叁茶陸飯

營業中

休息中

雖然知係新開張預左要等，太over啦，184號飛 但叫到70 😵😵 未等到前，俾佢門口所賣既台式飲品所吸引左，諗住反正要等，飲住野飲等， 時間會好過好彩先試左佢門口所賣既 ‘招牌黑糖珍珠炭燒烏龍奶茶 ’ 🤫 茶無茶味··· 珍珠唔好話黑糖味 連珍珠甜味都無 正確係全杯野都無味😳😳 已經未計買個陣 叫咩無咩😪😪 見佢沖一杯都係咁騰梨騰去 ，所以兩杯野飲等15分鐘另一杯叫茉莉珍珠奶茶， 係幾香茉莉味 ， 但一樣係無味 明智決定 轉場 😎台灣餐廳連杯珍奶都沖唔好 🙄入面既野食會點.. 所以放棄食

我懷疑間野只賣當日既set。事關今日本來同老婆去試，叫左幾樣野，最後個甜品都係無到，追左幾次order班職員都來聽左就算，行埋一邊打牙教。最後叫埋單又等左好耐都無人黎。野食算ok都好，服務實在太差，去唔過。😡😡😡😡😡

兩人去食晚飯，味道还可以，份量不大，只是餸来到幾乎都是温熱的，打包時說外賣盒加收兩蚊，ok合理吖！奇怪冇袋俾我，埋單兩人400有找並不是便宜，居然說要袋也收两蚊……分開收咁叻？？？😂我們很想說大酒店都唔使#☆*………算……冇下次😁 其實真係食得幾谷氣㗎， 因為入座等咗好耐， 盲人先知原來漏咗單😣，人哋冇幫我哋落單

今晚再返黎晚餐🥣點左D上次冇叫既野食。上次黎仲系試業階段，好多野都未有。但今晚已經有番曬！黎呢度食最好就系可以叫埋我最鍾意既水果茶。今日仲試埋個pancake，芋圓同奶蓋茶! 佢地D份量幾大碟，同屋企人share 都夠。如果唔入去食都可以在外面買杯野飲，唔錯！佢哋D服務員幾nice又靚仔🤓最重要系佢地D定價唔貴。四個人都系300幾蚊埋單，泊車仲有免費三個鐘。希望可以繼續有呢D有heart 既餐廳出現！

牛肉麵好食呀，雖然牛肉唔夠淋，但勝在個湯夠香及小小辛辣，有驚喜，因為個香味係幾增加到食慾， 麵質係我喜歡既個種唔太硬唔太軟,剛好!!女友同我一條麵都冇剩，可能大家都好肚餓，哈 我地叫左個牛肉麵,滷水拼盤，白飯，雞盅湯（湯真係好一般）, 個滷水拼盤真係幾大碟下， 抵食及滷水程度算係入味, 個金錢都好食!! 盅湯就真係失望，天氣凍想叫黎飲,點知中伏，想飲湯既，去茶記啦XD,總括黎講不過不失! 裝修靚，餐具一般， 位同位之間太近。

約咗一個好耐無見嘅朋友食飯，想搵一間坐得舒服又無時間限制嘅餐廳。之前行過8咪半見有新台式餐廳開，即刻訂枱試吓先。餐廳環境光猛，服務生好有禮貌。因為第一次唻，服務生推介咗幾款嘢食同嘢飲俾我哋。食物唻得都幾快，而且賣相唔錯。香酥雞排係重點推介，雞肉又滑又juicy! 另外，芝士釀雞翼都好好味。雞翼size適中一碟4隻，每人食兩隻剛剛好~ 至於飲品，奶蓋芝士海鹽嘅茶都幾多選擇，我叫咗玄米煎茶。個奶蓋芝士味好香，下次都要encore! 甜品就叫咗一個芋圓share，成碗好足料，仲好好味tim! 其實menu仲有好多都想試，下次一定會再約朋友唻食! 聽講牛肉麵係好好食嘅，但因為湯底有限，所以已經賣哂。。。搵日放假下午茶唻食先~

中染新開的店，試下set lunch先：肉燥飯🍚-充滿咸蝦香，d汁撈飯一流又唔油，熱的高麗菜🥦+入哂味既鹵蛋🍳+冷盤蒜香雲耳+紅茶=$52三杯雞飯🐔-唔夠鑊氣，所以唔香又得微辣+ 熱的高麗菜🥦+入哂味既鹵蛋🍳+冷盤蒜香雲耳+ =$65 （隔離幾枱客既雞都唔熟要翻煮，好彩我係第二輪煮係熟既🙊）但份量有點少，食完得7分飽🙊

牛肉麵冇味，牛肉似膠察！湯都冇味！吃完想噁！聽到隔離的客人也是一直講有幾難吃，冇下次！感覺間野未ready! 又或者廚師臨時冇做！lunch 餐牌得6-8樣野，唔知點解會開店

今晚同女友行完宜家走左入黎呢間裝修幾靚既餐廳。女友話想試下佢地既台式飲品。為左俾佢可以影下相我又有得食既情況下就坐低左。我叫了個總廚紅燒牛肉面，花枝丸，女友點了個滷水拼盤。花枝丸不錯，唔係平價野。滷水拼盤份量幾足。主要是個牛肉麵！四個字！意外驚喜！個湯底好濃仲有D甜味，不是外面其他店的死咸同味精湯！面質好彈牙！堅正！本身對甜野一D興趣都冇既我飲左佢地杯奶蓋都覺得唔錯，比例正確，唔多冰，唔甜，清新！下次約朋友黎食！

飲品種類選擇多，以茶類飲品為主。一系列海鹽芝士奶蓋配上各種茗茶，絕對可以讓你過足口癮心癮台灣癮。芝士奶蓋玄米煎茶，炒米茶配上芝士香，值得一試。芝士味道沒有想像中濃烈，細問之下，原來老闆跟來自台灣的大廚覺得，過濃的芝士香會給邊吃邊喝的客人有膩的感覺，所以就調節成現在客人喝到的味道。食物種類也有很多台灣道地菜。三杯雞，炸雞排，炸花枝丸，都是香脆水準夠。最欣賞的兩味莫過於醬炒嫩豬肝與水煮牛肉！豬肝新鮮味甜，本人至愛！水煮牛辣味夠，牛肉也算新鮮。可惜最期待一嚐的牛肉麵，八時多便售罄⋯最驚喜的莫過於甜品列中，竟然有黑糖麻糬鬆餅這道每次到台灣必吃的美味！熱騰騰的鬆餅就是好吃！不用四處奔走，一個晚上便能把好茶好菜好甜全吞下，絕對能容得下新店開張所出現的不足，夠滿足了！最後舔完杯中剩下的芝士奶蓋，終於明白這店對味道的用心。

行過見到喱間舖頭啱啱新開張，開張花牌又好多。望下餐牌見到有芋圓甜品就滿心期待去試，事關荃灣無乜邊度有芋圓糖水食。揀左個紅豆紫米糖水加芋圓，買完飛話即刻整要等15分鐘，諗住質素唔會差得去邊。點知番到屋企一開就知中伏，一望就見到水稀稀，無乜渣。撈幾撈就見到紅豆既份量已經少，點知紫米仲少，再撈下原來芋圓得5-6粒。碗嘢都唔係平，要$33，而芋圓，紅豆，紫米本身又唔係一啲貴價食材，洗唔洗賺到咁盡。失望，無下次！！！

很久沒到荃灣，無意發現了這家新開的台灣餐廳，剛好是有點想吃台灣菜的心情，決定前往看看探過究竟。———中國染廠大廈這邊開了各式各樣的餐廳，晚飯時間人頭湧湧，這家叁茶陸飯也有不少人在門口取票等位。我們先取票再看看餐牌，是新開張或是人太多的關係，很多菜式都已經被刪去，看來已經賣光，於是決定就只到旁邊的外賣買杯茶喝喝就好。———『海鹽芝士奶蓋四季春茶 $28』點了這杯海鹽芝士奶蓋四季春茶，茶是挺好的，四季春的味道濃，絕對沒有偷減茶葉。可是海鹽芝士奶蓋，卻只有奶蓋味，完全沒有海鹽芝士的味道，因此建議大家還是喝茶比較好，奶蓋還是⋯⋯嘛嘛希望之後能有機會在餐廳裡嚐嚐店內的台灣菜呢。

星期六8點左右入去食晚飯，點知餐牌上面d野食好多都賣曬。叫左嗰肉燥飯，黎到發現d肉好肥，d汁好油膩，食左一半放棄左，米粉又係好乾而且無味，價錢都唔平。總括而言，不值一試。

放工後諗住去行下宜家，就去8咪半新開嗰間，咁就近係8咪半食個簡單晚飯先啦，見到依間台灣人野新開既， 個裝修都簡潔俐落，又唔係大連鎖店，就入去試下喇。依個時間都要等咗一陣先有位，帶位佢會俾張menu你, 上面係可以好似酒樓咁tick你要啲咩。但係唔知係咪新開張，帶好幾樣野都無得揀，包括最多人想叫既牛肉麵。我兩個人叫咗一個鹵肉飯，一個牛腩煲，一個鹽酥雞粒，一個蜂蜜麻薯窩夫，我仲叫咗杯珍珠奶茶添。鹵肉飯好快有，佢啲鹵肉係似腩肉切片再切粒咁，個汁同個味都ok, 要38蚊碗，我見枱枱都差唔多有叫，再黎就係牛腩煲，一見到就已經有啲失望，因為108蚊依個價錢會以為係大煲啲，點知係細細煲似一人份量咁，牛肉味道唔錯，應該係新鮮牛腩，牛味好夠，但就無入個湯味既，個腩汁似日式甜豉油湯，都濃味既。鹽穌雞就十分普通，佢有menu仲進介住，都幾失望，味道一般之餘，肉質粗鞋，無肉汁。最後係甜品窩夫，個味道係ok既，但相俾個價錢就太貴喇，要78蚊。餐飯我最滿意既就係佢杯珍珠奶茶，茶味香濃之餘又唔會大甜，珍珠細細粒易入口，俾出面連鎖店好飲。總結，依個價錢同質素唔成正比，唔扺食。

尋晩放工後去咗八咪半，見個商場新開，近來又有咁多新食店加入，決定今晚係依度晚餐，見到呢間sell台式餐廳，裝飾新簇簇，門面光猛，諗住應該都唔會太差，點知就出事啦。入到去，店員已經同我地講台灣牛肉麵同鹵水拼盤已經賣唒，吓，只不過係七點已經賣唒，係咪咁受歡迎呀，咁唯有挑選下其他。點咗台式鹵肉飯，正正常常咁啦，無咩特別驚喜。之後，再點咗個聲稱皇牌推介的＄108元「古法銀籮牛腩煲。上檯時，發現分量其實很細，賣相同味道又唔係特別出眾，有D物菲所值。另外，叫了二杯台式飲品，都係用烏龍茶作茶底，算是這餐最好味的東西了。最後，還點了一份黑糖蔴薯鬆餅，其實味道算不錯，不過無咩特別。結果，兩人埋單差不多400元，已經唔係價格貴定平，而係好似無食過野咁，唔係咁抵食。同埋，唔知係咪新開張，店員跟order超級甩漏，要三催四請，下次應該唔會再去了！