南記粉麵 (中海日升中心)

南記真係我時不時就會掛住嘅米線，我覺得佢嘅酸辣真係好過癮！今次就叫咗個下午茶$43，係魚肉春卷拼魚片酸辣米線，仲會送一杯嘢飲，我就揀咗豆漿，真係好抵食！魚肉春卷有兩大條，係我每一次嚟必點，魚肉味好重，而且又香，魚片都唔錯，有四大片，好彈牙好有魚味，最重要係佢嘅酸辣湯底真係冇得輸，超級濃郁，好多酸菜，而且佢酸菜醃得好好食，揀中辣湯都唔會好辣，反正就好過癮，今次我仲用咗佢嘅app買，新會員仲有得減$10，折咗先$33，真係太抵了！…查看更多

外賣自取招牌米粉+辣豬肉+冬菇，返到office發現比漏左招牌嘅兩個餸 - 魚蛋同牛丸… 特登加錢反而仲要少左兩個餸，Lunch又唔夠時間返去同職員講。已經係第二次，希望職員可以小心啲…查看更多

係朋友強烈推薦下叫左麻酸辣春卷辣豬肉試下，一試驚人🥰🥰麻酸辣湯底🌶🌶好多酸菜，麻辣程度岩岩好，底有大量韭菜芽菜，好足料，好開胃招牌辣豬肉🐽🐽辣豬肉係薄身，好入味，入口即溶，唔會好柴招牌魚肉春卷依舊好食，味道好足，唔會浸到淋曬／冇味墨丸🍥🍥不過不失，唔係特別出色不過晚餐加埋杯細豆漿都要$70…查看更多

觀塘開咗間南記，真係超開心，好耐都冇食過，好掛住佢嘅春卷。雖然市面上多咗好多唔同嘅米線舖，但係南記嘅味道始終都冇改變，特別係佢嘅招牌春卷。呢個套餐仲有好抵，包凍豆漿，仲有一碟菜，真係飽到食唔晒😋…查看更多

在觀塘這間 點了辣豬肉麻辣米線，麻辣又要另外加$2+$9春卷兩條+一杯豆漿（細杯），剩惠$69米線份量好少 我都偏細食的都覺得完全唔飽肚 豆漿+$13又細杯的 而且不是真正的純豆漿。真的搵在觀塘附近返工的人笨！好難受…查看更多

肥牛米線是我的最愛。肥牛片柔軟多汁，搭配彈牙的米線和鮮美的湯汁，每一口都是純粹的享受。這道菜的味道鮮美，而且份量十足，非常滿足我的胃口。菜肉餃米線，餡料豐富多汁，餃子皮薄而有彈性，米線則是綿軟滑嫩。湯汁的味道鮮美，完美地融合了餡料的風味，每一口都充滿了美味的口感。大腸米線的大腸切成了薄片，入口嫩滑，搭配米線和湯汁，味道鮮美而豐富。這道米線的口感豐富，令人回味無窮。…查看更多

平時多數都會外賣在家中享用，亦有試過堂食，但有時人流好多，要排隊，會覺得外賣較好方便。是日平日大約6點到了晚餐時間，喜歡比較早食晚餐，經過看見就有啲掛住它的招牌食物……春卷😋，於是決定堂食。:)可能時間尚早，人流稀疏，座位任坐。🍜招牌河粉 $29份量雖然唔多，但如果唔食咁飽，份量係夠。有3款食物，有白魚旦，牛肉，招牌春卷，雖然係清湯，但河粉好入味，食曬成碗好滿足又唔浪費食物。🍜春卷牛腩小窩米線（番茄湯底）牛腩一般般，乾同韌，番茄湯底濃。:)真的好喜歡它的招牌春卷，令碗河粉或米線增添色彩而胃口大增。…查看更多

感謝今日執到我電話的客人、職員。多謝你哋，唔該曬。今日嚟南記食最愛的小窩B餐，唔知係邊個俾我勇氣叫咗中辣，辣到我口水鼻水出曬嚟。食到最後冇曬可樂，辣到我失憶咁😅漏咗電話係枱面都唔知。多謝🙏🏻咁多位，有執返俾我除咗辣之外，口味保持一貫水準。辣豬肉好好味，魚片同春卷都彈牙可口，大大嘅冬菇我鍾意，芽菜加米線配湯汁，正。唔可以唔提有我最鍾意嘅酸菜肉碎嘅酸辣湯㡳，正到冇餸都可以食曬一碗米線。當然有餸更正斗。…查看更多

今次我來到南記粉麵，點了他們新出的芫荽湯米線$58。湯汁的味道太淡了，完全沒有芫荽的味道。店內主力做外賣，讓堂食等候時間偏長。我希望南記粉麵可以優化服務流程，縮短等候時間，讓堂食顧客可以更加愉快地用餐。我對南記粉麵的芫荽湯米線並不是很滿意。希望他們可以對這道菜進行改進，提升菜品的味道和品質，同時優化店內服務流程，提高顧客的體驗。…查看更多

今日紅色假期 諗住deliferwood 叫南記食，兩個加埋$160，其實下午茶黎講又吾算平，但系好失望，叫大辣一d都吾辣，求其俾兩包辣醬你自己加，米線硬過鐵線（有d誇張，不過真系好硬），最慘系杯凍奶茶無糖水，完全無甜味。明知人地外賣無得補，杯凍奶茶又吾落糖，人地點飲，真系接受吾到要大辣系俾兩包野自己加，咁你吾好分大中小辣啦，全部自己加咪好lor……諗住耐吾耐食下，應該以後吾會食呢間野，附近都有好多選擇…查看更多

每隔一段時間就會想起南記春卷，所以每逢想起就想食，以往都係堂食，由於不能外出於是今次試吓外賣送餐。🍜必點的南記春卷是次我配了牛腩，即係春卷牛腩小窩米線，湯底選擇了酸辣（小辣）。試過好形形式式嘅春卷，還是南記好味，牛腩份量都唔少。🍜南記春卷配牛筋米線（酸小辣）🍜牛筋份量都多，浸在酸辣湯底裡面好味。🍜貢丸墨丸米線（番茄湯底）🍜貢丸肉質爽口，番茄湯底不過不失。外賣份量都唔少，分湯上就不會令米線發脹，值得一提，湯底嘅酸菜爽口同唔會好咸，春卷口感同味道依舊好味😋。…查看更多

🌸. 南記✨胡椒豬肚湯雞扒米線*𖥧𓇣 ﹊﹊﹊﹊﹊﹊﹊﹊﹊﹊﹊冬天除咗食麻辣😋胡椒豬肚湯都係一個好選擇😊南記出咗胡椒•酸菜•豬肚湯雞扒旋風豆腐串米線😜連特飲「紅胡椒菠蘿特飲 」 期間限定😇想試記得要去南記💚 秋冬驅寒湯底當中的黑白胡椒的香和辣味🙌🏻湯底十分不錯配上厚豬肚及雞扒✨仲有旋風豆腐串索哂湯嘅精華🍹紅胡椒•菠蘿特飲，味道新穎獨特，紅胡椒帶有甜味和香味與爽甜菠蘿凍飲🙌🏻ꔛ‬☆*ﾟ(๑⃙⃘´ಲ`๑⃙⃘ )=͟͟͞͞ ᵏ ⁱ ⁿ ᵒ ᵏ ᵒ ꕀ ᐝ˓◞˂̵✧#南記 #南記粉麵 #namkeenoodle #namkee #胡椒豬肚湯 #胡椒豬肚雞扒米線 #旋風豆腐串 #紅胡椒菠蘿特飲 #南記fans༶•┈┈┈┈୨♡୧┈┈┈┈•༶˒˒✩⃝̣⃝̣⃝̣⃝̣⃝̣⃝ͯ⃝ 南記粉麵≋ ≋ 觀塘駿業街56號中海日升中心地下B號舖₊˚· ७── ⁼³₌₃ (⁎⚈᷀᷁ᴗ⚈᷀᷁⁎)如果鍾意我嘅分享☷➿記得fσℓℓσω ◡̈ ‎ ༘ ♡讚好收藏文章💕-…查看更多

之前係呢度買外賣，lunch時間俾完錢通常都要等好耐，因為實在太多人了。今日發現原來可以上佢官網叫定，價錢又一樣，咁就試下啦。網上叫完，二十分鐘後落去已經有得拎了，幾方便。今日試左佢個艇仔粉套餐，大地魚湯底係唔錯，仲有個魚皮同特飲，算對得住個價。…查看更多

香港仔南記粉麵 一直係香港人食粉麵之選求其食一餐又唔駛煩唸食乜 最緊要醫飽個肚 就會選擇食粉麵😄去到收銀處 原本想叫腩肉冬菇米線 收銀姐姐建議我叫呢個超值套餐🔸B招牌滋選小窩套餐有招牌辣腩肉 招牌春卷 魚片 冬菇叫左麻酸 米線 加杯凍檸茶招牌腩肉完全無肥 健康之選😄招牌春卷係南記招牌食品 唔駛多講魚片大舊但偏硬冬菇大粒厚身又滑 煮得好入味👍🏻米線唔會太腍 🔹觀塘呢間分店靠窗邊位置坐的一排單人座位好處係有電掣 有USB插頭差下手機👍🏻😂…查看更多

幫襯左南記都好多年，一直都好鐘意食，但今日去左觀塘呢間鋪之後，以後都唔會再食話就今日中午入去叫外賣，比完錢後等取餐，比我見到廚房入面有個男人既行為真係要比個like👍🏼👍🏼…佢拎起把鉸剪剪開包牛腩，之後將牛腩倒入一個兜入面，唔小心整跌咗一件，隨手執返起放返入個兜入邊，跟手就放落去碗麵入面比客人，其實我都明白出邊好多廚房都有呢個情況發生，但你要知道你地廚房喺出面都望得好清楚，係咪應該要避忌下，加上呢個疫情衛生係咪應該要做得更加好…查看更多