南洋 (已結業)

呢間「南洋」係一間主打馬來西亞加東南亞美食嘅餐廳。我係為咗個肉骨茶所以去試一試，所以點左「肉骨茶」、「龍蝦喇沙湯麵」、「燒魷魚」、「椰青」。肉骨茶嘅味道唔會太過鹹，但又好濃郁嘅藥材味道，我幾鍾意飲。另外燒魷魚同一般燒魷魚嘅味道差唔多都係唔錯嘅，佢嘅龍蝦喇沙湯麵有一大隻龍蝦，感覺呢個係性價比最高，因為佢嘅價錢係$100多少少但係就有咁大隻龍蝦係個裡面，平時就咁買隻龍蝦都要呢個價錢😆覺得賺咗～椰青都好新鮮好鮮甜，見佢椰青裏便嘅肉都係白雪雪嘅應該好新鮮，我有連啲椰青裏便嘅肉都食晒。