影片
更多
2017-01-03
414 瀏覽
今日去咗卷福與他的朋友們食飯，呢間餐廳主打係食小龍蝦，雖然係由大陸落黎香港開鋪，但係負責人之前有講過佢地自己有一套嚴格嘅品質，監管小龍蝦嘅來源，希望食客可以食得安心又放心。餐廳大約可以坐100人，可能因為岩岩新開張，都有好多位，我地就坐咗梳化位到，環境都幾舒服。一黎坐低就見到餐具舊舊地，雖然係新開張，但可能餐具、餐牌都係用舊鋪嘅野，都有少少生鏽，不過唔影響食飯嘅。我哋叫咗個「有河南口音的荷蘭小黃瓜」＄28。佢係用咗河南嘅手法炮製荷蘭出產嘅小黃瓜，個擺設好精美用特別醬料，甜中帶辣，酸酸甜甜，好爽口。餐前點嚟食特別開胃。小龍蝦菜式有平有貴，百二至四百都有，我同朋友就比較中意食辣，所以我地叫咗一個啤酒蝦$199。叫小龍舟蝦料理可以加刀削面$30。啤酒蝦份量就細咗少少，估唔到一大盤拆左殻，d肉都冇一個碗，同埋蝦肉無想像中咁鮮甜，但係個汁就好好食喇，好香濃。個汁配上寬條麵好夾，好開胃，同埋好岩當做主食…但因為實在太好味忘記左影，記得之時已食左一大半了。想食肉所以叫左艾瑪秘製雞翼$168，有8隻，份量都唔小，夠兩三個人食。我同朋友兩個就食唔晒。味道方面，有點似濕既土屝雞翼。好惹味，又有小小辣味，岩
餐廳大約可以坐100人，可能因為岩岩新開張，都有好多位，我地就坐咗梳化位到，環境都幾舒服。
一黎坐低就見到餐具舊舊地，雖然係新開張，但可能餐具、餐牌都係用舊鋪嘅野，都有少少生鏽，不過唔影響食飯嘅。
我哋叫咗個「有河南口音的荷蘭小黃瓜」＄28。佢係用咗河南嘅手法炮製荷蘭出產嘅小黃瓜，個擺設好精美用特別醬料，甜中帶辣，酸酸甜甜，好爽口。餐前點嚟食特別開胃。
小龍蝦菜式有平有貴，百二至四百都有，我同朋友就比較中意食辣，所以我地叫咗一個啤酒蝦$199。叫小龍舟蝦料理可以加刀削面$30。啤酒蝦份量就細咗少少，估唔到一大盤拆左殻，d肉都冇一個碗，同埋蝦肉無想像中咁鮮甜，但係個汁就好好食喇，好香濃。個汁配上寬條麵好夾，好開胃，同埋好岩當做主食…但因為實在太好味忘記左影，記得之時已食左一大半了。
想食肉所以叫左艾瑪秘製雞翼$168，有8隻，份量都唔小，夠兩三個人食。我同朋友兩個就食唔晒。味道方面，有點似濕既土屝雞翼。好惹味，又有小小辣味，岩晒重口味既朋友～
另外仲叫咗一個好特別既豆腐，叫做寂寞難耐的小家碧玉$88,睇個名都笑左好耐，好似為我地而設咁，哈哈！佢個汁係用南瓜整成，不過南瓜味就唔算太濃，店員話係因為用日本南瓜所以冇中國南瓜咁濃味。每一塊豆腐都好精緻，上面會鋪左一層菜去煎，賣相幾特別，個豆腐都滑。
個人感覺食物不過不失喇，但環境同員工嘅態度我會俾90分，份量都算幾大，但價錢就略貴，可以一試。
張貼
