南海一號

營業中

休息中

同屋企人食飯有時都幾難揀地方，又要食中菜但又想係節日食得好少少特別啲🤨所以母親節就揀左呢間係I Square頂樓嘅中菜，擁有無敵維港夜景，可以一路食飯一路睇幻彩詠香江，最緊要可以係OpenRice 訂枱👍🏻半肥瘦叉燒，唔會太油膩，舊舊都厚切，咬落好有口感🤤我地一家人都好鍾意食魚，出街食飯一定會叫魚🐟見到有炸鱔球咁特別，當然要試下啦，果然有驚喜，唔話你知，你可能會覺得係斑球，又係啖啖肉，而魚皮又炸到好脆💯沙茶魚蝦蟹粉絲煲顧名思義一煲包含晒魚蝦蟹，海鮮大集會，粉絲煮得好乾身，用沙茶醬去煮非常惹味龍蝦湯泡貴妃飯呢味係每次黎都必點的，龍蝦湯湯底鮮美，泡飯用咗金銀米，有一半係炸咗嘅米，食落扑扑脆😋一窩夠三至四人份量，每人一碗p.s. 宜家仲做緊優惠，晚上9時前埋單離座主餐牌上正價單點7折

之前也有食過這店的點心放題，今次在網上買了優惠券享用金榜醬大蝦，醬汁非常好，蝦夠大隻，配的麵包點醬汁也充滿東南亞風味。不過點心一般般，並不突出。如果沒有優惠就有點貴。環境卻是一流。

未開始食野，等入座已經伏味濃，經Openrice booked 1:15pm, 準時去到，佢話等人地埋單， 結果等到 1:55pm先可以入座，佢地根本無理到1:15pm 有幾多檯會埋單，總之有人book 1:15pm 來者不拒，由得人地佛系等有人埋單，好多1:15pm嘅人鼓噪， 因為佢地係2:15pm past order。 落order 方面，佢仲要瘋狂cut我地單， 你鐘意嘅點心無論你寫幾多，都係俾人頭數量你地，原本唔緊要，可惜我地1:55pm 入座 但佢地2:15pm last order, 我地第1輪點心未到，就已經last order, 當我地發現佢cut咗我地第一輪好多野時，已經截咗單好耐，無得追加返， 好離譜！最後，我幾個都食唔飽。點心種類極少，小炒ok但唔夠熱，炒粉麵飯直程係凍的，明顯裡面炒定放一段時間。 點心水準中下， 甜品類failed。 唯一可取，係個打卡靚景，如果你好彩有窗邊位的說。

在連續10多日零感染個案下的疫情，很多人已經開始回復正常上班所以現在食晏開始比較難找搵位，今天我們二人午飯時候在iSquare看到南海1號推廣點心任食$168隨即在沒有預約的情況下上了餐廳十分好彩可以有位！以往在南海1號午飯消費並不便宜！但是現在推廣的午市任點All You Can Eat並沒有欺場！選擇雖然不是包來萬有但係基本的蝦餃燒賣，腸粉，小炒，飯麵，再加甜品以$168 而且仲有維港景，上菜快，質素不錯，特別要讚就是欖菜肉碎蛋白炒飯，火候味道剛剛好！

環境極緻， 因為 近來天氣十分良好， 維多利亞港海兩岸景色一覽無遺， 視野十分空曠， 食物質素中上， 基本的茶樓點心都可以找到， 如果是任食十分抵食， 全部食物約30至40款 不算太多，蒸炒煮炸樣樣齊， 份量以人頭計，上枱擺設也可以，溫度夠高， 不是煮好放在一邊等你，即叫即蒸樣樣新鮮。只是出單有點混亂。其中炸物比較有特色，因為件件都是即炸外脆內軟， 傳統的蝦餃燒賣就比較普通沒有驚喜的感覺， 甜品得兩款隻有椰汁芒果糕及南瓜西米露兩款感覺十分一般。

見到尼間環境幾靚 所以就揀左尼間慶祝生日一早已經預留菜 不過去到可惜冇得坐窗邊位咁我地兩個人總共食左十道餸 但竟然食完未算超級飽上菜次序有d 奇怪 最後食既道菜係蝦餃小籠包飲完碗天麻燉魚皇湯 再食個翅 完全係覺得冇味而家翅放太多韭黃 芽菜 完全食唔到翅既味淨食到芽菜既味 所以尼道菜不推薦當中我最鍾意就係花螺個湯 佢用左煮雞酒既湯尼煮花螺 上湯龍蝦烏冬都好推薦食龍蝦新鮮 啖啖肉而家好多汁個陣服務員推薦我地食 冇推薦錯同埋冰鎮鮑魚都一定要食 個汁好好味服務態度都不錯 都會常幫我們換碟不過係埋單時間用太多時間 改張單改左兩次如果平時唔算太大食 而且又想食高級中菜趁而家有折可以試一試 如果正價食我可能覺得未必值得個價錢 因為味道未至於話十分突出 不過夜晚環境好靚

今日公眾假期同媽媽去試咗南海1號嘅點心放題平日$168 假日 $188去到都好多人等一陣先有位點心選擇唔算好多大概有10幾款另外小菜同埋粉面飯都有10幾種點心方面豉油王炒腸粉同埋南瓜西米露有驚喜腸粉好入味同埋好滑 西米露啲南瓜蓉好足料話梅石榴媽媽話好食酸酸地幾開胃結果每樣嘢食都食咗一次之後就飽飽地食埋甜品就啱啱好買單時候發現茶位要$25一位另外前菜收$28一碟 計晒所有嘢連埋+1就要差唔多$250一位不過環境唔錯有無敵海景 都會推介朋友嚟試吓

今晚朋友生日飯 四個人 位與位之間雖然冇搵嘢遮擋 但南海一號地方夠大所以一定夠1.5米距離👍🏼😍 燈光有情調話晒都係比較高級嘅粵菜 所有食物嘅水準都唔錯 今晚叫咗個青瓜沙律好新鮮好開胃😋之後前菜 叫左 海蜇，螺肉，麻辣牛舌筋 （唔會好辣）做前菜，因為要等齊人先至再食主菜 要叫麥汁叉燒 好味！片皮鴨（兩食，皮同肉分開，雖然一塊塊就啖啖肉，但我個人鍾意皮位脆卜卜同香啲）男人肯定鍾意大大啖肉！招牌極品蟹皇翅而家做緊半價 先會嗌 承惠 $174 飲8啖左右就飲完，真係要一人一碗先夠 但係就好creamy 都係好味嘅～仲有個蠔仔餅啲蠔仔好肥美而且好大碟下（好彩四個人係食得晒）生菜包就反而一般般，生菜好新鮮👍🏼但係啲肉就炒到好中式，可能都係習慣食泰式嗰種香辣肉碎 ，所以中式生菜包就覺得失色左 冇左香料唔夠醒神其實四條友食7:00 pm ,中間傾吓講吓 唔經唔覺就已經九點，根本冇可能八點前買單，如果唔係仲抵，計過如果六折全單係會平左$700⋯⋯係 $700呀～如果要請埋生日嘅朋友 食飯 每人係平左成 $230，不過攞唔到六折 唔緊要，記得係要九點前買單就有七折，都唔錯呀～平左成 $500 全晚消費

3人行（禁聚令），沒有例牌，必須一隻上🤦🏻‍♀️，雖然好食，但係好油⋯⋯全單七折，一隻片皮鴨、一碗翅、一碟炒蘆筍、一窩海皇泡飯，都係$1200，咁樣環境，真係平到笑😋

第一次試呢間餐廳，整體感覺普通，無論在款式、味、服務質素、環境都有進步空間！首先環境方面，尚算寬敞、但如果可以坐近窗邊位會感覺開場一點！ 沙法位不太好坐，坐位太低進食時會比較辛苦點心款式不多，而且非常普通！ 唯一可取是即叫即蒸！食後感覺餐廳小菜比點心好！ 好食的小菜如下：咕嚕肉滑蛋蝦仁 （但雞蛋比例太多）四季豆 好食的點心有：菜苗餃馬拉糕南瓜路服務方面整體有效率，但不夠細心- 沒有問要咩茶（可能餐廳只供應一款茶）- 不會主動check 茶壺內有沒有茶-放下點心時只會把所有不同類的點心放底係台上面（我覺得南瓜路、湯這類食品可放在食客面前！）最後一提的是餐廳收費有點取巧！茶位+小食再 +加一 後由原本$188 一位 最後變成$250 一位！ 以這個價錢食點心又要限時90 分鐘實在太趕，不太享受！

一行三人11:45 入座，馬上點餐！到了12:45 一款蒸的點心也沒有來過，不斷詢問幾位不同職員，也是叫我們繼續等，點心會慢D！食物方面選擇很少，只屬於平價款式，豆腐、雞旦類較多！吃得出蝦餃，燒賣這些普通食物也不是即造的點心，只是返蒸食物一樣質素！其他小菜類味道也很沒有質素可言！浪費時間的一餐，本來以為有正常飲茶點心款式，但連普通的山竹牛肉也欠奉🙄普通去飲茶也比來這裡質素高！職員也懶理你的投訴！絕對不會再來！若果這個價錢下午去飲茶絕對很多選擇！

因只分兩段入場時間，頭段不是真的一點走，13：15定枱時間當然不一定能入場，結果要排隊近20分鐘後才能入坐，又沒足夠地方排隊。不過最後入單時間可到14：45，也能坐到近四點，自己想走才走，好！選擇不多，只有一張，半張A4紙大的點餐紙。一般炒的小菜，粉，麵，飯出奇好吃！小籠飽，春卷，鳳爪，蘿蔔糕，紅豆角，西米露，石榴，都好吃，一入口便覺好吃，和別的店有明顯分別，但差不多已把點餐單內的都已列了！上菜都快，似有漏單，但可接受！其實如全試試，也好飽！

今日終於試下午巿盡情點，食。由11點半落單，好在點咗啲小菜啫，我同家人足足等超過2小時都仲未有點心到，結果到2點啦！都仲未等齊！好可能係要等夠點心數量先至攞去蒸，今時今日咁嘅服務態度點生存呀！諗下方法解決啦！唔該！

在網上看到這間餐廳有點心任食就預約了。168加服務費。餐廳位置在尖沙咀國際廣場30樓，可以眺望維港海景，但是這天天氣不算很好，天陰陰的，但都可以看到對面港島景色。如果有太陽的話，會更美了。這裡的點心不過不失，這樣的價錢可以看到這麼美的海景也算值的。我最喜歡蝦餃，星洲炒米，話梅石榴，南瓜西米露，黑糖馬拉糕，但馬拉糕有點過甜，不過很香黑糖味。菜苗餃這個皮很厚，不好吃。其他點心就還可以啦。服務生都很勤快，但餐點有漏單的情況，可以改善一下。

有空中露台酒吧區🍸望晒全海景加埋氣氛燈光非常浪漫💜全場都係落地玻璃，樓底超高，營造到成個環景好似係空中食緊野，真係堅離地😂 裝修及環境一個字...靚👍🏻烹調的廚師們真的不簡單，能令我有回味的感覺😋 就好似電影裡的食神，咬了一口的食物，就會帶你去了另一境界，直頭想大叫一聲...好好味呀...呀...呀...呀......隨即彈上半空 😂😂😂 係呢度我感受到，看似形容得很瘋狂🤪 簡單一句...一試難忘！不愧為🌟米芝蓮星級食府👍🏻我可以形容得咁誇張，你要有心理準備...價錢都不會便宜！可以揀慶祝節日去試下✌🏻呢間係食中菜的，有2款必食之選：🦞 及 就係呢2味菜，食完攪到我離晒地升上半空😂😂😂 烹調得非常出色，鮮味得來又香又有口感，有驚喜🥰🥰另外呢2款都係不錯的菜式 及 其實每樣菜都食到廚師的心思👍🏻👍🏻👍🏻 食完個晚餐🥢仲可以出露台的酒吧區 Chill 下酒🍸享受一下浪漫氣氛💜其實呢度就算中午來飲茶食點心🥟 都好正，反而食 Lunch 價錢適中不太貴，仲有幾張半圓枱卡位，望住靚海景自成一閣傾計茶聚☕️ 但要留意下午佢地有落場時間，所以只可食 Lunch，冇下午茶時間，book 位時要問清楚。