卷福和他的朋友們 (已結業)

首先來的是甜蜜蜜 - 桂花蓮藕，是以糯米釀於蓮藕的九孔之中，在上面灑了點桂花，再配以一個由紅糖煮成的汁，煙韌的糯米與爽脆的蓮藕的口感搭在一起很是特別，桂花的香，紅糖的甜，我不捨得把它吃完，還留了幾片當作甜品呢。寂寞難耐的小家碧玉，將豆腐切粒，微微走油，面頭沾滿紫菜，再勾上一個野菌茨，賣相精美，豆腐滑溜，夾雜着紫菜的微香，是我今晚最喜歡的一道。招牌小龍蝦泡飯，泡飯裏的小龍蝦數量相當驚人，少說也有十來隻，高湯味道鮮甜，蘊含著淡淡的龍蝦香味，分開上的脆米花起了畫龍點睛的作用，讓每一口飯既有米飯的軟糯口感，亦有脆米的香口脆身。青春若是條不老的魚，這道的名字絕對沒有改錯，魚肉完全沒有辜負青春之名，極度嫩滑可口，面頭還要佈滿大量我喜歡的青紅椒，香蔥與及花椒，上桌之前還要贊上滾油 ，油香肉滑，無與倫比。魚肉底下的萵筍絲盡索魚汁精華，當魚肉被瘋搶過後，成了席間的一絲慰藉。

The service was excellent and the ambience fine but why they have to drench the food we had with salt and MSG is beyond me.  I felt the underlying food flavours and textures were fine but everything was drowned out by the additional flavourings.  We had chicken, mopu tofu, beans and crayfish soup.

新春收爐前 要先到上環見客完成工作過後 便打算好好犒賞自己過去一年的努力於OpenRice內搜尋到附近有一間川菜專門店就專程到皇后大道中一試香港很少地方可以吃到的小龍蝦 就是這間餐廳的招牌菜連門面招牌亦有一隻小龍蝦但很可惜同行朋友不吃小龍蝦 所以未能一試餐廳環境比想像中要好黑色配襯紅色 走著型格的格調而餐廳亦有電視播放餐牌設計特別 有別於一般中菜餐廳 而且菜名都是經過精心設計 是日沒有點小龍蝦點了雙子座的老司機及為伊消得人憔悴 配送白飯雙子座的老司機即椒麻蔥油雞雞與醬汁是分開的所以雞肉不會浸在辣油內而不嗜辣的友人亦能分享這道菜色雞肉本身有淡淡的鹹香 然後可根據自己的需要而去蘸上椒麻汁椒麻汁不會只有辣味 反而吃到辣油的香味另外點了家中不常烹調的乾煸四季豆因這道菜需花太多時間處理 四季豆的烹調時間剛好 每條都是爽口脆身但又不會過於油膩肉碎調味適中有一點點的辣帶起整道菜的味道用來送白飯絕對一流順帶一提這裡的店員服務十分貼心知道同行友人不嗜辣會細心為我們挑選合適的菜色值得一讚!

舖頭既位置原來都幾方便,去完澳門係信德中心落船行過去都係5分鐘左右就到行到過去.見到店面有甘多小龍蝦既菜式,上面重有大大隻龍蝦係頂,小妹就知自己無行錯喇我地一行三人叫左個小龍蝦泡飯 酸菜魚 同埋酒釀丸子,因為胃口唔大既關係,所以都無特別叫多D野黎食佢個小龍蝦泡飯又真係煮到好似龍蝦湯咁嘅色,小龍蝦既量都多既,岩晒我地D唔想手污糟又想食好野既女人泡飯有小小炸過既飯同普通煮出黎既白飯,食落又兩種口感 過癮!仲要易入口,又夠入味,真係重點推介!!!至於酸菜魚方面,你唔好見佢一粒粒大辣椒係到就好辣,其實都只係攞佢個香味,又可以將魚既腥味去除,食落都絕對唔會辣到噴火嫁,D魚仲要超級滑,魚既鮮味加上酸菜,令個湯又好好飲,其實女仔食呢味菜式都好岩,可以令皮膚滑滑,又可以暖身最後食返個酒釀丸子先 食完幾樣濃味既食飯,飲清清地既糖水,即刻令成餐飯中和翻,取翻一個平衡,而且呢間雖然係中菜館,但丸子都好有咬口呀!!!!拍得住糖水鋪既水準！哩餐飯,真係食完好滿足,又可以同朋友慢慢傾計,食物方面又正,下次去完澳門,近近地,我都會揀黎呢邊食多次龍蝦泡飯

今日一行三人去到上環食晚飯,環境唔錯,似新裝潢過既新餐廳甘側邊重有一個板,上面D相應該係D客人食完影相留念既,都幾多FAN甘啵舖頭名叫「卷福與他的朋友們」因為覺得個好特別所以專登查下點解原來係同Benedict Cumberbatch有關，難怪舖頭入面播《SHERLOCK HOLMES》啦入返正題先當日七點去到已經有好幾枱客坐係到準備食晚飯望住餐牌，都好快可以揀到自己想食啲咩我地就揀左「經典十三香秘製小龍蝦」同埋「蘿蔔米糕　我最愛的兩個男人」小龍蝦真係第一次食，唔食過都唔知原來佢係咁嘅味不過必須要先提一提就係舖頭好貼心唔單止準備左膠手套，仲準備埋濕紙巾比我地用仲要幫你分埋餐前餐後添主菜上枱喇!!!小龍蝦每隻剝開個頭都有膏食落去每隻嘅肉彈牙爽口最重要係個汁個汁用黎撈刀削麵簡直係一絕當然都要佢本身麵質好先可以掛到啲汁係上面啦另外食個個「蘿蔔米糕　我最愛的兩個男人」ROBERT AND MICHAEL其實都似蘿蔔糕食到淡淡嘅蘿蔔香味仲脆脆地,好吸引人繼續食落去哩一餐飯真係食到我好滿足呀下次同會帶埋老死,一邊食辣辣龍蝦,一邊啤啤先,諗起都正

今日同朋友黎試下, 這間係上環開左唔係好耐既湘菜館。呢到主打係小龍蝦, 有好多款唔同食法。仲有不少四川名菜, 如麻婆豆腐同水煮牛肉等, 而且菜名都好特別, 很有心思。不過朋友唔係咁食得辣, 所以無點。我地點左個干燒甜酸辣小龍蝦, 因為貪佢不用剝殼, 個汁酸酸甜甜, 好醒胃, 配上彈口既小龍蝦, 好好味, 用黎餸飯一流。呢個豆腐, 好嫩滑, 同好香雞蛋味, 配有紫菜係面, 味道好特別, 真係好好味。呢到既乾煸四季豆, 用油炸過, 皮脆脆地, 好香口, 連個肉碎都係炸過的, 鹹鹹地, 又係好好餸飯。

朋友係上環返工, 話附近開左間川菜館, 話想試下。今晚就黎試下, 個店名都幾得意, 叫券福和他的朋友們。店內環境很舒適, 座位好寬敞, 好適合三五知己邊食邊聊天。呢個寂寞難耐的小家碧玉, 名字改得好得意, 係用蛋同豆腐製成, 皮炸得脆口, 但不油膩, 充滿蛋同豆腐香, 好嫩滑, 配上南瓜汁, 特別香口, 必食之選。水煮牛肉, 充滿花椒同麻辣味, 但不算太辣, 牛肉嫩滑可口, 而且份量很多。反而芽菜入晒味, 比較麻辣, 鍾意食辣既我, 食左好多。蘿蔔米糕, 沾左雞蛋煎, 煎得皮脆內軟, 米糕充滿蝦米同蘿蔔味, 很香口。食辣野, 當然唔少得啤酒啦, 爽返晒!

收工收遲左，所以就響附近搵左間餐廳食下小菜呢度個menu都真係幾特別，每送菜都有個好盞鬼嘅名嫁！一望就望倒小鮮肉三隻字，梗係要整翻個啦！小鮮肉其實係水煮牛，佢食落花椒八角味都幾重，不過就唔係好辣，呢幾日天氣凍，食完即刻暖粒粒阿！食呢味，梗係要配翻個飯啦！除左辣野個有個好特別嘅豆腐，啲玉子豆腐炸到個皮好脆，入面好滑，面頭綠綠地好特別中間有啲菇仲配左另一種汁，雖然一個碗有兩種汁，但味道出奇地夾！仲有炒通菜啲通菜好鮮嫩，仲有小小辣辣地，好正！呢度嘅小菜真係好正宗，好有中國嘅味道！

朋友想試早前大熱嘅小龍蝦，check左呢間好似好有來頭，應該信得過唔會食死人，於是一試，點知⋯ 星期二晚6:30，全店空無一人（之後先有兩三台人），已經心感不妙。唔緊要。睇menu，D嘢食係吸引嘅，不過本menu係爛嘅⋯anyway。兩個人，侍應小姐話三個餸啱啱好唔會食唔晒，好。點左十三香小龍蝦、酸菜魚、酒香豆苗，點知冇十三香小龍蝦！好，轉麻辣小龍蝦。轉個頭，又冇酒香豆苗。好⋯轉乾扁四季豆。上菜前，侍應打開左台面個好似火鍋爐嘅蓋，原來係 垃 圾 桶 ！ 佢話係for你掉小龍蝦殼。當時即時覺得核突，即係要圍住垃圾桶食飯！算。乾扁四季豆係好食嘅，唔似其他地方食到嘅油淋淋嘅，佢係炒得乾身。酸菜魚都不過不失，份量亦幾大。對小龍蝦有少少期望。終於上！⋯⋯小龍蝦本身就係頭大身細嘅生物。礙於之前新聞報導，唔敢食頭入面任何內臟。蝦身我覺過過熟。實在唔明點解D人會為之瘋狂⋯⋯盤小龍蝦，9隻，拆開丁咁多肉，盛惠三百幾，真係一D都唔值。再加，店內氣氛係零！一來冇人，二來感覺唔衛生。都冇人，點解地下仲係痴立立唔拖乾淨？筷子尾嘅金屬裝飾變左綠色，飯碗邊有餸汁。menu又殘又爛。最奇怪係店內唯一一部電視，loop

今天和朋友到了上環的卷福和她的朋友吃晚餐。之前就聽說過這家的小龍蝦值得一試，於是我就抱着既期待又害怕傷害的心情下單叫美食了。值得一題的是這裏的Menu非常有趣，光看菜式名你根本差不到這是什麼美食，必須配合圖片。可見店主想菜式時花了不少心思。首先是小龍蝦，怕辣的女生選了蒜蓉口味的。小龍蝦就像迷你的龍蝦，賣相非常得體，侍應美媚叮囑我們趁熱吃， 10分體貼。桌子中間有專門放蝦殻的位置，一邊摵一邊吃幾個人很快就清了一碟。蒜蓉味不會太重，伴碟的醬汁配上小龍蝦味道很配。我們另外點了豆腐野菌，味道清清地，頗有特色。到了上環區值得一試！

約左幾個女仔朋友傾心事，就搵左間舒舒服服既餐廳。呢間最出名就係小龍蝦，waitor姐姐介紹完我地就叫左個准陽高湯蒜蓉小龍蝦，因為我哋都唔係超多人所以叫左個XL(佢有XXL size) 來到個樣都幾靚，係同menu一樣樣， 聞落都好香，最緊要隻隻小龍蝦都好新鮮好好味。再叫多個寂寞難耐的小家碧玉，雖然個名好得意，其實主要都係豆腐的fusion菜，個樣勁靚，但係食落真係好好食，呢個我哋成班朋友都停唔到口，不停食。仲叫咗幾個串燒，有雞骨腸，雞翼，炭燒雞肉串， 燒得幾好，啲肉都好滑嫩，都整得唔錯。

今日去咗卷福與他的朋友們食飯，呢間餐廳主打係食小龍蝦，雖然係由大陸落黎香港開鋪，但係負責人之前有講過佢地自己有一套嚴格嘅品質，監管小龍蝦嘅來源，希望食客可以食得安心又放心。餐廳大約可以坐100人，可能因為岩岩新開張，都有好多位，我地就坐咗梳化位到，環境都幾舒服。一黎坐低就見到餐具舊舊地，雖然係新開張，但可能餐具、餐牌都係用舊鋪嘅野，都有少少生鏽，不過唔影響食飯嘅。我哋叫咗個「有河南口音的荷蘭小黃瓜」＄28。佢係用咗河南嘅手法炮製荷蘭出產嘅小黃瓜，個擺設好精美用特別醬料，甜中帶辣，酸酸甜甜，好爽口。餐前點嚟食特別開胃。小龍蝦菜式有平有貴，百二至四百都有，我同朋友就比較中意食辣，所以我地叫咗一個啤酒蝦$199。叫小龍舟蝦料理可以加刀削面$30。啤酒蝦份量就細咗少少，估唔到一大盤拆左殻，d肉都冇一個碗，同埋蝦肉無想像中咁鮮甜，但係個汁就好好食喇，好香濃。個汁配上寬條麵好夾，好開胃，同埋好岩當做主食…但因為實在太好味忘記左影，記得之時已食左一大半了。想食肉所以叫左艾瑪秘製雞翼$168，有8隻，份量都唔小，夠兩三個人食。我同朋友兩個就食唔晒。味道方面，有點似濕既土屝雞翼。好惹味，又有小小辣味，岩

朋友話要食小龍蝦，我第一個反應係即刻嗌唔好！之前實在聽得太多關於小龍蝦既負面消息，俾佢威逼之下，都係去左食，但比我想像中好食同安心。入到去，環境唔錯，算中高級餐廳，唔係我想像中個種唔衛生既餐廳。睇左佢既簡介，佢話佢地有一套嚴格監管小龍蝦嘅來源既制度，講到咁有信心，作為顧客都會食得安心點。店鋪好細心，會預備好手套、餐前餐後濕紙巾，仲有一條圍裙。唔怕整污糟對手同衫。雖然係好細心，但係其實好唔環保我唔太贊成用太多即棄用品。個人覺得圍裙唔係太必須。餐廳新開，菜式唔算多，入左黎冇理由唔試小龍蝦。我地叫左個啤酒蝦$199，我內心係諗住，辣辣地，應該可以殺下菌。上菜個刻好大盤，半隻手掌咁大既小龍蝦，拆左殻竟然得手指尾咁大，不過都好既，可以試其他野。食小龍蝦可以用$30加個刀削麵，好中意用汁撈面食，好開胃，好有大塊朵耳既感覺。呢間店舖嘅菜式名都好特別同好笑。我哋叫咗個「再見電車痴漢」$168，其實係豬手，黎一碟菜嘅配料好特別，有粟米、花生、大蔥、辣椒上面仲有一大串花椒。我唔小心食咗一粒個口啤左一陣。豬手每一件都好大件，啖啖肉，食落都好滿足。對於我哋食得辣嘅人來講，個餸唔算好辣，只係有點麻辣，如果辣味出

我哋係中環返工，平時辛苦工作一日後。覺得最減壓就係食餐好。而且近近哋。今日有同事話擒日收工發現有間小龍蝦開咗係上環，仲有我最愛嘅水煮魚，即刻收工組隊一齊去9點幾入到去埸面冷清得可憐，計埋我哋先得兩台人。真心冇咩其望。先嚟幾個前菜，由於幾好味再加上同事已經肚餓到一個點，菜一上唔夠一分鐘已經俾人夾哂，所以我之後只影得幾張相已經放低電話'搶食'了其中我覺得最好食嘅係小龍蝦同水煮魚。小龍蝦嘅精髓係佢嘅醬汁，我未食過啊而且好難形容佢嘅好味。好味程度係我哋食完小龍蝦要追加刀削麵入啲汁到食，唔夠1分鐘就已經食晒，之後再加試米線，不過米線就真係麻麻，因為一夾就散，可能佢哋入錯米線。不得不提水煮魚。真心食過好多間嘅水煮魚，香港冇乜邊幾間整得好食。以前好食嗰啲好快就執笠。或者好食一輪就偷工減料。因為要整得好食係要好多油同好多辣椒同花椒，可能成本太貴變咗足料嘅好快就做唔住。呢一間等等。可能佢依家新開所以仲好足料。啲魚肉好多好滿。唔係港式嘅辣味，係四川麻辣。可能香港人唔係太buy,但如果你係四川菜嘅fans你一定鍾意可惜佢哋只有鯇魚。我覺得如果可以加桂花魚就會更加好味。但重點係個味，所以已經加咗好多分！之後有

今日自己想食得清淡，見到有間小海鮮餐廳就試下。小龍蝦泡飯既飯好林，有點龍蝦味，幾香味唔會腥，都水水地大份。泡飯幾好，好清淡健康點寂寞難耐的小家碧玉係豆腐有蔥有茹，外炸內軟，幾有光澤