又一店拉麵小籠飽 (已結業)

今日長週, 放工一個人去紅磡火車站對面國際都會做facial, lunch時間當然醫肚先, 無可無不可咁走入又一居, 打算求其食碗面..入到去唔多人, 諗好耐, 決定叫大路野排骨湯面, 免得希望越大失望越大...再叫多個生煎包排骨面到先,排骨另上, 係煎香少少, 不過可以接受, 碗面先係主角, 原來係手打拉面, 粗幼咬口都非常有水準, 忍唔住瞄下個造面師傅, 為碗面我下次都願意再黎.... 食完成碗面都飽, 生煎飽都未黎, 本來打算cancel, 但最後都黎, 好彩無cancel姐, 咬一啖就立刻原諒佢點解唔遲先上, size剛好兩啖放晒入口, 大大舊肉放係中間, 皮薄, 煎起熱騰騰, 加上中間d肉汁...咁飽情況我我仍然覺得美味,係我食過最好味生煎飽咁好味, 另我想起以前一個朋友, 佢最鐘意俍生煎飽...唔知佢會唔會試到呢間呢?

3個人去都會食飯, 都唔知個度有咩好食, 見呢間又一店成日買廣告, 又話好多明星去食, 一於去試試!!間店都好細下, 枱&枱之間好迫, 好在一早book左位, 有個卡位唔駛迫, 但係一坐落去就知個卡位唔掂, 因為好似滑梯咁會sir落去的, 同枱之間距離又遠, 唔得喎...........叫左個雞絲粉皮$38, 生煎飽$28四件, 酸辣麵$28, 雪菜肉絲炒年糕$38 紅油抄手$28, 紅油抄手個汁夠香辣, 但可惜個雲吞皮太淋, 大力少少夾就會爛, 味道不錯, 雞絲粉皮好淡, 個花生醬完全無加調味, 好淡, 雞絲好少又極幼, 粉皮就ok, 夠大塊又滑又淋, 可惜味不夠. 生煎飽都煎得唔錯喎, 肉唔多, 但皮脆內軟, 好味道, 不過食一個己經有d飽啦. 酸辣麵味道略淡, 可以濃味多點, 但係汁都夠多料都多, 見到師傅係度即拉的手拉麵, 麵質尚算彈牙, 但係唔好一流個隻囉, ok啦, 雪菜肉絲炒年糕個d雪菜雖多但係好淡, 但年糕就軟滑好味道, 如果個sauce做得好d就正啦!!!service極唔掂, 個d waiter叫極都無人理, 真係舉十次手先有人理半次咁大把........又無人fi

雜誌話好多明星去食,所以專登去試,叫左擔擔麵同蟹肉小籠包.喱度服務認真差,時為星期六下晝兩點到,成間野坐左十檯八檯客,但整個擔擔麵要成四個字,仲唔吹都唔跟!到食完個擔擔麵,蟹肉小籠包仲未尼,成半個鐘!追問之下,原來蟹肉小籠包一早賣晒,但冇人通知我,幾個侍應仲係大庭廣眾前互指不是,後尼轉做普通小籠包,前後加埋成八九個字.最攪笑係有個侍應問隔離檯個客D野食尼齊未,個客就話:"叫八樣野尼得四樣,你話齊未!".味道雖然幾好,但侍應o既質素認真差,而且廚房效率甚低,宜改善!!!

去左黃埔行下, 本來林住係火車站走了, 但見有食評話依間唔太差就走左上去試下, 可能係平日啦, 成個商場同其他食肆都好靜, 反而依間上海野較為多人, 個門口又貼左幾多明星相喎!! 今次兩個人去, 叫左大家都話幾好既小籠飽, 仲有排骨麵, 水煎飽同干燒明蝦$60/2隻, 可能真係平日啦, 個麵見師傅即拉出黎, 食落可以接受, 但D麵唔夠彈牙, 肉排就OK, 到小籠飽出埸喇, 又真係幾好食, 幾香幾多汁, 然後到干燒明蝦上檯, 林住係好大隻果d蝦, 但黎到後比想像中細得多, 不過味道OK, 可以一試, 最後黎埋水煎飽, 口感好軟, 都幾好但較為多油, 本來想叫埋香蕉拔絲做甜品, 但朋友唔太喜歡.....整體上唔差, 最緊要係抵食, 埋單$140!!!

知道這一家店口碑不俗，還有好多藝人會光顧。剛巧路過，即使要等位，坐加枱亦想一試。一行五人叫了一碟咕嚕肉、葱油雞、素鵝津白、、紅燒豆腐、上海粗炒、又一店炒飯及一客小籠包。小籠包真的好食，皮薄饀靚、每一隻包都包著湯，而湯不像其他食店般肥膩。葱油雞很香，粗炒麵很彈牙、咕嚕肉肥瘦適中、酦甜得宜。唯獨津白用油過多，而且炒燶少許，有點燶味。至於炒飯和豆腐便到一般水準。服務不俗，縱然食客眾多，招待反應亦算迅速而有禮。總的而言，很滿意了。云說多藝人光顧，鋪內亦章貼多張相片，而當晚果見到向海嵐、姜大偉夫婦及曹永廉喎！呵，果然非虛。

約左朋友在附近, 活動前先食lunch. 呢間鋪好耐之前已經聽講幾正, 而家響紅磡開分店, 梗要一試.羊肉湯拉麵—味道濃厚, 羊肉亦算有肉味, 麵條粗幼不一, 似是手拉, 可惜麵質太腍.小籠包—一上檯已急不及待夾來吃, 點知皮一夾就爛, 質地亦很”粉”, 反而擺耐些才夾起就不會穿.水煎包—自己認為這味比小籠包好, 肉汁豐富得黎被包子吸收晒.菜肉雲吞—同一般上海雲吞唔同, 皮好薄, 但味道唔算突出.又一店炒飯—材料無乜特別, 飯炒得粒粒分別, 但入口略為油膩, 味道亦偏鹹.拔絲香蕉—呢樣有驚喜, 真係做到皮脆, 薄番d仲正, 等耐少少都抵.服務方面都有禮, 但阿姐唔太醒, 擺晒水杯響度, 但見有人黎都唔曉主動斟水.

第一次去,打算食完可以開心睇演唱會,點知一肚氣!我並不打算講食物,因為食物好唔好真的因人而已,但在食物上我覺得真的不入流。我是著重服務態度的一)為著一群多人數的客,不惜要三組人轉位,有一組人還被要求轉兩次,他們見食物未到一氣之下走了。(二)多次在上菜時大聲和同事說話,還在我的食物上說的,真怕他的口水。(三)埋單埋了15 分鐘。(四)我行出門口途中,侍應撞到又唔講對唔住,其實係撞開我去門口近接新進來的客人,真係激死!

食品: 擔擔麵太淡口。雞絲粉片又無乜味。素餃搵笨。小籠包皮薄但淋, 手工唔掂。價錢:並不是一分錢一分貨囉, 貴。服務: 收銀小姐(應該係老闆之類)唔掂。

雞絲粉皮****** 麻香不太夠, 粉皮尚可算得上滑, 如帶多點韌會較好。巴蜀口水雞****** 吃不到辣的我也吃了兩件, 雞胸帶點韌但其他部份入口頗滑, 辣度足也蓋不住原雞味, 此雞不錯。四喜烤麩****** 這款相比下似乎較為平平無奇, 吃後也差點兒忘掉了的一味。小籠飽****** 用筷子夾起皮也不破, 但入口才覺皮質較腍, 肉香味不足, 但內藏豐富湯汁, 曾吃過最滿意的, 是在新加坡的鼎泰豐, 與它的出品相比似乎仍有一段距離。咕嚕肉****** 與格格的口味一致, 都是覺得過酸了, 皮又不脆, 這個只能取得外觀分數而已。奶油津白***** 帶有火腿溶的茨汁, 吃不出和奶油有什麼關係, 只覺津白不嫩口, 這個是買手選料問題, 如不合時或揀不到好材料, 倒不如在菜牌上刪了還好呢。蘭州擔擔麵和肉排湯麵****** 個人口感覺得麵質略過硬, 擔擔麵是辣而不香濃, 反而排骨炸得脆口又有五香味。拔絲蘋果****** 共吃了兩件, 頭一件皮層過厚又過硬, 但第二件吃時較好, 又帶有芝麻香味。當大家也吃飽時, 似乎沒人有結帳的意欲, 繼續閒聊著最近發生的趣事, 檯布也差點給咱們的

空中戰鬥完, 差唔多九點大家打到倦倦地又要擦返餐.近近地行去"都會" 試下呢間.行到去其實都幾靜, 只得數檯客.門口幾數張名人照, 可見新開張果陣幾多人黎.格局和一般上海菜館相約.搞左一輪, 點了:雞絲粉皮巴蜀口水雞四喜烤麩小籠飽咕嚕肉奶油津白蘭州擔擔麵肉排湯麵拔絲蘋果--------雞絲粉皮- 比翡翠好. 麻醬適中, 唔會過多仲多過的粉皮, 粉皮都算滑, 加埋的青瓜絲都幾好味.巴蜀口水雞- 麻同辣都做得幾好. 和囍宴的四川牛肉同樣吃後麻辣的味道才出來, 辣與不辣則見人見至, 我覺得都幾辣.四喜烤麩- 唔知點解叫四喜, 我見有麵根和荀. 麵根幾好味, 荀則一般.小籠包, 皮做得薄, 冇穿冇爛,一咬下去有不少汁液, 也不錯.咕嚕肉- 甜酸味可以, 但唔夠脆. 自從跟了"咕"姐食多次有甜酸味既(豬)肉, 也識少少分別到邊的得邊的唔得, 搞到我都吃到咀刁了... ...奶油津白- 有的失望. 奶味唔夠, 又冇乜金華火腿. 黃芽白可以再腍少少.蘭州擔擔麵- 有人失望唔夠香唔辣, 但我愛唔辣和花生碎.肉排湯麵- 基本少左花生碎和多左數件肉排, 肉排炸得唔算乾, 也吃得過.拔絲蘋果- 之前冇食過冇

又與皇阿姐及其愛徒大偉食飯吹水，唔想行咁遠，又方便大家散水，我決定試下呢間新開的又一店。這個場平時都好靜，我o地9點去到就更加靜。大家都肚餓，不知不覺點了9樣，可能冇咩人關係，上菜出奇地快。冷盤有雞絲粉皮-雞絲同麻醬兩者都唔夠，但大偉話比起翡翠的好。口水雞-全晚最出色的，最欣賞係個汁，真係夠麻又夠辣，而皇阿姐又讚雞肉唔錯，我亦有同感，雞肉幾，整體較囍宴甜藝的口水雞之上。四喜烤麩-唔夠入未，而烤麩過腍。麵點有擔擔麵-麵身唔錯，湯底唔夠濃，只得花生味，完全沒有麻辣感覺。排骨麵-塊豬排太好薄。小籠包我就冇食，而佢o地的評語就唔係太好。小菜有奶油津白-奶油淡而冇味，津白較老有渣。還有必點的咕嚕肉-汁方面酸味過濃，又太”杰”，肉方面炸得唔夠脆。皇阿姐還未滿足，最後還點了飯後甜品-拔絲蘋果，水還未隔清，故拔絲蘋果面係脆、底腍左少少，佢特別之處係加了芝麻一齊炸，所以比一般的多了一陣香味。阿姐覺得略同及各硬，我就尚可接受。邊食邊講，大家都忘了時間，差不多到人家打烊才捨得走。順帶一提，佢D待應幾醒目(可能冇客關係)，一見我唔小心整污件衫，侍應姐姐立即拎張濕紙巾俾我，所以我係服務方面俾5。