南記粉麵 (中海日升中心)

營業中

休息中

南記春卷係呢幾年已經衝出港島區！而家唔只港島區嘅人可以食到南記春卷，觀塘新分店終於都開咗了，今日我地拉大隊成班同事去試一下！分店喺觀塘駿業街56號中海日升中心地下，即熟食街市對面！以前細個嗰陣，每次都要喺香港仔同銅鑼灣先食到南記，最近呢幾年已經好耐無食過南記，今時今日嘅南記春卷，多咗好多不同選擇，多元化咗，例如：蕃茄濃湯，新出小食：辣爽爽大腸、辣爽爽肥牛、牛丸拼魚片頭⋯⋯而今次我就叫左番茄濃湯春卷小窩米線$39，番茄湯果然係鮮茄底，唔錯！不過，春卷質素對比舊時已經今非昔比，春卷唔香脆，軟淋淋，唔夠香味。Anyway, 配上南記秘製辣椒醬，補足返啦，呢個辣椒醬簡直係食春卷嘅靈魂！對觀塘區上班一族來講，多一間平價粉麵係好事嚟！

有時唔一定只係食好貴嘅嘢，南記都係一個好選擇，其實我已經好想食㗎啦，俾我搵到個機會（其實真係我口痕）新派嘅裝修，入去都多位嘅，枱面一如以往有一堆醬俾大家點。有啲全日超值套餐，好似幾正咁，下次可以一試，我今日目標只得一個：招牌河你絕對可以睇到廚房嘅情況，算企理同乾淨，而且好快就可以有得拎啦。到你出場啦！之前我係旺角，香港仔同灣仔都食過，印象中旺角湯就偏淡，香港仔同灣仔就好ok嘅。到觀塘啦，係，我乜都唔點都ok嘅，最緊要湯夠味。魚蛋夠彈牙，牛丸都ok，春卷真係我最愛，一直keep到，好滿足。

18:27排隊，前面有兩個人，18:37到我嗌，唔知點解嗌一碗春卷牛丸腩肉小窩米線中辣走芽要重覆5次，都仲要搞錯又收多錢，然後又要等多5分鐘等後面個客嗌完先改單！最後18:47先拎到個米線坐底！食飯時間得一個鐘，但用左廿分鐘等。雖然收錢姐姐有禮貌，但真係等得太耐，已經唔係lunch hour繁忙時間去買。希望可以改善下

係，無睇錯，係等咗45分鐘外賣，由我排隊到我拎得走返公司食真係足足45分鐘，真心覺得有啲過份其實一向都覺得南記好好味，尤其佢個春卷，真係好正，外面用腐皮包住啲魚肉，完全唔會係我地一向食開嗰啲春卷，每個人食南記，我相信都一定會Order春卷以款式嚟計，佢都算多，譚仔就嚟嚟去去都係嗰幾味，呢個就多少少，湯底就比譚仔輸蝕，得3款，但係都夠喇，以佢地嘅速度再多，我相信間鋪俾人投訴死都似除咗米線湯款式之外，重可以自已組成一個餐，只要加幾蚊就有豆漿、汽水、檸水檸茶嗰啲番茄湯米線 - 叫自選米線可以揀1或者2款配料，我就當然係兩款喇，魚腐、春卷，重要再加多個貢丸添，個貢丸都無得唔好食，春卷亦都係穩陣之選，魚腐就麻麻地，不過都唔係好差嘅，佢啲食物質素唔錯，但係個湯就酸咗少少廚房唔係太大，人好多，每個爐頭都係一煲一碗，所以對於啱啱開嘅佢地嚟講，真係幾哩HEA