南洋 (已結業)

泰國菜就食得多，南洋菜又真係冇認真食過！人生都好似只係去過一次馬來西亞，不過就對嗰度嘅肉骨茶念念不忘！所以黎到就叫左一個招牌肉骨茶，雖然細細兜，不過味道超濃郁！一陣甘香嘅味道好味😋同埋金沙骨好多肉好正！另外推介佢哋嘅香茅燒春雞！首先造型已經好適合打卡🤣入邊仲好香香茅嘅味道，又唔會太強唔會太鹹好味👍🏿另外米紙卷個皮好煙銀，入邊嘅配料好清新，配埋個汁酸酸甜甜好開胃😋最後叫咗個金邊粉，佢同平時嘅泰式金邊粉有少少唔同，不過麵條好彈牙好好食！嘢飲我就推介牛油果沙冰🥑因為去到東南亞地方我就好鍾意飲呢樣嘢，仲有到粒粒牛油果，真材實料😆