南記粉麵 (中海日升中心)

營業中

休息中

由細到大都很喜歡到南記吃粉麵， 記得細個媽咪亦會專程到南記買春捲給我吃， 而令到我對這裏的粉麵特別有情意結。近年已經推出很多不同的口味例如小鍋米線，蕃茄湯味等等， 都是我很喜愛的味道。今次我又食最喜愛的春捲小鍋米線加辣豬肉$47， 另外一碗是春捲牛腩蕃茄濃湯米線$45， 再加一杯凍檸茶$15。 春捲小鍋米線 酸酸辣辣非常惹味， 湯底非常濃郁一啖湯一啖米線，真是食到停唔到口！ 春捲質感煙煙韌韌， 辣豬肉味道濃厚， 食了這麼多年還是最喜愛吃的。春捲牛腩蕃茄濃湯米線的蕃茄濃湯味非常 突出， 但我食了一舊牛腩就比較硬身，如果牛腩可以軟一點比較好。而家觀塘有南記實在太開心， 隨時隨地都可以食到我至愛的小鍋米線了。

依家南記唔再係得港島區有分店 連九龍新界都有 唔知幾時係九龍灣開返一間 啲春卷真係一試就愛上 今次出咗新嘢 上個禮拜食嘅時候都無發現 春卷脆脆粒 $21得9粒 性價比唔算高 但真係好脆 連埋啲唔知咩粉勁好食 食唔停口🥢照舊嘅番茄米線配春卷 $41一次過食四條春卷 勁有滿足感 佢地嘅番茄湯好清純番茄 唔會好似譚仔果種疑似落番茄磚嘅感覺🥢性價比極高嘅清湯米線配春卷同魚蛋 $28

南記粉麵係人都聽過，食過，學生時期放學成日都會去食，因為好平！但早餐今次就第一次食！$26 叫左個早餐H，有個單拼粉麵，仲有個小食可配腸粉/紫菜牛丸湯(2粒牛丸)/魚皮餃生菜湯(3粒魚皮餃)，仲跟杯豆漿！早餐比起同區茶餐廳平得多！仲有，大家記得留意收據尾部，會有優惠券比客人下次光臨時可以使用！不同時段有不同優惠！11:30早餐時段送半個煉奶油豬仔包，11:30-12:30中午時段購買正價粉麵$37以上送兩條春卷，晚上20:00後就送半份冬菇或者魚片4塊！又到糧尾嘅我南記真係恩物食堂！😂😂

掛住食 只係影左一張相係OPENRICE 買左優惠既南艇仔面有小食（叮叮糖/魚皮）同雙檸樂原價 53如果原價 53  我覺得都食得過普通係南記食碗都有三四十蚊又少餸（因為佢愈黎愈少餸，所以我本身已經食少左好多）艇仔LI 碗都算多餸又多粉 仲有小食媽媽第一次食覺得好滿足但佢反而覺得南記既招牌春卷唔夠彈牙XDD真係各人有唔同口味總括黎講 性價比可以 （觀塘LI 間假期少人D 仲坐得舒服D 可以同媽媽傾下偈）

是晚想食清淡d，女友就提議不如南記粉面環境觀塘呢間南記晚市唔多人，唔洗等位好快有得食食物珍寶小窩有春卷，辣豬肉，冬菇，魚片頭自選小窩春卷及魚蛋，春卷係招牌菜，調味好食冬菇亦都好林我地兩個都好中意蕃茄湯，清甜得黎仲有d 茄肉隨餐送豆漿或者汽水自選小窩仲包埋菜整體都幾抵食

今日過去觀塘本來想食紅x冰室但大排長龍😂😂所以去左隔離食南記我叫左$28招牌米線 加辣豬肉(+$9)有兩條春卷 兩粒牛丸同魚蛋辣豬肉好香口但唔太辣魚蛋牛丸都係正常味道春卷照舊好味唯一缺點係米線份量超級少食左十幾啖左右就冇晒女仔都食唔飽😵朋友叫左墨丸春卷小窩米線 ($37)湯底係酸辣偏酸米線份量應該多我1/3兩碗價錢一樣但一碗食得飽一碗食唔飽😂😂😂overall黎講都唔貴既但$37蚊我寧願去隔離茶餐廳食🤣

星期日喺中環Formula E到做完野打算行紅隧返屋企，但去到灣仔見到排長龍塞哂車，於是改路行東隧返屋企，但出到東隧後有D肚餓，於是就兜咗入去搵食，兜咗一個圈後諗諗吓超過大半年無食過南記，於是再兜多個圈搵位泊車啦，最終都要兜多兩個圈先搵到個位泊車。入到店內排隊等落單比錢，前兩個大陸阿姐叫一樣野都叫咗成五分鐘。終於到我落單，叫咗個珍寶小窩米線大麻辣，落完單等叫號碼啦......等...等了又等，等咗接近十分鐘（食咁多次都無試過等咁耐）我行埋去問個姐姐，原來我張單105佢打咗015...終於拎咗碗米線，終於可以開餐其實一直以來食湯麵我習慣係先飲咗個湯先，今次都唔例外，但今次係超失望！麻辣大辣唔辣不在話下，個湯超咸！算啦，唔再飲個湯！其實個珍寶有五個餸，包括魚蛋、牛丸、墨魚丸、魚皮餃、春卷正常嘅配料係無驚喜，包括魚蛋、魚皮餃&春卷但牛丸唔知係咪轉咗供應商，粉多到一個點，一D都唔彈牙，完全係似街市買D平價牛丸嘅感覺！而墨魚丸係有陣雪味超難食！我諗我都唔會再黎，一來呢次嚇怕咗，二來搵位泊車真係超難。

一個入去食下午茶，專登走去食我至愛既南記。叫左個兩餸河，3粒魚皮餃，兩條魚肉春卷，送杯豆漿，魚皮餃塊皮 同肉都爽口，有咬口，亦有魚味。而魚肉春卷次次黎都必食，保持水準，爽口彈牙，有魚味，好正，杯豆漿亦唔似水扣粉，有豆味，廿幾蚊咁既價錢，真係抵到爛。而再叫多個小食，炸魚片頭，勁香口，魚片頭勁爽口彈牙，有魚味，有6粒。成個下午茶勁滿足，必定要再encall! 另外單人位，亦有得charge 電，勁細心，而又charge 得勁快!

又到午飯時間, 經過南記見到有新宣傳 - 超值套餐, 便點了雙拼小窩套餐, 轉酸辣湯底,春卷, 貢丸, 米線, 配生菜, 跟可樂一杯配餸是平日都會點的, 不同的是今次由清湯轉了酸辣, 但這樣轉一轉, 就要多付$15, 感覺都沒有超值..., 唯有怪自己沒有想清楚就購票

招牌春卷、辣豬肉米線（麻辣） + 辣爽爽大腸///星期一收工之後本來諗住可以返屋企hea下，正當我準備好收工，係17:55分收到女朋友whatsapp叫我去觀塘陪佢食南記，Oh no‼️真係晴天霹靂😱。美奇名咪話掛住我，想見下我，其實咪又係想我去埋單🥺。結果係點？咪就係死死地氣去接佢收工🤦🏻‍♂。///招牌春卷、辣豬肉米線（麻辣）$47 1. 米線比平時食開果幾間嘅幼身d。2. 湯底帶少少辣同麻，但唔好睇少佢嘅辣度，都食到流晒鼻水🥵。3. 辣豬肉好入味，不過一d都唔覺得佢辣，甜甜地，中和返湯底嘅辣。今次份量都唔少☺。4. 有4條魚肉春卷，除左好味我都唔知可以講咩。///辣爽爽大腸1. 鹵水加麻辣汁，正！2. 大腸好爽，絕對唔會好似橡筋咁。

南記啊南記, 真係好耐沒見啦～想當年係中環返工, 瘋狂迷上南記, 有一段時間差唔多隔日就吃一次南記。但往事只能回首, 轉咗工離開港島區之後已經幾年沒吃過南記嚕, 所以當我經過觀塘竟然發現有間南記的時候, 如何能夠停得低自動行入去的腳步...招牌酸辣春卷腩肉小窩米線, 當年的最愛, 印象中幾年前應該仲係38左右的價錢, 如今已經盛惠45, 可惡的通脹。春卷份量頗多, 但腩肉明顯少, 得三塊完整的...再加少少碎片。但好在味道都仲可以保持, 還是當初愛上的味道, 酸菜大出色!係呢個通街都係米線舖頭的年代, 既然南記已經衝出港島區, 希望可以繼續保持到水準啦。

在2018年10月20日星期日的下午到黄昏時段，首次來到觀塘中海日升中心的南記粉麵。當天下午六點鐘，人流還未算是高峰潮，大多數出現在晚上七點鐘，當天現場還可以找到座位用膳。當天選擇了自選粉麵作及一客芽菜作下午茶。當天一碗粉麵並不足夠，於是再加一碗芽菜，芽菜的份量可以足夠伴上麵粉。芽菜非常爽口，但是蠔油味太過濃郁。當天的自選粉麵，選了春卷及魚皮餃作餸菜，麵底選了河粉。河粉非常清爽，魚皮餃及湯底用上魚湯製造，很濃郁及很鮮甜，春卷同樣用鮮魚肉製成，非常彈牙。

啲職員態度勁差，收銀果個既態度，好似要您明白晒個餐牌既野咁，個出餐位呢，拎杯水好似攞左佢條命咁！一早得果幾張單都搞到冧晒檔咁，啲職員係咁喺煮野食果度不停傾計，加上手腳又慢，咁就慢上加慢！對於食物方便就唔好抱太高既期望喇！服務差，食物差！唯一值得一讚既都係出面執野既職員一直無停手。

啲米線好足料了真係好好味呀！仲有嗰啲牛腩，又滑又淋真係仲有嗰啲🐟肉春卷超彈牙。啲生菜好爽口，加5蚊有仙草奶茶，比起好多台灣飲品店都吾遜色唯一買飛攞食物很麻煩，而且午餐時段人又多，有點心驚膽戰，等位等好久，如果改善下就好了

中午喺呢邊工作，因為太忙，就打電話去南記叫外賣，然後十分鐘左右過去自取，因為佢地無送貨服務。叫左個牛丸牛腩肥牛蕃茄米線，連埋荳漿，食到我好飽，鍾意牛既朋友仔一定要試下，足料又抵食！