叁茶陸飯

營業中

休息中

同屋企人嚟呢度慶祝母親節，因為貪呢度唔會趁着母親節加價同埋唔使被迫食套餐😂台灣肉燥飯初頭好擔心係有豬肉粒果一種，因為叫得肉燥飯通常都會食到一粒粒豬肉嗰種口感！好彩呢間餐廳嘅肉燥飯係其實係同其他餐廳滷肉飯一樣，都係用扣肉再切成條狀！味道唔算有太大驚喜，不過勝在夠大碗！🤣台式牛肉麵嗰個湯底唔算太油膩，同埋唔辣，最抵讚！不過牛展就未夠軟，口感偏實！面嘅質地比較軟身😊香酥炸雞扒呢碟菜食最考廚師功力，廚師一啲都冇偷懶，雞扒嘅炸粉係調過味，而且雞扒入面都幾多汁👍👍

多次經過，被門面吸引，最後今晚一試晚餐。入內第一個吸引我嘅 — 牆上的霓虹燈寫着 「你今天好嗎」，感覺很親切。因為選擇嘅位置太大風，店員親切有禮地幫我們掉位。最後我們點了牛肉炒麵，鹹蛋黃炒涼瓜，台灣腸。首先講牛肉炒麵，牛肉爽口惹味，炒麵不太油，火候恰到好處，好味！至於鹹蛋黃炒涼瓜，十級好味，蛋黃與少少苦的涼瓜結合在一起，沒有違和感。台灣腸，雖然與台灣夜市的台灣腸不同，但仍很惹味，加上蒜片一齊食，正！小食，加菜，加炒麵，兩位女士啱啱好！本來想試佢哋嘅甜品，但因為太飽，打消了念頭，下次會想食佢嘅芋丸。

係中染大厦嘅台式餐廳，次次經過都有堆人係到等位。餐廳名好得意，原來除左可以買台式手搖飲品，入面都有得堂食台灣野，今次lunch就去試下啦。整體都幾好食，選擇都算多，會再回訪呢😋🔸香酥雞扒配白飯（HK$65）炸雞扒好大塊，同隻手差唔多咁巨型😆炸法係鹽酥味風格，就咁食都唔會得好單調嘅油益味。雞肉同炸粉比例都適中，食到炸皮嘅脆口感得嚟，都有雞肉嘅肉汁，就咁食完塊雞都飽飽地啦🤪🔸糖醋魚柳配白飯(HK$68)炸魚柳同樣都係好大塊，糖醋汁酸甜門胃，唔會太稀身。魚柳嘅肉質都嫩滑，唔似炸完放左好耐乾哂嘅質地，另外仲有幾塊菠蘿點綴fresh下個口感👍🏻🔸台灣肉燥乾拌麵(HK$58)肉燥份量幾多，唔係得汁，肉碎肉粒都足料😁食完啲麵仲有肉碎剩添啊，有半隻滷水蛋，唔算好入味，唔算太鹹都唔錯。如果覺得太掛就可以加$8配個鹽酥雞啦～🔸古早味新竹炒米粉(HK$68)諗唔到連炒米粉都有，入面有蛋、肉同蔥做配料。米粉係偏淋濕個種，不過整體食落都幾油膩呢🧐每個set都有2個小菜送，包括係花生同木耳添呢。🔸南投炭燒烏龍茶跟餐仲有得免費配2款台式飲品，今次就揀左呢款烏龍茶。凍飲好大杯呢，熱飲飲落好香茶味，平時對烏龍茶無感嘅我

午市套餐幾抵食，選擇好多，諗咗一陣先決定到食咩。試咗台式牛肉麵，個湯底都算唔錯，清清地，可惜冇得揀要辣。牛肉有成5大舊。特別要讚佢嘅麵質，粗得來又彈牙，唔會有好粉嘅感覺，幾好！配菜花生同青瓜嘅份量都幾多，而且配埋嘢飲，好充實！

我和朋友一致認為難食糖醋桂花魚、鹽酥雞辣子雞全難吃食物還不熱像保暖單/兩/三餸飯.....那種溫度甜品糖水也是、窩夫皆難吃超甜！！糖漿！！🤮連雪糕也難吃！！！

台灣風味適合大部分香港人的口味，叁茶陸飯在這區都有點名氣，在愉景新城找不到合適的餐廳，便行兩步過鄰近的中染新城，有更多選擇。今日想食湯麵，所以點了台式牛肉麵加杯特色台式奶茶。芋香紫薯奶茶~茶味比較淡，芋香比想像中少，杯內有三/四粒紫薯，以$28這個價錢是不是足料，我都唔知道？芝士奶蓋抹香茶~芝士豐厚濃郁，抹香茶夠香，$26應該係無敵。台式牛肉麵~上枱時已經見到賣相比較失色，牛肉硬和乾，肉質好實，牛肉湯非常淡味，不似預期。

食物有驚喜，三杯雞是台式，但我比較中式調味，新竹粉古法，從味吃個此烹調味道，有驚喜，小食 炸鹽酥雞肶菇，有咬口，rich...好味， 甜品有驚喜，因不是落 糖漿，是未稀釋 花蜜 類...抵讚，有下次芝士 綠茶奶蓋，一般...

好耐無食呢間，主要黎食tea 。之前tea set 有waffle，依家無左，唯巿單點。即叫即整，賣相同味道都一流👍🏻👍🏻食過好多次，今次烤左麻薯😢之前係差不多每啖都有，依家得返中間有......希望下次去食，會多返麻薯啦！之前兩個人share 再叫小食，今次三個人share ，再叫野飲都好滿足

咁岩行過呢邊見到呢間台式店就入黎食下，都要等左10分鐘左右，鋪都大都好多位咁佢有個lunch menu 既，因為我地都想飲特色飲品，所以個滷肉飯就散叫，咁計落會平啲滷肉飯$38 -滷肉既味道唔會太鹹配飯啱啱好👏🏻👏🏻肥瘦豬肉適中😋😋香酥雞扒lunch set $73-勁大塊雞排😍食落好外脆內滑，唔會炸到好油，好食👍🏻仲有3款前菜，味道一般海鹽芝士奶蓋抹香奶綠-叫左lunch set 改呢個飲品可以-8蚊，呢杯奶蓋奶綠，好好飲😍上面層芝士有少少鹹又好大陣芝士味，同綠茶一齊飲真係無得頂👏🏻👏🏻👍🏻珍珠奶茶-呢個就普通啲啦🤣

每次嚟到呢個商場，必定想要到這餐廳吃飯，已經忘記第幾次到來，但今次第一次寫食評給這間餐廳，出品方面需不是非常出色，但算不俗，但係甜品出色，飲品特別！經濟之選，環境舒適！

同事心血來潮想食台灣野，於是lunch hour去左中染新城搵食幫襯叁茶陸飯。入面環境光猛，地方寬躺，唔會坐得好迫，個牆好文青feel。叫左個台灣肉燥乾拌面（$63）同加錢（$8）叫左鹽酥雞。同場附有小菜青瓜同花生，仲有杯紅茶。燥肉味道正常唔會話太咸同太淡，啲肉燥都夠撈面，但面既份量唔算多，男仔就未必夠飽。份鹽酥雞好細份得幾粒，而且唔重鹽酥味，同埋粒雞有啲乾。總括而言，呢到性價比唔算高，食物又唔算出色，普普通通咁囉😂

非常慢，無乜人都等好耐。茶味唔濃，珍珠多，彈牙。依家有九折，第二杯半價。附近愉景新城應該會有更好選擇。建議可小冰，因為一開始已經淡，會愈來愈淡。下次會試下佢既台式小食。

唔好食，服務態度差，杯野飲同奶水無分別初頭見到門口好似正正路路，諗住好耐無食台灣就試下，自己禁左飛仔等陣就有位。咁入去前都有睇過個menu，都預咗係貴少少，不過好食咪得囉。野食黎賣相係ok嘅，但係食落去真係唔值呢個價錢。普普通通無所謂啦，又未到叫難食嘅，但杯奶茶同個門口姐姐先係刺激到我打呢片野嘅原動力。總之唔係話好難食嘅，但係係咪要比呢個價錢就留返比大家諗喇。p.s. 得個雞排叫似樣啲，個肉燥面個肉燥有骨嘅

平時我食芋圓喺有煙韌的口感甜甜的味道，但呢間店既芋圓竟然改變左我對芋圓的感覺，第一啖咬落去表面硬入邊就好粉，喺粉啊，如果我冇估錯喺應該未煮熟，因為熟左既芋圓應該吾會有呢種口感，又或者喺我吾識欣賞吾明白呢種口感喺美味？我自己咁諗完都覺得好笑，“美味”，仲有啲紅豆甜到呢，好似落左幾十斤糖去煲咁，不過呢啲店我估都喺用罐頭貨，可能佢地就咁直接開出黎用，但正常會過一過水等啲紅豆冇咁甜，早知去荃新天地鮮芋仙食，都喺行多幾分鐘就到

今日我同朋友在comebuytea同叁茶之間選買邊間飲品好,最後我地都喺選擇左叁茶買,因為見佢有200幾個讚咁一定冇衰啦,點知200幾個讚都保吾到佢地的飲品質素,首先我地由買完到拎足足等左20分鍾,我吾知佢喺做左堂食先定喺慢工出精品,你慢我吾怪你,反正我同我朋友都吾趕時間,但質素差就一定要怪你啦第一啲茶味:我果杯吾知喺冰多定喺茶少,我成杯野飲落喺冇味咖,你吾講我仲估我飲緊一杯冰水,而我朋友果杯啲茶味更勁,佢果杯喺苦咖,我果時就諗喺茶既問題定喺我地條利既問題定喺調茶果個問題呢?第二就喺我朋友果杯有奶蓋,但喺奶蓋飲左頭2啖之後再飲就飲吾到奶蓋了就只飲到苦茶,因為飲果時啲奶蓋稀到比啲茶升起左,第3啖開始就只飲到茶,而奶蓋就只得個睇字,正宗的有得睇冇得試