南洋 (已結業)

久不久都會想吃點星馬泰的風味，今天便來到佐敦這間俱有南洋特色的城市。越式炒金邊粉$88，配料有蝦、豬頸肉和青紅辣椒，味道帶點蝦醬的香味，配合金邊粉的煙靭程度，非常有南洋特色。金沙骨肉骨茶$58，藥材味道甘香，湯底清甜可口，加上熱騰騰，非常美味，如果肉骨再軟腍一點，味道更佳。香茅燒春雞一隻$108，香茅的味道已經滲入了雞肉之內，皮脆肉嫩，只需戴上膠手套，用手撕來吃，更加風味。椰青$36，椰青水味道鮮甜，椰子肉鮮嫩。鹹檸檬七喜$28，咸檸檬的酸味， +7喜的甜味，酸酸甜甜，非常美味。

今日放工去咗佐敦做物理治療，做完之後又到晚飯時間，經過吳松街發現有好多新餐廳，見到呢間南洋餐廳裝修風格清新，望咗陣餐牌都好似唔錯！呢度有多款晚市套餐選擇，價錢亦抵食！呢間餐廳主打南洋菜，有齊星加坡，馬來西亞，越南菜，選擇非常之多，有海南雞飯，喇沙，肉骨茶等等金沙骨肉骨茶$58味道濃郁，有四大條肉骨，肉質夠腍！再加一粒大蒜頭🧄，送來是已聞到陣陣的藥材味👍🏻👍🏻越南香茅燒春雞$108造型特別，一上枱已聞到一陣陣的香茅味撲鼻而來，侍應還很細心幫我們稍為切開，方便我們進食，春雞燒到金黃色，皮香肉滑，又夠juicy ！蝦頭膏炒飯$98米飯粒粒分明，炒得夠乾身，有大蝦同櫻花蝦，食落陣陣鹹香味！冬瓜龍眼冰呢杯特飲好足料，有多舊冬瓜和龍眼，夏天解渴一流😋😋總結：呢間小店出品唔錯，有多款東南亞美食，而且價錢合理！

呢間「南洋」係一間主打馬來西亞加東南亞美食嘅餐廳。我係為咗個肉骨茶所以去試一試，所以點左「肉骨茶」、「龍蝦喇沙湯麵」、「燒魷魚」、「椰青」。肉骨茶嘅味道唔會太過鹹，但又好濃郁嘅藥材味道，我幾鍾意飲。另外燒魷魚同一般燒魷魚嘅味道差唔多都係唔錯嘅，佢嘅龍蝦喇沙湯麵有一大隻龍蝦，感覺呢個係性價比最高，因為佢嘅價錢係$100多少少但係就有咁大隻龍蝦係個裡面，平時就咁買隻龍蝦都要呢個價錢😆覺得賺咗～椰青都好新鮮好鮮甜，見佢椰青裏便嘅肉都係白雪雪嘅應該好新鮮，我有連啲椰青裏便嘅肉都食晒。

和朋友去了油麻地吳松街的南洋食飯。這是一間食東南亞菜的小菜館。餐廳佔地不大，但非常整潔乾淨，有色彩繽紛的異國裝飾，好有南洋風情。而且店員十分殷勤有禮，還很主動。安排我們到一卡位安坐，感覺舒服。我們點了越式炒金邊粉，馬拉盞炒椰菜及香茅燒春雞。金邊粉炒得夠乾身，有大蝦仁，叉燒，花生碎等材料，大蝦仁肉質結實彈牙。馬拉盞炒椰菜，菜質爽口，配上馬拉盞好惹味。最後上枱是香茅燒春雞，賣相好吸引，吊起的春雞多餘的油份滴到碟上。燒得外皮香脆，肉質嫩滑，仍有保留著大部分肉汁。我們用手套，將雞撕下來吃，熱哄哄油香脆非常之味。總結：南洋是一間有特色的東南亞菜，佔地不大，但整潔光鮮，讓人坐得舒服，食品有質素，不錯的東南菜館😉👍👍

胡椒大蝦米粉份量雖然有d少，但好好味，胡椒味好濃，米粉乾爽，有5隻大蝦，有煎香過，味道咸香，價錢有少許偏貴。想飲牛油沙冰但佢話冇貨，有少少失望。如果米粉量多d就更好。

好耐冇得去旅行，非常懷念馬拉的肉骨茶，亦非常懷念新加坡的喇沙。今天晚餐去了佐敦的南洋一間餐廳滿足晒兩個願望。今天叫了隻燒魷魚，龍蝦喇沙麵，肉骨茶，再加一個椰青。第一次食喇沙有原隻波士頓龍蝦，龍蝦新鮮程度尚可，個垃圾湯底非常濃郁，但係佩料多番少少更好。肉骨茶亦都非常之有藥材味，可以大碗少少更好。原隻燒魷魚亦都笑得非常出色，魷魚非常新鮮。全日最好的我覺得試過椰青，個椰青非常非常新鮮非常清甜，啲嘢肉亦都非常亂滑，性價比高可以一試。

好多人都知我喺新加坡住過當時最鐘意嘅就係肉骨茶今日經過佐敦 見至南洋餐廳 有肉骨茶就二話不說 去回味一下呢度嘅肉骨茶係黑湯 啫係來自馬來西亞因為佢會比較重藥材味道而新加坡嘅多係白湯 會胡椒味較多肉骨茶有4大舊排骨排肉煲侵入味 非常香口大大舊蒜頭🧄提升肉骨茶嘅香味喜歡藥材味重嘅朋友不妨一試另外點了越式炒金邊粉用金邊粉、豬頸肉、大蝦、紅椒等材料一齊炒唔會好油膩 炒得好乾身👍🏻而且加咗花生碎 口感一流酸甜開胃香茅燒春雞 店舖窩心準備了手套方便手撕食用如有需要 店員亦會幫手切開雞件一切開雞肉 已見到肉汁流出來雞肉香稔軟嫩 濃濃香茅味沾滿雞肉 最後點咗椰青及牛油果🥑奶昔好想推介一下牛油果奶昔 質感濃郁 感覺非常足料 好鐘意佢個口感完全吾會太甜

自創菜式嘅南洋菜餐廳，裝修企理，款式都幾多。環境店舖一望落去就覺得好乾淨企理，用淺藍色做主調，好光猛，環境幾好。餐牌除左傳統南洋菜式，都有啲係餐廳自家創菜式。 金沙骨肉骨茶 $58 常見肉骨茶有2款：新加坡及馬來西亞 ，前者重胡椒味、後者藥材味濃。呢到嘅係後者，呷入口藥材味濃但不至難入口，飲完好舒服。 芒果軟殼蟹米紙卷 $68好大份，米紙做到好薄，口感更好，唔會漿住個口，芒果更多就好啦！ 南洋波士頓龍蝦喇沙摻摻 $108原隻波士頓龍蝦，油麵加米粉，湯底都重椰汁香，一個人食嘅話可能會太多，2個人share再食其他野就啱。 牛油果沙冰 $40必點之一，飲落係好天然嘅牛油果，無咩加糖水果d。 紅豆椰汁冰 $28 呢杯都好飲，椰汁味突出，加埋紅豆有咬口。總括而言，佐敦不嬲都係美食集中地之一，而係吳松街亦有好多選擇，下次不妨到呢到試下，坐得舒服，款式亦多。

泰國菜就食得多，南洋菜又真係冇認真食過！人生都好似只係去過一次馬來西亞，不過就對嗰度嘅肉骨茶念念不忘！所以黎到就叫左一個招牌肉骨茶，雖然細細兜，不過味道超濃郁！一陣甘香嘅味道好味😋同埋金沙骨好多肉好正！另外推介佢哋嘅香茅燒春雞！首先造型已經好適合打卡🤣入邊仲好香香茅嘅味道，又唔會太強唔會太鹹好味👍🏿另外米紙卷個皮好煙銀，入邊嘅配料好清新，配埋個汁酸酸甜甜好開胃😋最後叫咗個金邊粉，佢同平時嘅泰式金邊粉有少少唔同，不過麵條好彈牙好好食！嘢飲我就推介牛油果沙冰🥑因為去到東南亞地方我就好鍾意飲呢樣嘢，仲有到粒粒牛油果，真材實料😆

尼度主打星馬泰菜好耐冇食過喇見到店內整潔光猛 牆壁均有用心佈置🔸香茅燒春雞 $108冇想像過佢係會企咗喺度😂 當刻唔係好知道要點樣入手去食佢又唔係好似快餐店咁有手套向店員求助 答案係：就咁切落去啦🔪於是我哋就切到論論盡盡🤦🏻‍♀️春雞燒得非常香 內膽塞咗香茅葉入哂味肉質嫩滑無比亦juicy🤤而且肉多骨細真係好正好好味👍🏻👍🏻🔸金沙骨肉骨茶 $58冇想像過會係原個大蒜頭🧄😂所以肉骨茶的確蒜味特別濃郁金沙骨約有5塊 煮得軟淋 輕易骨肉分離只係藥材味再濃啲就更啱我嘅口味喇🔸蝦頭膏炒飯 $98🍤🍤🍤🍤🍤炒飯加入大量櫻花蝦 啖啖飯都蝦到極致👍🏻👍🏻

黎到咁多好野食既佐敦，試下呢間南洋。南洋應該姐係馬來西亞菜啦，所以就叫左肉骨茶。以我所知肉骨茶就有2款，一款係胡椒味重d，一款係藥材味重d既！而呢到既肉骨茶就係藥材味果款，味道好濃，好香，仲有好多料，有雞腳有豬肉，好豐富！配個白飯已經好好食！另外叫左一個燒春雞，外形好搞笑，有d唔知點處理。切開之後滴哂汁，好juicy，而且香茅味好重，好香~睇落隻雞細細隻，但好多肉，雞胸都唔鞋口，質素相當唔錯，值得再食！

呢間係睇落好過食落🙈可能睇到太多positive reviews 有啲失望豬頸肉喇沙摻摻豬頸肉比較硬，所以無左豬頸肉獨特嘅texture 同油脂感，亦無焦香，上枱已經唔係好熱☹️少失望喇沙比起大部分餐廳少配菜，僅有嘅豆卜同蛋都一般，尤其豆卜有種好唔新鮮嘅味道☹️用左摻摻：米粉+油麵，感覺係幾地道，但就無令到佢特別好食。湯都係偏稀，唔算鮮甜。🙈椰汁冰無椰汁味全部都係冰☹️可以慳返啲quota總括而言，如果無任何期望純粹就腳黎食都可以嘅

廚房員工無戴口罩 有食客即時同樓面投訴樓面表示自己只係Part Time員工 管佢唔到食物都唔 ok早餐烚蛋半隻啲蛋白裂開曬食客話好似食緊擦子膠咁樣似乎喺冰箱說過龍難吃

在佐敦唔知食咩好，實在太多選擇。 所以就上openrice 選了這間未食過的南洋與飯腳來試試。門口所見，都算合口味，而且多款選擇，就入去試試。餐廳環境整潔，而且餐具也感覺乾淨。 不用額外清潔的感覺。這杯凍冬瓜龍眼冰很好飲，甜味適中，而且龍眼好食。 要了少冰正合我意。飯腳要了一杯熱咸檸水，可以好好地解渴，下火。要了南洋小食拼盤，共有5款小食，最好食是彈牙蝦餅，味道很不錯。 可以Encore炸春卷鬆脆，味道唔錯，襯熱食好味。炸豬扒及炸雞翼，香茅味加蔥油味，也惹味。雞翼夠嫩滑。醃鳳爪，這個爽爽的，個人口味，如果再酸辣多一點會更好。金沙骨肉骨茶好香好飲，藥材味夠甘香，入口濃郁。 而且金沙骨香滑入味，完全不會是煲湯肉，好嫩滑，不痴牙。可以一食再食，不會膩。原個蒜頭加入，打開蒜皮有煮腍了的蒜頭食，是另一特色。 但如果再煮腍爛些會更吸引！這個炒飯就好有驚喜 - 蝦頭膏炒飯！上枱就已聞到好香鑊氣。飯一粒一粒的好好食，而且蝦也好爽。本來飽左大半怕食唔晒，但整體太好食，所以最後好快清碟照鏡。好食的一餐，與飯腳好好地傾左一晚。好開心的飯聚現場。可以Encore.

久違了剛好在九龍區完成工作於是相約正好也剛在附近既飯腳一起晚飯快速地網遊看一下附近 正好找到呢間南洋Nan Yang舖面不算大 裝潢色彩繽紛頗有異國特色 環境舒適 卡位坐得舒服自在望望餐牌 南洋主打多國東南亞菜式 範圍都不少泰菜、越南菜甚至馬來西亞菜式都有金沙骨肉骨茶用上原粒蒜頭 足料味道香濃 而且口感甘醇飲落清甜之中帶啖啖濃郁藥材味道當中亦帶點點微微辛辣藥材味道香濃但不會太搶金沙骨已經煲到肉質軟腍 輕易地骨肉分離意外地肉質唔算鞋口 整體味道真心不錯小食拼盤份量剛剛好 兩個人分著食不錯的說蔥油豬扒 食落惹味香濃 豬扒唔算細不過略嫌有點乾身 肉身唔夠juicy雞翼 相比豬扒味道更為濃厚 咬落juicy 肉質柔軟細嫩炸春卷 炸得外脆內軟 餡料用上木耳絲同紅蘿蔔 拼埋一起頗有咬口炸蝦餅 香酥可口 蝦餅炸後仍然keep住軟腍juicy 口感爽彈無骨鳳爪 口感爽脆 味道酸中帶點微辣 作為開胃前菜實為不錯蝦頭膏炒飯上枱時香氣迫人 蝦肉大隻厚肉 食落爽口彈牙味道相比炒飯來得淡口炒飯炒得粒粒分明 米飯乾爽而且軟硬適中食落唔會太油膩 味道帶咸香鮮味 極具風味咸檸水用上醃製咸檸檬 飲落味道尤如咸柑桔般清熱