去滾 (裝修中)

朋友搵新工，係老銅番工。我地呢d新一派年輕人緊係搵足機會一齊食番餐好，今次就去左呢間火鍋鋪，就貪在佢有d新意得黎，又好似幾特別！其實而家打邊爐可以講話又多花款，要簡間好既其實都唔係易，而點解會簡呢間去滾，係因為睇到佢d裝修幾有趣，佢成間鋪頭係用古時候既青樓既概念，去包裝成個idea。勁好笑，佢有個標語寫住話：「女人唔緊，男人去滾」，就唔知道佢話唔緊到底係邊度啦＝。＝好，講番野食先。佢呢一個金錢展真係好好味，因為佢係非常之有肉味而且好冧🙆🏻超級有肉味。香港人就食牛多但係我覺得呢個都好好味！然之後個湯底簡直就係一個老火湯你就咁飲都好好飲更何況係打邊爐！今次真係好正！鐘意！

身為一個一年四季都鍾意打邊爐嘅「邊爐精」，今次就搵到呢間「去滾」發現質素相當唔錯👍🏻 環境非常乾淨，裝修又有特色！約朋友食飯一流～今次湯底揀咗 胡椒豬肚雞鍋！真係好正🤩🤩湯底好夠味胡椒味夠勁，就咁飲都好好飲～豬肚又煮得好腍好入味～再加埋啲雞入去淥！淨係湯底都有好多野食～猴王對金錢展牛肉非常新鮮，食落爽口！98蚊呢個價錢好抵，推薦～黑毛豬豚肉黑毛豬肉味真係特別濃～好食！8秒卜卜脆響鈴同個名一樣8秒真係岩岩好～好脆！加埋索咗啲湯汁～真係好正！鮮肉韭菜餃幾鍾意呢度啲韭菜餃，大大隻皮又夠薄～香蒜豉椒爆炒花甲另外推薦呢度嘅小菜，好夠鑊氣，超有驚喜！鮑魚海鮮湯泡飯最後仲叫咗個泡飯，簡直係神來之筆！為呢餐飯畫上一個完美嘅句號～海鮮湯底濃度啱啱好，料又好足，真係好多鮑魚！仲配埋脆米，口感一流！真係必叫之選🤩🤩🤩🤩🤩🤩🤩🤩🤩🤩

四位食一餐火鍋用左$2400只叫了一瓶竹庶水同一支細啤酒。竹庶水一瓶收$98 ， 貴～～ 牛肉四幾百蚊數埋都冇二十片試過一次都夠了，綽頭餐廳，一次夠哂西洋菜，韭菜餃不好食，細粒又冇肉味又少菜所謂花甲好似手指公咁大

食到一肚火，一間咁多好評既火鍋可以喺星期日都得幾枱客。叫左野食差唔多三個字就黎左牛肉拼盤，之後再等左九個字仲要催先有其他野上。野飲既價錢仲貴過海洋公園，牛肉嘅質素只屬一般，其他食物例如鴨血，餃同出面既平價火鍋店質素相差無異。本身鋪面已經唔係特別多客，但係都仍然冇服務可言，有店員經過見到鍋底唔夠湯都唔會主動加，最後想加單，店員話知道，最後不了了之。埋單$1700四個人仲要食唔飽，我真係好想知呢間火鍋店係點樣生存。

餐廳係佈置真係去滾咁😂仲會有條小圍裙比大家著住😇但呢間價錢偏貴 試下就好原個椰子雞湯（$268）呢個湯好好飲！會落成個椰子連埋啲肉 仲落半隻雞 湯好鮮甜 記住一開始飲多啲先 湯底仲好多竹笙 入哂味食好正😋大海無量 兩位用 （$298/每位）呢個餐有炸龍蝦丸、蔬菜、蝦、聖子（餐廳比漏左最後補返比我地）、花甲、貴妃蚌、象拔蚌等海鮮 我啱啱發現好似仲比漏左元貝我☹️☹️即日手切陀地靚肥牛（$238）肥瘦適中 好食😋😋

朋友安排飯局，一班人最適合就係去滾象拔蚌刺身，每一片厚薄一致，好刀功！花竹蝦刺身，新鮮好正！3斤阿拉斯加長腳蟹，好大隻啖啖肉好好食！花雕蛋白蒸花蟹配陳村粉，花雕蛋白夠香夠滑，好好食，拍得住大班樓水準！過橋脆米原條東星班，出色！終於到主角去滾打邊爐，湯底點了花膠雞煲翅湯，超級足料，一人飲番一碗先開始打邊爐，好正！至尊牛腩頭，見到啲雪花已經知道不得了，肥瘦均勻，牛肉味濃郁，好正！牛頸脊，冇得彈！飲飽食醉，超級滿足！餐廳裝修摩登鬼馬，服務員殷勤有禮貌，食材新鮮頂級，一間非常用心嘅頂級火鍋店，非常滿足嘅一餐！最正間房仲可以唱K，好屈機！食完已經即刻book定下一次聚會！

銅鑼灣搵到一個很好的地方，環境規模裝修特別風格時尚，口語化標語特別，打卡地點一流，大廳景點可以不停影相，職員服務態度很好，落單一叫就到，一大班人舒適聚會地點沒有時間限制，亦有VIP房間，食物質量很好，非常新鮮，每碟食物都很充足夠大的份量，牛肉新鮮很多款式選擇（很多部位揀選）、羊肉、豬肉、響鈴、生根、蟹柳、肉丸、金菇、蔬菜、充滿期待口碑好，空間滿足不會貼太近枱與枱之間，所以大聲說話亦都沒有影響別人，有啤酒、小食前菜特別很多款式選擇。

補返個食評... 幾個月前同D friend gathering.. 果時冇咁嚴格嘅限聚令😢呢間餐廳, 其實只係一間火鍋店, 講真冇乜特別, 但一班無聊同癲癲哋朋友嚟, 又係幾開心.... 完全因為兩樣嘢: 1) 攪笑嘅裝修, 環境同菜單 (例如: 著住肚兜打邊爐, 生日可以叫小煙花, 又有D勁懷舊金曲, D菜名好無聊 - 西洋菜豬肉餃 叫做唔知乜鬼嘢鬼妹攪) 2) 新鮮嘅食材, 感覺好健康, 又好食... 價錢有D貴, 所以要睇吓自己班friend 受唔受囉.... 我哋就覺得幾好, 枱枱都嘈到癲, 我哋咁嘈都冇人理我哋, 好relaxed 🤣🤣🤣

禁晚市堂食前最後一次火鍋呢間CWB好有人氣既去滾主打新鮮海鮮同高級肉類秋天仲有蟹食添,以兩計價呢隻可以以SET計或單點碟計一般份量兩位或四位起會有酥炸龍蝦配唔同既海鮮或肉類今日食左呢款係冬陰功湯底辣勁好強,一入口就食到辣到攻鼻既香氣再黎就係舌上發熱,真正係辣上加辣好快就成身暖和起來湯底入面本身已經有相當豐富食材先讓食材滾起,等味道更出味本身好辣既湯底,同番茄溶合後,變得柔和唔會再蓋過食物既鮮味係等食材既同時,先出去醬油區自調一款醬汁先返黎食左個小吃先上左雲吞,蟹棒同海鮮盤活蝦,蜆,蠔,貝,本身火鍋湯底入面已經有幾隻蝦可以先食左湯底既食材先,再慢慢落海鮮煮貝肉厚彈牙十分鮮味蠔肥肉嫩,海蝦爽甜,辣既湯底真係好夾海鮮最後食埋蔬菜盤就同飲埋杯雪梨特飲就埋單 去滾 A Smoking Affair 金朝陽中心2期Midtown27樓

If you are looking for the perfect spot to get cosy for this chilly season, look no further. The name of this hotpot restaurant literally means “to get boiling (and steamy)”... which also happens to be a pun of the popular local Cantonese slang that means “to cheat on your partner”... hahaaha (Don’t ask me why... it is what it is... so this could be the only place where u could “cheat” legitly without actually crossing the line... if you PUN-derstand what I mean...) Before going onto the food, f

天氣開始凍最想就係打邊爐，今次黎到哩間裝修玩味十足既火鍋店，店名仲叫「去滾」，搞笑。環境大，空間闊落。菜式名都好鬼馬。哩度醬料$27/位，我地叫左二人套餐，$988。南北杏天津雪梨水羅漢果茶冬天滋潤熱飲，飲完個身都暖晒。安格斯手切肥牛雪花紋同顏色都好新鮮，擺碟都靚呀，打邊爐點都要叫肥牛，而且靚既牛都好重要，貴精不貴多。擺落蕃茄湯鍋淥一淥，醬汁都唔需要，鮮嫩，正！手打墨魚丸、手剝牛肉餃新鮮手製，牛肉餃好爽口，個名仲叫火雞姐搞唔餃，搞笑！墨丸係我最中意既丸物，爽口有墨魚粒粒，好味。聖子皇大大隻呀，正，聖子落鍋要留心，唔洗太耐，咁就會鮮嫩而好味。雜菌拼盤菇菌好味，最掛湯，吸晒蕃茄湯底超正。

近幾日天氣凍咗，緊係要去打邊爐。今日去咗《去滾》打邊爐。去滾解風流快活、鬼混的意思。餐廳用了食字，入面的設計用了港式懷舊風為主題。一出電梯見到一個霓虹燈寫上：唔滾唔知身體好，就知自己冇黎錯。一入餐廳見到頭頂一個四方形的霓虹燈，寫上女人唔狠，男人去滾，十分貼合主題。後面亦有一片霓虹燈牆。Menu設計特別醬料 $27/位醬料枱有多種配料可以配搭，攞的時候記得戴返口罩。蕃茄豬骨薯仔湯 $138落咗大量蕃茄、薯仔和粟米，淥到最後可以食埋。安格斯肥牛 $198安格斯肥牛油花分布均勻，牛肉味濃。火雞姐搞唔餃 手剁牛肉餃手打墨魚丸牛肉餃和墨魚丸都是一口分量，十分適合女仔打卡。長生不老雜菌拼盤 $88拼盤可以從六種菇類中選擇三種：秀珍菇、金針菇、鮮冬菇、雞髀菇、靈芝菇和鮮茶樹菇，十分適合有選擇困難症的朋友。聖子皇 (每隻) $68聖子要淥大約5分鐘，可以保持海鮮的鮮味和彈牙。

無論餐廳名、店內裝修、餐牌設計、食物名，都好有喜感，處處令人聯想起性💃🏻 例如餐牌上的鮑魚稱為「有排舐冰鎮鮑魚」、「鬼佬中出」蝦膠釀油炸鬼、「鞭鞭有力湯」等等。不知是否這原因，食慾也隨之而來，先吃海鮮，有象拔蚌bb ，花甲這些貝類爽口多汁，廣島蠔厚肉飽滿，鮮味十足海蝦一般，不及貝類新鮮，size 也有點細飛魚子鱈蟹柳十分特別，蟹柳之中夾著一顆顆飛魚子，很過癮餃類也可以熟食酥炸龍蝦球彈牙有鮮味，不錯其實最好吃的是湯底冬蔭功海鮮湯，充滿海鮮的鮮甜味美，喝了兩大碗，酸辣得帶點鮮甜🥰

餐廳成晚漏單，有一半的食物都無落單。跟進咗兩次後D食物先到齊。叫咗兩次都無人比水你飲。個廁所🚽簡直嘔心🤢🤮🤢🤮。廁所十分髒，完全不衛生。Service was poor. Half of the items we ordered were missed and we had follow up with the server twice before they got it right. Nobody served your drinks even when you’ve asked the servers twice. The restaurant wasn’t particular busy. The hygienic condition of the washroom was disgusting 🤢🤮🤢🤮.

去滾天氣凍又係打邊爐嘅時候， 今日去左銅鑼灣金朝陽二期嘅去滾，餐廳裝修得好有心思，用霓虹燈作裝飾，令人想起舊日香港街道，用嚟影相打卡就最啱啦！餐牌都好有心思， 叫做去滾夜報，排版以報紙廣告頁面為風格。嘢食方面，去得去滾梗係要打邊爐啦！我哋要咗個海鮮set，包哂海鮮，蔬菜，小食同飲品，湯底就揀咗比較少見嘅冬陰功湯湯底。 冬陰公湯不會太辣， 配料都好足， 沒有因為係湯底而偷工減料！ 海鮮拼盤有生蠔，象拔蚌，花甲同海蝦。海蝦爽脆， 象拔蚌同花甲到鮮甜，不過留意唔好淥得太耐！ 跟餐有個龍蝦球小食， 配番佢個醬， 勁夾！ 蔬菜拼盤包括左粟米，唐生菜同炸芋頭。因為個芋頭炸過，所以滾完之後都唔會散哂， 同時亦都保留返粉粉綿綿嘅口感！飲品方面要左雪梨茶， 甜甜潤潤最啱冬天呢啲乾燥天氣黎飲，即刻滋潤返晒！