南洋 (已結業)

南洋波士頓龍蝦喇沙摻摻📍之前一直食喇沙都係得一種面原來聽朋友講發現正宗嘅喇沙其實係會有兩種面撈埋一齊今次終於試到正宗嘅喇沙佢有好彈牙嘅福建麵仲有好入味嘅粉絲加上個湯椰漿味好香隻龍蝦先係重點好似隻碗咁大隻而且都好多肉而且好貼心咁係個鉗嘅位剪開左輕輕一met就已經可以起晒隻鉗嘅肉好方便 金沙骨肉骨茶📍今次係我第一次試肉骨茶聞落去好中藥嘅味道再加上見到原個蒜頭本身以為飲落去會好苦 好重口但完全唔係啲湯包含晒啲豬骨肉汁嘅精華有少少似雞精既感覺但係又唔會覺得好似飲緊啲油落肚咁嘔心好養生蝦頭膏炒飯📍啲蝦好新鮮個炒飯好有鑊氣加埋蝦膏嘅鮮味 好惹味薄荷青檸梳打📍好fresh 唔會好甜 岩哂食啲重口味既野解膩椰青📍好清甜 仲要勁多椰子肉💜

朋友推薦下嚟試呢間越南餐廳叫我一定要食呢度嘅肉骨茶其實我本身唔係特別鍾意肉骨茶因為驚佢有藥材會好苦不過見呢間舖頭出名肉骨茶所以就叫咗碗嚟試出乎我意料之外呢個肉骨茶一啲都唔苦反而仲好鮮甜 食到有藥材味不過有種甘香嘅感覺同埋啲肉都好淋好入味👍🏻果然冇介紹錯呢個喇沙都好出色勁大隻波士頓龍蝦🦞湯底都好濃好鮮甜我個人好鍾意呢啲蝦頭膏炒飯因為佢炒得好乾身又好香口唔知係咪因為落左櫻花蝦令到碟野更加香口同埋佢落咗幾隻大大隻又爽口嘅蝦🤤好好味

朋友請食生日飯，好開心呀，過左一排仲有生日飯食❤️帶左我黎佐敦食星馬菜，實在太貼心，收工過黎，食完飯返屋企都好方便🥰青木瓜大蝦米紙卷，米紙卷包住好多青木瓜同酸蘿蔔絲，好開胃，大蝦都好爽口👍海南雞喇沙摻摻，海南雞無骨嫩滑😋喇沙略帶椰香，微辣，好味呀👍蝦頭膏炒飯，飯炒得幾香，配料都有唔少大蝦架，唔錯炒秋葵，尼到嘅秋葵整得幾好，炒得好香，又辣辣地，食落又唔會好潺👍好中意杯滴漏咖啡，真係好香❤️

因為去佐敦買洗頭水，之後就上OpenRice睇吓附近有冇咩食，就搵到呢間南洋，因為老公鍾意食喇沙，又見到其他人介紹個龍蝦好大隻好抵食，咁所以就入去試吓，首先叫咗半隻海南雞，但係呢個海南雞比較淡冇乜味，不過肉質好嫩滑之後就叫咗個波士頓龍蝦喇沙摻摻，一嚟到見到碗野好大碗，我哋兩個人都係食唔晒，龍蝦確實好大隻對得起呢個價錢，食落去重好鮮味好多膏，喇沙湯底好有椰香味！大骨肉骨茶，都幾大碗，我哋嗌嘅時候都有問佢大骨肉骨茶同金沙骨肉骨茶有咩分別，佢就話原來大骨肉骨茶就係佢嗰三款肉骨茶夾埋嘅，咁所以就大碗啲，佢另外兩款肉骨茶就有個雞腳肉骨茶同埋呢腩肉肉骨茶，但可能今日有雞腳，所以我見得金沙骨同腩肉，肉骨茶初時未食任何飲覺得好正，好重藥材味，但一食完其他嘢再飲就開始覺得咸左些少！整體成餐飯嚟講，性價比都高嘅！

餐廳裝修簡約明亮， 卡位舒適寬敞， 環境不錯， 主打食南洋美食。火車頭河粉 (下午茶 )$50火車頭河粉是南洋餐廳，人氣必點 ， 牛骨湯底用十分鮮甜，又唔會肥膩，牛味突出， 與河粉一起食， 滋味無窮 ，配料好豐富，足兩人份量， 有爽口彈牙牛丸、 嚼勁牛柏葉、入味蘿蔔 、 以及軟稔的牛腩， 別有一番風味。'無骨海南雞配油飯(下午茶)$48無骨海南雞， 啖啖肉 ，黃色的雞皮， 油光亮麗、彈牙緊緻 ， 雞皮下仲有一層薄薄的啫喱， 雞肉入口嫩滑，沾上三款特製醬汁， 更加滋味，金黃色的油飯， 香軟可口， 帶啖啖雞油香味 ，齋食飯都可以吃完整碗飯。蜆港蝦餅半份(追加)$22蜆港蝦餅是我的至愛 ， 即叫即製， 外皮炸到金黃色， 熱呼呼， 蝦肉爽彈，口感飽滿， 沾上甜酸汁， 舐舐脷爆燈。 炭燒豬頸肉半份(追加)$26豬頸肉用炭火燒是最好吃， 豬頸肉爽口彈牙，香口惹味，配上酸辣汁， 充滿泰式風味。牛油果沙冰$36牛油果沙冰， 粉綠顏色 ， 十分吸引， 入口細滑柔順， 甜度適中， 散發著滿滿牛油果果香， 津津回味。椰青$23椰青水比想像中更清甜， 清爽怡人， 用匙羹可以輕易挖出 嫩滑的椰肉， 與椰青水一齊

💁🏻‍♀️ 南洋 (佐敦) 🍽-想食馬來西亞🇲🇾/新加坡🇸🇬野，呢間餐廳係唔錯嘅選擇😍金沙骨肉骨茶 （$58）金沙骨煮到入味亦夠腍，係會食到藥材味，但唔會太苦，飲落有養生嘅感覺龍蝦🦞喇沙摻摻（$108）雖然其他餐廳🍴都有龍蝦喇沙，但呢間嘅龍蝦絕對斤兩十足仲啖啖肉，摻摻係油麵加米粉，湯底好重椰奶味，配料豆卜、蟹柳都好入味🤪燒大蝦🍤柚子沙律（$76）好fresh嘅前菜。柚子沙律🥗冇一般沙律咁單調，大大碟之餘大蝦都好爽口牛油果🥑沙冰超！大！杯！打到好creamy,岩曬牛油果控📍 南洋 (佐敦)-

近來天氣轉涼🍂，想飲肉骨茶暖暖身。朋友介紹下就黎左位於佐敦地鐵站🚉C2出口， 步行2分鐘就到主打南洋菜🍲🍖的「南洋」餐廳🍴。餐廳🍴環境乾淨衛生，燈光十分光猛，設有卡位雅座，坐得舒服😌。枱與枱之間用上隔板分隔，食得放心。牆🧱上掛左好多特式碟子同充滿南洋風情嘅圖案如新加坡🇸🇬獅子🦁️，泰式菠蘿🍍炒飯樣式等，十分吸引😍。金沙骨肉骨茶（HKD 58):飲用肉骨茶其功效多，可健脾養血散寒祛濕增強正常，仲可起暖身作用❤️一大碗肉骨茶用上四大條肥瘦適中軟骨部分的金沙骨，食落軟骨煲至腍身，骨🦴膠原豐富，湯底藥材味濃，風味獨特。整個連皮🧄頭有提味作用，熬煮多個小時，香濃無比。香茅燒春雞🐓（HKD 108):熱辣辣呈上，整隻燒雞係咁滴油脂，香氣撲鼻，店員提醒⏰先由外皮慢慢手撕至內部享用，避免肉質因接觸空氣而收緊，的確，香茅味濃帶有米酒香，雞皮肉嫩，識食一定連其脆雞皮一同享用，好滋味😍好JUICY越式炒金邊粉（HKD 88):好足料，大大隻彈牙大蝦🍤，配上炒得甜甜地嘅金邊粉，仲有好有咬口嘅豬頸肉，鑊氣十足，仲有花生🥜碎提味，點少得芽菜同三色椒🫑。椰青（HKD 36):清甜解渴，令人置身渡假感覺當中，啖啖椰子🥥肉

講飲講食，大家通常都係尖沙咀同旺角兩大旺區搜羅。其實係兩大旺區中間嘅佐敦同油麻地都有好多好野食，中西南北，百花齊放，任君選擇，而且沒有兩大旺區的擠迫感覺。今晚就係吳松街南洋吃了一頓不錯的南洋美食。既然店名叫得做南洋，當然係主打越泰星馬菜。店內裝飾簡潔，環境舒適，而且價錢大眾化。很久沒吃過肉骨茶，就叫了一客金沙骨肉骨茶。湯底藥材足料味濃，主打藥材如玉竹、當歸、黃芪、甘草、黨參、大蒜、白胡椒等當然少不得，一粒大蒜放在湯中，十分搶眼。大大塊的金沙肉骨不嚡不韌，而且滲滿藥材甘香，飲完健脾袪濕。南洋波士頓龍蝦喇沙摻摻，原隻波士頓龍蝦足足有20cm長，龍蝦肉鮮味，而且肉厚彈牙，加上惹味喇沙湯底，更能帶出龍蝦鮮味。店子的喇沙口味正宗，配料亦夠豐富，有魚片、魚片頭、雞蛋及豆腐卜等，份量十足，加上幼滑米粉和油面，又惹味又飽肚。炭燒魷魚筒，原隻魷魚厚身大隻，香燒後魷魚肉仍保持肉汁及鮮味，更有微微焦香，有水準。咸檸梳打，鹹檸檬味特出，加上淡淡冰涼梳打水，配搭出色。牛油果沙冰，將原隻牛油果打成蓉，再混入沙冰，口感好幼滑，甜度又適中，原汁原味，好fresh !

行過吳松街見到南洋餐廳門口啲menu都啱食，而且對上果次去南洋（沙巴）都差唔多一年，一於試吓先香茅豬扒班蘭葉椰漿飯$48 跟餐加半份蜆港蝦餅 $22香茅豬扒處理得好好，夠味又鬆又煎到少少燶邊椰醬極濃又有班蘭葉香真係成份食曬（平時好少食得晒D飯）😍蜆港蝦餅彈牙蝦都夠鮮甜，唔洗點汁都好味👍🏻無骨海南雞喇沙摻摻 $58跟餐加炭燒豬頸肉半份 $26最鍾意啖啖肉嘅雞又滑又嫩，必點嘅薑蓉醬料一定唔會錯過。喇沙椰香同香料十足又有微辣食起好有層次豬頸肉即燒肉軟又入味半份剛剛好飽飽Last 飲杯牛油果沙冰好滑又清甜椰奶味香濃

同朋友經過佐敦，見到有間環境唔錯既餐廳，所以入去食飯順便傾下計😊😊🌟 燒大蝦柚子沙律（$76）大蝦燒得好脆，蝦肉彈牙爽口，柚子新鮮，無苦澀味道，鮮甜，再加埋腰果落去，令沙律既口感豐富左，前菜食沙律真係好開胃，必點😋😋🌟 馬拉盞辣肉碎炒飯（$88）上抬時傳出陣陣馬拉盞既香味，食落唔會太辣，調味岩岩好，唔好太咸，份量多，兩個人食剛剛好👍🏻👍🏻🌟香茅燒春雞（$108）燒春雞有驚喜，即叫即整，原隻上抬，加上用左好多香料醃製，外皮燒得好脆，肉質好juicy，好滑，用手撕既方法食，最可以帶出傳統南洋既風味👍🏻😋😋🌟 椰青x咸檸梳打椰青好新鮮，果肉好易拆出黎，椰青水多而且香甜👍🏻👍🏻咸檸都唔錯，唔需要用大粒都有好重咸檸既味道，而且好貼心切散左咸檸，令到味道更出👍🏻👍🏻

出到佐敦突然好想飲肉骨茶就去咗吳松街南洋餐廳試下，有好多卡位坐得幾舒適，見佢好乾淨企理以為新開問問店員原來已經開了一年，有好多卡位坐得都幾舒適金沙骨肉骨茶~香濃藥材加上一大個蒜頭🧄金沙骨夾住軟骨真的非常嫩滑好味😋海鮮喇沙摻摻~蝦🦐,魷魚🦑,蟹柳,雞蛋🥚豆卜油麵加米粉配上惹味芳郁的香料，當中滲出陣陣椰醬香甜及些小嘅辣非常惹味😋香茅燒春雞~呢個真係不得不讚👍皮香脆肉嫩滑，連雞胸也不“鞋”，非常 juicy😋，店員提議我們用手套慢慢撕來食可以保存肉質嫩滑

肉骨茶有藥材味，可惜比較咸；胡椒粉絲蝦煲，胡椒味恰到好處，好惹味；用花椒八角和胡椒香料作餸是好味；海南雞十分大隻，很滑👍鹽焗魚實在很好味；石榴椰汁冰冰很香；甜品好好味，夠煙韌。食物：碟頭大，6人套餐，7人吃都很足夠！有食過的姊妹說，下午茶都差不多正餐份量。抵讚👍最重要是服務：貼心服務，不計較，6人套餐只有6杯飲品，老闆多送一杯🍹。更扺讚👍還主動幫手拍照，侍應好醒目，限聚令下，將隔板暫時移一下，影完即放回👏👏👏👏

金沙骨肉骨茶，有四大舊金沙骨，己炆到好入味，金沙骨的肉輕易脫落，肉質軟冧。內骨茶味道濃烈！海鮮喇沙摻摻，喇沙麵是油麵加米粉，十分地道，海鮮份量合理，兩隻蝦，魷魚，蟹柳，魚富，豆卜。燒春雞，十分吸睛，切開時，雞汁隨即而落，雞肉十分嫩滑，但切記要立即享用，否則會破壞雞肉的口感！！我地就係掛住傾計，雞肉凍了，便不滑嫩！所以，真係要熱食。椰青水，好鮮甜。若果能享用埋果肉更佳。牛油果🥑，推介，好fresh!

約舊同事晚飯，想吃越南菜，於是去了油麻地吳松街140號地下南洋吃越南菜。店內環境清潔整齊，裝修充滿越南風格，幽雅舒適，服務員禮貌友善招待，菜譜款式很多，隨口味而供選擇。金沙骨肉骨茶 $58香濃的肉骨茶充滿濃濃的藥材味，香氣久久不散，令口內回甘，金沙骨肉淋嫩滑，特要一提全個蒜頭煲煮淋甜，更覺肉骨茶火候十足。燒大蝦柚子沙律  $76大蝦肉質鮮甜爽口，甜美多汁的柚子肉，加上腰果、紫洋蔥配以辣味醬汁，是一道非常清新醒胃的餐前菜。 香茅燒春雞 $108擺盤吸晴相當特別，上枱時感到燒春雞是熱騰騰的，店員提議最好用手撕的方式來吃，較為原汁原味，香脆的雞皮滑嫩鮮甜的雞肉，調味料特別用心，令人一口接一口，美味無窮。 椰青 $36、咸檸梳打 $28清甜的椰青水鮮甜的椰肉和咸檸梳打，非常舒暢解渴，確是餐後最佳飲品。

今日好想食喇沙😋係佐敦食晏就見到呢間餐廳，門口嘅餐牌都係星馬泰款式嘅菜😆咁我朋友就叫咗一個泰式豬手飯，呢個豬手飯佢唔係淨係有豬手佢有好多小菜配襯，而且個飯係好重椰香味好正，豬手整得好夠淋😋而且佢配上鹹酸菜同埋鹹青瓜好開胃而我就叫咗碗無骨海南雞喇沙摻摻😋先前都唔知咩叫，原來有兩款面底👍夠正宗，而且湯底好濃郁加上好重嘅椰香味😋帶有少少辣好滿足，份量好大碗，裏面仲有豆卜，三角魚蛋😋而佢嘅海南雞呢就好滑身再配上佢有三種點海南雞嘅醬汁👍個人就鍾意食甜酸個款👍另外我哋就加咗兩款小食，就叫咗越式春卷同燒豬頸肉，兩款小食都唔錯👍飲品方面我自己就叫咗冬瓜龍眼冰，夠甜又夠滋潤😋另一伴就叫咗鹹檸七🤤都不錯