杰撻撻的 ，把每一片豆腐都完全滲透入內， 加上盛放著豆腐的碟 ，底下還有火洪得熱辣辣的，食落非常滋味。最後燉湯更是不可錯過，很少在街裏飲到咁有質素的豬肺湯，湯嘅材料

今日去左叉燒好出名既叉燒大王到食午飯，聽人講好似幾好食，所以今日就到此一遊。叫左叉燒五寶飯包埋飲品 $ 55 蚊，五寶飯比我預期份量細碟左少少，因為見佢收得 55 蚊，以為份量都會大碟啲。叉燒的確整得幾好難怪咁出名，叉燒肥瘦適中，而且叉燒吸收矖啲蜜汁，食落口肉質嫩滑。無得頂，不過如果份量再大碟番少少就更好喇。

週末放假入沙田行一個圈，嚟到河畔花園這一地方，又估唔到有咁多好嘢食，尤其是今晚食這間叉燒大王，一早已經全場爆滿， 我們要等大概20分鐘才能入場。這裏真是非常熱鬧，裝修格局有點七分茶餐廳三分酒樓feel，雖然座位有點擠迫， 但為了食到好嘢，大家親密啲坐都不介意。打開餐牌，名副其實這裏的燒味是非常吸引， 尤其是必選的叉燒和頭抽雞, 加上這裏的特色豆腐即雞汁水鬼重和靚湯豬肺燉湯排， 豐富的一餐由此一刻開始。先嚟一碟叉燒， 幾乎每枱食客都點這味叉燒，可想而知味道幾吸引。 這碟特選蜜汁叉燒王非常之有名氣，不論電視台和雜誌都爭相報道，更得全城食家美味推介大獎。 未食之前， 單睇賣相已吸引至極， 蜜汁渗滿在叉燒內外，味道香甜而腻。 肉質更嫩滑鬆化，口感軟滑，比起之前在X記食的伊比利亞黑毛豬叉燒更好味, 就算遠道而來品嘗更是值得。至於頭抽雞更估不到味道出奇惹味， 肉質鮮嫩，加上雞皮較薄， 肥膏不多， 每一啖肉都嫩滑惹味。 據知這餐廳用的不是冰鮮雞，而是採用新鮮屠宰的本地雞， 所以特別有雞味， 食落油而不腻，口感非常滋味，值得一讚。而這裏的豆腐非常有名堂，一碟有8大舊， 芡汁由於底下還有火燒着， 將雞

朋友介紹去到沙田的「叉燒大王」，一心想去試出名的叉燒，當然叉燒必屬之選，再叫了幾款精美小菜。得知不只是叉燒是大王，估不到的小菜也是大王，值得推介。如果唔想咁辛苦煮飯，都可以隨時到這開餐，地方不大，但都幾乎日日晚飯時間都滿座。這區的街坊食燒味飯盒的佳之選擇。杞子蒸鱔$112，肉身夠結實挺身，食起來煙韌彈牙，非常新鮮的食材。而且比起豆豉蒜蓉蒸，有另外一種風味，杞子既清甜也有滋補作用，不妨試下新的食法。椒鹽棒棒骨$72，蒜蓉粒都包滿了成枝棒棒骨，揸住枝骨大啖大啖咬，肉汁爆曬出嚟 皮脆肉嫩夠哂惹味。餐牌上也有好多平靚正的精美小菜，可值得一試。

週末不太想下廚，一訪沙田河畔「叉燒大王」用晚膳。此處乃屬家常便飯，冇味精，低納低糖，健康達人首選。各款明爐燒味在席 叉燒大王-招牌菜-蜜汁叉燒，當之無愧。蜜汁叉燒其蜜汁味出且澎湃，令人垂涎欲滴。新鮮白菜加菜乾煲的豬肺湯，豬肺是好難處理的食物，將豬肺清洗得好乾淨，沒有雪豬的豬羶味，這個湯真是值得一試。 豬肺湯清甜亦能生津潤肺。炒通菜使用新鮮豬油渣，做叉燒的marginal beneifts，味道果然充滿豬油香。飯店還有新鮮海鮮類可提供叉燒大王出名一定是叉燒，但其他燒臘也值得一試。

難得去沙田工幹, 當然要搵當地的特色美食啦!搵到呢間, 叉燒大王, 個名好有氣勢, 而且仲好有人氣, 就呢間啦!柚子蜜, 青蘋果蜜: 柚子蜜不太夠料, 比較淡, 相反青蘋果蜜就太濃, 好甜呀, 而且叫了少冰, 也都蠻多冰。乳豬拼叉燒飯: 細心的配了乳豬醬, 乳豬皮燒到脆卜卜, 肉都非常的嫩, 只稍嫌肉層有點薄, 有點不夠喉的感覺。叉燒選了半肥瘦, 即使如此, 感覺它瘦較多一點, 稍嫌不夠油香不夠邪惡, 但肉是挺細嫩而且蜜汁幾入味的。 飯就稍嫌有點硬, 個人喜歡較軟的飯。燒鵝脾 拼 叉燒飯: 非常誘人的燒鵝脾, 皮薄薄的, 香脆, 滿有鵝油香, 肉鮮嫩多汁, 燒鵝和瀨粉是絕配, 而瀨粉的湯底味道剛好, 喝起來也不會覺得鹹。兩碟都份量十足, 肉量甚多, 食肉獸會很滿足。燒味真的好有水準, 難怪這麼多人光顧及外賣, 比起叉燒, 個人更喜歡燒鵝脾。

叉燒大王以為得叉燒出名，原來佢哋賣D醬料都好多捧場客，第一次嚟食晚飯，七點嚟到，等到七點半至入得，響等位期間見有位女士攞住四樽醬料去俾錢，我見佢買咁多，多口問句D醬好食嗎？位女士話好好好好食，講左四個好咁跨張，幾分鐘又買多兩樽，了解左有四種醬賣，有菜莆皇（有辣有唔辣）、辣椒油、重慶雞煲醬、麻辣油，我被位女士對D醬嘅雀躍，推動我買左樽麻辣油即試食，而配搭大多小炒都非常美味👍🏼講返D叉燒同小炒，真係唔錯，怪唔得咁多人排隊堂食或外賣，半肥瘦叉燒軟熟香甜；豬肺燉唐排，豬肺夠淋，啖湯滋潤；西蘭花炒帶子，帶子夠多又大隻，西蘭花炒得啱啱好，唔會太生亦唔會太過火；紅燒乳鴿，見好多枱都叫，唔執輸下叫左兩隻，炸得唔老，但無乜特別。

同阿媽入新界，家訪住係沙田既老姐同姐夫。夜晚屬無飯煮婦既老姐帶我地去佢住處附近，佢食過既既中式飯店開餐。7點已好多人門口等位，好彩姐夫6點幾先落樓拎飛，所以等左陣就入到去。餐牌好多選擇，每人揀左一味餸。蜜汁黑椒薯仔牛柳粒:$88牛柳粒份量都係幾多，牛柳幾嫩身，咬落去有嚼勁同牛肉汁，夠獲氣爆得好香薯粒油炸爆香過，外層夠晒香脆，裡面仲有點腍同粉，食到黑椒味之外仲有好濃既蜜糖味，襯埋薯粒食真係一絕！蜜糖薯仔甜脆，黑椒牛柳微辣，夠惹味，送飯一流 义燒必點:蜜汁叉燒好有香味，叉燒燒得好好，令我諗起食神阿家燕姐既名句:『好好味嘅义燒啊』义燒半肥瘦，夠滑，夠味。賣相肥美，燒得好香，肉質一D 都唔乾，保留到肉汁，肉質嫩滑帶咬勁肉嫩多汁港式風味既傳統义燒，配埋飯食邊飲住汽水食係very good match 話梅豬手$78豬手連骨帶肉呢部份皮厚含豐富膠質，夠晒養顏，係阿媽教既。呢道菜配以酸酸甜甜既話梅子肉炆豬手，皮和肉夠腍但仍保持嚼口，酸酸甜甜好醒胃。整豬手好多功夫，平時見阿媽煮南乳炆豬手都好花時間，但南乳炆汁就會比較杰身，加起豬皮的膠原，感覺有點膩口，屋企整炆豬手多重功夫煩，出街點豬手食慳水慳力同慳番

雖然沙田係香港早期發展的新市鎮，現在仍然保持著沙田應有嘅靜靜嘅生活環境，尤其是沙田河畔花園呢邊，遠離新城市廣場，這份感覺就更強烈了，所以今晚嚟左沙田河畔花園呢間中式餐廳食晚飯，book左七點，嚟到依然需要輪枱，好在等左大概二十分鐘就有枱入座，坐低之後當然要食番佢地嘅招牌菜一叉燒，仲要特別要求係要半肥瘦，因為之前係其他地方食過啲全瘦嘅叉燒，真喺唔係我杯茶，所以今次嘅然嚟到呢度，一定要食佢哋嘅招牌菜，仲要係半肥瘦叉燒，雖然唔知有無落到鬆肉粉，但出來效果是肉質半鬆半實，咸味適中，加上半肥瘦上枱同埋係仲有小小微暖，所以幾好食，呢間中式餐廳叫叉燒大王，呢味叉燒真係唔簡止可以幫佢省招牌，確實又可以做埋佢地生招牌嘅菜式。

近期天氣熱到不得了幾條男人老狗放工無理由去打邊爐咁鬼熱，咪搵間餐廳食小菜好過，就揀咗去叉燒大王聽個名就知多燒味食，就入去食晚飯。坐底諗都唔諗即叫咗幾款燒味先嚟個招牌叉燒，係半肥瘦架好耐無食過，再揀多個頭抽雞味道可以啦，燒鵝都好味，而紅燒乳鴿跟出面嘅有D唔同，依個乳鴿食落去有頭抽味外面又炸到脆同乾身，4條友除咗食肉都要飲個豬肺燉唐排，味道有少少咸但個豬肺同排骨都煲得好淋。食咗幾個肉都係要搵D蔬菜食吓…石窩炒芥蘭夠香因為有好多蔥同蒜最緊要有豬油渣所以超級野味叫多個蒸滑豆腐，面有個梅菜肉醉係面再配個豆腐，味道好夾豆腐又夠滑清清地攞嚟送飯一流。其實依間餐廳多圓枱跟朋友食飯傾計方便好多，啱灑同D同事或者跟屋企人食飯嘅地方。

今日係假期兩條友已經係屋企hea足全日，突然老公叫我唔好煮飯出街食拍吓拖喎咪出去行行，知佢平日鍾意食中菜咪去就吓佢，咪搵間有冷氣又坐得舒服嘅中菜館，去到叉燒大王見好多人等位應該味道唔差嘅，咪先攞張飛等位，我哋大約等咗半個鍾左右就可以入坐，好彩餐廳內冷氣都夠涼。個餐牌內面都有好多小菜揀，但兩個人又可以食得幾多，不過老公話人哋叫叉燒大王點都要叫份嚟試，所以就叫份例牌嘅叉燒，嚟到果然名不虛傳賣相都吸引味道都ok肉質夠鬆軟，仲有少少燶邊西蘭花炒帶子味道ok，個帶子仲係大大粒應該係日本M size嘅冰鮮帶子，再叫多個金腿鮮淮生蒸魚雲，個魚雲無腥味蒸得剛剛好，我第一次食蒸嘅淮生估唔到咁好食，首先蒸已經唔熱氣，配有蒸魚豉油個淮山食落去仲係爽口

今日黎到沙田圍呢邊開工，想食下燒味飯，所以就去左叉燒大王個度食。醒目既我已經一早係food gulu度攞定飛，因為去到既時候，見到人山人海，我就好彩唔駛點等位就入左去食。入到去裝飾簡約，都算坐得幾舒服。佢既menu係主打燒味飯，不過都會有炒粉麵飯，如果係學生既話，仲有得平添。另外佢都有下午茶同特餐提供。我自己就叫左燒鵝脾乳豬雙拼飯，餐飲就配左紅棗蜜 。個燒鵝脾乳豬飯，賣相唔錯，仲香噴噴添，未食已經令到我流哂口水，食指大動。 隻燒鵝脾好大隻，啖啖肉，肉質鮮嫩，一啲都唔韌，而且唔肥膩，無咩脂肪，啱晒我呢啲鍾意食燒味但又想食得健康既口味。 而個乳豬片個皮非常脆，半肥瘦，口感無得輸。佢另外都會附送酸梅醬同乳豬醬俾客人佐送。至於個紅棗蜜，個人覺得好清甜，味道唔錯。